Colka Waraf ma lagu
deyay
Thursday, June 05, 2008
Baadigoobka loogu
jiro hanashada
qaranimanda soomali,
marna ma aahan mid lagu
helayo dariiq sahlan.
Haddiiba uu jiro ama uu
jiray baadigoob dhab ah
oo mar uun rag dal
yaqaan ah loo dumay si
ay u soo hawadiyaaan
Jannadii luntay.
Hal halaleeka loo
dumo, hadba, kooxo
duruufo adag, damac
rageed iyo dani isu
geysay wuxuu mar walba
soo dedejinayay dumida
daar aan aas aaskii hore
si fiican dhidibadda
loogu duugin.
Aadane waa rajo ku
nool, Allana lagam
quustee, markii
yididiilo bilaabataba
haddana, yahe , waxbaa
ka dhex yuusa dabadeedan
sida yaxaas afwayn yam
ka siiya ama kala
yaaciya.
Yaanan waxba sidii
yala tuke ah hadba meel
yaxoobsanine, yoolkaygu
wuxu yahay waa in la
yagleelaa nabad, wanaag
la yaboohiyaa oo Soomali
manta yaabiska laga
rogaa.
Waa wajib Insaani,
islaami iyo weliba
Soomaali ah in maata
danaha soomaalida oo
KELIYA laga shaqeeyaa.
Ajnabiga iyo inta awrka
nagu kacsanysa waa inay
irridda ka baxaan ama
aysanba imman halka lagu
irkayo unuga ayaaheena.
Waa dood quursi ku ah
qofka soomaaliga ah in
lagu dodo in ajnabi aan
ahayn inta
dhexdhexaadinaysa ay
madasha shirka Jabuuti
yimaadaan. Iyagoo weliba
kuwaasi yihiin kuwo
hagardaamo la daba jooga
qaranka Soomaaliyeed
Safiirka Ethiopia
inuu soo galo shir
soomali ku heshiinayso
waa wax mudan in laga
gadoodo, laga gilgisho
welibana gaashaanka loo
daruuro.
Waa liidasho aan meel
loo helayn in la
ogolaado in ninkii laga
tashanayay uu wada
tashiga ku jiro.
Su’aasha meesha taal
waxay tahay : maxaa
Xabashiga keenay meesha
Xabashi side loo saaraa
looga tashanayo?
Waal agama maarmaan
inay gartaan raga
Ethiopianka jaalka la ah
in arinta Soomaaliya ay
u geed fariistaan iyaga
oo Kaliya oo aan hoos
joogin harka dad
shisheeye ah.
Waa in la helaa
Dhiiranaanta iyo hal
adayga Sheekh Shariif
iyo inta la fakirka ah
ay muujiyeen mid la mida
ah.
Waxay maraysaa colka
waraf ma lagu deyaye
fadhigaan uga kacayaa
go’aankii geesinimada
ahaa ee ay ku doorteen
inay wadahadalna bal ku
dayaan in dalka
soomaaliyeed dib u hanto
qaranimadiisa Ethopiana
dalka looga saaro.
Waa muhim in laga sal
gaaro ka saarida
Ethopianka ee dalka geed
dheer iyo mid gaabana
loo fuulo iyadoo indhaha
lagu hayo dhibaatada
baahsan ee haysata
ummadda Soomaaliyeed.
Dhamaan ummadda
Soomaaliyeed waxay
indhaha ku haysaa
maxsuulka ka soo baxa
shirka Jabuuti iyo sida
loo maareeyo.
Inkastoo qof walba oo
Soomaali ah ay ushiisu
meel uga go’antahay
isagoo oo kaliyana
khabiir ku yahay xalku
meeshuu ku jiro haddana
, Shirkan Jabuuti wuxuu
halbeeg u noqonaysaa
halka hawshu ka socon
la’dahay iyo cidda hor
is taagan in halaaga
soomaaliyeed dhamaado.
Hussein Salad
dalas2@hotmail.com
Riyadh Saudi Arabia
Afeef: Aragtida
qoraalkan waxaa
lehqoraaga ku saxiixan