Maxamed Xaaji (Ingiriis)
Brussels, Belgium

November 27, 2004

Sheikh Aweys | Sawirka: Google search

Kaddib September 11, Soomaaliya waxaa lagu sumadeeyey inay ku jirto dalalka ay ku gabbadaan kooxaha Mareykanku ugu yeero argagixisada. Nin weriye ah oo reer galbeed ah oo la yiraahdo Joseph Winter ayaa dhowaan Soomaaliya tagay, waxaana uu la soo kulmay qaybo badan oo hoggaamiyeyaasha bulshada ka mid ah. Dadkii uu la kulmay waxaa ku jiray Sheekh Xasan Daahir Aweys oo ka mid ah mashaa'iqda waaweyn ee Soomaalida.

Sheekhu, waxa uu si adag u fogeeyey in wax argagixiso ah ay ka howlgalaan waddanka. Ma jiro ayuu yiri qof Soomaaliya jooga oo la dirirsan Mareykanka, waxaana uu ku adkeystay oo keliya inuu yahay caalim Islaami ah oo rumeysan in xukunka shareecada Islaamka uu ku yaboohi karo xalka Soomaaliya.

Weriyuhu, waxa uu yiri markii aan la kulmay Sheekhu waxa uu salli kula fadhiyey dhulka, waxaana uu u hadlaayey si xasilan oo degenaansho leh, mana bixinaynin dareen qof abaabula wax argagixiso ku leh. Sheekh Aweys ayuu yiri weriyuhu waxa uu si nabadgelyo ah ku maraa Muqdisho iyadoo ay waardiyeynayaan ciidamo hubeysan oo wata tikniko. Laakiin, Muqdisho oo aan sharci ka jirin, ammaan gelinta sidan u sugan kuma adka qofkii ka bixi kara ayuu yiri weriyuhu.

Sheekh Xasan Daahir si raalli ah ayuu iiga aqbalay ayuu yiri inaan ku wareysto gurigiisa ballaaran ee ku yaalla duleedka Muqdisho, si kasta oo ay tahay Shiikhu wuxuu raacsan ayuu yiri dadka ku dooda in dunidoo dhan Muslimiintu ay bartilmaameed u noqdeen Mareykanka iyo xulufadiisa. Waxa uu Sheekhu ku eedeeyey Mareykanka inay siiyeen qabqableyaasha dagaalka Soomaaliya awood ay ku soo afduubaan kuwa uu ku eedeeyo argagixisada.

Sheekh Xasan Daahir, waxa uu xusay illaa afar qofood in qaabkan lagu afduubay, inkastoo uusan sheegin magacooda, haddana laba ka mid ah dib baa laga sii daayey ayuu yiri. Saraakiisha Mareykanku, waxa ay yiraahdeen 'ma hayno wax war ah oo ku saabsan sheegashooyinkan,' laakiin dad badan oo arrimaha Soomaaliya la socda ayaa aqbalay in warka Sheekhu run yahay.

Sheekh Xasan Daahir Aweys waxa uu yiri 'ballan-qaadka Cabdullaahi Yuusuf ee ah inuu burburinayo kooxaha argagixisada waa qorshe uu ku doonayo inuu ku kasbado caawimaadda reer galbeedka, kuna sii xoojiyo taageerada dowladdiisa."

"Waa in aynaan kuxiraan in aan akhbaarta keliya ka qaadano Itoobiya kuwaas oo inkasta oo ay saaxiibadeen yihiin haddana waxay wataan qorshe iyaga u gaara oo aan caddayn, waxayna kabadbadiyaan khatarta." sidaas waxa yiri Ken Menkhaus, oo professor sare ka ah Davidson College, USA, kaas oo ku takhasusay Soomaaliya iyo dhaqdhaqaaq yadeeda Islaamiga ah, islamarkaana  lataliye xagga siyaasadda uga ahaa hawlgalkii Qaramada midoobey ee Soomaaliya, marka uu hadalkaas yiri waxay ahayd talaado November 27, 2001 asagoo ka hadlayey kulanka Carnegie Endowment for International Peace symposium (Washington, D.C.) oo looga hadlay Afrika, Islaamka iyo argagixisada "Africa, Islam, and Terrorism". www.somalitalk.com/baaris/

