Saxafiyiinta Soomaalida waxay ka liitaan qaab sameynta wararka.
W.qoray : Cali Cabdi Cali (Suxeyfa)
asuheifa@hotmail.com
Runtii waxaan shalay oo aheyd 16-ka November 2008 si weyn aan ula soconayay
dhaq dhaqaaqa siyaasadeed ee ka jira Magaalada Nairobi oo ay ku hardamayaan
Madaxweyne Yuusuf iyo R/wasaarihiisa Nuur Cadde .
Dabcan , qof kasta oo saxafi ah waa fahmi karaa waxyaabihii qaladka ahaa ee
saxafiyiinta soo tabinayay shirka jaraa’id ee R/wasaaraha ay ku dhaqaaqeen ,
waayo shirka Jaraa’id ee Xukuumadda loogaga dhawaaqayay , lagama helin hal
wariye oo yiraahda oo u dhiga warka sidaan“ Xukuumad aan heysan ogolaanshe
Madaxweyne ayaa R/wasaare Nuur Cadde uu ku dhawaaqay , isagoo la jecleysanaya
inuu horgeeyo Baarlamaanka FS oo isna aan la ogeyn waxa uu ka oran doono ka hor
inta aaney ka doodin xilli islaamiyiinta hubeysan ee Soomaaliya ay wada
qabsadeen inta badan dalka , kana dagaalamayaan xaafado ka mid ah Caasimadda
Muqdisho iyo Magaalada Beydhabo oo fadhi u ah Baarlamaanka Soomaaliya oo
waqtigiisa uu idlaanayo August 2009 “
Hadii aad dhageysan laheyd Idaacadaha Muqdisho , oo aad daalacan laheyn
web-bejyada qora wararka af-soomaaliga intoodaba shalay warka xulidiisa waa ay
ku liiteen , xitaa waxaan oran karaa BBC- Somali ayaa xitaa garan weyday inay ka
baaraan degto qaab u dhigidda warka .
Bal wariye , waxaad ila eegtaa oo aad isha soo wada marisaa Wakaaladaha
Wararka ajnabiga , kuwa carbeed iyo Wargeysyada Caalamiga ah , iskaba daayee
Telefishanada afaf-ka carabiga iyo English-ka wax ku tabiya inay wax ka qoreen
shirkii Jaraa’id ee shalay uu qabtay R/wasaare Nuur Cadde .
Hadaad gasho oo aad daalacato shabakadahaasi midna kuma arkeysid oo warkaasi
qoray , xitaa hadii war sidaa u eg uu diro weriye wakiil wareed u ah Tv, Wargeys
ama Wakaalad midna lagama qaateen , waadna wada dareemi kartaa “halka il wareed
uu ku jiro” bal eeg “hadii uu oran lahaa Nuur Cadde waan is casilayaa hadii
Madaxweyne Yuusuf aanu ka laaban diidmadiisa Magacyada cusub ee wasiirada”
warkaasi wuxuu noqon lahaa mid kulul oo la wada qaato , laakiin hadda “warka
wuxuu u muuqanayay mid aan isku dheeli tirneen” .
Waa iga talo aan u jeedinayo dhammaan weriyaasha Soomaaliyeed in marka ay
wararka qorayaan ay u eegaan muhiimadda warka , saameyntiisa , waxtarkiisa ,
dhibtiisa iyo inta faallo bixin uu keeni karo.
Mahadsanidiin.
Faafin: SomaliTalk.com | Nov 18, 2008 | 
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka