Qaarka mid ah gabdhaha ku
nool east ham ama Bariga London oo deeq lacageed soo
gaarsiiyay dhawacyada ku jira isbitaalda madiina iyo banadir
Maxamed Qaali Cali oo taleephonkiisa gacantu uu yahay
002521/5561742 iyo Fahmo Ibraahin Cabdi ayaa u qeybiyey
isbitalka Madiina iyo isbital Banaadir bukaano ku sugan oo
la il daran dhaawacyo ka soo gaaray dagaaladii dalka
mudooyinkii ugu danbeeyey .
lacag gaareyso Konton Milyan oo shillin Somali ah oo u
dhiganta ($3000 Dollar-ka) Mareykanka oo shirkada Qaran ay
soo dhigeen gabdho muwaadiniin Soomaaliyeed ah diiday in
magacooda la xuso sababo ay ku sheegeen in ay hor ilaahay
ula baxeen.
kuwaasoo
ku dhaqan Bariga magaalada London ee dalkaasi Ingiriiska,
waxayna gabdhahan ku sadaqeysteen lacagtan, oo loogu tala
galay in loogu deeqo dadka dhaawacyada qaba ee ku jira
Isbitaalada Madiina iyo Banaadir. 34 milyan in ka badan ayaa
loo qeybiyey dadka ku jira isbitaalka madiina halka
banadirna la gaarsiiyey inta soo hartey oo ka badan 16
milyan oo shililin
Bukaanadan ayaa isugu jira kuwo aad u liita oo qaarkood ay
koomo ku jireen iyo kuwo ka soo reynayo oo isugu jira
Da’walbo iyo dabaqad kasta waxeyna ka koobnaayeen qeybaha
kala duwan ee Bulshada Soomaaliyeed iyada qofiiba la siiyey
300 kun shilin qarna la siiyey laba boqol kun shilin somali
halka kuwa rona la siiyey 100 kun walow ayba sidaa u sii
badneyn .
Intii aan ku guda jirney howsha qeybinta lacagtaan gaareyso
Kontonka Milyan ayaan dadkii halkaa aan kula kulanay waxaa
aad ka dareemeysay wajiyadooda sida ay ugu faraxsanyihiin
deeqdaan lacageed ee walaalaooda gabdha reer East London ama
Newham ay ugu tabaruceen.
Dhaawacyadaan ayaa waxay kala ahaayeen kuwo ka liita xaga
dhaqaalaha oo aan iska bixin karin Raajada iyo Raashinka iyo
waxyaabaha Daruuriga ah qaarkoodna aan cidi la joogin oo uu
isbitalku xanaaneeyo raashinkana loo Qaaraamo.
Dhaawacyada liita waxaa ka mid ahaa wiil yar oo lagu
magacaabo Barre Aadan kana mid ahaa dadkii uu dhaawacu ku
soo gaaray xaafada Xararyaale kaas oo ka go’ay lugta bidix
isla markaana dhaawac uu ka soo gaaray gacanta bidix iyo
feeraha Barre Adan intaa waxaa u sii dheeraa nooca dhiigiisa
oo laga waayey isbitalka dhaqaalena aan heysan ayaa nin
aanan garaneyn ugu deeqay dhiig noociisa oo kale ah si
mutadawacnimo ah wiilkani wax dhaqaale ah kuma heysto
isbitalka wax ehel u ahna lama joogin.
Sidoo kale dadka xubnohoodii waayey wey badnaayeen waxaase
ka darnaa Sheekh Mursal Macalin Yuusuf oo baraleys ah mudo 3
bilood ah ka dib markii ay dablay isbaaro u taalo degaanka
Daynuunay oo Baydhabo u dhow ay Rasaas la beegsadeen gaari
uu la socday taas oo sababatay in uu ka jabo labada Sinood
iyo Bowdada lugta midig iyada oo xabadi kaga dhacday kaadi
heysta ay wax yeelo u geysata kaadimareenka.
Dadkii aan halkaa ku soo aragnay lagama wada sheekeynkaro
waxaanse ka xusi karnaa marka laga soo tago kuwa koomada ku
jira Ciise Maxamed Adan oo ku dhaawacmay xaafada Shiirkole
maalintii diyaarada lagu soo riday magaalada Muqdisho,
Ciise hada waxaa ku kacday Teetano ka dib mudo sadax cisho
ah markii uu ku jiray isbitalka isagoon miyir laheyn ma kala
ogo waxaana la geeyey qol mugdi ah xubnihiisiina waxay
ahaayeen kuwo aan isku laabneyn oo qalalay.
Dadka dhaawacyada qaba ayaa dhamaantood waxey ahaayeen kuwo
u baahnaa deeqdaan lacageed hal qof mooyee oo isagu diiday
in uu qaato balse loogu kordhiyey qof kale oo dhinaciisa
jiifay oo u baahnaa gargar noocaan oo kale .
MUUSE MAXAMUUD JISOW
somali39@hotmail.com
Faafin: SomaliTalk.com | April 12, 2007
|