Walaalkeey Cabdalla Maxamed Cabuud Garadarro ayuu ku xiran yahey?
Diblomaasi Yemeni ah iyo Mas’uuliyiin Dowladda ka tirsan ayaa
doonaya inay si qasab ah dhul uga qaataan?...
Safiirka dalka Yemen u jooga Soomaaliya Axmed Xamiid Cumar oo
adeegsanaya rag oow ugu tala galay in ow maqaar saar ka dhigto asigoo
hugsan dalad dowladnimo ayow dhisay guddi jaaliyadeed taariikhdu markey
aheed 13/12/2007. isla habeenkii 14/12/2007 saacaddu markey aheed
12:00pm . waxaan ka helnay warar dad ku daw-dhaw Gen. Ismaaciil Qaasim
Naaji iyo Safiirka dalka Yemen in ey dejiyeen qorshe ay ku doonayaan in
walaalkeey Cabdalla Maxamed Cabuud ay ku soo xero geliyaan si ay marka
hore ugu adeegtaan marka xigana barnaamij ay wataan uga fushadaan kaas
oo ah in ay kala wareegaan document uu reerkeenu leeyahay oo cadaynaya
lahaanshaha dhulka ay ku fadhido dhismaha jaliyadda dalka Yemen, balse
Walaalkeey Cabdalla arrintii wuu fahmay wuuna ku diiday
barnaamijkoodii, laakiinse waxaa loo sheegay walaakay haddii ow ku diido
in ey xeraayaan.
Waxaa dhecday in la xeray walaalkeey Cabdalla 15/12/2007 ilaa
maantana ow ku xeran yahey xarunta nabadsugidda dalka ee madaxda ka
yahay Darwiish.
waxaa nasiib darro ah darwiish oo ah nin yaqaan sharciga in ow
Cabdalla ku xeray sharciga ii haay oo adduunka hadda looga dhaqmin,
balse la soo dhaafay marxaladaas, isagoo ka tilaabsaday caddaalada Isla
markaana fiirinayo saaxiibtinimo iyo dalladda ey hugsan yihiin oo u
janjeersaday dhanka Gen. Ismaaciil Qaasim Naaji iyo safiirka dalka Yemen
Axmed Xamiid Cumar kuwaas raba inay xoog nooga qaataan dhul aan leenahay
iyagoo adeegsanaya magaca dowladda Soomaaliyeed iyo tan dowladda Yemen.
Gen. Ismaaciil Qaasin Naaji oo si fiican u yaqaano aabaha Cabdalla
Marxuum Maxamed Cabuud Maxamed iyo caa’iladda ow ka dhashay, maxaase ku
kalifay in ow qaado tilaabadaas ? maxaa ku ka lifay in ow dib ugu soo
noqdo tolkiisa iyo caruurtii Marxuum Maxamed Cabuud?, waa arrin iska cad
oo masaalix gaar ah ku dhisan
Gen. Ismaaciil Qaasim Naaji waxoh go’aan ku gaaray inow ku dhaqaaqo
talaabo kasta oo ku heli karo qorshihiisa, markasta ow xabsiga ugu tago
Cabdalla Maxamed Cabuud kuna handadayo in ow saxiixo warqad tanaasul ah
dhaxaltooyadii aabihii hadii kale ow sidaa ugu jirayo godkaas.
Cabdallane ow diidan yahay inow xaqiisa dhiibo, ilaa maantana ow sidaas
ku wado.
Waxaa dhecday in 24/12/2007 la geeyay Cabdalla Maxamed Cabuud
maxkamadda isla markaana dib loogu celiyay gacanta nabad sugidda markii
loo waayay cid soo dacweysata oo soo istaagto maxkamadda horteeda.
Waxaa dhacday in taariikhdu markey aheed 1/1/2008. Safiirka dalka
Yemen asagoo ey la socdaan taliyaha ciidanka booliiska Gen. Cabdi Xasan
Cawaale (Qeybdiid) iyo madaxa Gobolka Banaadir Maxamed Cumar Xabeeb
(Maxamed dheere) ey yimaadeen xaruunta ey dagan yihiin carruurta Marxuum
Maxamed Cabuud una yeereen Cabdalla Maxamed hooyadiis si ey u ogaadaan
arrimaha ow ku doodayo safiirka dalka Yemen Axmed Xamiid Cumar, markii
ey arrimahii dhexgaleen su'aalo
ey la yeesheen Cabdalla hooyadii waxaa hadalka laga wadi waayay Axmed
Xamiid Cumar oo buuq iyo hadadaad ka kiciyay meesha markii uu arkay in
sidii ow wax u rabay ay noqon waysay, waxaa la faray in ow baabuurkiisa
ku noqdo si ey odayaasha u dhageestaan hadalka Cabdalla hooyadiis.
sidaas ayeey fursad ugu heleen dhageesi dheer iyo codsi ey u soo
jeedisay Cabdalla hooyadiis duqa magaalada xamar kana codsatay in loo
soo daayo wiilkeeda, waxaa ow u sheegay Maxamed Dheere in ey cadaalad
jirto wiilkeedana loo soo deynayo mar alla markii ow Darwiish ka yimaado
safarka.
