Pakistan:
Soomaali lagala baxay Guryohoodii
ISHA: Wargal Jooga Pakistan | Dec 8, 2004
Pakistan
waa mid kamid ah dowladaha muslimka ah,
hadana qoxootiga Soomaalida waddan
keeda kusoo dhawaysay, kadib markii ay
burburtay dowladdii dhexe ee Soomaliya.
Pakistan ku
ma aysan ekeyn oo kaliya soo dhaweenta
qootiga, ee Soomaalida waxa ay u ixtiraami
jireen sida dad muwaadiniin ah oo kale,
waxayna siin jireen wax barasho qaali ah oo
lacag la’ aan ah sida Medicine, Engineering,
Pharmacy, micro- biology iyo kuwo kaloo
cilmiga sayniska kamid ah.
Kadib
weerarkii 11-Sebtember, waddanka Pakistan
wuxuu bilaabay in uu kontarool ku sameeyo
dhaqdhaqaaqayada qoxootiga Soomaaliyeed ee
kusugan waddankeeda, waxay kaloo bilooday
in ay tirakoobyo isdaba joog ah ay ku
sameyso qoxootigaas soomaaliyeed sida ay u
nool yihiin, meela dhaqaaluhu kasoo galo iyo
waxa ay kaqabtaan Pakistan, waxayna sameesay
sirdoon farabadan oo arimahaas u kuurgala,
lana socda dhaqdhaqaaqyadooda.
Arintaani
waxay keentay in tuugo farabadan oo police
iyo kuwo kalaba isugu jira oo Paakistaniyiin
ahi ay fursad u helaan boobka iyo dhaca iyo
xirxiridda dadka soomlaaliyed ee aan waxba
galabsan. Waxaa badaanaa la arkaa dad qaba
dharka dirayska ee policeka kuna hubaysan
bostoolado iyo qoryaha yaryarkaayoo kale, oo haddana
baarta Soomaalida kana dhaca wax alaaliyo
waxa jeebabkooda ay kahelaan sida lacagaha,
mobeeladda iyo wixii kaloo muhiim ah.
mararka qaar guryahayba oogu soo galaan,
kuna baartaan, qofkey u malynayaan in uu wax
kaqarinaayana xabsiga ayey taxabaan ayagoo
eedeemo been ah dusha kasaara.
Waxaa asbuucii
tagay horaantiisa guryahoodii lagala baxay
laba nin oo somali ah oo lakala yiraahdo
Sheikh Maxamed iyo Cabdinoor, oo sheikh
maxamedku uu ahaa macalin dhiga jaamicadda
layiraahdo Abubakar Islamic University,
halka C/noorna uu ahaa arday dhigta jaamicadda
Karachi University, ilaa iyo iminkana lama
oga meel alaaliyo meel lageeyey iyo sababta
looqabsadayba toona. Sidoo kale asna
asbuucaan waxaa gurigiisii inta lajabiyey
lagala baxay nin layiraahdo Maxamed Xassan
oo isagu ka qalin jabiyey Jaamicadda Karachi
University sanaka 2001-da. Inkastoo jirdil
iyo dhibaatooyin loo gaystay, haddana laba
bari kahor ayaa lasoo daayey.
Umadda
soomaliyeed ee ku dhaqan waddankaan ayaa cabashooyin
farabadan oo ay kaga cabnayaa
dhibaatooyinkaas loo gaystay u gudbiyeen
marar badan Dowladda Pakistan, laakiin ilaa
iyo iminka wax jawaab ah lagama helin dhanka Dowladda.
Arimahaan
murugada leh ee soo wajahay dadka
soomaaliyeed, ayaa cabsi iyo walaac ku
abuuray dadwaynaha soomaaliyeed ee ku dhaqan
magaalooyimka kala duwan ee wadanka
Pakistaan.
ISHA: Wargal Jooga Pakistan oo weydiistey
in aan la magcaabin | Dec 8, 2004
Qoraalka Xiga... Guji... Faafin: SomaliTalk.com | Dec
8, 2004
Kulaabo bogga www.SomaliTalk.com
|
Daabaco
Boggan | Print
