Gaadh-haye " Shirka Qaran Ee Beelaha Soomaaliyeed U Socdaa Weli
Uma Gudbin Xaalada Dhabta ah...
Waxaannu waraysi dheer oo ku saabsan Shirka dib u heshiisiinta qaran ee
beelaha soomalida ee ka socda Magaalada Muqdisho kala yeelanay maxamed
Saaleebaan botaan (gaadh-haye) oo ka mid ah ergada shirka ka qayb gelaysa.
wuxuuna u dhacay sidan:-
Su'aal:
sidee u aragtaa sida uu u socdo shirka dibuheshiisiinta ee ka socda Magaalada
Muqdisho?Jawaab
.Shirka Xamar ka soconaya run ahaantii sida uu hadda u socdo waxaan u arkaa in
uu ku jiro arar ee aan weli loo gudbin arimo wax ku ool ah.Su'aal
: shirku hada waxuu socnayaa mudo bilo ah miyaan la oran karin heshiiska beelaha
ee ay isimad saxeexeen iyo midda midnimada dalka oo la yiri waa muqadas waa wax
ku ool ?.
jawaab:
waa wax caadi ah waayo sida la ogsoon yahay Shirkii Carta ee sanadkii 2000
dhacay ee dhammaan Isimada soomaaliyeed waxay saxeexdeen Heshiis, iscafis ah iyo
isucelin wixii hanti ma guurto ahaa mana suura gelin waayo Dowladdii fulin
lahayd ayaan shaqayn, marka maamul arimahaas fuliya ayaa muhiim ah haddii kale
warqado la saxeexaa waxba kordhin maayaan, arinta Midnimadana waa arin qofkasta
oo soomali ah u arko in ay muqadas tahay Xilkeeduna si gaar ah dowladda ayuu
saaran yahay sida ku cad qodobo badan oo axdiga Fkmg ah.Su'aal:
Qaybta Siyaasadda ee la sheegay in uu shirku u gudbi doono waxaa jirta in
barlamaanka FKMG ahi uu ka soo hor jeedo oo ay leeyihiin Waxaannu ogolaanay Shir
dibuheshiisiin oo Beelaha soomaaliyeed ah ee waa in taas lagu ekaadaa, marka
sidee loogu gudbayaa in shirku ka hadlo arimo siyaasadeed.Jawaab
: Barlamaanku wuxuu uu dhisan yahay Sadex sano oo uu inta badan Baydhabo
fadhiyey welina ma imaan magaalo madaxda Dalka ee Muqdisho, una malayn maayo in
uu oran doono dadka soomaaliyeed kama talin karaan aayaha dalkooda iyo dadkooda
waxayna ila tahay in ay taageeri doonaan cid kasta oo ka shaqaynaysa Xalka
dalkan ee jaahwareeray.Su'aal:
waxaa lasheegayaa in uu si dhaqso ah u soo gabagaboobayo shirku maxaa ka jira
arintaas?Jawaab:
Waxaan u malaynayaa in uu socondoono illaa inta xal laga gaarayo guud ahaanba
xaaladaha dalka uuna sii salbalaadhanayo.Su'aal.
