SOMALITALK.COM dahabshiil
w w w . S o m a l i T a l k . c o m
SOMALITALK - MAQAAL

Cade Muuse Oo dilaal ka Noqday Xildhibaanada Cusub ee 2009-

Madaxwaynaha Musharaxa ah ee Cade Muuse ayaa la sheegay inuu u tafa xaytay sidii uu u Xod xodan lahaa Baarlamaanka Cusub ee 2009- Gen- Cade Muuse ayaa Talaabadaasi ku Kacay Goortii uu Ogaaday Guul darada ka soo wajahday inaan dib Loo dooran Afar sano oo danbe.
Dad war Gal ah ayaa soo sheegaya in Cade Muuse uu Xildhibaanada Qaarkood u Balan Qaaday inuu Aduun Lacag ah siinayo hadii ay Codka siiyaan Isaga iyada oo qaar ka mid ah Xildhibaanadu ay diideen Go"aanka Leexsan ee Gen-Cade Muuse, dadka Qaar ayaa sidoo kale sheegaya in Cade Muuse uu aad ugu Rajo xun Yahay in Mar labaad ka dhex Muuqdo siyaasada Puntland, isaga oo lagu eedeeyay inuu Lumiyay Gabi ahaanba dhaqaalihii Gobolka sidoo kalena Bur Buriyay Qaynuunkii Lagu hashiisay Markii la dhaariyay Hogaanka Puntland.

Baarlamaanka Cusub ayaa waxa la Orankaraa waxay Keeni Karaan is Bedel hadii aanay Dalka dib Ugu soo Celin Bur Bur kuwaasi oo iska jira inay soo Laabato Xukuumada Fashilantay ee Cade Muuse, Golaha Wakiilada Puntland ayaa Tiradoodu dhantahay 66-Xubnood kuwaasi oo Metela dhamaan Beelaha degan Gobolada Puntland, Isimada qaarkood ayaa Baarlamaanka Ugu Baaqay inay Dalka bad baadiyaan isla Markaana ay Kalsoonida siiyaan dadka Hagi Kara Hogaanka Puntland.
Inta badan Cade Muuse ayaa lagu eedaayaa inuu dhaqaalihii Gobolka ka dhigay Hal Bacaad lagu lisay isaga oo Meel Khaldan Mariyay, dadka waxay Ku eedayaan sidoo kale inuu Amaankii Gobolka Gabi ahaanba Lumiyay isaga oo dalka ugacan Galiyay Budhcad Badeed.

Dadka Gobolada Puntland degan ayaa Gabi ahaanba ka siman diidamaya Xukuumada Cade Muuse dadka Markaad dhex qaado waxay kuu sheegayaan inay doonayaan is Bedel dhab ah oo ka dhasha Puntland, dadku waxay ka Cabanayaa Majaraha Habawsan ee Cade Muuse ku sameeyay , Maamulka Puntland, Qaar ka mid ah Aqoonyahanka Puntland oo nala soo xidhiidhay ayaa soo dhaweeyay doorashada Puntland la sugayo sanadka cusub iyaga oo ka digay inaanay dalka dib ugu soo Laaban Maamulka Guul daraystay ee Cade Muuse Hor Boodayay.

Dadka Odoraseeya siyaasada Pl ayaa waxay sheegayaan in hadii ay dhacdo in Cade Muuse dib loo doorto in Puntland ay ka dhacayso Fooda iyo dagaal Sokeeye iyada oo ay Kacdoon samaynayaa dadka diidan Siyaasada Puntland, dadkii Falan qeeyay siyaasada PL waxay kaloo saadaaliyeen in hadii xaalku saasi yahay la rabo in Hogaanka Pl loo doorto Mawaadin hagi kara Hogaanka Puntland si Bay Leeyihiin loo samata bixiyo Shacabka Puntland.

Doorashada Pl ee la filayo inay Qabsoonto dhawaan ayaa waxa Jagadaasu u taagan Musharaxiin Fara badan kuwaasi oo qaarkood Qurubaha ka soo duulay iyo kuwa kale oo Jaanis ka waayay Siyaasada Cade Muuse uu xooga ku Muquuniyay Afrta sano waxayna Fursad u Heleen inay Maanta Noqdaan Musharaxiin Metel Shacabkooda, Laakiin Su"aalo ayaa inta badan ay is Waydiiyaan umada Reer Puntland taasi oo ah inay Musharaxiinta haatan loolamayaa Wax Muuqda ku soo Kordhidoonaan Puntland iyo in kale, Jaawbteeda ayaa waxay u Taala Musharaxiinta.


W/Q Wariye Madax-Banaan
Jaamac Ayaanle Feyte
Feyte37@hotmail.com
Garoowe,

Faafin: SomaliTalk.com | Jan 1, 2009


yuusufC/Laahi Yuusuf oo Is Casilay Isniin Dec 29, 2008
Madaxweyanaha DFKMG ayaa ku dhawaaqay in uu iska casiley xilka DFKMG Akhri Warka oo dhan...

Kulaabo bogga www.SomaliTalk.com © www.SomaliTalk.com

La soo xiriir:

IIDHEH
XAYAYSIIS