Massachusetts Association of Somali
Students
BAAQ NABADEED
-
KU: Madaxweynaha DKFS Mudane
Cabdulaahi Yusuf Axmed
-
KU: Madaxwynihii Hore Mudane
Dr. Cabdiqaasim Salaad Xassan
-
KU: Madaxweynihii Hore Mudane
Cali Mahdi Maxaned
-
KU: Hogaanka Beelweynta
Sharafta Leh ee Hawiye
-
KU: Hogaanka Beelweynta
Sharafta Leh ee Daarood
-
KU: Culimaa'udiinka,
Aqoonyahanadda, Siyaasiyiinta,
Ururadda Bulshadda,
Ganacsatadda iyo Ururadda
Islaamiyiinta.
Waxaan marka hore idinku salaameynaa
ASALAAMU CALEYKUM WALARAXMATULAAHI
WABARAKAATU.
-
Madaxweynaha DKFS mudane
Cabdulaahi Yusuf Axmed waxaan
kuu soo jeedineynaa talooyinkan
qiimaha leh, maadaaama aynu
nahay ardeydda Soomaaliyeed ee
degan gobolka Massachusetts ee
dalka Mareykanka. Waxaana kaa
rajeynaynaa in aad naga aqbashid
Baaqan Nabadeed.
-
In
diinta Islaamku ay noqoto
halbeega ugu weyn ee lagu raadin
karo xalka Shacabka Soomaaliyeed
ee dhiban 16 kii sano, iyo in
Diinta Islaamka aysan ka noqon
DKFS agteeda DIIN ARGAGAXISO.
-
In
aad u cadaalad samyesid dhamaan
Shacabka Soomaaliyeed.
-
In
aad inta badan ku xalisid
wadahal dhexmara qabaa'iladda
wax ka tabanayo DKFS.
-
In
aad la kaashatid xalka dalka
Soomaaliyeed Hogaan
Dhaqameedyadda, Culimaa'udiinka,
Aqoonyahanadda wadaniyiinta ah
iyo dhamaan shacabka
Soomaaliyeed meel walbo ay
joogaan.
-
In
aad shaki bixisid Umaadda
Soomaaliyeed ee aan ku
kalsooneyn Joogitaanka
Ciidamadda Itoobiya xiliga ugu
dhaqsaha badan ay baxayaan.
-
Madaxweynihii Hore Mudane Dr.
Cabdiqaasim Salaad Xassan iyo
Madaxweynihii Hore Mudane Cali
Mahdi Maxamed. Sidoo kale waxaan
idiinka rajeyneynaa in aad naga
aqbashaan talooyinka aan ku
xusnay BAAQAN NABADEED.
-
In
aad u horseedaan Umadda
Soomaaliyeed siday u soo ceshan
laheyd Nabadgalyadeedda,
Qaranimadeedda, Midnimadeeda iyo
Walaaltinimadeedii idinkoo la
kaashanaya Madaxweynaha DKFS
Cabdulaahi Yusuf Axmed.
-
In
aad meel iska dhigtaan kala
duwanaanshaha aragtiyadda aad ka
qabtaan midkiin midka kale, una
soo jeesataan in aad heshaan wax
aad isku waafaqsan tihiin oo dan
u ah Umadda Soomaaliyeed.
-
Idinkoo wadda jira in aad soo
booqataan Madaxweynihii hore
Mudane Aadan Cabdulle Cusmaan,
Madaxweynahaas oo u ah astaan
taariikheed oo aysan ilaawi
karin Shacabka Soomaaliyeed iyo
dhamaan Qaaradda Afrika.
-
Hogaanka Beelweynta Sharafta
Leh ee Hawiye iyo Hogaanka
Beelweynta Sharafta leh ee
Daarood. Idinkoo wada jira
waxaan idiin soo jeedin laheyn
talooyinkaan qiimaha badan,
waxaana idiinka rajeyneynaa in
aad naga aqbashaan haddii uu
Alle Idmo.
-
In
aad garataan marka hore in aad
tihiin walaalo wadaaga Diin,
Dhalasho, Luqad, Deegaan, Dhaqan,
Midib iyo hal cadow taas oo u ah
cadeyn ineydan kala maarmin
marnaba.
-
In
aad abuurtaan qorshe wanaagsan
oo umadda Soomaaliyeed u noqda
baal Dahab ah iyo taariikh aan
la'ilaawi karin, qorshahaas oo
xal u ah dhamaan dadka ku
abtirisadda beelahaas, si loo
abuuro isu soo dhawaansho,
isjecel, iyo wax wadaag.
-
In
midkiin midka kale uu martiqaado
si sharf leh oo ay Umadda
Soomaaliyeed ka dhigan karto
tusaale lagu daydo.
-
In
marxaladdan aad arin walbo aad
ku dhameysaan Dulqaad, Isfahan,
iyo wax walbo oo Umadda
Soomaaliyeed u horseedayo
Mustaqbal wanaagsan.
-
Culimaa'udiinka, Aqoonyanadda,
Siyaasiyiinta, Ururadda
Bulshadda, Ururadda
Islaamiyiinta, iyo Ganacsataadda
Soomaaliyeed meel walbo ay
joogaan. Waxaan idinkana idinka
rajeyneynaa in aad naga
aqbashaan Baaqeena Nabdeed, kaas
oo xambaarsan talooyin wax ku oo
ah, oo u baahan in la fuliyo.
-
In
aad marka hore ogaataan in
NABADDA ay tahay furaha
horumarka Umadda Soomaaliyeed.
-
In
aad kala saartaan Diinta iyo
Qabyaaladda, Aqoonta iyo
Qabyaaladda, Siyaasadda iyo
Qabyaaladda, Ganacsiga iyo
Qabyaaladda, iyo Dowladnimadda
iyo Qabyaaladda.
-
In
aad horseed u noqotaan in Nabad
lagu soo dabaalo dalka
Soomaaliya.
-
In
wax walbo aad ka hormarisaan
DANTA GUUD iyo in raadisaan Umad
Soomaaliyeed oo uu Ilaahey raali
ka yahay.
ALAAHU AKBAR WALILAAHIL XAMDU
Telephone# 617-445-1200
abdulkadirhindi@yahoo.
Afeef:
Aragtida qoraalkan waxaa leh qoraaga ku
saxiixan
Faafin: April 1, 2007
|