Mar hadii aan maalkaygiiba galiyay dalkayaga, inaan maskaxdayada iyo
aqoontayda ku daraana Diyaar baan u ahay" Mudane Maxamed Abshir Cabdi
(Taangi ) Mulkiilaha Huteelka KM10 Village Boosaaso
Waxaa dhawaan laga furay Magalada Boosaaso Hutel caalami Waa
KM 10 Village Boosaaso oo ku yaal daafta Koonfureed Magaalda
Boosaaso waxa uuna dhismaahani ku fadhiyaa dhul baaxdiisu
dhantahay Hal KM squer oo laamiga ah,
Hadaba waxaan warsyi dheer la yeeshaay Mulkiilaha Huteelka
KM10 Village Boosaaso.
Maxmed Abshir Cabdi oo ah mulkiilaha Huteellka KM 10 Village Hotel oo
ku yaala xarunta Gancsiga ee Boosaaso , hadaba Maxmed oo aanu kula kulanay
Huteelkisa waxaanu ka waraysanayay dhinacyo badan oo isugu jira dhaqaalaha,
horumarka iyo waliba kaalinta ay siyaasada ku yeelan karaan ganacsadatu,
waxaana waraysigaasi uu u dhacay sidan?
S: Marka hore waxaad nooga warrantaa goorta uu kugu dhashay hindisaha ah
inaad Hoteelkan weyn ee caalamiga ah aad ka Boosaso ka dhisto?
J: Runtii fikradani waxay igu dhalatay markii aan yiqiinsaday inaan kaalin
muhiim ah ka qaadan karo dib u dhiska dalkayga, isla markaasna aan
garawsaday inay waajib igu tahay inaan dalkayga maalgalin ku samaysto,
markaas waxaan ku fikiray in hadii aan Hoteel Caalami ah dhiso Boosaaso ay
soo jiidan karo dad badan oo kala gadisan, isla markaasna uu dadweynaha reer
Puntland ee qurbaha ku nool indhahooda uu soo jiidan doono oo ay ku dhiirran
doonaan inay dib u dhiska dalkooda ka qayb qaataan, isla markaasna waxaan
dersay inay Boosaso ay baahi weyn u qabto dhismayaasha huteelo casri ah oo
wufuuda, ajaanibka iyo dadka dalxiiska ahba dabooli kara baahiyahooda,
markaas ayaan u hawl galay inaan huteelkan KM10 Village inaan ka dhiso
Boosasso iyadoo waliba aan aqoon dheeraad ah u lahaa huteelada hurdada iyo
kuwa cuntadaba kuna dhex jiray muddo badan.
S: Dadka reer Boosaaso sidee ayay usoo dhaweeyeen dhismaha huteelkan KM10
Village?
J: Waxay usoo dhaweeyeen si heer sare ah, wixii hawl aan galayna waxaa i
ilowsiiyay sida wanaagsan ee dhiirri galinta leh ee ay dadweynaha reer
Boosaaso ay a iisoo dhaweeyeen, waxaa kale oo iyana aad ugu farxay dhismaha
huteelkan dadka ajaanibka ee dalkeena yimaada oo run ahaan qiray in
huteelada Shirton iyo kuwo oo kale oo ku yaala dalalka deriska aynu nahay uu
huteelkan KM10 Village uu ka heer sarreeyo kana qiimo jaban yahay, tusaale
ahaana $30 dollar Ambassador lagaga seexdo, halka kuwa kale sida Sharaton
hotel oo kale boqolaal dolar lagu seexdo, waxaana dhismaha huteelkani uu
dalkeena usoo jiiday magac fiican. S: Waxaa jirta in hataan xafuun ay ka socoto in loo sameeyo gole
degaan marka adigu ma sharaxntahay
J: haa Mar hadii aan maalkaygiiba galiyay dalkayaga, inaan maskaxdayada
iyo aqoontayda ku daraana Diyaar baan u ahay
S: Ma ku talo jirtaan inaad huteelkan ka dhistid magaalooyinka kale ee
dalka?
J: haa hada xafuun ayaan ku leenahaay Farac Huteelkaan ka mid ah
S: Maadaama aad tahay muwaadin aan qurbaha aaadin maalgalina ku samaystay
dalkiisa, wax dhiirri galin ah xaga xukuumada ma ka heshay ? Wax soo dhawayn
ahse xakuumadu ma siisaa dadka dalkooda maalgashanaya, sida cashuur dhimis
in loo sameeyo inta ganacsagu xoogaysanayo oo kale?
J: Horta dawladeena waad ogtahay oo ma ah mid dadka maalgashada
wadanka wax la qabta
S: Maadaama imika la galayo xiligii xagaaga ee kulaylaha kumanaan kun oo
qofna ay dalkii hooyo tegayaan ma jirtaa wax tas hiilaad ah ama qiimo jabin
ah oo aad u samaysaan dadkan dalkooda kusoo noqonaya xiliga fasaxyada?
J: Haa waanu u samaynaa qiimo jabin oo kharash aad u yar ayaanu ka qaadi
donaa dadka dalka imanaya xiliyada fasaxyada, gaar ahaan dadka muddo joogaya
dalka waxaanu kaga qaadnaa kharash aad uga yar intii ay guri kiraysan
lahaayeen, waxaa kale oo jirta dad badan oo xiliga fasaxyada dalka ku
aroosta, waxaana aanu kuwaas ka qaadi doonaa kharash (jaban).
Waxaa soo tebiyey:
Sheekh Aduun
sheekhaduun@hotmail.com June 8, 2007
|