Wararkii: Apr 20, 2007
-
Qarax lala beegsaday Xarun ay ku sugnaayeen Ciidamada Itoobiya
- Dagaal Xooggan oo
ka dhacay Muqdisho
- Gaari Militari oo
Laga Qarxiyey Ciidanka Itoobiya
- Dil Loo Gaystay Mid
Kamida Darawaliinta Gaadiidka Dadweynaha Ee Basaska
Isaga Kala Goosha Wadajir Ilaa No-4 .
- Issimada gobolada
Nugaal , Sool iyo Cayn oo kulan ay ku nabadaynayaan
beelaha ku dagaalamaya Cagaare uga furmay hoolka
Shirarka PDRC ee Magaalada garoowe .
Qarax lala beegsaday Xarun ay ku sugnaayeen Ciidamada Itoobiya
Dad goobjoogayaal ah ayaa sheegay in qarax gaari lala beegsaday xarun ay ku sugnaayeen ciidamo Itoobiyaan ah oo gaaraya boqolaal, xaruntaas oo ku taal cirirfka magaalada Muqdisho.
Axmed Maxamed Shardi, oo ah dareewal wadey
gaari bas ah, waxa uu sheegay in uu arkay in gaari ka dambeeyey uu ku leexday meel xarun u ah ciidamada Itoobiya oo 30 mile Koonfur ka xigta Muqdisho, kaddibna uu gaarigii qarxay.
"Qiiq badan ayaa aagga qariyey," ayuu yiri Axmed Maxamed Shardi oo khadka telefoonka kula hadlay hay'adda wararka ee AP, waxana uu intaas ku daray "Aniga iyo dadkii rakaabka ahaa ee baska saaraa waa argagaxney. Ma garanayn meel aan aadno."
Wararku waxa ay sheegeen in halkaas oo xarun u ahaan jirtey ciidamadii Qalabka sidey ee Soomaaliya 16 sano ka hor, in hadda gudeheeda sida caadiga ah ay ku xereedaan toban gaari oo ah nooca pickup ah oo ay saaran yihiin qoryo culus, waxa kale oo xaruntaasi
ay hadda ku qalabaysan tahay qoryaha uu ka dhaco hubka culusi, ayey tiri AP. [Waa
xaruntii
ciidanka Asluubta
Soomaaliyeed ee ku dhow Ex Control Afgooye.] Salaad Cali Jeelle oo ah ku xigeenka wasiirka Difaaca DFKMG waxa uu qaraxa gaariga ku eedeeyey Al-Qaeda, waxana uu sheegay in dadka dhintay ay yihiin oo keliya kuwii gaariga saarnaa. Laakiin Aljazeera waxay sheegtay in dad goobta
ka ag dhowaa ay arkayeen askar itoobiyaan ah oo dhaaca ah. Warka Aljzeera waxa uu intaas ku daray Boqolaal Itoobiyaan ah ayaa halkaasi xarun u tahay.
Dagaal Xooggan oo ka dhacay Muqdisho
Dhanka kale waxaa kale oo Khamiistii magaalada Muqdisho ka dhacay dagaal aad u culus oo aan si rasmi ah loo ogeyn inta dad ah ee ku dhintay.
Hay'adda AP waxay werisey in dagaalkii Khamiistii ee dhexmaray ciidamada Itoobiya iyo kooxaha Muqaawada in uguyaraan 12 qof ku dhinteen.
Axmed Warsame oo ah Ganacsade waxa uu sheegay in uu maqlayey madaafiic ku soo dhacaysey dhanka Koonfor-Galbeed ee Magaalada. Waxana uu intaas ku daray in uu
arkay siddeed qof oo meyd ah oo dariiqa yaal.
C/laahi Xasan Cali oo ah arday dhuigta Jaamacadda
waxa uu sheegay in madaafiic kusoo dhacayeen Guryaha dhanka Woqooyi-Bari ee magaalada Muqdisho. Waxana uu sheegay in uu afar meyd ah ku arkay hal guri.
