Buundada u dhaxeysa Muqaawamada & Shirka Asamara
Yassin Baynax
salaama_travel@hotmail.com
Sidaan la socono waxaa si xawli ah u socda u diyaar garowga
shirka Casmara, isla sidaas oo kale waxaan ognahay inuu shirkan ka
duwan yahay haduu hirgalo shirarkii hore, waxuuna naqon doonaa
shirkii ugu horeeyay ee soomara Somali oo ay ka qeyb galaan dad
wasni weyn ku leh arimaha Somalia, markaad eegto dadka ku casuuman
ee ka qeybgalaya shirka. Sida hadey ahaan laheyd diin, dadnimo,
aqoon, waayo aragnimo iyo iney kasoo wada qeybgalayaan xubnaha ay ka
kooban tahay bulshada. Waxaan aad uga dareeney daafaha Yurub iyo
America iyo wadamada carabtaba sida uu ugu socdo u diyaargarowga iyo
hadal heynta shirka Casmara.
Isla sidaas oo kale waa gogoshii ugu horeysey ee la dhigo intii
uu qabsadey Somalia gumeysiga, waana gogol ka dhalatey somalida
dhaxdeeda oo uusan jirin cid u taraxda iyaga. Ama dowlad tiri anagaa
lug ku leh.
Hadaba shirka intaas baaxad le eg ee taariikhda gali doona, waxaa
ay soo dhaweyneysaa haduu uu guuleysto, in ay soo dhaweyso rajada
Somalia laga qabo in ay xornimo hesho oo ay iska dulqaado gumeysiga
iyo midka shaatigiisa gashanba.
Hadaba waxaa laga maarmaan ah in dagaalka Somalia ee dhinaca
siyaasiga iyo dhinaca jihaadka ee caskariga ay wada socdaan oo ay
jirto buundo isku xiri karta labadaas dhaqdhaqaaq.
Waxaan ognahay oo aragney ka horna Allena noo sheegey inaan
xornimadu lagu helin inaad geedka hoos jiifato ama aad danahaada
khaaska ku mushquusho, balse ay u baahan tahay in maal iyo nafba loo
huro.
Sheyga gobonimada la yiraa maahan helisteeda wax si fudud lagu
helo markaad taariikhad dhow iyo mida dheerba aad eegto, laakin
dhinaca kale waa shey si fudud lagu waayi karo.
Somalia marka laga reebo dhowrkii dhaqdhaqaayadii xornimo doonka
ee ay kamidka yihiin dhaqdhaqaaqii uu calanka u sidey Alaha u
naxariistee Sayid Muxamad Cabdulle Xassan , waxay Somalia ku heshey
xornimadeeda si fudud marka loo eego wadamada aduunyada.
Waxaan ognahay wadanka Aljeeriya markuu raadsanayay inuu xoroobo
iskana dulqaado gumeysiga iney ku qaadatey mudo dheer dad ka badana
malayin ay kaga dhimatey, taasi waxay na tusineysaa inaan dhahno
Somalia waxay xornimadu ku heshey si fudud, tasoo keentey iney si
fududna ku tagtey, oo difaaci waayeen.
Hadaba shirkan casmaro oo ay lafdhabar u yihiin labada garab ee
aan soo sheegney kuna xirantahay rajada Somalia bacdal Rabi waxaan
oran karnaa sidee lagu heli karaa iney isla jaan qaadaan?
Sh Shariif Sh Axmed iyo Sh Xasan Daahir Aweys oo ah hogaanka
labada qof ee ugu muhiimsan xaga siyaasada difaaca dalka, iyagana ay
haatan ku sugan yihiin meel aan ka fogeyn madasha shirka.
Waa labada shaqsi ee abuuri karaa iney abuuraan buundada dheere
isku xirta qaaabka siyaasiga ee lagu wado Casmaro inuu ka unkamo iyo
jihaadka ka socdaa Somalia.
Labadaas shaqsi waxay si fudud ku hanteen iney Somalida ku
qanciyaan wax qabadka ururka maxkamadihii lagu diirsadey ee baaxada
waynaa ee taariikhda Somalia galey tasoo keentey in beesha caalamka
ay si degdeg ah ku aqoonsatey waxqabadkooda inuu yahay mid aan la
inkiri karin.
Sh Xassan Daahir iyo Sh Shariif Axmed intii ay Casmara joogeena
waxay isu badashey howshooda caskari kasakow iney siyaasada ay door
weyn ka ciyaari karaan hadaba qofka isku helaa labadaas door inuu ka
ciyaaro barnaamijka xornimo doonka ayaa noqon kara qofka abuuri
karaa inuu abuuro buundadaas dheer.
Sameynta buundadaas waxaa ognahay iney tahay mid si sahal ku
imaan karin waxaa loo baahan yahay in wakhti dheer lagu bixiyo oo ku
dheehan samir iyo dulqaad badan taas oo markuu ugu soo degdego keeni
karta iney ku qadato mudo ku dhow bilooyin. Waxaana ognahay inuu
shirka ka hartey mudo bil gudaheeda.
Hadaba arintu waa mid aad u adag. Dibna looma dhigi karo, inuu
fashilmana waxay sii dheereyneysaa heeryada gumeysiga. Labada
garabna waa iney buundadeeda dhisan tahay intaan shirka la furin si
waxii shirka kasoo baxaa ay u hirgalaan.
Hadaba inkastoo xalka uu hayo Rabi hadana waxaa la gudboon Sh
Sharif iyo Sh Xasan Dahir iney gacan ka helaan walaalahood qurbo
joogta ee xiriirka sokeeye la leh muqaawamada ay hogaaminayaan
iyaga, kuna nool daafaha dunida gaar ahaan Yurub. Kuwaas oo soo
dedejin kara iney la dhisaan buundada loo marayo Shirka Asamara iyo
difaaca dalka, ee lagu doonayo in lagu xoroobo.
Dhinaca kale waxaa iyagana u baahan in la eego in aan laga tagin
cidkasta oo daneyneysa xornimo doonka Somalia.
Teeda kale waxaa iyana u baahan gudiga farsamo inuu ahado gudi
akhrisankara baaxada shirka, culeyska shirka, muhiimada iyo cadowga
shirka. Iney fahmaan in shirkan markuu u bato uu gaari karo inuu
socon karo 2-6 cisho.
Hadii kale ay ka tagi doonaan dad muhiim ah mashquul ay yihiin
owgiis, lana doonayo inuu shirku wax la taaban karo kasoo baxaan oo
goobjoog loo wada yahay oo ah soo dhaweynta xornimda Somalia.
Hadii labadaas la waayo ee ah gudiga farsamo oo hufan iyo qurbo
joogta si degdeg ah iney ka qeybqaatan dhisida bundadaba iney keeni
karto inuu shirku noqdo qabyo.
Ama waxa kasoo baxaa ay adkaato hergelinteeda.
Aduunyadu isbuucayadan waxay soo eegeysaa Asmara iyo sida loogu
hagarbaxo shirka soomaalida.
Waxaa qorey
Yassin Baynax
salaama_travel@hotmail.com
Sweden, Stockholm