Siyaasadda Cakiran ee Soomaaliya & Aragtida kala duwan ee Dunida
CaalamkaJahawareerka Siyaasadeed ee Soomaaliya ka taagan ayaa
wuxuu u gudbay heer Caalami ah Dunida oo dhani ay khayla dhaan afka la
furatay kaddib markii Madaxweyne Cabdullaahi Yuusuf Axmed iyo R/Wasaare
Nuur Xasan Xuseen uu khilaaf ku dhexmaray Maamul hoosaadkooda ee Dib u
Dhisidda Golaha Wasiiradda ee DFKMG ee Soomaaliya, taasina ay keentay
inay isku maan dhaafaan arintani ayaa waxay abuurtay iska hor imaad aad
u weyn oo ka dhex dhasha DFKMG ahayd iyo Dhammaan Xubnihii Baarlamaanka
iyo Mucaaradkii ka soo horjeeday Dowladda oo ay abuurantay jawi
Colaadeed iyo Siyaasadeed oo hore leh taasoo kaliftay inay Xaaladan
Siyaasadeed ee Murugsani ay u gudubto heer ay Dunida Caalamka
farageliyaan.
Murankani ayaa wuxuu Cirka isku sii shareeray kaddib markii ay
Baarlamaanku go'aan ku gaareen inay ansixiyaan Kalsoonidii R/Wasaare
Nuur Xasan Xuseen iyo Golihiisii Wasiiradda ,hase ahaatee waxay u cunami
weyday Madaxweyne Cabdullaahi Yuusuf Axmed oo isaguna soo Magacowday
R/Wasaare Cusub oo taasina ay noqotay in Madaxweyne Cabdullaahi uu ku
mutay Ciqaab fara badan iyo Dacwooyin Lidi ku ah oo uga yimi Dowlado ka
mid ah Ururada Qaramada Midoobay , IGAD, Maraykanka iyo kuwa kale uuna
ka dhega adeegay isla markaana uu Magacowday Maxamed Maxamuud Guuleed
(Gacmadheere) ,taasina ay noqon karto inay DFKMG ahi kala jabtay oo u
kala jabtay Madaxweyne iyo R/Wasaare Lidi isku ah iskana hor yimi.
Siyaasiyiinta Caalamka ayaa Khilaafkani jawaab adag ka muujiyey kaddib
markii ay Cunaqabatayn ku soo rogeen Madaxweynaha iyo Qoyskiisa
arrinatni ayaa waxaa lagu tilmaami karaa in ay tahay mid lagu doonayo in
lagu soo afjaro Dagaaladan daba dheeraaday ee ka jira Dalka Soomaaliya
oo maallin waliba uu Qof awood uusan lahayn u Sheegto Maadaxda iyo
Howlwadeenada la Shaqeynayo taasina ay ku burburto Dowlad waliba oo loo
soo dhiso Shacabka Soomaaliyeed ee sugi la' nabadda , Tallaabooyinkani
waxay noqon doonaan kuwa raja geliya Hannaanka Geedi Socodka Nabadda ee
ka socda Dalka Jabuuti oo is aragiisii hore uu ku dhammaaday Guul wax ku
Ool ah inta dhimana la filayo in lagu soo dhammeeyo Natiijo Wanaagsan .
Haddaba , Madaxweyne Cabdullaahi Yuusuf Axmed maxaa la gudboon? Dowladan
oo ay u hartay in ka yar Hal Sano waa inuu dib u fikiraa una
Hoggaansamaa Hannaanka iyo Geedi Socodka Nabadda taasina waxay u noqon
kartaa Tanaasul uu ku badbaadin karo Dalkiisa iyo Dadkiisa isaguna waxay
u noqonaysaa Sharaf aad u weyn ,isla markaana uu Dib uga noqdo
Tallaabooyinkii adkaa ee uu ku Dhaqaaqay ee Carada ka Muujiyey Dhammaan
Dunida Caalamka iyo Baarlamaanka DFKMG ah ee Soomaaliya haddii uu
arimahani uu fulliyana waxaa soo noqonaya Kalsoonidii ay u hayeen
Caalamka iyo Baarlamaanka DFKMG ee Soomaaliya ,Haddii kale waxaa imaan
kara in ay Siyaasadda Soomaaliya isku bedesho Gacan ka hadal iyo Dagaal
aad u fool Xun.
Hay'adda Qaramada Midoobay Xoghayeheeda ugu sareeya ee Ban ki-Moon ayaa
wuxuu ku dadaalayey bilihii la soo dhaafay in uu u helo Soomaaliya u
helo Ciidamo Shisheeye oo hor leh in Soomaaliya la geeyo laakiin
arrintaasi wax raja ah lagama qabo in la helo Ciidamo iyo Saad kaddib
markii Waddamadii uu weydiistay oo tiradooda kor u dhaafay 50 Dowladood
ay ka muujiyeen Diidmo Qayaxan , sidoo kale Waddamo kale ayaa arrintan
ku Mashquulsan hase ahaatee way adag tahay in la helo Ciidamo Shisheeye
oo ka Howl gala Dalka Soomaaliya waxaa kaloo ay Dadku is Weydiinayaan
goor may ka baxayaan Ciidamada Maxaysatada ee Itoobiya ? Ciidamadan
Itoobiya ayaa waxay ka wadaan Dalka Gudihiisa arrimo fara badan oo aan
ahayn oo keliya Xasuuqa ee waxay kaloo ka Wadaan Basaasnimo iyo Ururin
Xog Siyaasadeed iyo Diineed oo Mustaqbalka Dhibaato weyn ku ah Shacabka
Soomaaliyeed hase ahaatee waxaa haboon inay Shacabka Soomaaliyeed ay Dib
isugu noqdaan Dhwxdoodana ay Heshiiyaan si Deg deg ah si loo badbaadiyo
Dalka.
