Baaq Kale oo ka soo baxay Odayaasha Gobolka Mudug...
- Ciidamo hor leh oo Itoobiyaan ah oo soo galay
Gaalkacyo
iyo Cadde Muuse oo Itoobiya ku maqan laga soo bilaabo Maarso 30, 2008
Odayaasha, Waxgaradka, Ganacsatada iyo Aqoonyahanka Gobolka Mudug ayaa
Talaadadii [May 6, 2008] baaq kale ka soo saaray magaalada Gaalkacyo ee G/Mudug
oo ku saasan dadkii laga qafaalay Puntland.
Baaqa cusub waxay Odayashu ku muujiyeen sida ay ugu xun yihiin dadkii
Soomaaliyeed ee laga qabqabtay Puntland ee lagu wareejiyey Itoobiya.
Warbixin ku saasban Baaqa ee Idaacada British Broadcasting Corporation iyo
hadal uu baaqa ka yiri Caaqali Cabdiwahaab Maxamuud Gurey
 Dhegeyso
ama mp3.
Sidoo kale Cabdiwahaab Maxamuud Gurey oo bayaankaas ka warbixinayey isagoo la
hadlayey Idaacadda Garoowe ayaa sheegay in loo baahan yahay dadkii laqabtay (ee
loo gacan geliyey Itoobiya) in dib looga soo celiyo.
Dhegeyso
ama mp3.
Odayaasha iyo waxgaradka soo saaray bayaanka oo ka koobnaa in ka badan laba
boqol oo qof waxaa ka mid ahaa:
- Caaqil Cabdiwahaab Maxamuud Gurey
- Nabaddoon Siciid Nuur Dirir
- Nabaddoon Bashiir Maxamuud Dalmar
- Nabaddoon Yaasin Cabdi Samad
- Saleebaan Dakharre
- Cismaan Maxamud Xaaji Xasan
Ciidamo Itoobiyaan ah oo soo galay Gaalkacyo
 Baaqa
Gaalkacyo ayaa ku soo beegmay xilli ay May 6, 2008 magaalada Gaalkacyo soo
galeen ciidamo Itoobiyaan ah oo hor leh oo aan ilaa hadda tiradooda la aqoon,
lana garanayn ujedadooda.
Cadde Muuse oo Itoobiya ku maqan laga soo bilaabo Maarso 30, 2008
Madaxweynaah DGPL, Gen. Cadde Muuse, ayaa weli waxa uu ku maqan yahay
magaalada Addis Ababa ee dalka Itoobiya halkaas oo uu tegey Maarso 30, 2008.
Intii uu joogey Addis Ababa waxa uu Gen. Cadde booqasho gaaban ku tegey Nairobi
iyo London, kaddibna waxa uu ku laabtay Addis Ababa.
Aragtida Halgamaaga:
Dhegeyso
ama mp3
Faafin: SomaliTalk.com | May 7, 2008
 Odayaasha Gobolka Nugaal oo Bayaan ka soo saaray
Dadkii Loo Gacan Geliyey Itoobiya.. Akhris/Dhegeysi 
| 
Daabaco
Boggan | Print