Gaari Militari oo Laga
Qarxiyey Ciidanka Itoobiya
Dhanka kale waxaa qarax lala beegsaday gaari militari oo ay leeyihiin ciidamada Itoobiya oo marayey cirifka magaalada Muqdisho.
Qof joogey aagga gaariga lagu qarxiyey waxa uu sheegay in uu maqlay gaari Itoobiyaan ah oo qarxay kaddib markii uu dhaafay meel farmashiye ah. Gaarigaasi waxa uu ka mid ah labo gaari oo sidey ciidamo Itoobiyaan ah
oo kusii jeedey dhanka koonfureed ee Soomaaliya.
Yuusuf Cusmaan waxa uu sheegay in uu arkay gawaaridaas Itoobiya oo sii dhaqaaqaya,
laakiin daqiiqadoo gudahood waxa ay maqleen qarax, waxayna arkeen hal gaari oo holcaya. Waxana uu sheegay in uu u malaynayo in dhammaan askartii gaarigaas saaraa ay dhinteen.
Cali Xuseen Maxamed, oo dariiqa wax ku gada, waxa uu AP u sheegay in uu arkay 10 askari oo Itoobiyaan ah oo dhaawac ah oo dariiqa yaal.
Yuusuf Osmaan waxa uu sheegay in markii qaraxu dhacay
uu askartii saarnay gaariga labaad ee Itoobiyaan ahay rasaas ku fureen gaari bas
ah oo meesha marayey waxana uu sheegay in uu arkayey laba qof oo dhaawacmay, laakiin ma sheegi karin dadkii baskaas saaraa
in ay qaybi dhimatey iyo in kale.
Dhinaca kale ee magaalada qof hay'adda AFP waxay
sheegtay in qof ka ag dhowaa uu sheegay in siddeed qof ay dhinteen kaddib markii madfac ku dhacay meel boosteejo ah oo basaska laga raaco oo ku taal koonfurka magaalada.
Dagaalkii Bishii Maarso ee sannadkan ee ka dhacay
Muqdisho waxaa lagu qiyaasay in ay ku dhinteen 1,000 qof, sida ay sheegtay Aljazeera.
Hay'adda AP waxay sheegatay in ciidamada Itoobiya intii ay soo galeen Soomaaliya in ay dagaalada ku dhinteen boqolaal qof.
Hay'adda Qaramada Midoobey qaybta u qaabilsan
qaxootigu waxay sheegtay in ilaa bishii Febraayo ee sannadkan in Muqdisho ay ka qaxeen
dad lagu qiyaasay 200,000 oo qof.
Itoobiya oo Loo Sheegay in ay Soomaaliya ka baxdo,
haddii kale waxay la kulmi doontaa Dagaal
aan hore loo arag
Sheikh Shariif, Sharif Xasan,
Xuseen Caydiid oo ka hadlayey shir saxaafadeed,
Casmara, Eritrea, Apr 18, 2007 |
Itoobiya waa in ay ka baxdo dalka Soomaaliya si degdeg ah
haddii kale waxay l akulmi doontaa "dagaal aan ciidan is hortaagi karin", waxaa digniintaas Arbacadii bixiyey saddex hoggaamiye Soomaaliyeed, sidaas waxaa warka ku bilowday hayadda AFP.
Saddexdaas hogaamiye waa xubin sare oo ka
mid ah Maxkamadaha Islaamiga Sheikh Shariif Sheikh Axmed, iyo Sharif Xasan Sh. Aaden guddomiyihii hore ee baarlamaanka DFKMG iyo Xuseen Caydiid oo jago ka haya Dawlada
FKMG ee Soomaaliya, kuwaas oo kulan ku yeeshay caasimada Eritrea.
Xuseen Caydiid waxa uu sheegay in Soomaalidu u midoobi doonto
ka soo horjeedsiga ciidamada Itoobitya ee ku jira Soomaaliya.
