Maxaad ka ogtahay
Horumarka Magaalada Laascaanood
Qalinkii Subeyr Cismaan
Idiris
Laascaanood, Sool Region
(Hordhac)
Mahad oo dhan waxay u sugnaatay
Allaha abuuray koonkan aynu ku noolnahay cidkasta iyo wax
kastaba (SW) suxbxaana watacaala sidoo kale Naxariis iyo nabad
gelyo nebigeenni suubanaa korkiisa ha ahaatoo (C.S.W), intaa ka
bacdi, waxaan u doortay inaan qalinkayga ku qoro warbixintan ku
saabsan magaalada Laascanood, waxaan uga gol leeyahay inaan
warbixin hufan intii aan ka garanayo ka siiyo cid kasta oo jecel
inay fikrad ka helaan magaaladatan Laascaanood oo u heelan
horumarka iyo horu-socodka bulshada ee dhinacyada badan leh.
Afeef:
Waxaa suurta gal ah in warbixintaydu noqon kari weydo mid aad u
dhamaystiran inta ka dhiman waxaan uga baydhayaa ciddii iiga
aqoon iyo rti iyo fikrad roon balse waxaan jeclaystay inaan
aragtidayda shaqsiga ah ku abaaro warbixinta cinwaankeedu hoos
ku xusan yahay:
Warbixintii Laascaanood
Hadaba
Magaalada Laascaanood, sida i soo gaadhay waxaa la yagleelay
abaara 1940 meeyadii, waa magaalo ka mid ah magaalooyinka
qadiimiga ah ee dhulalka Soomaalida sida magaalooyinka Burco,
Jigjiga Adari iwm, magaalada Laascaanood waxay ahayd ka hor 1991
magaalo yar oo kooban, waxaa jirta in si baxad leh loo dhisay
magaalada wixii ka dambeeyay 1991 oo ay noqotay magaalo aad ugu
fiday (4) ta jiho, waa magaalo hadda soo kobcaysa uuna ka muuqda
hawlo horumar oo dadku samaynayaan, magaalada Laascaanood hadda
waa magaalo si wanaagsan u balaadhatay, hadaan u kala qaado
qaybaha waxbarashada, caafimaadka,. isgaadhsiin, xawaaladaha waa
sidan:
Waxbarashada
Magaalada Laascaanood,
waxbarashadeedu way wanaagsan tahay, waxayna leedahay goobo
waxbarasho oo kala duwan, , dugsiyada gaarka ah ee Private
schools ka,dugsiyada Computerka, dugsiyo hoose dhexe sida
Abyan, Imaamu Shaafici, Golkhaatumo, Midnimo iwm, dugsiyo sare
oo dhawr ah sida Dugsiga qadiimiga ah ee Muse Yousuf oo la furay
ka hor 1991, Dugsiga sare ee Nugaal, iyo iwm Dugsiga caafimaad
Nursing institute, waxaa laga hir geliyay muddo sanad iyo badh
ka hor ah qiyaastii magaalada Jaamacad loogu magac daray
((Nugaal University) waxyaabaha lagu bartaana ay ka mid yihiin
kuliyadda shareecada (Faculty of Sharia law) kuliyadda Maamulka
iyo xisaabaadka (Faculty of Accounting and Management) iwm oo
hadda wax laga barto.
Caafimaadka
Magaalada Laascaanood, waxay
leedahay Cusbitaal weyn oo la dhisay 1946, oo ah isbital guud,
goobaha xanaanada hooyada ama (Mother Child Health M.C.H.)
private hospitals sida kuwa dhalmada maternity tusaale Hoodo
Maternity hospital, Al-ixsaan Maternity Hospital, shaybaadho
sida Salaama Diagnostic Center, Muna Laboratory.
Isgaadhsiinta
Magaalada waxaa ka jira shirkado
isgaadhsiineed oo ay ka mid tahay shirkadda Telesom, Somtel,
Hantel iyo STG, kuwaasoo qaarkood bixiyaan adeegga telka gacanta
ama mobile phone ka qaarna ku kooban yihiin Land line ka oo
keliya.
Xawaaladaha (remitance
agencies)
Magaalada waxaa ka jira shirkado
xawaaladeed oo dhawr ah sida Dahabshiil, Qaran express,
Almustaqbal, Kaah, Tawakal Iftin iwm, kuwaas oo lacagaha ka soo
xawil daafaha adduunyada ayna ku tiirsan yihin macaamil tira
badan ( many clients).
Kaalmaha Shidaalka
Waxaa magaalada ka jira kaalmo
shidaal oo ka haqab tira shacabka baahiyaha shidaal ee jira
waxaan ka xusi karaa Shirkadda Botan's Company.
Nabad-gelyada
Dhanka nabad gelyada Gobolku, aad
bay u wanaagsan tahay mar ka laga reebo dhacdooyin dhaca
xiliyada qaarkood waana mid la isku hallayn karo oo (reliable)
ah.
Warbaahinta
Magaalada waxaa laga leeyahay
warbaahino kala duwan oo isugu jirta Websites iyo One Radio hal
idaacad, waxaa ka mid ah webabkaasi Xargaga-online.com,
Ceegaag.com, afnugaal.com, widhwidh.com, iwm, sidoo kale hal
idaacad ah oo FM ah oo laga dhagaysto magaalada dhexdeeda iyo
hareeraheeda idaacaadaas oo lena bog wareen (website)
magaciisuna yahay Radiolaascaanood1.com.
Geba-gebo:
Waxaa jirta in magaalada Laascaanood ku tallaabsatay horumar
aad u balaadhan oo dhinac walba ah inkastoo weli horumarkaasi
yahay weli mid kobcaamayan balse uu ka muuqdo dadaal xoogani.
Qalinkii Subeyr Cismaan
Idiris
Laascaanood, Sool Region
feef: Aragtida
qoraalkaan waxaa leh qoraaga ku saxiixan