- Sh. Aadan Madoobe “Waxaa lays weydiinayaa Magaalooyinkii Amaanka ahaa
waxa ku soo kordhiyey nabadgelyo xumida”.
- In ka Badan 80 Xildhibaan oo soo gudbiyey Mooshin Cusub
- Sil silad Qaraxyo is daba jooga oo Magaalada Baydhabo ku soo badanaya
Af-hayeenka Baarlamaanka DFKMG Sh. Aadan Madoobe “Waxaa lays weydiinayaa
Magaalooyinkii Amaanka ahaa waxa ku soo kordhiyey nabadgelyo xumida”. Warbixin
uu siinayey mudanayaasha Baarlamaanka
In ka badan 160 Xildhibaan oo soo xaadirey kulan uu shir gudoominayey
Gudoomiyaha Baarlamaanka Sh. Aadan Madoobe oo dabayaaqadii Todobaadkii aynu ka
soo gudubney soo gaarey Magaalada Baydhabo, ayaa Gudoomiye Sh. Aadan Madoobe
Warbixin ka siiyey mudanayaasha Safarkii uu ku tegey Ethiobia iyo waxyaabihii uu
kula soo kulmey.
Gudoomiye Sh. Aadan Madoobe wuxuu warbixintiisa ku sheegey in uu ka soo
qaybgaley shirar kala duwan, intii uu joogey Ethiobia, wuxuu kaloo sharaxaad ka
bixiyey Ajendayaasha shirarkii uu ka qaybgaley, islamarkaana ay ka mid ahaayeen
doorashada Gudoomiyaha Baarlamaanka Midowga Afrika iyo Shir gaar ah oo ay ku
yeesheen Urur Goboleedka (IGAD) oo isna looga hadleeyey Qeexida Xeerka Ururr
Goboleedka (IGAD) iyo arimo kale oo uu ku sheegey Gudoomiyuhu waxyaabo muhiim
ahaa oo ay soo gudbiyeen xoghaynada Midowga Afrika.
Sh. Aadan Max’ed Nuur (Sh. Aadan Madoobe) wuxuu warbixintiisa ku xusay markii uu
yimid Nayroobi in uu kula kulmey xubno ka tirsan dadka ka soo horjeeda dowlada
(FKMG), islamarkaasina ay isla soo qaadeen sidii meel wax laysula dhigi lahaa
arimaha murugsan ee Soomaaliya.
Dhamaan arimahaan iyo kuwo kale oo uu ku sheegay Sh. Aadan Madoobe
Warbixintiisa, iyadoo faah faahsan
In ka Badan 80 Xildhibaan oo soo gudbiyey Mooshin Cusub
Dhinaca kale intii uusan Gudoomiyaha warbinta siinin xildhibaanada
Baarlamaanka, Prof. Dhalxa oo gudoomiyaha uga waramayey intii uu maqnaa
waxyaabihii Baarlamaanka uu qabtey ayaa sheegey " in ka badan 80 xubnood mooshin
ay soo gudbiyeen, mudanayaasha Baarlamaanka uu horyaalo Baarlamaanka, taasoo ay
ku doonayaan in marka codbixinta kalsoonida Xukuumada cusub la gaaro ay ahaato
mid Qarsoon", hase ahaatee warar kala duwan oo aan la shaacin wali oo aan
heleyno ayaa waxay sheegayaan in Xukuumada cusub ee Col. Nuur Cade lagu
sameynayo isku shaandheyn cusub, iyadoo jiritaanka Xukuumada cusubna uusan
gaarsiisneyn mudo bil, taasoo u muuqato mid la tiic tiicaysa caqabadihii hore u
ragaadiyey Xukuumadii hore ee Geedi wax u eg.
wararkaan ka soo baxaaya Xukuumada cusub ayaan ahayn kuwo si rasmi ah laysugu
haleyn kara ilaa uu Ra'iisul Wasaare Nuur Cade si rasmi ah ugu dhawaaqo, isku
shaandheyntaan.
Laakiin warbixinta Gudoomiyaha ayaa u muuqatey mid ka duwan safaradii hore uu ku
tegi jirey dalalka dibada, qaarka mid ah xildhibaanada ayaa markii uu dhameeyey
waxay isku dayeen in ay wax ka weydiiyaan warbixinta gudoomiyaha, balse lagu
qanciyey in maanta ay ahayd oo keli ah in warbixin la isa siino, inkastoo ay
jiraan Xildhibaanada qaarkood oo guux hoose ay muujinaaya.
Sil silad Qaraxyo is daba jooga oo Magaalada Baydhabo ku soo badanaya
Dhinaca kale Abaarihii 8:13 daqiiqo subaxnimadii saaka (Sabti Dec 15,2007)
ayaa Qarax aad u xoogan waxa uu gilgilay Magaalada Baydhabo, kaasoo ka dhacay
halka ay iska qabtaan Wakaaladii hore ee Biyaha iyo Buundada Isha Baay ee
Magaalada Baydhabo, daryanka Qaraxaan ayaa laga maqlayey guud ahaan qeybaha
Magaalada Baydhabo.
kadib markii Gaari Tikniko ah oo ay leeyihiin Ciidamada DFKMG oo halkaasi
marey lala beegsadey, Qarxaan lama oga cida ka dambeysa balse mar aan tegay
goobta Qaraxu ka dhacay ayaa Dad goob joogayaal ah oo aan wax ka weydiiyey waxay
ii sheegeen, in qaraxu ahaa Miinada dhulka lagu aaso, ma jiro cid mas'uul ah oo
ka hadashay Qaraxaan.
