Nidar baa inoo xiran
iney Nabar la tiicaane
Gabaygan wuxuu ku
saabsan yahay dowladda Tigreega ee ku soo duushay
dhulka Soomaaliyeed iyo kuwa qiilka u yeelaya oo
baneynaya in cadowgii gaamuray dabbaabaad iyo ciidan
lixaad leh dalka ku soo geli karo, dadka leyn karo
waxna aan leyska weydiinin dabadeedna lagu sifeyn
karo waa saaxiib iyo daris labadaba. Nuxurkiisu waa
in aanan arintaas la qaadan karin inta dhiig
Soomaali jiro, cadawga xoog kugu qabsadaana uunan
mudneyn in ubax loo dhigo ee ay tahay in la mariyo
waajibkiisa. Wuxuu tilmaamayaa in aan la quudareyn
karin nolol gunimo, in hogaanka Ethiopia ku jiro
gacan aan mudneyn iyo in Soomaaliya hesho hogaan
nadiif ah. Waxaa tiriyey Cawaale Axmed. February
2007
a_awale@hotmail.com
- Nimanka Tigrey
ka yimid iyo kuwa u nacamleeya
- Kuwa daba
nashleyn ee nigaxa u sii qaada
- Nasabka iyo
diintaba nimanka shilinka dhaafsaday
- Naanaabka
wasiir-moodka iyo kuwa beenta soo niiba
- Nac allay
muteen gadigood kuwa maray jid naareedka
- Ka noqdaan ku
iri dhulkaan nooma dhexooyo’e
- Ma nagaan
kartaan baan ku iri adinkoo hub la naashoone
- Waase igu
naceen gartaydii nifaaq la’aaneede
- Waadinka
colaad naadiyee waa keenii nolosha qoonsada
- Mar haday
naftu bixi oon cidi noolaaneynin
- Lama naawilo
nolol xumi waa naar aduunyaade
- Naxariista
eebbaa tartan mudan iyo nuurka aakhiro’e
- Nasiib laguma
helin gobonimada ee nafbaa loo huraye
- Nadarkii allaa
u furan ruuxii niyadda ka aamina’e
- Darisnimo aan
wada nagaaniyo hadey nabadii jareen
- Hadey soo
nagaadsadeen naaskeeda maandeeq
- Wallaaney
nuugeyn intuu wiil Soomaal noolyahaye
- Waa in aaney
nasan oo ay naxdinna soo jeedaane
- Nabarro
culusiyo madfac waa in lagu nusbaaraaye
- Nasri waa
inaaney helin nabadey takooreene
- Naaguhu waa
inay shiidaan oo nugul ka dooxaane
- Niggax waa in
lagu dabraa sii nidqaan caruuruhuye
- Dariiqyada waa
inaad isugu nabtaan rasaas uga nixisaane
- Naar iyo
giraanta waa inaad naxar u karisaane
- Naadiran waa
iney noqdaan gurmad isku nuuxsada’e
- Waa inay
nacaan baddiyo dhulkey soo naqeysteene
- Nidar baa inoo
xiran inay nabar la tiicaane
- Ha nashleeyo
dhiigu taniyo intey noo-da gabayaane
- Naleskii addis
waa in uu naxdin la selelaaye
- Ha naa-naabo
sidii ruux nolosho eersadaye
- Ha nasteeyo
been iyo naxli wuxuu rabo’e
- Ha naawilo
Buush inuu nooga hiiliyo’e
- Ha warnaado
Naxashkoodu taniyo biyaha nilekaaye
- Xaajada ninkii
mudnaa waa inuu nacame taliyaaye
- Nusqaantii ha
tuureen Oramadu loo nisbeyn jiraye
- Niyaddii
gobonimo-doon nalal haw siraadeene
- Numbar iyagaa
badane najax waa inay hariyaane
- Nahaabka Meles
haw qabteen naf wuxuu jaraye
- Nasab uma
lahee Tigreey waa in laga nadiifshaaye
- Niisadihii iyo
gododkoodii waa iney dib u noqotaaye
- Naruuray
sugayaan shacabkii iyo nasriga eebahaye
- Naxariis
hogaamiye leh oo beesha nabadeeya
- Naaquska soo
afmeera dalkaan daqarku naafeeyey
- Ku nageeya
Caddaalad iyo nolol barwaaqaade
- Nidaam aan
sokeyn laheyn waa in nudubka loo taago
- Ha dageen
nimciyo baraare jiilka naga danbeeyaaye
- Nin xun iyo
dagaal-ooge ha la xiro duul nasaqeedka
- Nacaska jidka
galayiyo tuugada waa in nigax la tooxaaye
- Nirgaheenu
carrigey daaqi jireen waa in lagu nageeyaaye
- Nageyliyo
Jigjiga waa inaan nabad ku joognaaye
Waxaa tiriyey Cawaale Axmed.
February 2007
a_awale@hotmail.com
AFeef: ARagtida gabaygan waxaa
leh qoraaga ku saxiixan
Faafin: SomaliTalk.com | Feb 9,
2007
|