SOMALITALK.COM dahabshiil
w w w . S o m a l i T a l k . c o m
SOMALITALK - MAQAAL

Ayidaad Fikradda Musharax Farjac, ee Noqoshada Gobol gaar ah ee Boosaaso 
 

Marka hore mahad idilkeed waxaa iska leh Allaah, naxariis iyo nabadgelyana Rasuulkeeni ayeey korkiisa ahaatay. Kadibna dhammaan akhristayaasha sharafta lahow iga gudooma salaanta islaamka ( A.C.W.W). 

Intaas kadib Boosaaso sidi aan maqaaladeydii hore uga hadlay maanta waxa ay mareysaa, oo ay gaartay horumar dhinacyo baddan iska leh, oo baaxad ahaan iyo bulsho ahaanba waxa ay sameysay koror aan caadi aheyn. Haddaba magaalo walba marka ay gaarto heerka noocan oo kale ah, waxa la siiyaa mudnaan gaar ah sidi loo maareyn lahaa isbadalkaa ku dhacay. Magaaladu sida kaliya ee lagu ogaan karo kororka dadkeeda iyo adeegyadeeda waa iyadoo, loo kala qeybiyaa deegaan, deegaan iyo degmo degmoba, taasoo degmo walba ay heli karto, oo ay si fudud ku ogaan karto hadba inta ay maamusho. 

Sida uu Musharaxu ugu soo qaatay tusaalaha, magaalada Muqudisho, waagii hore waxaa jiri jiray sideed gobol Soomaaliya oo idil, kadib markii la arkay in gobolo kalo la sameeyo, ayaa magaalada muqudisho oo markaas uu tirada dadkeedu aad u kordhayay, sideeda gobol looga dhigay lana siiyay magacii gobolka banaadir, waxeyna ka koobneyd markaas 13 degmo. 

Haddaba maamulka puntland waxaan oran lahaa fikirkaas ha qiimeeyo, oo ha u saaro bal guddi kasoo baaraan dega arintaas suurto galnimadeeda. Runtii waa fursad ay heystaan inay sumcadeeda qaataan qolyaha hadda majaraha u haya maamulka Puntland. Sidoo kale waxgaradka gobolkana arintaas ha dhiiragelyaan. Boosaaso waxaan aaminsanahay inay noqoto 8 -10 degmo, ee yaan la dayicin fursadaasi. 

Waxa aan ayidayo waa fikirka musharaxa, ee maaha inaan isaga si gaar ah u taskiyeeynayo, wallow uu yahay nin u qalma jagadaa uu isu soo sharaxay. Sidoo kale waxaan aaminsanahay raga sanadkan isa soo sharaxay baddankoodu inay yihiin rag aad iyo aad u miisaan culus, oo isku darsaday Aqoon iyo waayo aragnimoba iyo weliba allaah ka cabsi. Waxaana tusaale u soo qaadan karaa

{ Shiiq Aadan Maxamed Ciise, Professor Muxudiin Cali Yuusuf, Nuuradiin Diiriye, Janaraal Ilkojiir, Engineer Faataxo iyo weliba Professor farjacba}. 

Raggan isa soo sharaxay oo Runtii aan aheyn rag kala dhaca, ayaan waxaan allaah ka baryayaa inuu talada noogu dhiibo kii uu Puntland Kheyrka ugu jiro. Iyaguna waxaan kula talinayaa inay ka dhaxeyso wadashaqeyn iyo xiriirba, ayna la shaqeeyaan kii nasiibka u hela mustaqbalka inuu Puntland madaxweyne ka noqdo. 

Maamulka Madaxweyne Cadde waxaan ka codsanaynaa, oo aynu kula talinaynaa inuu raggaas qiimaha leh, ee isa soo sharaxay , soo dhaweeyo oo ka qeyb qaato sidi uu ugu qaban lahaa doorasho xaq ah, oo isaguna uu ku qaato sumcad iyo abaal raaga, laakiin hadduu noqdo ama u fekero sida lagu yiqiin madaxdii Africa iyo gaar ahaan raga jabhadeeya ee Soomaalida ogow, waxaa kala hoyanaysaa puntland taariikh mugdi ah, iyo magac xumo raacda adiga iyo maamulkaagaba. 

Dadweynaha reer Puntland waxaa kula talin lahaa inay si cadaalad ku jirto u kala saaraan raggaas isa soo sharaxay, oo ayan ogolaan inuu isa soo sharaxo nin danbe oo faylkiisa uu guban yahay ama ku caan baxay wax isdaba marin. 

Inshaa’allaah Puntland Guul..  
 

Qalinkii:- Cabdixakiim Jaamac Jooje

saicentadv@yahoo.com

Faafin: SomaliTalk.com |  Sept 15, 2008

BAARID | SEARCH


yusufPuntland oo Ganafka ku Dhufatay Heshiiska DFKMG La Gashay Shirkadaha Batroolka
Wasiirka Tamarta DGPL ayaa waxba kama jiraan ka dhigay heshiiskii Eng. Kaanje la soo galay shirkadaha KEC iyo Medco Akhri Aug 22

Hayadda batroolka SoomaaliyaDFKMG oo Heshiis u Saxiixday Shirkadaha Batroolka ee Kuwait Energy iyo Medco Energi...
Maadaama shirkadahaasi jaal la ahaayeen Geeddi ma lagu macnayn karaa in la soo celinayo Geeddi Akhri

Sheikh Shariif “ciidamada bixitaankooda wuxuu bilaabanayaa markii la sixiixey heshiiska, laakiin…” Shir jaraa’id
Warbixin arintaas ku saabsan Akhri Aug 22


Kulaabo bogga  www.SomaliTalk.com  © www.SomaliTalk.com

La soo xiriir:

IIDHEH
XAYAYSIIS