Wararkii: Feb 23, 2008
- Dacwo Ka Dhan Ah Saraakiisha Oo Ay Gudbiyeen Ganacsatada Gobolka Banaadir
Raysalwasaraha DFKMG Nuur Cadde.
- Qaylo Dhaan Xoogan Oo Ku Aadan Xaalada Caasimada Oo Kasoo Baxaysa Odayaasha
Dhaqanka Beesha Hawiye .
- Qarax Dhimasho iyo Dhaawacba Gaystay Oo Ka Dhacay Agagaarka Hotel Ambasador Ee
Magaalada Muqdisho.
Dacwo Ka Dhan Ah Saraakiisha Oo Ay Gudbiyeen Ganacsatada Gobolka Banaadir
Raysalwasaraha DFKMG Nuur Cadde.
Dacwo ka dhan saraakiisha Dowlada FKMG ah ayaa waxaa abaabulay ganacsatada
Gobolka Banaadir kadib markii ay u adkaysan waayeen Dhaca iyo Boobka ay u
gaysanayaan ciidamo Ku Lebisan dharka dowlada KMG ah islamrkaana jabsaday
maamilntii talaadada ahayd Bakhaaro iyo meelo kale oo ganacsi oo ay ka qaateen
alaabadii dhex taalay halkaasi .
Dacwadan oo ay Ganacsatada Gobolka Banaadir u Gudbiyeen Raysal-wasaaraha dowlada
FKMG ah Nuur Xasan Xuseen (Nuur Cadde) ayay ku Tibaaxeen sida ay Noo Xaqiijiyeen
Goob Joogayaal ka ag dhowaa Goobta Kulanku ku dhex maray ganacsatada iyo raysal
wasaaraha oo diidey in magacooda loa shaaciyo xaalad amni awadeed Sida Foosha
xun ee xoolahooda dhibaatada dhaca loogu hayo iyo weliba sidii loo badbaadin
lahaa inta taala Suuqaasi oo xidhnaa mudo ka Badan 4-cisho .
Sidoo kale Kulankan Dhex maray Ganacsatada iyo weliba Raysal wasaaraha DFKMG Nuur cadde
ayaa ahaa mid Hordhac ah islamrkaana la sheegay inay isku afgarteen Labada
dhinac iyadoo Raysal wasaare nuur cadde uu uga Tacsiyeeyey Dhaca iyo Boobka Loo
gaystay Ganacsatada iyo weliba xaalada Murugsan oo ilaa iminka Haysata
ganacsatada Suuqa Bakaaraha.
Raysal wasaaraha DFKMG Nuur Cadde ayaa la sheegay inuu ka sokow Hadalka tacasiyeynta ah
mooyee inuusan weli ku Guulaysan Inuu ka dul qaado Suuqa bakaaraha Ciidamada Ku
Hareeraysan ee U Diiday Inay soo galaan dadkii Suuqaasi ka Gancsan Jiray iyo
weliba Gawaarida BL-ka ee isaga kala Goosha Suuqa bakaaraha iyo Degmooyinka kale
ee gobolka banaadir iyadoo mararka Qaarkoodna ay ciidamadaasi Gaysnayaan Dhaca
dadka shacabka ah ee kusoo dhex lugaynaya deegaanada ku Xeeran suuqaasi
islamrkaana ka qaadanaya waxyaalaha muhiimka ah sida telefoonada Gacanta iyo
agabka kale ee ay sitaan.
Dacwadan ay soo abaabuleen ganacsatada Gobolka Banaadir ayaa kusoo Beegmaysa
xili ay ka Jiraan Suuqa weyn ee bakaaraha Xaalad cakiran islamrkaana uu weli
Hakad ku jiro ganacsiga suuqaasi iyadoo ay sidoo kalena is Faham La,aan xoogani
ay ka dhex jirto Saraakiisha ciidamada ku Hareeraysan Suuqa iyo weliba
ganacsatada Gobolka banaadir taasoo la sheegay Inay isku afagaran waayeen Lacago
la sheegay inay Ka dalbadeen Saraakiishaasi oo la sheegay in hadii lacagtaasi
Laaluushka ah la siiyo ay fasaxi Doonaan Ganacsiga suuqa Bakaraaha .
Qaylo Dhaan Xoogan Oo Ku Aadan Xaalada Caasimada Oo Kasoo Baxaysa Odayaasha
Dhaqanka Beesha Hawiye .
