CAMBAAREYN KU WAJAHAN DOWLADA ITOOBIYA KA DIB
MARKII AAY MASJIDKA AL-HIDAAYA DAD KU LAAYEEN.
21/04/2008
Ugaas C/raxmaan Axmed Siyaad ugaaska beesha yaxye saalax ayaa Asaga oo
careysan cambaareyn dusha kaga tuuray ciidamada itoobiyaanka ah ee xasuuqa u
geeystay culimada iyo ardayda tabliiqa ah ee loogu galay masjidka al- hidaaya,
iyo waliba xasuuqa loo geeystay dadka rayidka ah ee halkaas deganaay, waxa uuna
ugaaska muujiyay in uu aad ugu xun yahay arinkaan foosha xun leh loona dul
qaadan Karin in culimada tabliiqa ah iyo ardayda cilmiga raacanayso masjid
dhaxdiisa lagu laayo, ugaas c/raxmaan waxa uu u duceyay dadkii halkaas ku
geeriyooday in uu allaah janada ka waraabiyo.
Ugaas waxaa kale ee uu baaq deg deg ah u jeediyay dowlada itoobiya iyo beesha
caalamka qaasatan uruka jaamacada carabta in aay si deg deg wax ugu qabtaan sii
deynta ardaydaas la qafaashay oo ciyaalka ah waxna geeysan danbina laheyn eena
laga qafaashay masjidka dhaxdiisa.
Ugaas C/raxman waxaa kale oo uu xusay shirkii xamar lagu qabtay ee aay ka soo
qeeyb galeen dhamaan odoyaal dhaqameedka soomaaliyeed waxaa uuna dhamaan odoyaal
dhaqameedka soomaaliyeed ku baraarujinayaa in aay u istaagaan in aay wax ka
qabtaan falka aragagaxa ah ee foosha xun leh oo lagu laayay culimada iyo ardayda
tabliiqa ah walina halkaas lagu qafaashay ciyaal gaarayo 41 ciyaal, taas oo
aanan qawaaniin ahaan banaaneyn.
Ugaas c/raxmaan axmed siyaad ugaaska beesha yaxye saalax ee koonfurta soomaaliy.
Dr saciis xusen haashim.
Waxii dheeraad ah waxaad nagala soo xiriiri kartaa by email.
E-mail yaxyesaalax@yahoo.com
Asc wr wb.
Faafin: SomaliTalk.com | April 23, 2008
Daabaco
Boggan | Print
Somaliland
oo Xaqiijisay in Xiriir Dhexmaray Shirkadda Batroolka ee Lundin Oil
