Barnaamijkii Radio Xoriyo
30 October 2007.
Dagaallo badan oo cadowga lagu jabiyay.
Dilal iyo xidhay guamysigu dadwaynaha u gaystay
Shirar lagu qabtay London iyo Johannesburg.
Gudoomiyaha jwxo oo ka shirka London kaga warbixiyey dagaaladii Doollo
Gudoomiyaha H/arimaha dibada oo shirka London kaga warbixiyey guulaha
diplomasi ee ay jwxo gaadhay.
======================
Dagaallo badan oo cadowga lagu jabiyay.
Wariyaha RX uga soo warrama dalka Ogaadeenya ayaa noo soo sheegay dagaallo
badan oo si wayn loogu waxyeelleeyay ciidammada caga-jiidka ah ee gumaysiga
Itoobiya. Dagaalladaasi waxay u dhaceen sidatan;
27/10/07 Malqaqa, oo degmada Galaalshe ka tirsan, waxaa ciidammada gumaysiga
lagaga gubay hal baabuur oo Uuraal ah, waxaana halkaas ku dhintay 60 askari
oo baabuurkaas saarnaa.
26/10/07 Girrisa, oo Dhuxun iyo Barmiilka u dhaxaysa, waxaa ciidammada
gumaysiga lagaga gubay hal baabuur oo Uuraal ah, iyadoo baabuurkaas iyo
ciidammadii saarnaa oo 50 gaadhayayba ay halkaas ku bas-beeleen.
25/10/07 Gulasho, oo u dhaw Ceel-xaarka Qorraxey, waxaa ciidammada gumaysiga
lagaga gubay hal baabuur oo Uuraal ah, iyadoo ay halkaas ciidammada cadowga
kaga dhinteen in ka badan 50 askari oo baabuurkaas saarnaa.
21/10/07 weerar gaadmo ah oo lagu qaaday ciidammo guamyisgu leeyahay oo ku
sugnaa Daarasalaam, waxaa lagaga dilay 1 askari oo wardiye ka ahaa xerada
ciidammada gumaysiga, waxaa sidoo kale lagu dhaawacay 2 askari. Isla
ciidammadan waxaa mar kale weerar mir ah lagu qaaday 23/10/07, iyadoo
weerarkaas loogu gaystay khasaare aan faahfaahintiisa la haynin.
20/10/07 dagaal CWXO iyo kuwa gumaysiga ku dhex maray Qadaamuro, oo
Wayla-lagu-xidh u dhaw, waxaa ciidammada gumaysiga lagaga dilay 6 askari, 4
kalana waa lagaga dhaawacay.
Isla
20/10/07 Huuraale waxaa weerar mir ah loogu gaystay ciidammo gumaysigu
leeyahay, iyadoo khasaare aan faahfaahintiisa la haynin loogu gaystay.
16
iyo 18/10/07 waxaa weerarro mir ah lagu qaaday ciidammada gumaysiga ee
fadhiya Dig, waxaana loogu gaystay khasaare aan faahfaahintiisa la haynin.
Dilal iyo xidhay guamysigu dadwaynaha u gaystay
Ciidammada nacabka ah ee guamysiga Itoobiya ayaa dhibaatooyin kala duwan oo
dil iyo xidhay isugu jira u gaystay dadwayne rayad ah.
25/10/07 ciidammada gumaysigu waxay magaalada Fiiq ku dileen nin waayeel ah
oo 75 jir, kaasoo lagu magacaabi jiray Ismaaciil Ibraahim Baribari.
27/10/07 ciidammada gumaysiga magaalada Dhagaxbuur ku xidhay nin oday ah oo
lagu magacaabo Aw Daahir Shuuriye.
26/10/07 waxay ciidammada gumaysigu magaalada Gabagabo ku xidhxidheen
odayaal beeleedyo diiday inay ka qayb qaataan samaynta malleeshiyo
Dabaqoodhi ah. Dayaashaasi waxay kala yihiin;
1- Muxumed Faarax Qase
2- Gaas Axmed Nuur iyo
3- Maxamed Cabdi Gadhle
Isla
26/10/07 ciidammada gumaysiga ayaa magaalaad Dig ku xidhxidhay dadka kala
ah;
1- Tiimbad Dayib Cabdi Cumar
2- Faarax Xuseen Guuleed iyo
3- Cabdi Xuseen Guuleed
25/10/07 waxay ciidammada gumaysigu Daarasalaam ka soo qaqabteen dad rayad
ah oo fara badan, kuwaasoo ay ku xidhxidheen magaalada Garbo. Dadkaasi waxay
kala yihiin inta aan magacyadooda helnay;
1- Cabdi-gacan Maxamuud Faarax
2- Faadumo Makhtal C/llaahi
3- Khadra Macalin Ismaaciil
4- Nimco Iidoor
5- Sahra Gaboobe Axmed
6- C/llaahi Saxane Maxamed iyo
7- Maxamuud Xaaji Cabdi
Isla
25/10/07 ciidammada guamysiga ayaa dad rayad ah ka soo qaqabtay Gurracan,
waxayna ku xidhxidheen Awaare. Dadkaas waxaan maghacyadooda helnay;
1- Nuur Ismaaciil Ibraahim iyo
2- Catooshe Kayd Muxumed
24/10/07 waxay ciidammada gumaysigu guri magaalada Qabridaharre ku yaalla
kala baxeen gabadh da’yar ah oo lagu magacaabo Xamdi Maxamed Mursal.