Goobta qaraxu uu ka dhacay ayaa inta badan waxaa jooga marka uu Baarlamaanku
uu shiraayo ciidamo Ethobian ah iyo ciidamada Booliiska DFKMG oo inta badan
amaanka Xildhibaanada Baarlamaanka suga marka ay kulmayaan, majiraan ilaa iyo
hada wax khasaare ah oo goobta ka dhashay oo uu geystey Qaraxaasi inta la
og’yahay.
Ciidamo Itoobiyaan ah iyo kuwo madaxtooyada soo gaarey ayaa kudhowaad 30
daqiiqo xirey goobtii uu qaraxu ka dhacay, waxayna joojiyeen dadweynihii isaga
gudbaayey qaybaha kale ee magaalada iyo gaadiidkii marayeyba, Qaraxaan ayaa
wuxuu qayb ka yahay silsilada qaraxyo is xig xiga oo maalamahaan ka dhacayaayey
Magaalada baydhabo.
Ciidamada Ethobia iyo kuwa Baaliiska Gobolka Baay oo uu horkacaayo Taliyaha
saldhiga Dhame Aadan Biid ayaa shaley hawlgalo baarintaan ka fuliyey inta u
dhexeysa goobta Qaraxu uu ka dhacay iyo agagaarka suuqa weyn ee Magaalada
Baydhabo.
Dhamaan qaraxyada is xiga ee ka dhacaaya Magaalada baydhabo ayaa waxay u
muuqdaan kuwo, isa soo taraaya maalinba maalinta ka dambeysa, dadkuna waxay ka
muujinayaan aragtiyo kala duwan qaakood waxay ku sheegayaan in magaalada
baydhabo ay soo galeen Kooxihii mucaaradka dowlada, islamarkaasina ay kala
dambeeyaan, halka kuwo kale ay ku sheegayaan kooxo ka tirsan dowlada oo arimo
siyaasadeed ay uga danleeyihiin, balse arimahaan ma ahan kuwo si dhab ah loo
shaacin karo in labadaasi fikir ay ka dambeeyaan, inkastoo hore uu u sheegey
Taliyaha ciidamada Booliiska Gobolka Baay Gen. Ibraahim Xaashi Gaabow in mid ka
mid ah kuwii qaraxyada geystey ay qabteen, islamarkaana uu qirtey, balse ma
sheegin sababta ninkaan la qabtey uu falkaasi u geystey, laakiin waxay su’aali
ka taagan tahay Qaraxyadaan dhacaaya ma ahaandoonaan joojintooda kuwo lagu
guulaysto?!
Maxamed Macallin Cismaan(All-man)Somalitalk Baydhabo.
fatxumaalik@hotmail.com
Faafin: SomaliTalk.com | Dec 15, 2007
Golaha
Siyaasadda Beelaha Digilmirifle oo Magaalada Baydhabo Shir Weyn Ku Qabtay
iyo Xildhibaanada Beesha Direed ee ku sugan Magaalada Baydhabo oo Bayaan
adag soo saarey...
Akhri Dec 14
Tahriibayaal
Soomaali iyo Afrikaanka kale isugu jira oo ku Geeriyooday xeebaha dalka
Yemen
Waxgaradka deegaanka Deyniile oo qaayla dhaan tii ugu weeyneyd ka soo saaray
degaankaas
Jaamacadda Muqdisho oo qabatay barnaamij-deeq Waxbarasho loogu Raadinaayo
Gabdhaha Soomaaliyeed
Rice's Interview with
ETV About Somalia & Ethiopia
Ciidamada
Gumeysiga Itoobiya oo Muqdisho Ku Xasuuqay Dad Shacab ah
Xilli uu Muqdisho ka dhacay
dagaal aad u xoog badan ayey ciidamada Itoobiya madaafiic ku garaaceen
xaafadaha shacabku deggan yahay, waxaana hal madfac diley dad lagu qiyaasay
ilaa... Akhri..
Dec 13
Jabhadda
Islaamiga ee Soomaaliya (JIS) oo Looga Dhawaaqay Soomaaliya,
waxayna Jabhadda islaamiga JIS soo bandhigtay Barnaamijyadeeda
Siyaasadeed... Akhri...
 Wasiir
Puntland iska casiley, sida loo maamulay Khayraadka Dabiiciga awgeed (badda,
macdanta, batroolka).. Akhri
| 
Daabaco
Boggan | Print
Xeryaha
Qaxootiga Gubadley, Galgalato iyo Xerada shiikh cali cabdulle oo la
iloobay..