Maxaad uga jeedaa sii salbalaadhanayo?,
Jawaab:-
Waxaan uga jeedaa in ay ku soo biiraan dad badan oo kala duwan oo aan hadda
shirka joogin .Su'aal
.Waxaa jirta in ergooyin ka Cabanaya in aan wax kharaj ah la siin sidii ay
shirka uga soo qayb galeen maxaa ka jira arintaas?.Jawaab:-
Ergada waxaa la dejiyey Hoteelo Jiif iyo Cunna laga siiyo wuxuuna u
sheegay shirgudoonku in lacagna la siin doono wax dhib ahna kama jirto
arintaaas.Su'aal:
Waxaa la sheegayaa in shirka ay ka soo bixi doonaan in dowladda la
taageero oo keliya ee aan wax kale ka soo bixi doonin maxaad arintaas ka
leedahay.?Jawaab:
Waxaan u malaynayaa in aan dowladdu doonayn wax aan dalka iyo dadka dan u
ahayn, oo aan xal resmi ah keeni karin, dadka shirka yimidna ay u yimaadeen in
ay ka taliyaan aayaha Dalka 17 sono ku jiray burburka iyo Baaba'a oo hadda loo
bislaaday in laga baxo dhibkaas.su'aal:
Dowladdu waxay sheegtay in ay Madaxbanaan yihiin guddiga shirka
hoggaaminaya balse ay dadka qaarkiis qabaan arin ka duwan oo ah inaysan madax
bananayn gudigu maxaad ka leedahay arinkaas ?Jawaab
: horta dowlada ayaa magacowday guddiga shirkuna wuxuu ka dhacayaa
muqdisho oo ay dowladdu deggan tahay waxayse ila tahay in cid kasta oo soomaali
ah uu howshan hareera iska taagi doono si run ahna loo wajihi doono oo aan waqti
dambe la iska lumin doonin.Su'aal:
Dad badan oo soomaaliyeed waxay aaminsanyihiin in aanay jirin beelo is
hayaa ee loo baahan yahay in siyaasadda laga heshiiyo maxaad arintaas kaga
jawaabaysaa:?Jawaab:
Waxaan u malaynayaa in aan waxba dib loo dhiganayn oo wax walba shirkan
lagu xalin doono oo aan loo kala kacayn illaa xal la gaarosu'aal:
Siyaasiin badan iyo kooxaha Eletariya jooggaa waxay sheegeen in aanay shirka ka
soo qayb gelayn iyaga oo sheegay in dalkii ciidamo shisheeye haystaan marka ma
suura galbaa in wax walba la xaliyo iyada oo aan kooxahaasi ka soo qayb gelin
shirka.
Jawaab
:waa lagama marmaan in shirguddoonku wada hadal la furo cid kasta oo muhiim u ah
shirka haddii la wada hadlana waxaan u malaynaya in wax walba la isku
afgarandoono oo aanay adkaanayn meesha iyo goobta lagu xalinayo xaaladaha dalka
ka taagan oo ay qof walba muhiim u tahay xalinteedu.
waxaa waraysigaasi soo qaaday weriye
yaasiin maxamed cali (faytin)
yaasiinfaytin@hotmail.com
Wararkii: Aug 24, 2007
Paddy Ankunda " Soomaaliya Xiligan Nabadi Kama Jirto Waxayna U Baahan Tahay
Ciidamo Nabad ILaalineed .
Afhayeenka ciidamada midowga afrika ee ay iminka ka joogaan ciidamada tirada
yar ee ka socda dalka Ugandha Paddy Ankunda ayaa daboolka ka qaaday in dalka
soomaaliya ay ka jiraan dhibato amaan xumo oo Qaramada midoobay looga baahan
yahay inay ciidamo nabad ilaaleineed keento soomaamaaliya .
Ankunda oo warbahinta ka hadalayey ayaa tibaaxay in wadanka soomaaliya aysan
ka jirin wax xasiliooni ah isdlamrkaana ay dhibaato siyaasadeed ka abuuran tahay
xiligan tasoo ayuu yiri ka abuurtay cadaawad iyo nabad la,aan ka jirta
soomaaliya gara ahaan casimada muqdisho .
Afhayeenka ayaa intaas ku daray in Qaramada midoobay ay ciidan deg deg ah
usoo dirto soomaaliya waayo ayuu yiri badanaaba Qaramada midoobay waxay ciidan u
raadisaa ama u dirtaa meel nabadi ka jirto hadaba miyaysan ku haboonayn inay
soomaaliya oo dhibaato amaan daro ka abuuran tahay ay ciidan usoo dirto .
Akunda ayaa ku dheeraaday ka hadlista amaanka soomaaliya gaar ahaan casimada
oo uu ku tiklmamay mid xiligan la yaab ku ah dadka dalka soomaaliya dhibaato
ba,an oo mudo soo jiitamaysay islamrkaana xiligan oo dowlad ka jirto kasii
daraysa .
Afhayeenka oo taa taabtay meelo badan oo ku biyo shubanaya sidii amaanka
soomaaliya ay Qaramada midoobay ciidamo iyo dhaqaale ugu soo diri lahayd ayuu
hadana waxuu carabka ku adkeeyey inay dhowaan wafuud ka socda dalka burundi ay
soomaaliya gaar ahaan caasimada imaan doonaan kuwasoo u kur geli doona sidii ay
ciidamadooda ugu soo aamini lahaayeen iyo in kale .
Hadalka Afhayeenka ciidamada Amisom ayaa kusoo beegmaya xaalada magaalada
muqdisho oo marba marka kasii dambaysa kasii daraysa tasoo ay habeen kasta ay ka
dhacaan dagaalo kafool kafool ah oo laysu adeegsanayo hubka noocyadiisa kala
duwan iyo weliba dilalka lala beegsanayo shaqsiyaadka .