Laba sano kaddib qaraxyadii September 11 ayuu yiri weriyuhu, waxaa Soomaali badan ku adkaatay nolosha, markii la xiray bankigii weynaa ee xawaaladda Al-Barakaat oo Mareykanku ku eedeeyey inay gacan maaliyadeed u fidiyaan kooxaha argagixisada, taasoo keentay in Soomaali badan oo ku nool qurbaha ay ku dhibtoodaan inay lacago u diraan dadkoodii joogay Soomaaliya.

Dad badan oo Soomaali ah ayaa weli ka walaacsan ayuu yiri weriyuhu inay degdeg ku soo noqon karto maamulkii qarankooda. Xitaa Sheekh Xasan Daahir Aweys waxa uu yiri buu yiri 'haddii Cabdullaahi Yuusuf uu qaado tallaabooyin ka dhan ah Al-Itixaad, laakiin uu si fiican u maamulo danaha dadweynaha isagoon jebin sharciga Islaamka, waan soo dhoweynayaa."

Sheekh Xasan Daahir Aweys, waxa uu hadalkiisa ku soo afjaray "wanaajinta dadka Soomaaliyeed ayaa igala qiime badan danahayga gaarka ah." Diblomaasi magaciisa qariyey ayaa u sheegay weriyaha in Soomaaliya ay weli ka jiraan kooxo firfircoon oo argagixiso ah. Hase ahaatee, khabarkan mid ka duwan ayaa waxaa weriyaha u sheegay Wakiilka Qaramada Midoobay ee Soomaaliya, Winston Tubman oo ku adkeystay inaysan jirin caddeymo adag oo muujinaya in kooxo argagixiso ahi joogaan Soomaaliya.

Maxamed Xaaji (Ingiriis)

Brussels, Belgium

 ingiriis@yahoo.com

Faafin: SomaliTalk.com | Nov 27, 2004

Dhibaatada Gaartay Samsam Dadweynaha Caadigaa ah Shuqul kuma laha waxaase dhabarka u ridanaya xukuumadda SL C/Waaxid Khalif

Waraysi ay Somalitalk.com la yeesheen Xildhibaan "Jinni Boqor"
"Waa in wadanka gudihiisa laga abaabulo hubka dhigista ee aan loo aadin Addis-abbaba. Waana in dadka la wacyi galiyaa..." Sidaas waxaa yiri Xildhibaan Cabdi Cabdulle Siciid “ Jinni Boqor” oo.. Guji... Nov 26

Socdaalkii Garyare iyo Gobalka Shabeeladda Hoose
Warbixintii AbdiWali Ibraahim Aden “Garyare" Guji.. Nov 26

QISADII MADHOODHOW: Wuxuu ku Qadeeyaa Qaadka, Wuxuuna ku Casheeyaa Ciidda, Oolyadana wuu ku Qubeystaa: Waxa uu ku nool yahay magaalada Muqdisho, magaciisuna waa... Guji...

• 2004: SOOMAALIDA KU DHINTAY BADDA CAS
• 2003: SOOMAALIDA KU GEERIYOODEY BADDA TALYAANIGA
• 2002: SOOMAALI KU GEERIYOODEEN SAXARAHA LIIBIYA
• 2001: SOOMAALIDA KU GEERIYOODEY BADDA YEMEN
• 2001-2004: SOOMAALIDA LAGU LAAYEY QURBAHA
• 2004: TACADIYADA: DILKA, DHAAWACA, AFDUUBKA, KUFSIGA & BARAKACA
• 2004: CAQBADAHA HOR TAAGAN NABBADA SOOMAALIYA
• QAXOOTI: Utange | Banadiri | Baraawe/Jomvuu | Kkuma | IFO | Mandera | Yemen |
   
• HAMOOGAAN: CASHARADA SAXAABADII RASUULKA... GUJI

Kulaabo bogga  www.SomaliTalk.com