"Ilaa hadda waxaan isku deyeyney wadahadal in aan kaga saarno iyaga laakiin haddii ay wadashaqaynta diidaan... wax kasta dhinac ayaan dhigeynaa si aan Itoobiya annagu u saarno"
ayuu yiri Xuseen Caydiid oo warfidiyeenada la hadlayey.
"Boqolkiiba 10% wax ka yar oo ciidamadaya ah ayaa hadda la dagaalamaya Itoobiyaanka. Waxaan idiin sheegayaa in wax ciidan ah oo is hortaagi karaa aysan jirin waxa soo socda," Ayuu yiri Xuseen Caydiid.
Dil Loo Gaystay Mid Kamida
Darawaliinta Gaadiidka Dadweynaha Ee Basaska Isaga Kala
Goosha Wadajir Ilaa No-4 .
yaasiin maxamed cali (faytin)
yaasiinfaytin@hotmail.com
Mid kamida darwaliinta wada baaburta mini buska ee gaadiidka
dadweynaha ayaa maanta ciidamada dowlada kmg ah ee ka howl
gala KM-4 ay ku dileen deegaankaas .
Dilkan ayaa sida la sheegay waxaa uu dhacay wadada isku
xirta xaafada buulo xuubey oo ka tirsan degmada wadajir iyo
inta u dhaxaysa km-4 oo dhowaanahanba ay xiisado colaaded ka
taagnaayeen oo u dhexeeya xoogaga muqaawinada iyo ciidamada
huwanta ee dowlada kmg ah iyo kuwa Ethiopia .
Sidoo kale wadada isku xirta degmada wadajir ilaa KM-4 ayaa
ka go,an agagaarka hotel saxafi ,waxana gooyey kadib markii
dhowaan ciidamada dowlada kmg ah ee ka howl gala halkaasi
lagaga diley labo kamida askarta dowlada oo la shegay inuu
ku jiray sarkaal , islamrkaana ay ka howl galeen cidamada
dowladu isla goobahaas kuna baabiyeen boqolaal meheradood oo
kasamaysnaa jiingado iyo al-waaxyo.
dilkan ayaa sida ay xaqiijinayaan goob joogayaal ku sugnaa
goobta dilku ka dhacay ay sheegeen in baaburkaas ay
istaajiyeen ciidankaasi islamrkaana mid kamida ciidanka
dowladu uu darawalkii soo dejiyey halkaasna ku toogtey .
Ma jiraan warara kale oo dheeraad ah oo kasoo baxaya ninka
darawalka ah ee lagu diley isla goobtaasi ,balse waxay la
xaqijinaya inay toogteen ciidamada dowlada kmg ahi.
Xaalada colaadeed ee ka aloosan magaalada muqdisho ee u
dhaxaysa xoogaga muqaawinada iyo ciidamada huwanta ah ee
dowlada kmg ah iyo Ethiopia ayaa marba marka kasii dambaysa
sii kululaanaysa iyadoo ay ku dhex baaba,yaan dadka rayidka
ah ee aan waxba galabsan.
Mid Kamida Gawaarida
Ciidamada Ethiopia Oo Lagu Gubay Wadada Isku Xirta Afgooye
Iyo Muqdisho.
Qarax xoogan oo uu ku shuf beelay gaari Uraal ah oo ay
saarnaayeen ciidamo Ethiopian ah oo mararayay agagaarka
jaamacadda Lafoole ee degmada Afgooye ee gobolka Sh/hoose oo
gaystay dhimasho dhaawacyo daran ayaa ka dhacay deegaanka
jamacdii hore ee lafoole oo ku taala wadada isku xirta
afgooye iyo muqdisho .
Qaraxaan ayaa waxaa la sheegay inuu ahaa mid aad u xoogan
islamrkaana uu ku baaba,bay gaarigaas oo ahaa nooca Uralka
ee qaada ciidamada xukumada Ethiopia ,inkastoo si rasmi ah
aan loo ogeyn dhimashada iyo dhaawaca gaaray ciidamada
Ethiopia ,balse dad goob joogayaal ahi ay sheegen inaysan
waxba ka baxsan qaraxan oo ahaa mid xoogan .
