Melas Zenawi hadaladiisa aad moodo inuu jahwareer iyo walaac ka qaaday jabkii
ciidamadiisa dagaalka Soomaaliya.Raisal wasaaraha dowlada Ethopia Eto
Melas Zenawi ayaa asbuucyadii la soo dhaafay ka sii daayay ideecadaha gudaha iyo
dibadaba wareysiyo kale duwan uu kaga hadlaayay xaalada dalka Soomaaliya ku
sheegay hadalo badan oo is diidan isla markaana aanan ku hadli karin qof
miirkiisa jooga oo hadana sheeganaya inuu yahay hogaamiyaha dal.
Melas Zenawi oo aan hore uga baranay inuu saxaafada u sheego warar aan sax ahayn,
hadalada aan hore uga baranay waxaa ka mid ahaa waayadii hore sidatan:
Ciidamada Ethopia gudaha Soomaaliya kuma jiraan biloowgii 2006, markaas oo ay
Baydhabo ku sugnaayeen sida uu wariyaha BBC- da ku sheegay ideecadaha caalamka
mar ay booqasho ku tageen Wafdigii Midoowga Yurub ee uu hogaaminayay Luis
Micheal.
Ciidamadeena todobaadyo gudahood ayay dalka Soomaaliya ugala soo baxaynaa.
Ciidamadeena waan kala baxaynaa degdeg mana suugayno inta ciidamada kale
imanayaan.
Ciidamadeena waxay dalka ku soo galeen inay gacan siiyaan dowlada ku meel gaarka
ah.
Ciidamadeena waxay dalka u soo galeen inay dalka Ethopia ka daafacaan qatarta
kaga imaanaysa kooxaha argagaxisada ah.
Ciidamadeena sababihii ay dalka Soomaaliya u galeen way ka guul gaareen haaatana
waxaa la joogaa xiligii aan dalka Soomaaliya kala bixi lahayn ciidamada qaranka
Ethopia.
Weli qatartii way jirtaa oo argagixisadii waynu cirib tiri waynay madaama beesha
caalamka ka gaabisay balamihii ay hore u balan qaadeen, marka ciidamadeena ma
sii joogi karaan dalka Soomaaliya.
Hadaba markaan hore uga soo baranay in Melas Zenawi inuusan aqoonin wax run ah
ayaa hadane waxa u bilaabay inuu ka hadlo arimaha Soomaaliya, isagoo ujeedada uu
ka leeyahay arinkaasina ay tahay inuu dadka Soomaaliyeed ku jahwareeriyo isla
markaana ka sii kala qaybiyo hadalo aan micno badan samaynin oo uu ka sheegay
ideecadaha, si hadaladiisa raqiiska ah ay u qaataan kuwa wax walbo u sameeya
marmarsiiyo aan qiil lahayn, madaama uu doonaya in dalka Soomaaliya ka dhalan
Dowlad isla markaana aysan soo noqonin nidaamkii iyo kala dambayntii dalkeena
lagu yaqiin 20 sanadood ka hor, xiligaas oo uu Melas Zenawi Soomaaliya ku ahaa
Qaxooti maantana u ka shaqaynaayo in dalka Soomaaliya uusan degin helina dowlad.
Melas Zenawi waxa u yiri dhawaan '' Sheekh Shariif waa saxiibkey waana la
shaqaynayaa'' taas dadka wax magarata ah ay u fasirteen mid sax ah laakinse
ujeedada Zenawi ka leeyahay ay tahay inuu ka hor keeno Madaxwaynaha cusub ee
Soomaaliya Sheekh Shariif Sheekh Axmed dadka Soomaaliyeed, si aysan u hirgalin
dowlada cusub.
Melas Zenawi waxa uu kale yiri waxaan caawinaynaa qabaailka dagaalada kala
dhaxeeyo xoogaga Al-Shabaab, kuwaas uu ku tilmaamay kuwa markii hore ka soo
horjeeday siyaasada Ethopia, isagoo hadane cadeeyay inuu hubaynaayo isla
markaana gacan ka siin doono dagaalada ay kula jiraan Islaamiyiinta waa sida
hadalkiisa uu ku cadeeyay, taas oo ku tusaysa sida uu kaga soo horjeedo in dalka
Soomaaliya ay ka dhalato dowlad, madaama uu si cad u sheegtay inuu hubaynaayo
qabaailka.
