Ahmedou Ould Abdullah "Fadlan, walaalayaal, beeneeya malada dadka aan
kadlaayo…"warqad dareeno kala duwan xambaarsan oo ku socota Qurbo joogta
Soomaaliyeed
Ahmedou Ould Abdullah oo ah uqaybsanaha Xafiiska Qarammadda Midoobay ee
Arrimmaha Siyaasadda Soomaaliya oo fadhigiisuna yahay Magaalada Nayroobi oo
warqad qoraal ah oo uu kula hadlayo Qyrbo-joogta Soomaaliyeed soo gaarsiiyey
Somalitalk ayaa waxaa uu qoraalkiisa ku sheegey isagoo ka qaaybgaley shirkii
lagu qabtey Brussels.
" Sida aad fahamsan tihiin, hour-marka xagga nabadda iyo deganaanshahaba waxay u
socda xawli ka dheereeya inta ay filaayeen dad badan oo Soomalyeed ama bulshada
caalamka ka mid ahba. Ayada oo aan joogno dhammaadkii shir muhiim ah oo ay ku
yeesheen deeq-bixiyaassha caalamiga ah halkaan, Brussels, waxaan jeclahay in aan
warbixin idinka siiyo, isla markaasna idiinla qeyb-sado afkaarta soo socota ee
la qaban doono" ayuu ku yiri qoraalkiisa isagoo hadalka sii wata ayaa intaa ku
darey.
"markii la magacaabay Raiisul Wasaaraha, waxaa la dhisay Golihii Wasiirada cusub
hal asbuuc oo wada-hadalo ah, Waxayna ka kooban yihiin qaar wanaagsan oo laga
keenay TFG-da, ARS-ta iyo banaankaba, dhammaantoodna waxaa ka go’an in ay
tixgeliyaan sharafta iyo karaamada Soomaliyeed, iyo sidii is afgarad dhexmara
dhamaan Ummadda Soomaaliyeed loo heli la haa , kaas oo si aad ah loogu baahan
yahay, Madaxweynaha, Afhayeenka Baarlamaanka, Raiisul-Wasaaraha, Wasiirada iyo
Xubnaha baarlaamnakaba way ka guureen Jabuuti, waxayna u guugeeren Muqdisho.
Arrintaas waxay aheyd talaabo aan fududeyn balse waxaa si buuxda ugu heshiiyey
geesiyiinta Soomaaliyeed oo garwaaqsaday in loo baahan yahy dhismaha dawlada la
geeyo Caasimadda".
"Mar
aan booqday dalkiina, bilihii Nofembar 2007 iyo February 2008, kuwii weday
dagaalada, waxay farta ku fiiqaayeen joogitaaka Itoobiya, kuwa taageersanaa
qaska waxay mar-marsiyo ka dhiganayeen joogitaanka Ciidamaada Itobiya. Haddana,
hal bil kadib markii ay baxeen ciidamaddii Itobiya, weli gumaadkii baa sii
socda. Dadka arrimmaha Soomaliya u dhuun- daloola, waxay hore u sheegeen in
sababta runta ah ee wax loo dilaayo aysan aheyn joogitaanka Ciidamdda Itobiya.
Fadlan, walaalayaal, beeneeya malada dadka aan kadlaayo, idinka oo ka codsanaaya
kuwa wax dilaaya in ay joogiyaan daadinta dhiiga dadka aan waxba galabsan ee
Soomaliyeed" ayuu ku yiri Axmed Wallad qoraalkiisa isagoo Soomaalida qurbo
joogta u muujinaya sida uu isagu aaminsan yahay, islamarkaana digniin ku siinaya
manaxayaasha sii naaxaya.
Ahmedou Ould Abdullah wuxuu keloo qoraalkiisa ku sheegey "Way qaldan yihiin kuwa
ku adkeysanaya in ay wax dilaan, afduubaan ama galaanba denbiyo kale haddii ay u
heystaan in arrintu sidii hore ee caadiga aheyd ay isaga socon doonto. Horey
dadkaani waxay u dili-jireen walaalahooda, bulshada caalamkuna wey iska daawan
jirtay, iyada oo marwalba abaabuli jirtay shir cusub oo arrimmaha Soomaaliya
looga hadlaayo. Arrinta si kastaba ha ahaatee, xaalkaasi wuu dhammaaday hadda.
Dadkiina, saaxibadiina, iyo dersikiinaba, dhammaan in tuba waxay ka daa-leen
dhiiga macna la’aanta loo daadinaayo. iyaga iyo bulshada caalamkuba ma ogolan-
nayaan in dhiigo iska socdo. inaga oo wadajirana ayaan wada shaqeyneynaa si aan
u soo celino madax-banaanidda iyo karaamadda wadanka. Waxaa jira dareen adag ee
heer wadan iyo caalamiba leh, loogan soo horjeedo kuwa ay ka go’an tahay sii
wadista qaska iyaga oo sii qabsanaya wadanka ama qeybo ka mid ah.
