Safaarada Soomaaliya ee Masar waxey u dhaxeysaa
Soomaalida
Waxaan bishii 7aad ee sanadkaan fasax gaaban oo 2 isbuuc
ah ku tagay Magalada Qaahiro ee dalka Masar waxaana soo booqday
safaaradda Soomaaliya waxaana la kulmay safiirka Soomaaliya u fadhiyo
Masar mudane Cabdullaahi Xassan, runtii hadaan adin kaga waramo markaan
galay gudaha safaaradda waxaana dareemay inaan soo galay meel ay
Soomaali leedahay waayo waxaa gudaha safaarada joogay markaa ayada ah
dad soomaali ah oo aad u farabadan, markaan safiirka xafiiskiisa galayna
waxaan aad u sii dareemay inuu yahay nin Soomaalida u dhaxeeyo waayo
dadkii markaa la fadhiyay waxey ahaayeen dad aan ku qiyaasay iney kakala
yimideen gobolada kala duwan ee Soomaaliya.
Intaan joogay Qaahiro waxaan la kulmay qaar kamid ah
maamulka ardada Soomaaliyeed ee Masar iyo ardo kala duwan oo runtii aan
ka wareystay xaaladda ardada guud ahaan iyo gaar ahaan xiriirka ay la
leeyihiin Safaarada waxeeyna dhamaantood ii sheegeen in Safaarada
Soomaaliya aysan aqoon wax la yiraahdo musuq maasuq iyo goboleysi waanku
farxay arintaas ayada ah waana ku amaanay intaan joogay safaarada
sifadaas ayada ah.
Ugu dambeeyntii waxaan aad ula yaabay markaan arkay
qoraalka wax looga sheegayo safaaradda Soomaaliya waxaana u arkaa inuu
yahay qoraal loola jeedo in dadka lagu aflagaadeeyo iyo in shacabka
Soomaaliyeed ee qabaliyada dilootay lagu sii kala fogeeyo, waxaana
markhaati ka ahay in safaarada Soomaaliya ee Masar waxbarasha u dalabtay
arday badan oo Mogdisho waxku soo baratay ayna heleen aqbalaadii
sanadkaan marka magaranayo meesha uu qoraago sheekada uu qoray uu ka
keenay.
Ahmed-haadi Muhumad
Odense-Danmark
haadi30@hotmail.com