Dicaafa Rasuulka: Sawir gacameedyo maanta
arbaco ah la soo saray
Wargayso ka soo baxa dalka
Denmark ayaa maanta oo arbaco (Feb 13, 2008) ah waxay dib u soo daabaceen
sawir gacameedkii sanadkii 2005 bishii September uu soo saaray lagu
aflagaadaynayay Rasuulka SW. wargayskada maanta soo daabacay sawirkaani ayaa
waxaa ka mid ah Politiken iyo Berlingske iyo Tidende iyo Jyllands-Poste
iyadoo sidoo kal Teleshinka laga soo daayay dalkaasi sawiradaan (waxaana ka
muuqday sawir ay ku sheegeen Rasuulka SW oo cimaamad dusha Miimo ka saaran
tahay) lagu muujinayo
Dib u soo daabicada Sawir gacmeedkaan ayaa yimid 24 saac ka dib markii ay
ciidamada dalkaasi gacanta ku dhigeen rag Muslimiin ah uu u kala dhashay
Wadamada Marocca iyo Tunisa kuwaas o lagu tuhun sanaa oo kaliya in ay ka
takhalusi lahaayeen sawir yahankii u dhashay Denmark ee isagu soo sawiray
sawirkaasi ninkaasi oo lagu magacaabo
Jyllands-Poste ayaa waxaa uu ka mid yahay 12 wargays oo sanaihi 2005 iyo
2006ka soo daabacay sawiradaasi meel kaga dhaca ku ah Diinta Sharafta Baddan
ee Islaamka.
Waxy ku adacoodeen soo daabicista Sawiradaan in ay yihiin madax banaanida
saxaafada .
SomaliTalk.com | Nairobi | Feb 15, 2008
Saxaafadda Denmark oo markale si ukalac ah u aflagaadeysay Nabi Muxamed
Waxaa la yiri "Doqonta usha agteeda ku dhifo hadey diiri weysana ku dhifo
iyada" Taasi macnaheedu waa tan iminka heysata guud ahaan cidkasta oo ku
abtirsata magaca Islaam. Ma jirin ihaano ka weyn ee loo geystay Suubanaheeni
Muxamed NNKH kadib markii wargeys xag jir ahi oo kasoo baxa dalkaasi Denmark
uu ku sheegay sawiro kartuuno ah. Hadana aysan jirin cid si weyn uga
dhiidhisa falkan foosha xun ee ah daan daansi geed ku gabasho laheyn ee
muslimiinta iyo diintooda lugu hayo.Arrintani waxey sidoo kale marag ma
doonto u tahay sida ay u liitaan dadyowga aan maanta ku tilmaami karrno
damiirleweyaasha aanba awoodin iney difaacdaan Rasuulkooddii Alle
karaameeyey.
Si kastaaba arrintu ahaatee dalka Denmark inkastoo uusan ku quusan
natiijadii kasoo baxday xorriyatul qowlka sida qaldan loogu tuntay ee uu
adeegsaday mid kamid ah wargeysyada dalkaasi kasoo baxaa muddo haatan labao
sanno laga joogo. Hadana waxaa muuqata in sheekadu tahay "Xorr baan ahaye
maxaad sameyn kartaa" ee aan marnaba texgelin la siin waxa sharciyan u yaala
saxaafada madax banaanida lugu sheegay ee sidii la doono loo adeegsan karro.
Hadaba dhowr wargeys oo kamid ah wargeysyada kasoo baxa dalkaasi ayaa maanta
si ku talagal ah waxey mar qura u soo wada daabaceen sawiradii ihaanada ahaa
ee muddo labo sanno kahor uu soo bandhigay wargeyska xag jirka ah ee
Jylands-Posten kadib markii booliska dalkaasi laga sheegay iney fuliyeen
qorshe lugu doonayey in lugu dilo mid kamid kuwa sida fuleynimada leh u
sawiray sawirada kartoonka ah kaasoo magaciisa la yiraahdo Kurt Westergaard.
"Anaga iyo wargeysyo kale waxaanu dooneynaa in argagaxnimadu tahay wax
fuleynimo ah oo aan awood laheyn, balse mujtamac xor ah waan ku doodi karnaa
dhexdiisa sida doodu u dhaci karto ee aaney noqon mid la fal loo adeegsado"
ayuu yiri tafatiraha wargeyska Politiken ninka la yiraahdo Tøger Seidenfaden
oo isagu geestiisa ka muujiyey sida ula dhacsan yahay in sawirro ihaano ku
ah dad gaaraya bilyan qof oo dunida ku nool loo geysto.Ciidanka dalkaasi
ayaa shaaciyey iney shalay oo talaado aheyd fashiliyeen iskuday ay ku
doonayeen ragg u dhashay Tuunisiya iyo Marooko iney k qaarajiyaan mid kamid
sawiryaasha karoonadaasi ayaa waxaa geestiisa ka hadlay afhayeenka xisbiga
xag jirka ah Folkeparti ee Henriette Kjær waxaana uu sheegay iney tahay
arrin laga xumaado waxa uu ku sheegay "xorrnimadooda iyo xaqooda" ee lugu
doonayey in dad lugu dilo hadana aaney cidi ka hadli karin. Kassem Ahmad, oo
kamid ah afheeynada mid kamid ah urrurada islaamiga ah ee dalkaasi ka jira
ayaa sheegay in cida u aragta in falalka lugu soo daabcay sawiradaasi ay
yihiin kuwo ihaano ah oo ka dhan muslimiinta ay banaanbaxyo cabasho ah ku
muujin karaan,waxaana uu hoosta ka xariiqay in haatan aysan habooneyn in
dabka saliid lugu shubo oo fidnada jirtay la kiciyo.
Ma ahan oo keliya Denmark meesha mar qura uu ka dilaacay kacaanka daabacada
sawiradan balse dalka Filand ayaa xisbiga xag jirka ahi ee Suomen Sisu
shabakad ay bogga internet-ka li yihiin lugu soo daabcay qaar kamid
siwiradaasi. Afhayeenka xisbiga mucaaridka ah ee dalkaasi ninka lugu
magacaabo Jari Vilén ayaa war saxaafadeed uu soo saaray ku sheegay in si deg
deg ah dowlada ay sawirada kooxdaasi ku faafiyeen shabakadooda la fadhiisiyo
islamarkaasina gacan adag lugu qabto waxa uu ku tilmaamay qeyral masuulnimo
keeni karto in amniga guud ee dalkaasi uu halis geli karro, waxaana u
tusaale u soo qaatay talaabada ay dowlada Sweden qudheeda ku xirtay bogg
internet-ka ah oo ay lahaayeen kooxaha xagjirka ah ee reer Sweden ee
daabacay sawiradaasi xilligii ay socotay xiisada xooga leh ee ka dhashay
daabacada sawirada ihaanada ah ee Suubahaneena Muxamed ah NNKH ah loogu
geystay saxaafadaha reer galbeedka qaarkood.Sidoo kale wuxuu
warsaxaafadeedkiisa ku cadeeyey in falalkaasi ay yihiin kuwo lugu dhaawacayo
muslimiinta iyo diinta ay runsan yihiin, waxaana uu dowlada dalkaasi ka
codsaday iney haatan joojis aalad kasta oo sharciyeyna in meel looga dhaco
waxa dadyow badan oo dunida aaminsan yihiin ka hor inta aaney xaajo faraha
ka bixin amniga dalkaasina uusan gelin qal qal.
Qore: Ikraam Cali-kaar