Waxaa xaqiiq ah in dadka ka soo horjeeda qaswadayaasha aynan ogolaanaynin in
xukuumadda is-bel xun lagu sameeyo. Hadaba ayada oo arrintaan maanka lagu hayo,
fadlan u sheega kuwa doonayaa in Soomaliya ay ahaato wadan gunta ka-kala qeybsan
in ay joojiyaan qaska, xoogooduna isugu geeyaan geedi socodka nabadda, naftooda
wax utaristeeda, tan eheladooda iyo tan dadka ay dhibaateynayaanba. Hadiise ay
dhibaatadaan ay u samaynayaan xumaan ay ka xunyihiin guusha Sheikh Sharif Sheikh
Axmed waa in kuwani akhristaan suuradda quraanka kariimka ah ee birabil Falaq.--
(Suratul –Al-Falaq 113)".
"Seddex wadan oo ka mid ah xubnaha joogtada ah ee Golaha Amaanka- France, UK iyo
USA ayaa shir isugu yimid 25 February 2009 magaalada London, shirkaas oo ahaa
mid guuleystay lana doonayay in wax lagu qabto. Haddaba, Go’aanka shirka ee ku
aadana in lagu taageero nabada iyo xukuumada cusub wuxuu ahaa mid cad oo aan
leex leexad lahayn. Waxaa jira baahi loo qabo in dadka loo dhawaado, waxna laga
qabto dareenkooda la xiriira arrimmaha nabadgelyada, kaalmada bani’aadanimo, dib
u dhiska iyo isu keenista ummadda. Sida dhammaan wadamadda kale ee ay ka jirto
nabadda, Soomaaliya waxay xaq u leedahay in Safaarado laga dhex furo, ayna
xafiisyo ku yeeshaan wakiiladda ururadda caalamiga ah sida Qarammadda Midoobay,
Midowga Afrika, Jaamacadda Carabta, Midowga Yursub, Ururka wadamadda Islaamka
aduunka iyo wixii la mid ah. Laakin Soomaalia arrinteedu maanta wey ka
duwantahay sida aan soo sheegnay, waa waddan ayna joogin safiiro, haddaba
arrintaani waa in ay dhamaato". Isagoo faah faahinayo qaybo ka mid ah wadamada
golaha amaanka xunaha ka ah oo shir gaar ah ku yeeshey magaalada London,
inkastoo uusan sheegin Soomaaliya cida mateleysey oo shirkaasi ka qayb-gashey.
Uqaybsanaha Xafiiska Qaramada midoobey ee Soomaaliya Ahmedou Ould Abdullah wuxuu
keloo qoraalkiisa dheeraa ku sheegey in shirka London lagu qabtey ay taageen
Kooxda xiriirka caalamiga ee Soomaaliya
"Fikrada Wadamada seddexda ah ee aan soo sheegay (France, UK, USA) waxaa
ogolaaday gudiga caalamiga ah ee la xiriirka arrimaha Soomaaliya, kaas oo anigu
aan ku shir gudoominaayey magaalada Brussels inta u dhexeeysay 26-27 February.
Shirkaani wuxuu ahaa kii ugu soo qeybgalka badnaa, laga soo bilaabo sannaddi
2005 taas oo aheyd markii la aasaasay ururka. Waxaan hadda ka soo qeybgalay ku
dhawaad 30 wadan iyo ururo kale oo caalami ah. Bulshada caalamku waxay balan
qaaday in ay si deg-deg oo macquul ah u maalgeliso baahida ugu mudan. Waxaa
sharaf idin ah in aad ogaataan in arrin khuseeysa Soomaaliyada qurba-joogta ah
laga hadalay dhowr jeer taas oo khuseysa dowrka ay ka qaadan karaan geedi
socodka nabada. Haddaba, waxaa jira Mashruuc lagu hawlgelinaayo 150 khubaro
Soomaaliyeed ah, laguna hawlgelinaayo dadka qurbajoogta ah si loo kaalmeeyo
maamulka cusub ee Soomaaliyeed. Annaga ayaa idinkaga soo warami doona su’aasha
la xiriirta khubaradaani iyo go’aanka ay ka qaadanayaan wadamada qaarkood kuwaas
oo hadal furan la yeelan doona madaxda dadka Soomaalidda ah ee wada-madooda ku
nool si si wax ku ool ah loogu taageero geedi socodka Nabadda ee Soomaaliyeed.
