Fursad Qaali ah!
Fursadda Cumriga!KU XIFDI QUR’AANKA
KARIIMKA AH WAQTIGA UGU YAR IYO DADAALKA UGU FUDUD!
Walaalka/walaasha muslimka ahoow;
xifdinta qur’aanku waa waajib saaran qof walba oo muslim ah, nabiguna
csw, wuxuu yiri: ( waxaa idinkugu kheyr badan ruuxa qu’aanka barta oo
hadana dadka sii bara), sidoo kale barashada qur’aanku waxay xitaa
anfacaysaa ruuxa maalinta qiyaamaha asaga iyo waalidkiisaba.
Nabiguna csw, wuxuu yiri: “maalinta
qiyaamaha waxaa lagu oranayaa qofka qur’aanka yaqaanna akhri, oo jannada
kor, oo kala dhigdhig (yacni qur’aanka si qurxoon u akhri, adigoo
jannada kor u fuulaya) sidii aad adduunka ugu akhrin jirtay qur’aanka,
booska aad jannada ka dagaysidna waxay ku eg tahay aayadda ugu danbaysa
ee aad taqaannid”
Qur’aanku waa xujo cad waana furaha
cilmiga waxtarka ah. Dadka badankiisu waxay u haystaan in xifdinta
qur’aanku ay tahay shaqo dhib badan iyo wax aan la gaari karin, dadka
waaweyn qaarkoodna waxay aamminsan yihiin in haddii la weynaado aan
qur’aanka la baran karin! Taasi oo ah aragti aan jirin, waayo quraanka
Allah ayaa fududeeyay si loo barto looguna waano qaato.
Hadaba barnaamijkan oo ah barnaamij
laga soo shaqeeyay oo la soo tijaabiyay wuxuu kaa caawinayaa sidii aad
u xifdin laheyd qur’aanka kariimka ah, adigoo ku bixinaya waqtiga ugu
gaaban isla markaana galinaya dadaalka ugu fudud ee aad awooddo, adigoon
wax dhib ah kala kulmayn. Waxa kaliya ee aad u baahan tahay waa inaad la
timaaddo niyad bir ah ayna kaa go’on tahay inaad qur’aanka kariimka ah
xifdiso adigoo ku baranaya dariiqada u saxsan ee uu Allah raalliga ka
yahay, sidoo kale waa inaad si dhab ah ugu socotid jadwalka aad dagsatid
oo aadan maalinna baajin si aad u xaqiijisid inaad goolkaaga ku gaartid
mudada aad calaamadaysatay.
Shaxdan hoose waxay caddaynaysaa
qaddarka aad xifdin kartid maalin walba iyo mudada ay kugu qaadanayso
inaad qur’aanka oo dhan ku dhammaysid, mudadaas oo noqon karta sannado,
bilo ama maalmo. Tusaale ahaan: hadii aad go’aansatay inaad maalin walba
barato hal aayad waxay kugu qaadanaysaa inaad qur’aanka kariimka ah ku
dhammaysid 17 sano, 7 bilood iyo 9 maalmood! Taasina waa qadarka ugu
yar oo aad dooran kartid anagoo ogsoon dhammaanteen inaan baran karno
intaas ka badan, mudaduna ay tahay wax aad u kooban, waxaana jirta
maahmaah Soomaaliyeed oo arrinta sii caddaynaysa oo oronaysa: (waa
baryay iyo wow qur’aan waxaa badan waa baryay) oo macnaheedu yahay
haddii xitaa aad maalin walba hal xaraf baratid in aad qur’aanka ku
dhammayn kartid waqti kooban!
Hadaba walaalka/walaasha muslimka ahow
aan ka wada faa’iidaysanno fursaddan qaaliga ah oo aan uga faa’iidayno
dhammaan inta aan gaarsiin karno.
Qaddarka aad xifdin
kartid maalin walba |
Inta sano ay kugu
qaadanayso |
Inta bilood ay kugu
qaadanayso |
Inta maalmood ay kugu
qaadanayso |
Hal aayad |
17 sano |
7 bilood |
9 maalmood |
Labo aayadood |
8 sano |
9 bilood |
18 maalmood |
Saddex aayadood |
5 sano |
10 bilood |
13 maalmood |
Afar aayadood |
4 sano |
4 bilood |
24 maalmood |
Shan aayadood |
3 sano |
6 bilood |
7 maalmood |
Lix aayadood |
2 sano |
11 bilood |
4 maalmood |
7 aayadood |
2 sano |
6 bilood |
3 maalmood |
8 aayadood |
2 sano |
2 bilood |
12 maalmood |
9 aayadood |
1 sano |
11 bilood |
12 maalmood |
10 aayadood |
1 sano |
9 bilood |
3 maalmood |
11 aayadood |
1 sano |
7 bilood |
6 maalmood |
12 aayadood |
1 sano |
5 bilood |
15 maalmood |
13 aayadood |
1 sano |
4 bilood |
6 maalmood |
14 aayadood |
1 sano |
3 bilood |
- |
15 aayadood |
1 sano |
2 bilood |
1 maalin |
16 aayadood |
1 sano |
1 bil |
6 maalin |
17 aayadood |
1 sano |
- |
10 maalmood |
18 aayadood |
- |
11 bilood |
19 maalmood |
19 aayadood |
- |
11 bilood |
1 maalin |
Bog barkiis |
3 sano |
4 bilood |
24 maalmood |
Hal bog |
1 sano |
8 bilood |
12 maalmood |
2 bog |
- |
10 bilood |
6 maalmood |
Waxaa intaas dheer faa’iido kale oo ah in
xaraf walba oo qur’aanka ka mid ah oo aad akhriso laguu qoroyo ajar,
ajarkaas oo laguu toban jibaarayo; tusaale ahaan bisinku wuxuu ka kooban
yahay 19 xaraf
akhrinta bisinka oo kaliyana waxaad ku
helaysaa 190 darajo, hadaba maxaad u malaynaysaa haddii aad ka badan
akhriso amase inta ajar ee aad ku kasban kartid ku celcelinta iyo
xifdinta! Xaqiiqadii waa fursadda cumrigaaga! waana guul aad
gaarto adduun iyo aakhiro tii ugu weyneyd inaad qalbigaaga ku xanbaartid
kitaabka iyo kalaamka raxmaanka weyn ee aan u baahan nahay kaalmadiisa
daqiiqad walba, si ka daran sida aan hawada iyo biyaha ugu baahan nahay,
waxaa taas ka sii faa’iido badan inaad qur’aankaas aad xafidsan tahay
aad hadana barato tafsiirkiisa iyo macnahiisa taasoo kuu suurtagalinaysa
inaad fahamto waxa uu ku farayo iyo waxa uu kuu diidayo, isla markaana
aad garato ujeedada uu Allah koonkaan u sameeyay.
Waxaan Allah weydiisanaynaa inuu nagu
arzuqo xifdinta kitaabkiisa iyo u akhrintiisa sida uu raalliga ka yahay.
Aamiin.
Waxaa Qortay:
Firdowsa C/qaadir Cabdi
E-mail: firdowsabdi@yahoo.com
Tel: +254 725006045
Mishkaat Islamic Centre
Komorock, Sector one, hse.139
Nairobi, Kenya
E-mail:
mishkaatcenter@yahoo.com
Booqo bogga QUR'AAN-KA