Jabhadda Islaamiga Soomaaliyeed (Jabiso)
BAYAAN
Muqaawamada Islaamiga ee Soomaaliyeed waxay ku
guulaysatay in ay hanato kalsoonida shacbiga Soomaaliyeed, ayna ka hesho
dadkeeda taageero hiil iyo hooba leh, taas oo keentay in cadawgu hanan waayo
talada dhulkii uu horay gacanta ugu dhigay oo u qeybsamay deegaano muqaawamadu
si toos ah uga taliso iyo meelo maleeshiyo beeleedyo ka arrimiyaan. Waxaa kale
oo ay muqaawamadu ku guulaysatay in ay gumaysiga iyo cawaankiisa qoqob galiso,
una diido in uu sidii uu doono ujeedooyinkiisa uga dhex fushado dalka iyo dadka.
Guulaha waaweyn ee ay soo hoyisay muqaawamadu waxaa kale oo ka mid ah in ay si
cad daaha uga qaaday xaqiiqada kuwa la shaqaysta gumaysiga oo bulshada qayb ka
mid ah iyo caalamka kale qaarkiba markii hore u haysteen in ay yihiin dad talada
wax ku leh, haddase ay cid walba u caddaatay in ay yihiin buun gumaysigu sidii
uu doono u afuufo, wax kalena aan la weydiin.
Haddaba iyada oo xaqiiqadaas laga ambaqaadayo waxay Jabhadda
Islaamiga Soomaaliyeed (Jabiso) u aragtaa :
1. in marxaladdaan loo baahan
yahay in ugu horrayn si buuxda loo mideeyo dhammaan kooxaha muqaawamada, isla
markaana albaabada loo furo ka qeybgalka bulshada Soomaaliyeed ee ku hawlan
xoraynta iyo dawlad u dhiska dalka, loona jeexo siyaasad cad oo lagu gaaro
arrimahaas.
2. si loo daboolo baahida maamul
iyo nabadgalyo ee ka taagnayd gobolada koonfureed intii gumaysigu dalka qabsaday
waxaan ugu baaqaynaa qeybaha muqaawamada, odayaasha iyo waxgaradka in ay u
dhisaan gobolada maamulo iyo ciidan boolis, qaybaha bulshadana ay dhammaan ka
wada qaybgaliyaan dhismaha maamulada iyo ciidanka booliska, isla markaana ay ugu
baaqaan dadkii Soomaliyeed ee ku dagmay la shaqaynta gumaysiga in ay u soo
noqdaan diintooda iyo dadkooda ; si loo soo gabagabeeyo xabbadda Soomaaliyeed ee
is dhaafaysa, gumaysigana looga wada xayuubiyo gabbaadka Soomaaliyeed ee uu ku
dhuumanayo,.
3. in xiriir toos ah lala sameeyo
hoggaamada diimeed, dhaqan iyo siyaasadeed ee bulshaweynta Soomaliyeed, lana
mideeyo aragtida iyo mawaaqifta ummadda ; si la isugu keeno shacbigeena
tabartiisa, cadawgana hal mar la isaga wada hinqiyo.
4. Jabhadda Islaaiga Soomaaliyeed
(Jabiso) waxay soo dhaweynaysaa dadaal kaste oo nabadeed ee shacbigeenu si
shuruud la’aan ah ugu gaari karo xuquuqdiisa, sida : haysashada diintiisa,
madaxbanaanidiisa iyo midnimadiisa.
5. Jabhadda Islaaiga Soomaaliyeed
(Jabiso) waxay soo dhaweynaysaa, si buuxdana u taageeraysaa baaqii ay soo wada
saareen odayaasha beelaha Dir, Hawiye, Digil iyo Mirifle ee bulshada
Soomaaliyeed ugu baaqayay ku dhaqanka shareecada islaamka, isla markaana waxaan
ugu yeeraynaa beelaha kale in ay tillaabadaas oo kale qaadaan ; si ay
bulshadeenu u wada gaarto xal loo dhan yahay oo ku salaysan diinteena.
6.Jabhadda waxa ay aad uga
xuntahay dhibaatada ku dhacaysa shacabka soomaaliyeed sida sicir bararka, amni
darrada, barakaca, burburinta arxan-darrada ah iyo abaaraha, taasoo ay keentay
danbiyada la galay. Sidaa darteed waxaan dhamaan shacabka soomaaliyeed ugu
baaqaynaa inay Alle u toobad keenaan ayna ku midoobaan kitaabka Alle iyo sunnada
Nabigeena ( s.c.w), waxaana hubaal ah in aan dhibkaas wax kale looga baxaynin,
sida uu Ilaahay inoo sheegay.
قال تعالى: " إن الله لايغير ما بقوم حتى يغيروا مابأنفسهم "
وقال تعالى: " ولوأن أهل القري آمنوا واتقوا لفتحنا عليهم
بركات من السماء والأرض ولكن كذبوافأخذناهم بماكانوا يكسبون"
XAFIISKA WARFAAFINTA IYO XIRIIRKA GUUD
islamicfront@hotmail.com
Tel: Halkan ka eeg.....
Muqdisho, Soomaaliya
Bayaanka oo saxiixan ka eeg halkan (PDF)
Faafin: SomaliTalk.com | April 16, 2008
|