Qarxaaan ayaa markii uu dhacay ka dib ciidamada Ethiopia
waxa ay rasaas ku fureen gaari caasi ah oo wadada marayey
islamrkaana ay saarnaayeen dad rayid ah, iyadoo rasaastaasi
ay dhaawac u geysatay dad rayida islamrkaana lagu sheegay
inay dhaawacyo kasoo gaareen 4- ruux oo ay kamid ahayd gabar
yar oo da,deeda lagu qiyaasay 2-sano .
Dhinaca kale deegaanka u dhexeeya afgooye iyo muqdisho ayaa
waxaa daadsan dadka rayidka ah ee ka barakacay dagaalada
magaalada muqdisho kuwaasoo qaarkood aysan haysan wax hooy
ah oo ay ka galaan roobabka gu,ga oo bilowday xiligan
islamrkaana ay saamayn kale ku yeelan karto hadii dagaalo
kale ka dhacaan deegaanada loo barakacay ee wadada isku
xirta afgooye iyo muqdisho .
Baabuur Nooca Ciidamada
Ee Qorayaha Xambaara Oo Ka Baxsaday Dowlada KMG Oo U Galay
Dhinaca Xoogaga Kacdoonka Wada .
maalinki shalay ahayd ayaa waxaa ciidamada dowlada kmg ah si
lama filaana uga baxsaday gaadhi nooca ciidanka ee qoryaha
xambaara oo u saaran yahay qoriga zu-ga islamrkaana ay
saarnaayeen ciidan lagu qiyaasay ilaa 50-askari .
baaburkan oo sida wararku sheegayaan ahaa nooca loo yaqaano
TM-ka ayaa ka baxsaday ciidamada dowlada kadib markii dagaal
xoogan oo socday mudo kooban oo saacad ka yar uu ka dhacay
agagaarka degmada wardhiigley ilaa , shibis ilaa garoonka
studyow muqdisho oo ahaa goobihii ay habeen hore la isku
fara saaray.
Sidoo kale ilaa 3- hoobiye ayaa kusoo dhacay xalay
maqribnimadi suuqa Bakaaraha, oo laga cabsi qabo inuu hadii
u dagalku sii socdo inuu suuqa weyn ee bakaaraha inuu
saamayn ku yeesho .
Gaarigaan uu saaran yahay qoriga Zuu-ga ah ayaa si wayn u
soo dhaweeyeen kooxaha la baxay xoogaga wax iska caabinta
wuxuuna ka soo degtay taalada Sayidka oo fariisin u ahayd
ciidamo kas tirsan dowlada kmg islamrkana uu si xoog ah
kusoo maray , waxaana dhoola-tus ahaan loosoo marsiiyay qaar
ka tirsan wadooyinka waaweyn sida wadada Wadnaha, 30ka iyo
Warshadaha.
Goosashada gaarigaan qorigu saaran yahay iyo ciidanka wata
ayaa si weyn looga dareemay magaalada muqdisho ,iyadoo aysan
jirin wax masul ah oo ka tirsan dowlada kmg ah oo ka hadlay
arintan lama filaanka ah
Si kastaba ha ahatee xaalada coladeed ee u dhaxaysa kooxaha
la baxay xoogaga kacdoonka wax iska caabinta iyo ciidamada
xukumada ethiopia ayaa cirka isku sii shareeraysa marba
marka kasii dambaysa taasoo laga cabsi qabo inay dhacaan
dagaalo kale oo lagu hoobto .
yaasiin maxamed cali (faytin)
yaasiinfaytin@hotmail.com
Issimada gobolada Nugaal ,
Sool iyo Cayn oo kulan ay ku nabadaynayaan beelaha ku
dagaalamaya Cagaare uga furmay hoolka Shirarka PDRC ee
Magaalada garoowe .