Kaddib markii uu khilaafku ka dhex abuurmay DFKMG ahi iyo kala jabka
Baarlamaanka ee labada dhinac ayaa wuxuu keenayaa in Ciidamada Itoobiya
ay helaan fursad aad u weyn oo ah inay Dalka sii joogaan hase ahaatee
Afahayeen u hadlayey Qaramada Midoobay ayaa wuxuu shaaciyey in ay
Hayadda Qaramada Midoobay ay ku Tilmaantay Joogitaanka Ciidamadan
Itoobiya Xadgudub iyo Sharci darro ay ku soo gashay Dalka Soomaaliya
Qaramada Midoobayna aysan Ogolayn inay sii joogaan Dalka Soomaaliya
waxaa sii badanaaya Xasuuqa, Dilka ,Dhaca iyo Boobka ay u geysanayaan
Dadka Raydka ah ee Soomaaliyeed ee ku nool Magaalada Muqdisho iyo Dalka
intiisa kale, arrimahani oo dhami ayaa waxaa loo hayaa caddaymo iyo
Sawiro ay soo Ururiyeen Hay'adaha u Dooda Xuquuqda Aadanaha ee Dunida
iyo kuwa Soomaaliya ka Howl gala .
Haddaba Siyaasaddan Cakin ee Soomaaliya ayaa waxaa ku kala Aragti duwan
Dhammaan Dunida Caalamka ,sida ay ugu kala aragti duwan yihiin kooxaha
iska soo horjeeda ee Dalka Soomaaliya in kastoo ay inta badani la Aragti
yihiin Rug Caddaaga Siyaasiga ah ee R/Wasaare Nuur Xasan Xuseen oo isagu
ah Shaqsi Soomaaliyeed oo ay dhab ka tahay Dib u Heshiisiinta Dalka
Soomaaliya iyo Xal u helidda Xaaladan Murugsan ee ka taagan Dalka
Soomaaliya ,R/Wasaare Nuur ayaa wuxuu dhowaan soo Afjaray is aragii ugu
horeeyey ee uu la kulmay Isbahaysiga Dib u Heshiisiinta Dalka Soomaaliya
Guul aad u weyna wuu ka soo hooyey kaddib markii Guddoomiyaha
Isbahaysiga Sh.Shariif uu ka degay Magaalada Muqdisho ay taasi noqotay
Calaamad lagu farxay oo dhab ah in lagu guulaystay Dib u Heshiisiintii
ka socotay Dalka Jabuuti lana filayo in inta dhiman la in la dhameeyo.
Dhinaca kale kooxaha kale ee ka soo horjeeda DFKMG ahi ee uu
Hoggaaminayo R/Wasaare Nuur Xasan Xuseen waxaa haboon inay ka soo qayb
galaan Shirka Jabuuti sida uu ugu Marti qaaday inay u qaataan , haddii
kale wax guul ahi ma gaarayaan Sababtoo ah Geedi Socodka Nabadda ee
Soomaaliya ayaa wuxuu ku socdaa si Xowli ah Cidii ka hor imaadana waxay
la kulmayaan Caqabad aad u weyn waxayna Dulminaayaan Shacbkooda oo
maallin walba lagu hor gumaadayaa , haddaba si ay u badbaadiyaan Ummadda
Soomaaliyeed oo Gacanta ugu jirto Gumeysi waa inay qaataan Heshiiskan
lagu Midaynayo Ummadda Soomaaliyeed hal meelna looga soo jeesanayo
Gumeystaha iyo kuwa raacay.
Gabagabadii iyo maqaalkani kor ku xusan Siyaasadda Cakiran ee Soomaaliya
iyo Aragtida kala duwan ee dunida Caalamka ayaa waxay tahay mid aan
qoraal ku soo koobi karayn hase ahaatee fikradaha kala duwani ee
Caalamku ay yihiin sida mowjadaha Badda ay maallin waliba ay is
bedbedelaan ayna ku xiran tahay Hogaamiyeyaasha Siyaasadeed ee uu Dal
waliba uu leeyahay iyo sida uu u danaynayo Dalka Soomaaliya ,hase
ahaatee Xaaladda Soomaaliya ayaa waxay maanta taagan tahay mid aan u
Cakiran oo u baahan in ay Shacbka Soomaaliyeed kala doortaan Dowlad iyo
Dowlad la'aan , Baarlamaankuna uu ku dadaalayo inuu Badbaadiyo Dowladii
iyo Shacbkii oo dhan taasina ay tahay mid Xaq ah.
Eng. Cabdulqaadir Cumar Yuusuf
Somalihungerhivprojectus2004@yahoo.com