Odayaasha dhaqanka beesha hawiye ayaa qaylo dhaan kasoo saaray xaalada Cakiran
ee amaan Xumo ee ka jirta caasimada magaalada Muqdisho ,taasoo ay ku Qeexeen
sida Dadkoodii Loogu Tumanayo islamrkaana Dhaca ,Dilka iyo Boobka Loogu Hayo Waa
siday Hadalka u dhigeene .
Afhayeenka Odayaasha Dhaqanka Beesha Hawiye Nabadoon Axmed Diiriye Cali ayaa
Tibaaxay Sida Dhibaatada loogu hayo shacabka Beesha hawiye islamrkaana markii
wax kasta la sameeyey Hadana Hantidoodii Dhaca Loogu Bilaabay Waa siduu Hadalka
U sheegaye Axmed Diiriye ayaa xusay in dadka shacabka ah ee beesha Hawiye aysan
Labada dhinac ee isku haya siyaasada aysan Midna La socon waloow ay Jiraan Hadii
dhac iyo dil Yimaado aad raacaysid meesha kuu Roon ayuu yiri isaga oo saxaafada
la Hadlaya
Nabadoonka ayaa meesha ka saaray Inay dowlada FKMG ah ay Xaqdhowayrayso Shacbka
Beesha hawiye islamrkaana Carabka Ku adkeeyey inay ku Tumanayso shacabka waayo
ma jiraan Cid masuul ah oo ka hadlaysa ayuu yiri Dhacii iyo Boobkii ka dhacay
suuqa iyo weliba kuwa layska xasuuqayo oo la dhacauyo hantidoodii waa siduu
hadalka u dhigaye .
"'Shacabkana waxaa lagu hayaa Xasuuq ,Dhac ,iyo Bililiqo baahsan mana jiraan Cid
kas hadlaysa iyadoo aysan shacabku iska Hor kicinb karin kuwa Madaafiicda ku
Ridaya iyo kuwa ka hor tuuraya Xabada waloow ay Dowladu dhac ku ahyso taasina ay
keenayso inay shacabku marka ay u adkaysan wayaan dhibaatada ay taageero siiyaan
kuywa kasoo horjeeda dowlada '' ayuu yiri Nabadoon axmed diiriye.
Hadalka waxgaradka iyo Dhaqanka beesha hawiye ayaa kusoo Beegmaya xili ay
Maalintii talaadada ahayd Suuqa bakaaraha ay ciidamada dowlada FKKMG ah ee
Gudaha u Galay ay u gaysteen Dhac iyo Bililiqo Xoogan taasoo ay sii Weheliyaan
Dhaca kale ee ka jira agagaarka suuqasi ee Furashada telefoonada Gacanta Iyo
Lacagaha ay Wataan Dadka rayidka ah ee Usoo Lugaynaya Suuqaasi islamrkaana
doonaya inay Soo Eegtaan Hantidooda ku dhex xayiran suuqa weyn ee bakaaraha .
Qarax Dhimasho iyo Dhaawacba Gaystay Oo Ka Dhacay Agagaarka Hotel Ambasador Ee
Magaalada Muqdisho.
Qarax Xoogan oo laga wada maqlay agagaarka Hotel ambasador ee magaalada muqdisho
ayaa ka dhacay wadada Maka al-mukarama ee isku xirta Xarunta Madaxtooyada iyo
KM-4 halkaasoo saaka u Xirayd Ciidamada Dowlada KMG islamrkaana loo diidey inay
isticmaalaan Gawaarida BL-ka ah ee isaga kala goosha KM-4 iyo Bakaaraha .
Qaraxan oo ahaa Mid Gilgiley agaagaarka Wadadaasi ayaa la sheegay inuu Gaystay
dhimashada Labo Qofood oo rayid ah oo mid kamid ah uu yahay Haweenay xiligaa ka
ag dhoweyd goobtaasi Halka la sheegay inay ku dhaawacmeen In ka badan Afar
Qofood oo shacab ah .
Qaraxan ayaa la sheegay inuu ahaa Nooca Rimuudka laga hago oo ku aasnaa wadada
Maka almukarama agaarka Hotelka Amabasador ee magaalada muqdisho iyadoo sidoo
kalena laga Cabsi qabo inay dhaawaca iyo dhimashadu intaas ka badnaan karaan .
Qaraxa kadib ayaa la sheegay inay Ciidamada dowlada KMG ahi isku Gadaameen
halkaasi waloow aysan jirin cid loo qab qabtay Qaraxaasi oo lagu Tuhmay inay ka
dambeeyeen.
Yaasiin maxamed faytin
yaasiinfaytin@hotmail.com
Faafin: SomaliTalk.com | Feb
23, 2008