SOMALITALK.COM
w w w . S o m a l i T a l k . c o m
SOMALITALK - FAALLO
Daabaco Boggan | Print
gaariSomaliTalk: Hadalkii Wasiirka Waxbarashada DGPL waa Baroortu Orgiga ka Weyn
Hay'ada UNESCO ayaa waxbarashada Puntland ugu deeqday gaari iyo buugaag, laakiin..
Akhri...

Dowlada FKMG Ah Ee Soomaaliya oo Indhaha Ka Laabatay Ceelasha Shidaalka Ee Ay Kenya Ka Baarayso Xadka Soomaaliya... Akhri

oil
Kenya ma Badda Soomaaliyeed ayey Shidaal Ka Qodaneysaa?
Dawladda Kenya ayaa dardar gelisey baaritanka batroolka ay ka wado xeebta, waxaana soo baxay warar tibaaxaya
Akhri

oil
Shirkadda Range oo Sheegtay in Saddexdii bilood ee lasoo dhaafay ay Garoonka Diyaaradaha ee Garoowe siisay US$313,000

lacagtas oo aad uga badan tii ay DGPL sheegtay in shirkadu bixisay..
Akhri...



Itoobiyaan baaraya laba nin oo Soomaali. Muqdisho. AFP - Jan 13, 2006


Taangi Itoobiyaan ah oo taagan garoonka muqdisho - AFP - Dec 2006

NEWSARAGTIDA/MAQAALLADA DADWEYNAHA EE MAANTA



2002: BORLANGE IYO SOMALITALK.COM
 

2007: Warbixin: Borlänge iyo Somalitalk.com II


Afar boqol iyo afartan malyuun oo doollar

Qore:

Axmed-shiil Muxumed

ahmedshil@yahoo.com

Borlänge, Sweden 


Bismillaahi wassalaatu wassalaamu calaa rasuulilaahi 

Hordhac:

Bani’adamka ilaahay wuu kala damac duway, dadka qaarbaan wax badan ubaahnayn oo ay waxyar kufilanyihiin, qaarna wax deeqiba majiro wax walba oo lasiiyo. Rasuulka SCW waxaa laga wariyey inuu yidhi haddii banii’aadam kasta lasiiyo wuxuu sheegto dadka qaarbaa dhihi lahaa hebel wixiisana halla iigu daro. Marka baahida dadku ay waxyaabaha kala duwan uqabaan waa wax soo jireen ah waligeedna jiri. Qofba aduunka dhinacbuu ujeedaa oo waxbuu xiiseeyaa ama luguba salliday.

Dhinaca muslimiinta markaan eegno waxaa jiray dad aan yarayn oo wakhti badan iyo tamar badan kubixiyey fidinta diinta islaamka waxaana miithaal inoogu filan afartii faqiih ee aabayaasha u ahaa afarta madhabood ee waawayn oo kubixiyey dadaal xaddhaaf ah, barashada diinta islaamka iyo dajinta fiqigeeda iyo labadii caalim ee waa waynaa ee axaadiithta rasuulka SCW aruuriyey ee kala ahaa Bukhaari iyo Muslim.

Dadkii ayaga kadanbeeyey ee kafaa’iidaystay cilmibaadhistooda iyo dadaalkooda waxaan aaminsanahay inayna xitaa qiyaasi karin dadaalka ay mareen iyo inta ay dhib usoo mareen hawshaas qaaliga ah. Waxaa kaloon miithaal usoo qaadan karaa Ibnu Taymiyah oo asagu ayba yar yihiin cid lamida xagga dadaalka, maxaa yeelay adduunyoo dhanba iskuma mashquulin wuxuuna dhintay asagoo kudhow 70 sano oon beerna qodan heerna dhisan shaqo un kadhigtay 100% fidinta diinta islaamka iyo toosinta waxyaabaha ay dadku kakhaldeen. Dalalkan hore’umaray oo dadku ilaah aad ugu nimceeyey xag aduunyo waxaa kajiro waxyaabo fara badan oo ay dadku kala jecel yihiin. Tusaale ahaan waxaa jiro niman caado kadhigtay inay fantaan buuraha aduunka ugu dhaadheer oo sanad walba ay ku le’daan boqollaal qof.