Nasiib darro meeshii aan ka filaynay in Walaalkey la soo daayo ayaa
5/1/2008 ayaa Cabdalla Maxamed Cabuud lagu soo celiyay maxkamadda iyadoo
la soo abaabulay dad marqaati been ah sameeya kuwaas oo Maxkamadda
horteeda la keenay, kuwaas oo kala ah:- 1- Xuseen Saalim Axmed 2-
Cabdulkaadir Cusmaan Maxamed 3- Cali Maxamed Cali (Cali Dheere)???
(goormow noqday beesha is heysato? ayaase ku soo daray? maxaane loo
adeegsanayaa? maxowna ka ogyahay arrintaani? waa nasiib darro inteeda la
eg.
Ayagoo sheeganayo in ey yahiin gudi ow soo magacaabay safiirka dalka
Yemen lidna ey ku yihiin Cabdalla Maxamed Cabuud,(labda ruux ee ugu
horeeyo waxey ku shaqeysan jireen magaca Jamciyad Kheyriya Alyamaniya
ayagoo si N.G.O ah oo aan sharci aheen ku shaqeen jireen isla markaana
daabici jireen qorina jireen warqadaha lahaanshaha guryaha la kala
iibsado ee xaafadda Maana Boolyo, Kaaraan, Beexaani iyo Cabdulcasiis,
kuna qori jireen in ey ayaga ka yihiin masu'ul madaama ey jamciyadaas
masuul ayaga ka yihii)....waxeyna dhiibteen warqado aan ku saxiixneen
magacooda iyo qaar ey isku soo aruuriyeen oo ay ku sheegayaan ama ku
cadeeyanaayaan in dhulka jaaliyadda Yemen uusan lahayn Marxuuma Maxamed
Cabuud Maxamed, balse ay leedahay jaaliyadda Yemen. balse maxkamada
ayeey u taalaa jawaabtaas.
Waxaa nasiib darro ah in mas’uuliyiinta uu hor kacayo Safiirka Yemen
iyo Ge, Naaji iyo kuwa iska bada socda in aysanba ka war qabin
taariikhda jaaliyadda Yemen ee Soomaaliya sida ay ku timid iyo cidii
samaysay iyo marxaladihii ay soo martay, waxaase rabaa inaan dadka
xauusiyo in jaaliyadda Yemen uu aasaaskeeda iyo maalgelinteedaba uu
lahaa Marxuum Maxamed Cabuud oo xitaa dhulkiisa uga dhisay meel ay
jaaliyadda Yemen isku yimaadaan, waxaana la yaab leh in geesigaas maanta
loogu abaal gudayo in la isku soo bahaysto in dhaxalkii carruurtiisa la
dhaco..
Waxaase dhacday in Cabdalla Maxamed Cabuud dib loogu celiyo gacanta
nabadsugidda isagoo lagu heynin arrin criminal ah .seddexda ruuxna ey si
xurnimo ah ey guryahooda u joogaan???....mase awoodii u soo dhiibtay
warqadahaas ayaa daba taagan? waa dad la soo dirsadee.........
Walaalkay Cabdalla weli waa xiran yahay iyadoo aysan jirin wax dambi
uu dalka iyo dadka soomaaliyeed uu ka galay, ma tahdiidkii Gen.
Ismaaciil Qaasim Naaji ayaa weli u socto Cabdalla Maxamed Cabuud? mase
awoodii Safiirka Yemen Axmed Xamiid Cumar ayaa weli dhamaanin oo laga
sugayaa in ow soo fasaxo? ... mase Darwiish ayaa shaqadiisii gabay ??
mase Miskiinka xiran ee Cabdalla ayaa laga sugayaa inuu ka tanaasulo
dhaxalka Aabihiis !!!???
Waxaa intaas oo dhan ka yaab badan in markii la isku dayay in arrinta
tol ahaan loo galo ee wax laga weydiiyay Gen. Naaji uu yiri “aniga wax
aan kala socdo ma jiraan waana arrin Qaran!” waxaan weydinayaa Macnaha
Qaran ma sidaa ayaad u takhaanaa?
Haddaba waxaan ka codsanayaa DFKMG in ay arrinta walaakay ay soo dhex
gasho waxna ka qabato, sidoo kale waxaan ka codsanayaa Hay’adaha
garsoorka inay caddaladda iyo xaqa fuliyaan walaakayna xoriyadiisa loo
soo celiyo, boobka iyo handadaada nalagu hayana naga joojiyaan. Waxaan
kaloo dhibaatada na haysata ogaysiinayaa dhamaan hay;adaha Xuquuqda
aadamiga.
“Ma anaa waalan mase Cadan baa laga heesayaa” ayaan maqli jiray
Caddantii ayaaba duul dhul boob ah nooga yimid ALLOW naga samati bixi
adigaa caadil ahee
W/Qoray: Maxamed Cali Cabuud.
Nayroobi Kenya
Email:
abbodma@hotmail.com