Beesha Ismaciil Saleebaan: Waa lagu xadgudbay Sharcigii lagu soo xulayey
Xildhibaanada PuntlandWaxaa si cad halkan ugu sheegaynaa hadaanu
nahay Beesha Ismaciil Saleebaan, Waxgaradkeeda, Cuqaasheeda, Dhalinyaradeeda
iyo Samadoonadooda in lagu xadgudbay Sharcigii lagu soo xulayey
Xildhibaanada Puntland oo aheyd in soo xulida ay iska leeyihiin Isimadda
Beesha, taasoo la hareermaray Go'aankii Beeldaajaha Beesha Ismaaciil
Saleebaan Xildhibaanadii uu qorayna la tuuray qoraalkoodii kuwo uusan qorina
lagu daray Liiska Xildhibaanada.
Haddaba, waxaan Isimadda Puntland, waxgaradka Aqoonyahanka iyo
Samadoonada Puntland ugu baaqaynaa in masuuliyadda Qiyaanada iyo dulmiga
lagu sameeyey Isimka Beesha ay qaadayaan Guddiga Ansixinta, waxayna si
bareer ah ugu been abuurteen Beeldaajaha oo qadaf iyo xadgudub ku ah
wuxuusan qorin in lagu muujiyo qoraalka.
Waxaan haddaba, si cad u canbaareynaynaa in aanay aqoonsaneen una arkin
in ay matalaayaan beesha ragga lagu qoray liiska Xildhibaanada madaama uusan
qorin Beeldaajaha Beesha Ismaaciil Saleebaan Beeldaaje Cabaas Beeldaaje Cali
Binjaceyl, masuuliyada waxa ka yimaadana ay qaadayaan Guddiga Ansixinta
Xildhibaanada Puntland oo sameeyey musuqmaasuq iyo iska horkeen Qabiileed.
Haddaba, waxaan ka digaynaa in aan la aqbalin waxaas, si cadna looga
hor-yimaado, waxa ka soo baxana aan la qaadan madaama musuqmaasuqu dhaliyo
Colaad, cadaalad daro iyo bur-bur Dowladeed.
Waxaan ugu dambeyntii ugu baaqeynaa Bulshadda Puntland inay maskaxda ku
hayaan in Doorashada soo socotana ay noqon doonto Musuqmaasuqa guddiga
hordhaca ku soo xulay Xildhibaanada Puntland.
Waxaad kala xiriiri kartaan Beeldaajaha Beesha Ismaciil Saleebaan
wixii xaqiiq ah ee lagu sameeyey qoraalka Guddiga ku been abuuray inuu soo
xulay Xildhibaanada Guddiga soo saaray
Telefoonkan
00251913884331
Adis ababa Itoobiya
Soo tebintii: shaqiib Muuse
mmzone2010@gmail.com