ISU SHEEG INAADAN ITOBIYAN AHAYN. 

 Cabdiraxman Sh. Ismaciil (Abuuturaab).
Abuturab100@gmail.com

Waxan Itobiyanka kaga adkaan karna in aan midowno, dagaalada socda iyo kuwa la qorsheynayo, si Itobiyanka dalka looga saaro dhammaantood miro dhal ma ahan.Hoobiye toban askari oo Itobiyan ah ka nixiya, toban qof oo Somaliyana sababa in ay dhintaan guul ma ahan, kan hoobiyahaas tuurayna wuxuu lug'gooyay shacabka Somaliyed, sababtoo ah muqawamo ma ahan in aad madfac tuurto, madfacaagii uu dilo toban qof oo Somaliya, iyo askari Itobiyana, kadibna Itobiyanku aagii ololiyaan, oo boqol qof dilaan boqol gurina dumiyaan, hadalkuu yiri mas'uul reer Hiraan ah waqti dhaw, Qofkii askarta Itobiyanka qarxiya annaguu naqarxiyay, macnaheedu ma ahan in uu difaacayo ciidamada Itoboyanka, xaqiiqadaase saas ah oo haddii Itobiyanka wax loo gaysto waxay ku caranayaan shacabka meesha dagan, mafakarayaalka wax tuurayana waxay ula jeedaan shacabka ha lalaayo si ay u kacaan oo ay u diriraan, waase fikir khaldan, waxana cad in aysan shacabka u naxayn oo ay rabaan in ay ku daneystaan oo kaliya, 

Waxan ku talinayaa in shacabka Somaliyed taageero buuxda siiyaan ciidamada dawladda ku meelgaarka iyo ciidamada AMISOM, lashaqeyno soo dhaweyno,dhaqaaleyno,  dhiirri galinno, oo aan dawladda tageerno, ciidamada Itobiyankana la cuna qabateeyo, laga fiigo, aan lasoo dhaweyn, Qofkii askari Itobiyan ah soo aado,  askariga Somaliga magan galo,  waxay dawladdu noqonaysaa dawlad dal iyo dad leh markaas waxay dawladdu oranaysaa Itobiyanka waad ku mahadsantihiin sidaad noo caawiseen baahidiina hadda way dhammaatay, shacabkuna wuu idinka didsan yahay si ay u ogaadaan in aad caawinayseen ee aydan u imaan in aad dalkooda qabsataan hadda iskabaxa, saaxiibtinimo wanaagsan iyo darisnimo wanagsan.  

Waxan ku riyooday anoo jooga meel kale, sida muqdisho  waxan joognay masajid waqtigii laxiri lahaa masajidka baan waxan arkay niman isu qorsheynaya inay seexdaa masjidka, sida caadiga ahna masjidka lama seexdo, waan dul imid si aan ula dardaarmo, nin ka mida nimankii baa wuxuu igu yiri anigu dadka masajidka kama furayo, markaan dadka masajidka ka furo way iga cararayaan sababtoo ah waxan u ekahay Itobiyan waxay ii malaynayaan Itobiyan markaasay iga cararayaan, annagoo la talineyna oo leh dadka ka daba qayli oo waxad tiraahdaa Itobiyan ma ahi,  baa waxa masjidkii soo galay askari Somaliyed oo labisan (milatary) oo rabay in uu masjidka ku tukado, wuxuu qaatay sijaayad si uu ugu tukado, intuusan salaadii wili galin baa ninkii Itobiyanka u ekaa wuxu u dhaqaaqay dhankii askariga si uu ula hadlo, markaasaan ku qaylinay oo niri war isu sheeg askariga in aadan Itobiyan ahayn si aanu kaaga cararin,

Waxa riyada ku cad in askariga iyo shacabku iskusi u neceb yihin, ugana cararayaan Itobiyanka, waxase isu keenay duruuf, (Annagoo heshiin waynay),haddii taas dhamaato anagoo midaysan Itobiyanku nama haysan karo. 

Haddaan askariga Somaliga iyo kan Itobiyanka isku si ula dhaqanno,oo aan dhahno waa gaalo iyo gaalo raac, oo aygoo tukanaya la qarxiyo waa wax diinta iyo caqligaba ku xun, waana sidaan ku dulloobeyno oo aan cadaw ugu gacan galayno,Askarta dawladdu waa wiilasheennii, waa walaaleheen, way noo naxayaan, way najecel yihiin, waa inaan jeclaanno, waa inaan soo dhaweyno, waa inaan niyad  sami u muujinno. 

Waxan ka naxay hadalkii Sh. Yusuf Indhacadde waqtiguu bilabayay dagaalkii Baydhabo, mar BBC waydiisay wuxu yiri; waxan la dirireynaa Tigree, waxay taasu caddeyneysaa inuusan Sheekhu kala jeclayn in uu askari Itoboyana dilo iyo inuu askari Somaliya dilo, Taasna waa faham qaldan,(Waxan la yaabay caddaaladana ka fog in nimanka Addis ababa ku xiran ku gaaloobaan nimanka Casmarana ay saxan yihiin) ciidamada Somalidu goormey noqdeen Tigree?, hadduu isu arko mujahid dadka iyo dalka badbaadinaya, waxa u horeya oo mudan in dadka laga badbaadsho waa naar iyo dhimasho, waxay ahayd in uu abhiyo ciidanka dawladda, siduu sameeyay Sayyidkeennii Xusseen bin Cali bin Abi-dalib (Allaha ka raalli noqdee), markay soo weerareen daalimiintu lama usan diririn ilaa uu abhiyay, Somalidii hore oo reer badiyaha ahayd haddii qof soo weeraro way abhin jireen intaysan la diririn, si haddey dilaan aan dambi aakhiro loogu qabsan, sidaasuna waa fahamka saxda ah ee diinteenna sharafta badan,waxa xusid mudan hadalkii Ra'iisul wasaare Cali maxamed Geeddi markuu qabsaday Mogadishu, BBC waydiisay ma faraxsan tahay maadaba aad guuleysateen? wuxu ku jawaabay maxaan ku farxaa dadkaygiibaa is laynayee. 

Waxan codsanayaa taladiinna iyo taageeradiinna. 

Cabdiraxman Sh. Ismaciil (Abuuturaab).

Abuturab100@gmail.com