GOLAHA MIDNIMADA SOOMALI WEYN [G.M.S.W]
[LONDON –UK,19/06/08]
BAAQ KU SOCDA ISBAHAYSIGA DIB U XOREYNTA SOOMAALIYA EE KU KALA SUGAN
JABUUTI & ERITREYA.
Golaha Midnimada Soomaaliweyn isaga oo tixraacaya qoraalkii & fariimihii
uu u gudbiyay hadda kahor labada dhinac ee Isbahaysiga 21/05/2008 ee ku
saabsanaa xakamaynta khilaafka soo kala dhexgalay Isbahaysiga Dib u
Xoreynta Soomaaliya, kaas oo ay ka mid ahaayeen qodabadii goluhu kula
kala taliyey labada dhinac ee Jabuuti & Asmara oo sida hoos ku xusan u
qornaa:
A.. Xubnaha Isbahaysiga ee ku sugan Jibuuti:
Waxaa idinku waajib ah in aad midnimada dhaxdiina ah iyo mowjifka
Isbaheysiga mideysaan ka hor inta aan shir la galin si loo xakameeyo
khilaafka.
In wadahadaladiina aad ku adkeysataan mowqifka ah in Itoobiya Soomaaliya
laga saaro.
In marnaba aan la isticmaalin warbaahinta si looga hadlo khilaafka
dhexdiina ah
B. Xubnaha Isbahaysiga ee ku sugan Asmara:
Waxaa idinku waajib ah in aad midnimada dhaxdiina ah iyo mowjifka
Isbaheysiga mideysaan, aad kana fogataan qalad aad gashaan oo ah
isticmaalka warbaahinta oo lagu muujinayo khilaafkiina.
In aad wada hadalo deg deg ah wada gashaan oo dhaxdiina ah
In mardanbe aan la isticmaalin warbaahinta si looga hadlo khilaafka
jira.
HADDABA HAATAN GMSW:
Ø Markale Golaha Midnimada Soomaali Weyn isaga oo maskaxda ku haya
duruufaha adag ee uu ku jiro wadhanku iyo marxaladan xasaasiga ah ee ay
marayso qadiyada ummada Somaaliyeed, kana walaacsan saameynta uu ku
yeelan karo khilaafka iyo kala duwanaanshaha sii fogaaneysa.
Ø Isaga oo fahamsan in tani ay wiiqeyso cududa Isbahaysiga isla markaana
daciifinayso mowqifkiisa siyaasadeed waxaan ku talinaynaa in dhowrkan
tilaabo ee soo socda la qaato si loo dhameeyo khilaafka loona badbaadiyo
midnimada isbahaysiga iyo danta Soomaaliyeed ayuu ku baaqayaa:
In la joojiyo abaabulka & shirarka labada dhinac ee xambaarsan kala
qaybinta Isbahaysiga.
In la ogolaado dhexdhexaadinta ay wadaan waxgaradka Soomaaliyeed ee ku
salaysan isu soo dhoweynta xubnaha Isbahaysiga.
In laga feejignaado mu’aamarada & dabinka gumaysiga iyo cadowga
Soomaaliyeed ay la damacsanyihiin wiiqitaanka halganka lagaga saarayo
Itoobiya dalka Soomaaliya.
Dr. Cabdi Caydiid, Gudoomiyaha Golaha M.Soomali Weyn