WararkiI PL: Aug 27, 2007
- Gudiga amniga ee deegaanada Puntland oo soo saaray Go'aamo Xasaasi ah.
- Kulan baraarujin ah oo maanta lagu qabtay magaalada Qardho ee G/Karkaar
Gudiga amniga ee deegaanada Puntland oo soo saaray Go'aamo Xasaasi ah.
Xarunta madaxtooyada Puntland ee Garoowe waxaa kulan ku yeeshay gudiga
nabadgalyada gobalada dowlad gobaleedka Puntland oo ay ku jiraan xubno
golaha wasiirada ayadoo shirkaasi laga soo saaray go'aamo muhiim ah.
Shirkaan oo ahaa mid Saxaafada loo diiday ,waxaa shirgudoominayay
Madaxweynaha maamul gobaleedka Puntland ahna gudoomiyaha gudiga nabadgalyada
gobalka waxaa goob joog ahaa Madaxweyne kuxigeenka Puntland Xasan Daahir
Maxamuud ahna gudoomiye kuxigeenka nabadgalyada Puntland.
Kulankaasi ayaa laga soo saaray markii uu dhamaaday go'aamo ay isla gaareen
Madaxdii joogtay waxaana ka mid ahaa go'aamadii laga gaaray Warbixino kala
duwan oo ay soo bandhigeen masuuliyiintii shirkaasi ka qeybgashay.
1. Ayadoo la tixgalinayo xaalada nabadgalyada iyo Amniga Puntland ,waxa ay
dowladu awoodeeda koowaad saareysaa wax kastoo ka hormarineysaa Mudnaanta
lasiinayaa Difaaca deegaanadan.
2. Ayadoo Maamulka Puntland si joogto ah ugu howlgalo xalinta Khilaafaadka
beelaha Walaalaha ayadoo Maamulkuna door weyn arintaasi ka qaata.
3. Ciidamada Nabadgalyada waxaa farayaa in talaabo adag laga qaado ,lala
qabqabto sharcigana la horkeeno dadka amnidarada ka wada deegaanada Puntland
iyo Argagixisada deegaanadan ka wada amaan darada kuwaasoo iskugu jira kuwa
udhashay Puntland iyo canaasiir ay soo dirsadeen Cadowga Puntland.
4. In Booliska Magaalooyinka waa weyn ee Puntland noqdaan kuwa isku dhaf
ayadoo laga bilaabayo qorshahaas Caasumada Puntland ee Garoowe.
5. In Shaqsiyaadka faldambiyeedyada galay kala duwan meel walboo ay joogaan
Cadaalada la horkeena lagana jaasiiyo Danbiga ay galeen.
6. In aan la ogaalaan in Magaalooyinka Puntland hub lugu dhex qaato ayadoo
hubka loo ogol yahay ciidanka Amniga oo Kaliya markii howlgalo socdaan.
7. In La Xoojiyo lala dardargaliyo howlaha Isimada ,Nabadoonada iyo guud
ahaan Waxgaradka kaga jiraan nabadgalyada iyo Mideynta Bulshada.
8. In aan magaalooyinka ,degmooyinka iyo tuulooyinka Ciida Puntland lugu
qaban karin kulamo aysan ogeyn Wasaarada Amniga iyo gudoomiyaasha gobalada .
9. In la dardar galiyo lana joogteeyo Gudiyada nabadgalyada ee gobalada kala
ee Puntland.
Ugu danbeyn waxa ay gudiga nabadgalyada Puntland ugu baaqayaan Shacabka in
ay si firfircoon ula shaqeeyaan ciidanka amniga kala shaqeeyaan sugida
amaankooda iyo sidoo kale in ciidanka wax walboo ay ubaahdaan ay ku
taageeraan. Kulan baraarujin ah oo Axadii lagu qabtay magaalada Qardho ee G/Karkaar
Kulan ballaaran oo lagaga hadlayey ololaha ciribtirka cudurka dabaysha iyo
vitamine A, ayaa maanta lagu qabtay hooska shirarka ee cusbataalka guud ee
magaalada Qardho Kulankan ayaa waxaa ka soo qayb galay ururada bulshada
rayidka ah, waxgaradka iyo mas'uuliyiinta maamulka degmada Qardho.
Kulankan ayaa lagu soo qaaday waxtarka ballaaran ee uu tallaalku u leeyahay
dhallaanka iyadoo la isku afgartay waxgarka vitamine ah.
