Adis Iyo Asmaraba Danteena kama Shaqeeyaan
Indhacade,Zakariya xaaji iyo xuseyn caydiid ha ka hareen waa dhib ha kaa haro,
Soomalina dheef ha hesho. raggi wadanka qasay waxaa ka haray iyaga iyo Col
Cabdullahi Yusufka waddankeena ku soo hogaamiyay cadawgi ugu weynaa ee dalkeena
lahaa(xabashi).
Shiikh shariif ma dhihin sidi Maxamud Cabaaska Falastiin "hubka iska
dhiga,nabadna ha laga doono Yahuud", balsa wuxuu adduunki tigree uga raali
noqday in ay dalkeena ku soo duusho, ku yiri"waa idinla xaaltameynaa,tigree
xanuunkeeda haddii uu idin dhibaayo ,waxaana idinka rabnaa Tigree oo aad naga
saartaan" ,iyagana waxay yiraahdeen yaa amniga ilaalinayo ,Muqdishana ka hor
istaagayo kooxaha xag jiro, waxay iyaga ugu yeeraan ragga u soo jeedo daafacaada
dalkooda iyo diintooda islaamka,wuxuu ku yiri ,"waxaa ilaalinayo waxaan isla
garano, booska tigreedana lagu bedeli karo ,howsha nabad ilaalintana ka
fogeynayso dowladaha deriska la ah Soomaliya" waxay yiraahdeen"waa isla
garanay". Heshiiski Jabuuti ay isla meeldhigeen Isbahaysiga oo dhinac ah iyo
adduunweynihi dalkeena ku soo hogaamiyay tigree oo iyagana dhinac ah, weli waa
qabyo,qoriga tigree cabaadka ka keenayna weli gacanteena ayuu ku jiraa,
Shiikhana ma amrin in la iska dhigo"
Hadaba maxaa qaylida, waa warayda iyo iska horkeenida kooxaha muqaawamada keenay
iyo abuuritaanka asbaaba hor leh oo tigree u sahlayso sii joogitaanka dalkeena .
Qoraalkayga wuxuu salka ku haayaa ,maxaa laysku khilaafay, yuusa dan u yahay
khilfaakan waa haddii uu wax u dhimaba, in xabashi dalkeena looga saaro gacan
qori lagu wato iyo gacan lagu wato dalkayga iiga bax ,kolkaas anigana waa iga
nabad gelee oo iyada saldhigeeda yahay, wada hadal lala galo cadowgaada, adiga
oo aanan daciif ahayn.
Waa yaab, inta aanan u guda gelin gundhiga qoraalkayga ,waxay Soomaali badan ku
jahwareertay,maxaa isku mowqif ka dhigay ,dhiigya cab dalkiisa ka rabo in uu
qabiil ku xumo sidi Indhacade iyo asxaabtiisa, muwaadin jecel dalkiisa oo dhan
walba xor ka ah,laakin caadifadi ka adkaatay, cid walbo oo aanaan yeelin sida uu
rabo si deg deg-deg ah, u arko mid ka mid kooxaha hor istaagan xal u helida
dhibatada waddankeena ka aloosan, Sidi Cabdulwaaxid Khaliif oo isaga ah qoraa
weyn oo wax ku qoro safxadaha shabakada internetka iyo nin tan iyo maalinti uu
jaamacada ka baxay ,pasaporna ka helay waddan uu qaxooti ku yahay ka dhax
muuqday shirweyne walbo oo soomaali loo qabto, had walbana la jiro qolada uu
shaqshaq iyo mansab ka helo ,kana soo horjeedo qolada uu wax ka waayo ama ku
tuhmaayo in aynan wax u ogalayn sidi Zakariya xaaji.
Jawaabta su'aashan waxaan u daynayaa aqristayaasha, waxaana ka cudurdaaranayaa
in uunan qoraalkan ahayn mid wax loogu dhimaayo, ruux waddankiisa wanaag la
jecel sidi Cabdulwaaxid Khalif , wallow aan haddana ku kala duwanahay meela
badan in aan si uga wada aragno qaabka ugu haboon ee xal loogu heli karo
dhibaatada waddankeena ka jirto tan iyo maalinti la danshay iftiinki
dowladnimadi Soomaaliyeed.
Khilaafka ka dhax abuurmay Isbahaysiga wuxuu salka ku haayo kursi jeceyl iyo
hami aanan waqtigiisi la gaarin ,waxaana taa daliil u ah kelmadaha madaxda isku
magacawday madaxnimada qeybta isbahaysiga ee ku haray Asmara u isticmaaleen
mediyaha, sida fulaan waa erinay ,shalayna taageerayaasha qaar ka mid maxaakimti
waxay qabeen kelmada aanan ka dhib yarayn fulaan waa erinay,sida fulaan annagaa
wadano.
Yeynan kaa hoos bixin ,aniga kuma jiro taageerayaasha Shikh Shariif iyo kooxda
hadda la socoto toona ,laakin waxaan ahay nin aanan la dirarsanayn shaqsi
Soomaaliya oo ku doodayo waxaan u istaagayaa in aan waddankeeni iyo dadkiisi u
soo celiyo sharaftoodi haddii allah ka raali noqdo taa,welina aanan lagu hayn
qalad cad oo uu galay.
Sideedaba nin meel u cadahay meel ka madow,shikh Xasan Daahir wuxuu arkaa in
uunan sad ku lahayn howl ay caalamka gacan ku leeyihiin ,waxaasa ka madow
arrintaasi in ay tahay shaqsi ,Soomaliweyna xalkeeda uunan ku xirnayn dan
shaqsi, Shikh shariif xilka waa ka qaadnay isagana dhib badan ayaa kaga haray
iyo culays saarnaa ,waayo taageerayaashiisa waxaanan ka yarayn Soomaali badan oo
niyada ka rabay soo garab istaagida shiikha, balsa naftooda ay ku adkaynaysay
diidmada qaadashada in ay hiil hoobo la garab istaagaan koox uu ka dhax muuqdo
Gneral Indhacade oo isaga uunan jirin soomali dhab ah oo ogol ka qayb qaadashada
howl uu dhinac kaga jiro.
Abdallah Moallim Mahamud
(Cabdullahi Siyaasi)
Moallem10@hotmail.com
Faafin: SomaliTalk.com | July 24, 2008
|