Dadka qaarkii ayaa soo jeediyey waxa laga yeelaayo dadka Soomaaliyeed ee ku jira
liiska dadka la doonaayo ee Golaha Amaanka. Haddii aan si kale u iraahdo
sideebaa daadkaan looga saari kara liiska. Jawaabteyda waa mid cad oo walaal
tinimo ku qotonta. Dad badan baanan caawinaynin dadka Soomaaliyeed, ayaga oo
arrintaan jaah-wareer ka abuuraaya. Waxaan dhihi kara dadka Soomaaliyeed ee ku
jira liiskan, waxay xaq u yeela-naayaan in laga saaro liiska haddii iyo goorta
ay cadeeyaan taageerada ay u haayaan nabadda wadankoowa ka socota. Anniga ayaa
qof ahaan mas’uuliyad isaga saaraaya in aan difaaco arrimmaha dadkaan haddii ay
qaadaan talaabada aan soo sheegnay".
Ugu dambeyn Ahmedou Ould Abdullah wuxuu qoraalkiisa kusoo gebagebeeyey "Bulshada
caalamku waxay si cad u cadeyneysaa taageerada ay u heyso talaabooyinka muhimka
leh ee laga sameeyey dalka gudihiisa. Sida caadadu tahay taageerida qurbajoogta
Soomaaliyeed ayaa marwwalba muhiim u ah ka libkeenista guusha waqtiga dhow iyo
kan fogba".
Maxamed Macallin Cismaan(All-man) Somalitalk Jabuuti.
fatxumaalik@hotmail.com
Ahmedou Ould Abdullah “Waxaan ugu baaqaya dhammaan dadkiinaan qurba-joogta ah
in aad la hadashaan…” Warqad kusocota Qurbo joogta Soomaaliyeed....
Akhri... Feb 6
Faafin: SomaliTalk.com | March 1, 2009
Barre
Hiiraale: "Waxaan kalsoonidii kala noqonay xukuumadda Sh. Shariif" - waraysi uu la yeeshay Maxamed Gaarane:
Dhegeyso ama
soo rogo
Xildhibaan
Ismaaciil Axmed Nuur " Baarlamaanku Inuu Bur buro Waa Roonaan Lahayd… "
hadii si sax ah loo maamulo waxa jita, ma imaan lahayn khaladaadka hada jira..
Akhri.. Mar 1
Wasiirada Haweenka iyo Arimaha Qoyska Marwo Fowsiyo Maxamed Sheekh "Maantana
Waxaa Farxad Inoo ah Dowladii Ugu Horeysey oo 3 Wasiir Ay Ku Yeeshaan Haweenka
Soomaaliyeed" Akhri March 1
Xildhibaan
Ibraahim Saalax Dayfallah “…Xaqeena Marna Kama Tanaasuleyno, Waxaana
Leeyahay Dulmiga Ma Soconayo…” - Feb 28
Wasiirka Wasaaradda Dastuurka iyo Arrimaha Federaalka Md, Madoobe Nuunow
"Sideedaba Dowlada Federaalka Waa Dowlad Islaami ah, Shuruucdeeda Waxaa Saldhig
u ah Diinta Islaamka".. Akhri.. - Feb 27
Xildhibaan
Maxamed Keynaan "Dowlada la Dhisey Ma Ahan Dowlad Xaq Raadin ee Waa Dowlada
Xal Raadin ah" iyo Xildhibaanad Caasho Cabdalla "Madaxweynuhu Jihaadka
uu Iclaaminayey, Ma Ahayn Jihaad ee Waxay Ahayd Jihaad Kursi Doon ah"..
Akhri... Feb 25
Waraysi:
Wasiirka Hawlaha Guud & Guriyenta, Maxamed Cabdi Yuusuf, waraysigaas iyo..
Sh. Aaden Madoobe oo yiri "kulanka Xiga ee baarlamaanku wuxuu Ka Dhicidoonaa Muqdisho 15
Maalmood Kadib" iyo Ra'iisul wasaaraha oo lagu wado in uu wasaarad cusub
magacaabo.. Akhri
Wasiirka Arrimaha Dibadda DFKMG Md, Maxamed Cabdullaahi Oomaar oo Wareysi
Siiyey SomaliTalk ayaa ka Hadley Tilaabooyinka ugu Horeeya ee uu Qaadayo iyo
Arimaha Baasaboorka. Akhri... Feb 23
Waraysi:
Xildhibaan Xasan Abshir iyo Xildhibaan Shariif M. Saciid
"Baarlamaanku Aad iyo Aad Ayuu Uga wal Walsan Yahay,… Hadii la geeyo Ruux
Aan Aqoonteeda Lahayn Waanu Ka Soo Hor Jeesaneynaa"
Akhri.. - Feb 18
|