DAAWO:- VIDEO: Muhammad: Legacy of a Prophet

Daabaco Boggan | Print

1. Da'da maanso doorkeeda gabay amase deeleeyda

2. Doodeeda nimankii yiqiin daaye midhihiiye

3. Dabaylaha socdiyo waxay arkeen dayra dhaaf yada'e

4. Ninweliba markuu daqaqamay dib uga maageene

5. Daab_gudinka lala yaacayay doc uga baydheene

6. Aniguna daleel baan kahelo waysku deyeyaaye

7.  

8. Qaaruu duwaday oo ibleys dacay geshoo waalay

9. Shaydaan inuu duufsadoo dalow ka tuuryeeyey 

10. Dijaal iyo nimruud baa kakacay degeladeeniiye

11. Diintuna danteen maahabay duhur yidhaaheene 

12. Dastuurkii ilaahay markii debeda loo tuuray

13.  

14. Dariiqii rasuulkiyo intii dawgi laga leexday [SCW]

15. Diiwaanki gaaladu qortaa deegta noo sudhane

16. Daliil waxan u soo qaadaniyo waxay ku doodaanba

17. Diimuqraadi mooyee mamaqal daa'im baayidhiye

18. Dulmigii fircoon lagu rogaan dabada haynaaye

19.  

20. Afartaa sidii danab qarxaday dininig maw yeedhshey

21. Diryaanka iyo qaylada dheguhu haba dilaaceene

22. Dananka iyo qoobkii farduhu duul ha kiciyeene

23. Diyaar haw noqdeen inamadii diinta loodhigaye

24. Dab weyn waa inaan oogo oo dogobya saaraaye

25.  

26. Nimanyohow damiir xumada waa lagu duloobaaye

27. Nin dayacay dalkii uu xukumay waa damiinimo'e

28. Dareenkaygu diid ina ragow waxad dul joogtaane

29. Dad_qalatooyin baa soo bixiyo qaar dad qaadya’ahe

30. Duubi weyne iyo suudi iyo duulkaloo wehesha

    Dugaal malaha cali geeddi iyo xayle dabagaabe

31. Dilaa weeye ina yuusuf aan waana dahirine

32. Duruus iyo culuun wuxu yaqaan dumiya weeyaane

33.  

34. Dillaaleyda nimmankii ahaa daydaygiyo hoogga

35. Dugaagii in badan joogey iyo diiratadi dhaaftay

36. Dulinkii arliga boobayoo degelka qaadaayey 

37. Daafkii indhaha ina tiriyo tiibbey nagu daahday

38. Dabadheer abaartii ahayd lagana soo doogey

39.  

40. Duufaanti ina soo martiyo durrey wixii yiiley

41. Duumadii fadhiyey koonfur iyo cudurki daahyaale

42. Duligay wadaadadu baxsheen lagana daawoobey

43. Duulkii horoo xamar fadhiyey wax'isma doorshaane

44. Darkan maanta joogiyo iyagu waa dirkii ba'aye  

45. Danna kamale soomaaliyeey dabar go'aagiiye

46.  

47. Si'uu ugu dangiigsado kursiga uguna dooyaysto

48. Dallacaad si uu ugu heliyo dereja dheeraada

49. Dawlada shisheeyiyo intuu duulal ugu yeedhay

50. Duulaan intuu ciriyo dhulla daafta kala raacay

51. Dugaag iyo intii uu dalbaday dooxtiyo qawle 

52.  

53. Diigaanya gaalaa intuu xamar dabaalsiiyey

54. Digifiyo amxaar iyo tigriyo doofil noo taliye 

55. Duqayn iyo madaafiic intuu daawa uga yeelay

56. Dabaabaadka aan guban wixii nalagu soo daayey

57. Kaaraha dandaamani wuxuu dulun_dulcaynaayey

58.  

59. Afartaa sidii danab qarxaday dininig maw yeedhshey

60. Diryaanka iyo qaylada dheguhu haba dilaaceene

61. Dananka iyo qoobkii farduhu duul ha kiciyeene

62. Diyaar haw noqdeen inamadii diinta loodhigaye

63. Dab weyn waa inaan oogo oo dogobya saaraaye

64.  

65. Dumar wada xijaabnaa kufrigu wuxu ku doobyaayey

66. Hablihii daboolaa wixii daaha laga qaaday

67. Darmaan ugub dariiqyada wixii lagu dulaalaayey

68. Diinlaawe jaahili wuxuu doca docaynaayey

69.  

70. Doqoniyo amxaariyo waxay dabato boobaysey

71. Iyadoo an doonayn wixii lagu duduucaayey

72. Daa'ima caruureed halgaad wuxu ku duubaayey

73. Daraasiin agoomaa wixii debeda loo saaray

74. Deregli'i masaakiin wixii dhaxanta loo daadshey

75.  

76. Daadkiyo wixii uu lategey webiga soo daacay

77. Dumaal naaga waayiyo wuxuu dumarku ooyaayey

78. Duqooshi iyo waayeel warmaha wuxu ku duugaayey

79. Digtooriyo waxay xaaqayeen culimadii diinta

80. Dulaabtiyo waxii'ay ardada dacawo boobaysey

81.  

82. Da'yartiyo waxay laynayeen doobabkiyo xooga

83. Duubcad iyo waxay cuqaladii digi kayeedhaysey

84. Denbi li'i wadaad wuxuu xabsiga ugu diboodaayey

85. Daraawiish sideedii wixii nala duqaynaayey

86.  

87. Afartaa sidii danab qarxaday dininig maw yeedhshey

88. Diryaanka iyo qaylada dheguhu haba dilaaceene

89. Dananka iyo qoobkii farduhu duul ha kiciyeene

90. Diyaar haw noqdeen inamadii diinta loodhigaye

91. Dab weyn waa inaan oogo oo dogobya saaraaye

92.  

93. Dacwad kale hadii aan dadyohow idin dareen siiyo

94. Daboolkiyo hadii aan karogo deyrka yare saaran

95. Dabcigeenu waa miday dadkiyo dunidu yaabeene

96. Duurjoogtu ficilkaa maliyo habar dugaageede

97. Wax naloogu dawgalay caqliga daxashan weeyaane

98. Dibin_daabyadiyo beenta iyo dalabta weeyaane

99.  

100. Dabaqawda ina haysa iyo diiftan bixi weydey

101. Dabaylahakan soo foole baa noogasii darane

102. Dulalaati baa muuqda oo daaqadaa furane

103. Dunuubteena qaybteed miyaa nalagu soo daayey?

104. Dembigaan falloo badan miyaa nala dareensiiyey?

105. Dubihii ilaah naguma dhicin waase noo digaye

106.  

107. Qof haduu dambaaboo markale dib uga soo laabto

108. Dulqaad badan ilaah baalehoo doo'imoo jira'e

109. Deyntii horoo lagu lahaa wuu ka daahirine 

110. Daba qabasho waa leenehee sidan inaan deyno

111. Dib inaan u eegnay lamudan duug waxay noqone

112. Hadii kale deyoowgaa kujira dacar ad leefteene

Afeef: Aragtida qoraalkan waxa leh qoraaga ku saxiixan

Faafin: SomaliTalk.com | Sept 4, 2007