Dhanka kale waxaa muhiim ah in aynu ogaano inaysan sax ahayn hadalka ah in Melas
Zenawi iyo madaxwaynaha cusub ee Soomaaliya ay saaxiibo yihiin isla markaana
wada shaqayn ka dhaxayso, balse waxaa sax ah oo aan run ku tilmaami karnaa in
Melas Zenawi ka go'an tahay inuu hubeeyo isla markaana ka shaqeeyo inuu dadka
Soomaaliyeed hub iskugu dhiibo si shacabka Soomaaliyeed loo sii kale fogayn
lahaa, ujeedada ka dambaysa hadalada is diidan ee ka soo burqanaya gacan
dhiiglaha maatadii Soomaaliyeed ku laayay isla markaana ku dumiyay aqaladoodii
inay yihiin kuwa lagu jahwareerinaayo dadka Soomaaliyeed.
Ugu dambayntii waxaa muhiim in shacabka Soomaaliyeed ka hor tagaan shirqoolada
iyo dabinada ay dhigayaan Melas Zenawi iyo kuwa camiilada u ah ee hubka iskugu
dhiibayo shacabka Soomaaliyeed, iyadoo ujeedada laga leeyahay ay tahay in
dowlada Soomaaliyeed lagu fashiliyo dagaalo iyo abuurid colaado aan jirin.
Madaxwaynaha cusub ee Soomaaliya Madaxwayne Sheekh Shariif Sheekh Ahmed iyo
Raisal Wasaaraha cusub wax xiriir ah ama saaxiibtinimo ah oo kala dhaxaysa
Ethopia iyo Melas Zenawi ma jirto, laakinse waa inaan saas u garanaa oo ka hor
imaanaa dabinada iyo hagar daamooyinka Zenawi nala maagan yahay, isagoo
adeegsanaya kuwa muuqa ka ah Soomaali balse qalbiga iyo maskxada laga xaday oo
iimaan la.
Dowlada Soomaaliyeed waxaa looga fadhiyaa inay ka jawabaan hadalada Melas Zenawi
ka sheegay ideecadaha ee uu ku cadeeyay inuu hubayn doono Qabaailka Soomaalida
si ay ula diriraan Muqaawamadii ka xoreysay dalka Soomaaliya ciidamadiisa, isla
markaana uu weli faraha kale bixin qarbudaada xaalada dalka Soomaaliya.
Madaxwaynaha cusub Sheekh Shariif waxaa la gudboon inuu jawaabo ka bixiyo
hadalka ah inuu saaxiib la yahay Melas Zenawi isla markaana wada shaqayn kale
dhaxayso iyo hubaynta Qabaailka dagaalka kala soo horjeedo xoogaga Muqaawamada
sida AlShabaab sida uu sheegay Melas Zenawi, hadii kale waxay shaki badan
galinaysaa shacabka Soomaaliyeed ka aamusnaanta iyo ka jawaabid la'aanta
hadalada qaabka daran ee ka soo yeeraya gacan ku dhiigle Melas Zenawi, waayo
markii horeba waa uu ka hadli jirey hadaladaan oo kale marka uu ka soo yeero
Zenawi in maanta in Sheekh Shariif oo ah masuulka ugu sareeya dowlada Soomaaliya
hogaamiya inuu ka jawaabi waayo waxay noqonayaa in shacabka Soomaaliyeed ay u
qaataan sax hadalka Melas Zenawi.
Aniga aragtidayda waxay ila tahay Zenawi inuu la mid yahay shaqsi ku jahwareeray
isla markaana ka walaacsan xaalada dalka Soomaaliya kadib markii ay meesha ka
baxeen qabqablayaashii dagaalka ee Melas ka soo amar qaadan jirey iyo jabkii
Ciidamadiisa ka soo gaarey dagaalkii dhax marey ciidamadiisa iyo xoogaga
muqaawamada hubaysan ee ugu dambayntii ku qasabtey inuu ciidamadiisa ka soo
saaro dalka Soomaaliya.
W/Q: Yusuf Mohamed Abdi Yusuf
mrsomalia@hotmail.com
London