Waxaa kaloo jiro kuwo ayagana ayagoon wax kale kaashan gacmahooda iyo lugahooda kufanto daaraha adduunka ugu dhaadheer. Kuwaas waa kuwa caafimaadka qabo ee waxaaba jiro kuwo ayagu maskaxda kaxanuunsan oo inay dadka dilaan ay caado utahay oo waliba ay udilaan si isu eg waxaana looga yaqaannaa dalalkan “dilaagii sida isdabajoogga ah wax udilayey” (serial killer) waxaana ay aad caan uga yihiin dalka Marykanka, waxaa dhici karto inuu dilaagaa dilo kuna takhasuso dilka dad gaara ah oo da’da, jinsiga ama xirfadda isaga mid ah sida haweenka jidhkooda gato iwm oo uusan kusaqajaamin qaybo kale oo bulshada kamida. 

Afar boqol iyo afartan malyuun oo doollar

Aan usoo daadago marka dulucda qoraalkayga oo runtii kusaabsan maqaal aan maskaxdayda kasaari waayey oo kusoo baxay jariidada göteborgs-posten http://www.gp.se/gp/jsp/Crosslink.jsp?d=130&a=336627 oo kasoo baxdo dalkan iswiidhan magaaladiisa labaad, taasoo qortay maqaal ay kasoo xigatay jariidada The Times oo ay iyana ay uwarrantay Edése Doret oo usheegtay jariidadda inuu nin boqor ah oo Caraba kadalbaday inay shirkadda Airbus usammayso dayuuradda aduunka ugu wayn ee ay baryahan sammaynayaan oo ah Airbus A380 asagoo markaa bixini lacag dhan 440 malyuun oo doollarka maraykanka ah.  

Dayuuraddu waxay kakooban tahay laba dabaq oo iskorsaaran waxayna qaaddaa qiyaastii 860 qof oo rakaaba. Arrinta layaabka leh kasokoow lacagta lugu bixinayo dayuuradda oo ah lacag aad ufarabadan ayaa ah in ninka dalbaday oo lacagtaa bixiyey ama bixinaya inuu codsaday in dayuuradda gudaheeda qaybta ugu wayn loo ekaysiiyo sidii teendho Reer Guuraa oo kale iyadoo lugu qurxini daahyo waawayn iyo kaarbadyada dhulka ladhigto oo culculus iyadoo darbiyada lugu sawiri balliyo iyo harooyin, inteeda kalena loo ekaysiini dabaq guri oo kuyaallo New York lagana sammayn dhulkeeda hoose iyo darbiyadaba alwaax, luguna rakibi muraayadaha laga daawado tvga iyo internetka oo ballacoodu yahay 42 iyo 70 inch (suulka madaxiisa hore).  

Dabaqa hoose ee dayuuradda waxaa loogu talogalay shaqaalaha boqorka iyo dadka darajada hooseeyo, sidoo kale baabuurta boqorka iwm, waxaana lugu rakibi nooc kamida difaaca sida sawaariikhda lidka dayuuradaha. 

Illaa iyo hadda marka boqorka laga reebo waxaa dalbatay illaa dhowr iyo toban shirkadood dayuuradahan aadka u waawayn, kuwaasoo ah shirkadaha aduunka ugu waawayn, waxayse jariidadu iswaydiisay meesha uu boqorku ula duuli dayuuradda maxaa yeelay aadbay uyaryihiin ayey tidhi dayuuraddaas garoomada ayba cago dhigani karto waynankeeda iyo ballaadhkeeda awgii. 