Gabadhaas ilaa iyo hadda lama garanayo meel ay geeyeen.
22/10/07 War-gaadsan waxay ciidammada gumaysigu ku kufsadeen gabadh da’yar
oo lagu magacaabo Kawsar Cabdi Ibraahim.
24/10/07 Dhalacad-dhiita waxay ciidammada gumaysigu ku gubeen aqaalo
soomaali dhawr ah oo dadwaynaha rayadka ahi lahaayeen. Dadka Aqalladaas laga
gubay waxay kala yihiin;
1- Cabdi Sh Biixi oo 2 Aqal laga gubay
2- Iimaan Cabdi oo isagana 1 Aqal laga gubay iyo
3- Maxamed Cabdi oo isagana 1 Aqal laga gubay.
Shirar lagu qabtay London iyo Johannesburg
Maaliintii sabtida ee taariikhdu ku beegnayd 27/10/07 waxaa magaalaad London
ee dalka Britain lagu qabtay shir ballaadhan oo lagu falanqaynayay arrimaha
Ogaadeenya, kaasoo ay soo qabanqaabisay Unugta London iyo nawaaxigeeda,
waxaana ka soo ayb galay dadwayne ad u fara badan oo isaga yimid meelo kala
duwan oo dalka Britain ah.
Ujeeddada shirkan loo qabtay waxay ahayd in lagu waraysto waftigii JWXO ee
in dhawaalaba kormeerka ku joogay dalka Maraykanka. Shirkan waxaa sidoo kale
lagu lafa-guray arrimaha ka taagan gobolka Geeska Afrika iyo saamaynta ay
Qadiyada Ogaadeenya ku leedahay xasilloonida gobolka Geeska Afrika.
Shirkan, oo ahaa mid aad loo xiisaynayay, waxaa hadallo dhaadheer, oo
warbixin iyo falanqayn isugu jira ka soo jeediyay guddoomiyaha JWXO Admiraal
Maxamed Cumar Cismaan iyo Guddoomiyaha Hooggaanka Arrimaha Dibada C/raxmaan
Sh Mahdi.
Madaxda JWXO waxay ka qayb galayaashii shirka u faahfaahinyeen meesha ay
manta marayso arrinta Ogaadeenya iyo sida dhibaatada Ogaadeenya ay u noqotay
mid caalami ah oo beesha caalamku si gaar ah u danaynayso, iyadoo ay
tilmaameen in taasi ay ku timid dadaalkii ay JWXO ku bixisay kasbashada
beesha caalamka iyo soo afjarida siyaasadaha beenta ah ee gumaysigu ka
fidiyo qadiyada Ogaadeenya.
Waxay sidoo kale tilmaameen in guul aad ugu ballaadhan laga gaadhay
safarkoodii ay ku tageen dalka Maraykanka, iyagoo tilmaamay inay dhibaatada
Ogaadeenya hordhigeen hay’ado rasmi ah iyo kuwo aan rasmi ah ahayn intaba,
isla markaana loo ballanqaaday waxqabad dhab ah.
Sidoo kale
maalintii axadda ahayd ee taariikhdu ku beegnayd 28/10/07 waxaa magaalada
Johannesburg ee dalka Koonfur Afrika lagu qabtay shir wayn oo Jaaliyadda
Ogaadeenya ee Koonfur Afrika ay markii ugu horraysay ku qabsatay magaalada
Johannesburg.
Waxaa shirkaas
hadal dheer ka soo jeediyay wakiilkii hore ee JWXO ee dalka Koonfur Afrika
oo ka warramay marxaladaha uu soo maray halganka Ogaadeenya iyo heerka uu
hadda gaadhay iyo sida ay lagama maarmaanka u tahay in la sii kordhiyo
xawliga uu halganku ku socdo, si loo soo dedejiyo xorriyada Ogaadeenya.
Waxaa isaguna
shirkaas ka hadlay guddoomiyaha Jaaliyada Ogaadeenya ee Koonfur Afrika oo
sharraxdaad ka bixiyay qaabka ay Jaaliyaddu u samaysan tahay iyo
waxqabadkeeda, isagoo waliba ka digay inay jiraa dad sheeganaya inay u
dhasheen Ogaadeenya oo gumaysigu hawlgaliyay, kuwaasoo ka hawlgala Koonfur
Afrika iyagoo ku andacoonaya inay matalayaan shacbiga Ogaadeenya
30 October
2007
Axmed Gaal-Eri
Radio Xoriyo waxaad ka
dhegaysan kartaa Mawjadda 19 MB ee dhererkeedu yahay 15260 KHZ,iyo
internetka
Radioxoriyo.com,Ogaden.com
Maalmahaa Talaadada & Sabtida 7:00PM – 7:30 waqtiga Afrikada Bari
Faafin: SomaliTalk.com | Oct 31, 2007
Cadde Muuse oo
Shaaca ka qaaday in ku "daalay" Madaxweynanimada
"waa waqtigii aan nasan lahaa..
anigu waan daaley.." Sidaas waxaa yiri Madaxweyanaha DGPL oo u waramayey
idaacada Codka Maraykanka, waxa kale oo uu ka hadalay
Batroolka..
| 
Daabaco
Boggan | Print
Itobiya
oo cadayn u weydey in basaboor..