SH, Shariif SH,Axmed Oo Ku Eedeeyey Dowlada KMG ah Inay Ka Dmabeeyaan
Dhibaatada Amaan Xumo Ee Ka Jirta Soomaaliya .
Sheekh shariif shekh axmed ayaa gaashanka u adruuray hadalkii ay dhowaan ay
saxaafada ka sheegeen hay,ada u dooda xaquuqul iinsanka ee ay ku sheegtay inay
dowlada KMG ah iyo weliba golaha maxakiimta islaamka soomaaliyeed ay ka
dambeeyaan dilalka joogtada ah iyo weliba xasuuqa ba,an ee ka jira soomaaliya .
Sheekha ayaa ku nuux nuuxsaday inay dhibaatada baahsan iyo dilalka dadka
soomaaliyeed ee shacabka ah loo gaysanayo ay ka dambeeyaan ciidamada Ethiopia
iyo weliba daba dhuilifkooda oo uu ula jeedo dowlada KMG ah .
Sidoo kale sheekha ayaa Qaadacay inay ciidamada xaq u dirirka ah ee u
dagalamaya xoernmadooda inay dhibaato gaystaan oo ula jeeday xoogaga sida weyn
uga soo hor jeeda ciidamada shisheeye islamarkaana ku tilmaamay inay
ciidamadoodu yihiin kuwo xoriyada shacabka soomaaliyeed u dagalamaya oo ah
xiligan kuwo la haysto islamrkaana ay kusoo duleen ciidamo axmaaro ah oo wata
kuwo daba dhilif u ah .
Sheekh shariif sheekh axmed oo ah gudoomiyaha golaha fulinta maxakiimta
islaamka soomaaliya ayaa eeda dhibatada ka jirta soomaaliya gaar ahaan casimada
dusha kaga tuuray madaxweynaha dowlada KMG ah c.lahi yuusuf axmed iyo weliba
ra,iisal wasaraha xukuumada Ethiopia melez zanawi .
Weriye Cabdi-Qaadir Mahad Oo Ay Dabley Hubaysani Ku dileen Jidka U Dhexeeya
Diinsoor Iyo Baardheere.
Wariye cabdi qaadir mahad oo ka tirsanaa idaacada radio banaadir oo
fadhigeedu yahay magaalada caasimada ah ee muqdisho ayaa u geeriyooday dhaawac
kasoo gaaray rasaas ay ku fureen gaari uu saarnaa dabley hubaysan oo jidka u
gashay baabuurkas .
Weriye cabdi qadir mahad ayaa idaacada banaadir uga soo warami jirey gobolka
gedo islamrkaana dhowaan safar ku yimid magaalada muqdisho oo uu ku qaatay
tababar xaga saxaafada ah islamrkaana iminka kusii jeeday gobolka gedo kadib
markii uu u dhamaaday tababarkasi xaga saxaafada ah .
Sidoo kale burcada jidgooyada isticmaasha ayaa kusoo badanaya wadooyinka u
dhexeeya gobolka gedo iyo weliba gobolka baay taasoo dhawacaysa isu socodka
gaadiidka u kala goosha gobvoladasi dersika ah .
Alaha u naxariistee Wariye C/qaadir mahad ayaa meydkiisa la geeyey magalada
bardheere islamrkaana maanta halkaas lagu aasay qabuuraha duleedka baardheere ee
loo yaqaano calanka .
Dilka ay burcada hubaysani u gaysanayso weriyayaasha ayaa dhowaanahan kusoo
badanaya dalka soomaaliya taasoo ka dhigaysa weriyihii shanaad oo ay burcad
hubaysani dil u gaysato .
geerida marxuumka ayaa waxaa tacsi tiiraanyo leh u diraya ururada saxaafada
ee ka jira soomaaliya gaar ahaan Ururka suxufiyiinta qaranka soomaaliyeed ee
NUSOJ oo fadhigiisu yahay magaalada muqdisho .
yaasiin maxamed cali (faytin)
yaasiinfaytin@hotmail.com
Faafin: SomaliTalk.com | Aug
24, 2007
Dhulka Soomaalida ee
Shidaalka laga baarayo miyaa ka riqiisan dhulka Afrikada kale, mase Madaxda
Soomaaliyeed ayaan adduunka la socon
| 
Daabaco
Boggan | Print
