Assalaamu Calaykum Wa Raxmatullaahi Wa Barakaatuhu
Bismillaahi-Raxmaani-Raxiim
Ujeedo: Dawladdii Federaalka Ku Meel Gaarka Ahayd ee Soomaaliya oo loo
Adeegsaday Burburinteeda Shaqada loo Yaqaan Sama Falka
Sidaan ognahay Nuur Xassan Xuseen wuxuu la shaqaynayay mudo dheer qolooyinka
isku magacaaba Sama Falka. Qolooyinkaasi waxay ku shaqeeyaan sadaqooyin laga
soo ururiyo waddama kala duwan. Wadamadaas waxaa ka mid ah kuwo dadka dagani
gaalo u badan yihiin, xukunkana gaalo u hayso. Sidaan ognahay sadaqada
gaaladu bixiso iyo tan muslimiintu bixiyaan magacay wadaagaan laakiin isku
ujeedo lagama leh. Gaalada sadaqadeeda dhagar wayn baa daba taal, oo dana
qarsoon bay ka leeyihiin, danahaasi ama waa inay diintooda badalaan oo
gaalaysiiyaan dadka ay wax siinayaan ama waa maslaxado siyaasadeed oo lagu
maldaho magac SAMA FAL.
Waxaa caadi ah in marka dad muddo wada shaqeeyaan is dabeecado bartaan oo
saaxiibnimo iyo isku kalsooniyi dhex marto, is barashada iyo saaxiibnimada
ama waa lagu faa'iida ama waa lagu khasaara. Haddaba saaxiibnimadii iyo is
barashadii Nuur Xassan Xusseen iyo dadkuu kala shaqayn jiray SAMA FALKA (AY
KU QARSOONTAHAY SHAR FALKU) Soomaaliya waa ku khasaartay, oo waxaa lagu
fuliyay dhagar wayn oo siyaasadeed.
Runtu waxay tahay haddaan is aqoon iyo saaxiibnimo u horayseen wakhti dheer
bay ka qaadan lahayd labada dhinacba inay is aaminaan oo qalad sidaas u wayn
isku raacaan. Waxaa la yaab leh sida aan isku daaha lahayn oo uu Nuur Xassan
ugu guulaystay inuu burburiyo Dawladdii 5-ta sano; 2-na loo fadhiyay
dhismeheeda 3-na lala rafanayay inay cagaha isku taagto.
Waxaa shacabka loogu sheekeeyaa heshiis baa la gaaray oo Itoobiya waa
baxaysaa, Itoobiya bixi mayso ee habkeedii hore oo ay dalka ku maamuli
jirtay iyo hab ka sii xun bay bilaabaysaa. Markay Soomaalidu arrin ku guul
daraystaanba Itoobiya guul bay u tahay, waxayna ku dadaalaysaa inay gobol
gobol u xukunto Soomaaliya, sidaasaana iyada u faa'iido badan una khasaaro
yar.
Waxaan ku kalsoonahay marka dhagartay maleegayaan sii waynaataba guushu waa
soo dhawaanaysa, Allaah baa qur'aankiisa kariimka ah ku yiri macnaha (dhagar
bay maleegayaan Allaahna qorshuu dajinayaa Allaah baana ugu khayr badan cid
qorsha dajisa) in shaa Allaah guushu waa dhawdahay.
Dhibaatooyinka Soomaalida haysta oo waawayn waxaa ka mid ah, wax ma
rog-rogaan, wax ma odorosaan, wax kama baaraan dagaan ka dibna inta Allaah
tala saartaan kuma dhaqaaqaan, wax walba waxaa ka indha tira wax miisaamid
la'aan, nin jeclaysi, nin necmaysi iwm. Diinteennu waxay ina faraysaa markii
laba arrimood oo labaduba dhib leh inasoo food saaraan inaan doorano tan
dhibteedu ka yartahay tan kale (akhafal-dararayn), kama muuqato qorshaha
Nuur Xassan inuu isa su'aalay haddii Dawladdu dhacdo maxaa ka dambayn doona!
Waxaan leeyahay Nuur Xassan Xusseen Cabdullaahi Yuusuf shar iyo khayr wuxuu
lahaaba iska casil madaxwaynanimadii Soomaaliya wuxuuna dib ugu laabtay
guriguu ku dhashay, waxaan kaa sugnaaba waa nabaddii aad tiri Cabdullaahi
baa caqabad ku ah oo aad horay u dhaqaajisid.
Gunaanad
Waxaan aaminsanahay inaan Soomaaliya xasilayn illaa lagu xukumo Shareecada
Islaamka, laakiin hoogaankii ku xukumi lahaa Shareecada hadda kama muuqdo
goobta siyaasadda, Shareecaduna inta qof noqoto xukunka qaban mayso oo
Allaah dadkuu u soo dajiyay inay isku xukumaan.
Waxaan rumaysnahay inuu ahaa Cabdullaahi Yuusuf shaqsiga ugu dhabar adag,
dadka ka muuqda goobta siyaasadda Soomaaliya maanta, inuu la lagdamo
arrimaha murugsan oo ka taagan Soomaaliya hadda. Taasi waa shalay oo waa
tagtay ee maantaa loo baahanyahay hogaan!
Aragtidaydu waxaa weeye yaan shacabka masaakiinta ah lagu qaldin dhalanteed
iyo dhaan daba gaale, Nuur Xassan Xusseen Soomaali waa kala diraye qola
walboy waxaa ku sugaya sidaad gurigaad ku dhalatay u nabadayn lahayd. Dil,
dhac, taariikh been ah oo shacabka loo kala sheego, waxaas oo dhan
wakhtigoodii waa dhammaaday ee inta laga waantoobo, dagsiima walbaa ha ku
dadaasho siday ula imaan lahayd wax wanaagsan oo ay ku darsato
dagsiimooyinka kale, inta ka horaysana dad walba meeshii Allaah ku abuuray
ha lagu nabad galiyo.
Soomaaliyey Allaha ina garansiiyo wanaagga walaalnimadu leedahay, Nabiga CSS
waxaa laga wariyay, qofkiin iimaan ma leh illaa uu la jeclaado walaalki waxa
uu naftiisa la jecelyahay, xaggee bulshadeennu ka taagantahay arrintaas?
Walaalayaal wax ka sheegiinna iyo wax u sheegiinnaba waa soo dhawaynayaa
Allaha Xaqqa ina waafajiyo
cabda cabdullaahi
cabda12@hotmail.com