Madaxa Tallaalka Polio ee Qardho, Cabdiraxmaan Siciid Aadan oo kulakan ka hadlay
ayaa sheegay in kulankani uu yahay baraarujin furtaanna uu u yahay tallaalka
Polio oo degmada Qardho ka socon doona muddo afar casho ah. Mas'uuliyiintii ka
qayb gashay ayaa waxaa kamid ahaa guddoomiye kuxigeenka gobolka Karkaar, Faarax
Jaamac Boos, kuxigeenka duqa degmada Qardho Burhaan Cabdiraxmaan Aadan iyo
madaxa waxbarashada ee gobolka Karkaar, Cabdiladiif Bilaal Cabdow. Hogaanka
Socdaalka iyo Jinsiyadaha ee dowlada faderaalka ee Soomaaliya oo laga furayo
Magaalada Gaalkacyo.
Magaalada Gaalkacyo ee xarunta gobalka Mudug ayaa maalinta Talaadad ah sida la
qorsheynayo waxaa laga furayaa Hogaanka Socdaalka iyo Jinsiyadaha ee dowlada
faderaalka ee Soomaaliya,waxaa lakeenay dhamaanba qalabkii loogu talagalay
Howshaasi.
Agaasime kuxigeenka Hogaanka Socdaalka iyo Jinsiyadaha ee dowlada faderaalka ee
Soomaaliya Cabdi Barre Yuusuf Jibriil oo ku sugan magaalada Gaalkacyo ayaa
AllPuntland usheegay in ay furitaankan ka danbeysay markii ay dalabaadyo fara
badan kaga yimaadeen Bulshada gobalka Mudug ku dhaqan.
Cabdi Barre Yuusuf Jibriil ayaa sheegay in qalabkii xaafiisku ku shaqeyn lahaa
lakeenay todobaadkan isla markaana haatan la qalabeeyey oo ay doonayaan
maalinimada Talaadada ah in laga furo magaalada Gaalkacyo,wuxuuna noqonayaa
markii ugu horeysay oo xaafiiska Hogaanka Socdaalka iyo Jinsiyadaha ee dowlada
faderaalka ee Soomaaliya laga furo gudaha magaalada Gaalkacyo.
Agaasime kuxigeenka Hogaanka Socdaalka iyo Jinsiyadaha ee DFKMGS oo la weydiiyay
Lacagta lugu qaadanayo Baasaboorkan cusub waxaa uu ku sheegay $100 isagoo
sheegay in uu qofka ka maqnaanayo muddo gaaban.
Magaalada Gaalkacyo ayaa noqoneysa magaaladii Sadaxeed oo ka mid ah
magaalooyinka Maamul Gobaleedka Puntland oo laga furo ,waxaa horay looga furay
magaalooyinka Gaoowe iyo Boosaaso ,ayadoo maalmaha soo socdana laga furayo
magaalada laascaanood oo lageeyey haatan Qalabkii kala duwanaa.
Markii ay dowlada Soomaaliya soo daabacday Baasaboorada Cusub ayaa Hogaanka
Socdaalka iyo Jinsiyadaha ee dowlada faderaalka ee Soomaaliya dadaal ugu jiraa
sidii loo socodsiin lahaa Baasaboorada Cusub oo dadka Soomaaliyeed uqaadan
lahaayeen.
Dadka Soomaaliyeed ayaa haatan waxa ay ku dhoofaan Baasaboorada kala duwan ,waxa
ayna wali fursad uheystaan in ay sii isticmaalaan,inkastoo xaafiisyada ka furan
yihiin deegaano kala duwan kuwaasoo ay ka mid yihiin Muqdisho oo ah Caasumadii
dalka Soomaaliya ,magaalada Baydhabo oo xarun ah baarlamaanka Soomaaliya
,magaalada Boosaaso oo ah Xarunta gobalka bari iyo magaaladan Gaalkacyo oo
Talaadad ah laga furayo.
bashiir cumar cali/qardho
bashiir137@hotmail.com
Faafin: SomaliTalk.com | Aug
27, 2007
Dhulka Soomaalida ee
Shidaalka laga baarayo miyaa ka riqiisan dhulka Afrikada kale, mase Madaxda
Soomaaliyeed ayaan adduunka la socon
|