Qoraaga hadalkiisa ah "Puntland Dhankii Loo saaraba waa Boog"
maxaa ku qarsoon Mohamed Abdullahi Omar
faysal1@hotmail.com
Soomaalidu waa wada siyaasi,hadana siyaasadda qalad ayey ka
fahmeen, oo waxay ka qateen ama la noqotay in wax la burburiyo
ama la dhaleeceyo qof siyaasadda markaa ku jira, haseyeshee
Dunidda aqoonta ku horumartay qofka si wanaagsan ayey waxa ugu
sheegaan , iyagoo adeegsanaya, qirayana qofkaasi wanaaga uu
qabtay, haseyeshee, waxay raaciyaan anigu sidaas iyo sidaas
ayaan u maarayn lahaa, sidaa ayaan wax usamaynlahaa, maxaa yelay
umma fiicna dhaqaalaha ama nabadgelyadda ama hawshu laga
faaloonayaa meesha ay ku haboonytahay.
Haddaan usoo gudbo mawduuca qoraalkaan Puntland waxaa ka
dhacay falal aad u xun, malaha markaas boogi majirin, ama wax
lama dhaleecaynkarin ama wax loolan siyaasadeed ah lama geli
Karin.
Waxaa qoraaga ka dhadhansan kartaa in uu cid Puntland uu
isagu ogyahay usoo wado anigoo ka soo qaatay hadaladiisa:-
(Waa in lagu dhiiradaa gedo iyo tabo raali geliya bulshada,
mustaqbalkana loona aayo. Tusaale ahaan, M/weynihi hore ee
Puntland Maxamed Cabid Xaashi taariikhdu abid waxaa ay xusi
doontaa in uu ahaa halyey jeexay tub awood wareejineed (legacy
of power transfer), reer Puntland-na ay abid abaal ugu hayn
doonaan [4].)
Dhacdooyinka Puntland ka dhacay Mammuladdii hore haddaan soo
qaado, ama ka dhacay magaalooyinka aan filaayo in qoraagu ka soo
jeedo.
- Malaha Boog ma ahayn xiligii Abdullahi yusuf, inta
doorasha xaqi dhacday in dagaal dhacay, oo mammulkii jiray
lagu baabiyey.
- Malaha Boog ma ahayn In maalin cad Isim Qiima iyo sharaf
ku leh Puntland lagu dilay si bareer ah.
- Malaha Boog ma ahayn in magalooyin dad wada dhashay
deganyihiin lagu duulay oo Isimo kale u sacaba Tumayeen.
- Malaha Boog ma ahayn in xabsiyadda dadka lagala baxo
- Malah Boog ma-ahayn in Parlamaan qoryo lala horfariisto
- Malaha Boog ma ahayn in isbaarooyin la dhigto
Mammulka hadda jiraa dhaliil waa leeyahay, waxaanse qabaa
arinta nabada iyo maqnaanshaha laas canood in aan mammulka lagu
eedaynkarin sababahaan awgood
Dawladdu waa daafacday dhulka Puntland, hase yeshee haddii
ninkii daaficlahaa Dabacayuun soo ka xaystay cidamadii
dhexdoodana khalkhal kala galay miyeysan adkayn in ay adagtahay
inta lahelaayo dad iskuduban.
Mida nabadgelyadda magaalooyinka haddii magala madaxdii ayadu
biloowday falal amaan daro ah soo magaalooyinka kale ku dayan
maayaan
Mammulka hadda jiraa waxaaa uu qabtay oo wanaaga lagama helin
mammuladdii soo maray Puntland
Xafiisyo Dawladeed ma jirin mammuladdii hore xataa hal
wasaaradda ma dhisin
Waxaa la taagay Airporo, waxaa socda mashaariic dhaqaale sida
xoolaha, kallumaysiga
Waxaa dhismay Magalooyinka Puntland oo dadka gurya loo dhisay
sida Garoowe iyo Xafuun
Waxaa la hellay nabad oo lakala badbaadiyey in dadweynuhu
isku dhaco
Arimahaas oo dhan qoraagu ma arag ee waxaa uu jeclaystay in
bal mar uun nin isaga la jifa ah uu booska ku fariisto
Mohamed Abdullahi Omar
faysal1@hotmail.com
Afeef: Aragtida qoraalkan waxaa leh qoraaga ku saxiixan