Wax-garadka Beesha Dhul-bahante Oo Mar Kale Ku Baaqay Inay Dalka Iskaga
Baxaan Ciidamada Xukuumada Ethiopia .
kulan baaxad weyn oo ay kasoo qayb galeen
waxgaradka ,aqoon yahanka iyo ganacsatada ku abtirsata beesha dhulbahante ayaa
ka dhacay maanta hotel waamo ee caasimada muqdisho .
Kulankaas ayaa lagu gorfeeyey xaalada
siyaasadeed ee dalku marayo iyo weliba ciidamada shisheeye ee ay ugu horayso
ciidamada xukuumada ethiopia dhibaatada ba,an ee ay ku hayaan dadka shacabka ah
iyo weliba fara gelinta qaawan ee ay ku samaynayaan xoriyada shacabka iyo weliba
diinta islaamka .
Sidoo kale kulankan oo ay kasoo qayb galeen
masuuliyiin , siyaasiyiin iyo weliba waxgarad qaarkood marti ku ahaayeen
muqdisho markii horena u yimid indha indhaynta siyaasada dowlada KMG ah balse
hada ku tilmaamay mid ay wadaan urur siyaasadeed beeleed oo samaystay gaashaan
buursi islamrkaana doonaya dalka inuu ku qabsado ciidanka shisheeye , ayaa waxaa
hadalo isugu jira taariikhda dalku soo maray iyo weliba xiligan waxa uu ku sugan
yahay ka sheegay cabdi xaaji oo sheegay inaysan marnaba ku qanacsanayn waxa uu
ugu yeeray ururka SSDF oo samaystay gaashaanbuur kamida cadowga dalka taasoo uu
ula jeeday dowlada KMG ah iyo xukuumada ethiopia .
'' waxaa loosoo maray dalka soomaaliya xoriyad
dhiig badani ku daatay taasoo calankeena buluuga ah ee dalku leeyahay llagu
keenay islamarkaana ay maanta doonayaan urur siyasadeed kasoo jeeda hal beel
inuu gaashaan buursi samaysto inuu dalka iyo dadka maxamiyad geliyo ka yeeli
mayno horena umaanu yeelin hadana ma yeelayno ,waxaana umada soomaaliyeed ee
gumasiga neceb ugu baaqayaa inay gacmaha is qabsadaan si ay isaga xoreeyaan
gumaysiga ay wadaan kooxda c/laahi yuusuf ''' ayuu yiri cabdi xaaji
xaaji oo hadalkiisa sii watay ayaa sheegay inay
marnaba aqoonsanayn waxa uu ugu yeeray ururka SSDF oo baho wadaag la leh
ciidamada cadowga ah ee ethiopia ,islamarkaana carabka ku adkeeyey isagoo
sheegay inuu ku hadalayo magaca isimada ,waxgaradka iyo aqoon yahanada beesha
dhul-bahante uu cod dheer ku sheegayo inay dalka isaga baxaan ciidamada
xukuumada Ethipoia .
kulankan oo ka hadleen waxgarad iyo aqoon
yahano badan ayay dhamaantood waxay isku raaceen inaysan haday yihiin beesha
dhul-bahante aysan ka qayb geli doonin shirka ay ku tilmaameen gacan ku rimiska
ee dhici doona 15-ka bisha julay ee inagu soo aadan ,ugu damabayntii waxaa laga
soo saaray qodobadan .
1- inay ciidamada xukuumada ethiopia iskaga
baxaan dalka soomaaliya
2-inay is casisho masuuliyiinta dowlada KMG ah
ugu sar-sareeya
3- in fara gelinta laga daayo diinta islaamka
iyo shacabka muslinka ah .
Ugu dambayntii kulankan ayaa ku dhamaaday jawi
nabadeed taasoo ay kasoo qayb galeen ergooyin kasoo jeeda beeshaas oo qaarkood
kasoo kicitimay dalka dibadiisa iyo weliba gobolada sool ,sanaag iyo buuhoodle
yaasiin maxamed cali (faytin)
yaasiinfaytin@hotmail.com
Faafin: SomaliTalk.com | June 17, 2007
|