Taliyihii Ciidamada Maxaakiimta Dowlada Taageersan Ee Gobolka Hiiraan Oo Saaka Ku Wareegay Islaamiyiinta Kasoo Horjeeda Dowlada KMG

July 2, 2009

Taliyihii ciidamadii hore ee midowga maxaakiimta dowlada taageeray ee magaalada beledweyne ayaa saaka (july 2, 2009) isagoo wata ciidamo iyo gawaarida tiknikada iskaga baxay ciidanka dowlada KMG islamrkaana ku biiray xoogaga islaamiyiinta ee ururka xisbul islaam iyo xarakatul mujaahidiinul shabaab ee fadhigoodu yahay gobolka hiiraan

Sh. Ibraahim Yuusuf oo ahaa taliyihii maxkamadaha islaamiga Magaalada Baladweyne ee gobolka Hiiraan ayaa saaka isagoo ay gelibinayaan gawaarida tiknikada loo yaqaano iyo weliba ciidamo la sheegay inay badnaayeen ku wareegay xoogaga islaamiyiinta ee kasoo horjeeda dowlada FKMG taasoo loo aanaynayo khilaaf la sheegay inuu salka ku hayo ciidamada shisheeye ee kuwa Ethiopia ugu horeeyaan ee qaarkood yimaadeen deegaano ka tirsan gobolkaasi .

Sidoo kale sh,ibraahin oo saxaafada la hadlayey ayaa tilmaamay waxii maanta ka dambeeya inuu ku biiray xoogaga islaamiyiinta ee taageeraya shareecada islaamka islamrkaana uu doonayo inuu dagaal kala hor tago cadowga ethiopianka ee iminka ay ciidamadoodii ku sugan yihiin qaar ka tirsan gobolka hiiraan

Ku wareegista uu ku wareegay islaamiyiinta Taliyaha ciidamada maxaakiimta gobolka hiiraan ayaa kusoo beegmaysa xili ay dhowaanahanba ka wadeen deegaano ka tirsan gobolkaasi dhaq dhaqaaqyo milatari ciidamada Ethiopia kuwaasoo dadka shacabka ah ku qasbayey inay hubka keenaan islamrkaana la sheegay inuu aad uga caraysnaa masuulkaasi oo uusan raali ka ahayn faragelinta ciidamada Ethiopianka ee ku sugan gobolka hiiraan .

Yaasiin maxamed Faytin
Yaasiinfaytin@hotmail.com

Faafin : SomaliTalk.com | July 2, 2009