19,April 2007-Garoowe
Xarunta Cilmi Baarista Puntland ee PDRC ayaa maanta waxaa ka
furmay shir ay iskugu yimaadeen Issimada gobolada Nugaal ,
Sool iyo Cayn shirkaasoo ay Issimadu ay ku doonayaan in ay
ku heshiisiiyaan beelaha dhawaan ku dagaalamay deegaanka
Cagaare.
C/laahi Ciise Aw-axmed Guddoomiyaha gobolka Nugaal , ahna
Af-hayeenka Kulankaan Nabadeynta Beelahaan ayaa saxaafada u
sheegay sida uu ahmiyada u leeyahay kulankan , wuxuunta
tilmaamay in ay iyagu leeyihiin farsamada balse ay hawsha ay
hormuud ka yihiin Issimada gobolku.
Hawshan qabanqaabadeeda ayaa waxaa wada 17 Xubnood oo ay ka
mid yihiin Wasiirada Waxbarshada iyo Qorshaynta Axmed Siciid
Aw-nuur iyo Cabdi Salaad , Maamulka gobolka ,Aqoonyahan iyo
Odayaasha deegaanka.
Kulan horudhac ah oo xalay lagu qabtay PDRC ayaa Issimada ka
yimid Sool iyo Cayn si wayn loo soo dhaweeyay , Islaan Ciise
Islaan Maxamed iyo Suldaan Siciid Maxamed Garaase ayaa
labaduba sheegay in ay aad ugu faraxsan yihiin imaanshaha
Issimadan waliba ajiibida ay ajiibeen codsigooda nabadeed.
Waxayna Ilaahay ka baryeen in ku guuleeye heshiiskan ay
doonayaan in walaalahooda ay ku dhexdhexaadiyaan.
Deegaanka Cagaare , ayaa beryahaan waxaa ka taagnayd colaad
u dhaxaysa laba beelood oo ood-wadaaga , kadib markii
dhexmaray muran salka ku haya lahaansho deegaan , waxaana
dagaalo goos-goos ah oo dhexmaray beelahan ku geeriyooday
ilaa 10 qof tiro kalana waa ay ku dhaawacmeen.
horay ayaa waxaa loogu guul daraystay heshiisyo laga
dhexwaday waday beelahan , hase ahaatee iminka ayaa waxaa
muuqata rajo wanaagsan oo lagu heshiisiin-karo beelahan ,
maadaama labada beeloodba laga hayo balan qaad buuxa oo ay
ku aqbalayaan go'aamada ka soo baxa kulankan.
Dhanka kale Culuma-udiinka Puntland ayaa si wadajir ah baaq
ay u soo wada saareen ugu baqay maamulada P/land iyo
Somaliland sidii ay u dejin lahaayeen xiisada colaadeed ee
ka oogan Gobolka, iyagoo culumadu- ugu baaqay gaar ahaan
shacabka labada maamul in ay arrintaan ay meel uga soo
wada-jeensadaan uguna cadaadiyaan labada maamul sidii looga
hor tagi lahaa dagaalka lagu hoobto.
qofkii afkiisa iyo adinkiisa dadka islaamka ah ka
nabad-galaan ayaa Muslim ah, sidaa waxaa yiri culamada, sida
lawada ogyahayna shacabka Reer Puntland waa kuwo ayidsan ,
kalsooni buuxdana ku qaba culamdooda, iyadoo kuwa
Somaliland-na laga filaayo sidoo kale sidaa waxaa yiri midka
mid ah culumada ku saxiixan baaqaan nabadeed,
Maxamuud Cumar Bulle,
Garoowe.
mcbille@gmail.com
Faafin:
SomaliTalk.com | April 20, 2007
Soomaalida
dalka Belgium oo dhigay bannaanbax lagu
dalbanayo in Ethiopia ay ka baxdo
Soomaaliya
Mudaaharaad
looga soo horjeedo xasuuqii Xamar &
joogitaanka Ciidamada
Ethiopia oo ka dhacay Washingto, DC.
|