Isbarbardhig kharashka kubaxo sanadkii qoysaska Boqorrada dalalka hore’umaray iyo Boqorkan  laxusay kaligii

Warbixintan waxaa laqoray sanadkii 2000 inkastoo ay kasoo wareegaty qiyaastii toddoba sano haddana mafilayo inay wax badan kukordheen kharashka kubaxo sanadkii qoysaskan Reer Boqorka ah ee hoos kuxusan.

    1. Qoyska Reer Boqor ee Ingiriiska: 80 malyuun oo usd.
    2. Qoyska Reer Boqor ee Holland:    21 malyuun oo usd
    3. Qoyska Reer Boqor ee Danmark:  16 malyuun oo usd
    4. Qoyska Reer boqor  ee Belgam:    12 malyuun oo usd
    5. Qoyska Reer Boqor ee Isbayn:        9 malyuun oo usd
    6. Qoyska Reer Boqor ee Iswiidhan:   5 malyuun oo Usd
    7. Qoyska Reer Boqor ee Noorwey:    3 malyuun oo Usd

Adigu bal marka qiyaas kharashka kubaxo nin halmar intuu suuqa u dhaadhacay soo gubay 440 malyuun oo doollarka maraykanka ah, waxaan umalayn qiyaastii inayna kubaxayn wax kayar intuu dayuuradda kusoo iibsaday sanad walba. 

Gabogabadii

Dadyowga kunool dunida saddexaad ayaa waxaa lugu xantaa inay aad ugu yaryihiin dadka haysto mabaadii’ ay noloshooda kudabaqaan shaqana kadhigtaan inta ay nool yihiin ayagoo dhaqaalahooda, wakhtigooda, muruqooda iyo maskaxdooda kumaalgaliyo kadibna natiijo loo aayo oo bulshooyinka wax wayn kabadala hirgaliyo.  

Madaxwaynihii dalkii la’odhan Zaire ayaa lasheegay inuu dalkiisa kadhacay lacag dhan 7 kun oo malyuun oo doollarka maraykanka ah, lacagtaas asagoon wax badan kacalfan ayuu kadhintay sidoo kale qaraabadiisana ayan waxba kadhaxlin meesha dadkii iska lahaa ay kagaajaysan yihiin kana silicsan yihiin. 

Dalalka Khaliijka waxaa ilaahay kumannaystay khayraad fara badan oo dabiici ah inkastoo ay ayaga iska leeyihiin oon faraha lala gali karin oo sharci islaam ahaan aan lugu lahayn waxaan ka’ahayn Zakada inay bixiyaan sanadkii, sidoo kale la’ogahay inay lacago aan yarayn ay muslimiinta saboolka ah ugu deeqeen marar badan haddana waxaa muuqato inay lacag xad dhaafa ah ay gubaan oo waxaan macno lahayn boqollaal milyan kugubaan waxa calamka latartamayo si dadka loo gaadhsiiyo tiknoolojiyo casri ah, waxbarasho sare, farsamo cusub iyo waliba in hawada sare lasahmiyo, waxay dadka qaar kamaraysaa inay lacag faraha kabadatay oo aduunka iyo nolosha maalaayiin qof waxkabadali lahayd inay waxaan macno wayn lahayn kugubaan. 

440 malyuun waxay miisaaniyad sanad unoqon kartaa dawlad dunida saddexaad kamida oo dadkeedu dhanyahay 10 illaa 20 malyuun. 
 

2007-07-11

Axmed-shiil Muxumed
Borlänge, Sweden
ahmedshil@yahoo.com

Warbixin: Borlänge iyo Somalitalk.com II

Gunnimo doon : Askari gumaysi tababaray, Askari shuuci soo tababaray, Akhri

Argagixii loo ooyayey oo irridaha kasoo galay: Siyaasiyiin argagax baadigoobayo si ay hanti uga.. Akhri...

Faafin: SomaliTalk.com | July 13, 2007

Sawirada: Google search

 

Kulaabo bogga  www.SomaliTalk.com 
© www.SomaliTalk.com