SOMALITALK.COM XAYAYSII
w w w . S o m a l i T a l k . c o m
SOMALITALK - WARAR

WARARKII MAANTA:::

  • Booliiska Hargaysa oo Xoog kugalay xarunta xisbiga kulmiye iyo cadho dadwayne oo lagaga jawaabay.

  • Muuse Suudi yalaxow oo maanta shir jaraa'id ku qabtay Magaalada Nairobi

  • Gaari Aagga Kismaayo oo Ku Gedoomay markii Saddexaad::

Booliiska Hargaysa oo Xoog kugalay xarunta xisbiga kulmiye iyo cadho dadwayne oo lagaga jawaabay.

warbixin  Aadan yuusuf qodax | hargaysa | SomaliTalk
email: aadanqodax@somalitalk.com ama qodax28@hotmail.coms

       Booliiska magaalada hargaysa ayaa shalay galab xoog ku galay xarunta dhexe ee xisbiga mucaaridka ah ee KULMIYE ee uu hogaamiyo Md. ahmed mohamed (siilanyo), talaabadan oo boolisku qaadeen oo markiiba dhalisay cadho dadweyne waxaa xarunta ku soo ururay dadweyne kacsan oo ku dhaqaayayey ereyo xukumada lidi ku ah kuna taageerayaan gudoomiyaha KULMIYE.

Booliska ayaa isku gadaamay oo markii danbena xoog kugalay iyadoo ay saraakiisha booliska watay sheegeen in ay ka baadhayaan idaacad cusub oo lagu magacaabo radio Horyaal oo dhawaan hawada soo gashay lana sheegay in xarunteedu tahay yurub idaacadan oo ah idaacad madaxbanaan waxaa xukuumadu ku eedaysay xisbiga KULMIYE in uu kadanbeeyo ,balse gudoomiyaha kulmiye oo taas kajawaabayaa taas ayaa sheegay in idaacadani tahay mid ay furteen qurbajooga somaliland oo ubadan buu yidhi xisbiga kulmiye waxaanu siilaanyo intaa raaciyay in ay KULMIYE ahaan taageersanyihiin idaacadan .

    Saraakiisha booliiska watay ayaa  lagasooxigtay in ay doonayaan computer laptop ah oo uu leeyahay xoghayaha xisbiga kulmiye daa,uud maxamed geele  kaas oo saraakiishu kutilmaameen in uu yahay halka ay idaacadu kahadasho waxaase taasi yaab kukeentay dadweyne goobta isugu soo ururay , sarkaalka ciidanka watay ayaa yidhi " waxaanu doonaynaa computer lap-top ka ah ee manoo dhiibaysaan ".

   Waxaase taas isagoo kajawaabaya gudoomiyaha KULMIYE yidhi" computer la'idiin dhiibayaa majirto ee ama sharci kuqaada ama xoog kuqaada", hase ahaatee waxay booliisku iskudayeen in ay qabtaan xoghayaha guud waxaana taas ishortaagay madaxda KULMIYE iyo dadwayne kacsanaa oo goobta sidagdag ah iskugu soo ururay ,isagoo gudoomiyaha kulmiye shir dag dag ah iskugu yeedhay madaxda fulinta xisbiga KULMIYE waxaanay galeen shir dag dag ah, majiro wax war ah oo rasmi ah oo wali kasoobaxay shirkaasi iyadoo gudoomiyaha KULMIYE Axmed maxamed maxamuud (siilaanyo) sheegay in shirkaa kadib ay soo saari doonaan talaabada ay qaadayaan.


 Taliyaha Ciidanka Bilayska Somaliland Maxamed Cige Cumar

Gudoomiyaha xisbiga KULMIYE Axmed Maxamuud Maxamed SIILANYO

Talaabadan ay booliisku qaadeen oo ilaa xaalay siweyn loohadal hayay ayaa xoghayaha kulmiye daa'uud maxamed geele ayaa sikooban ugu sharaxay warbaahinta sida ay wax udhaceen waxaanu yidhi "galabta(shalay) markay saacadu ahayd 5:00tii galabnimo ayaa aniga oo fadhiya xafiiskayga waxaa ii yimid  ciidan booliis ah kadibna waxaan ku idhi maxaa dhacay waxay yidhaahdeen xafiiska ayaanu baadhaynaa waxaan waydiiyay warqad sharci ah waxay yidhaahdeen mahaymo ,wayna dhamaysteen baadhistoodii warna umahayo waxaa ay qaateen  kadibna waynaga tageen ,waan baxay waxaana iga horyimid gudoomiayaha siilaanyo  ,waxaa dhacday in hadana bilayskii soonoqdeen waxayna yidhaahdeen waxaanu doonaynaa xoghayaha guud iyo lap_topkiisa waxaanan waydiiyay waxaa ay iga rabaan waxaanay yidhaahdeen taliyaha ayaa nasoo diray, waxaanan ku idhi baratakool ahaan anaa kasareeya ee isagu xafiiskayga ha'iigu yimaado halkaasbaana buuqu kabilawday ".

    Idaacadan sababtay in labaadho xafiiska dhexe ee KULMIYE waxaa layidhaahdaa radio horyaal waxaana masuuliyiinta idaacdu sheegeen in xarun teedu tahay yurub  balse laga dhaysto geeska africa iyo bariga dhexe waxaanay hore usabatay in laxidho wariyeyaal katirsanaa radio hargaysa balse markii danbena lasiidaayay.

   Sikastaba ha ahaatee wax war ahi kama soobixin masuuliyiinta sare ee xukuumada oo kusaabsan sababta loo baadhay xarunta dhexe ee kulmiye ayadoo aan ogolaansho lawaydiisan ,waxaana arintaa shir dag dag ah kale masuuliyiinta kulmiye oo lasugaayo waxa kasoobaxa iyo talaabada ay qaadaan.

Xisbiga kulmiye oo marka la,eego haysta taageero xoog leh waxaa masuuliyiintiisu ubadan yihiin hogaamiyayaashii ururkii SNM ee dagaalka kala horyimid dawladii maxamed siyaad bare.

warbixin  aadan yuusuf qodax   hargaysa somaliland
email; aadanqodax@somalitalk.com ama qodax28@hotmail.com

Wasiirka Ganacsiga oo qabtay shir jaraa'id ayaa ka waramay dib u laabashadooda.

  • Canab Mumtaz | SomaliTalk | naiorbi
    cmmumtaz@somalitalk.com

Wasiirka ganacsiga dowlada FKMG ah ee soomaaliya Muuse Suudi yalaxow oo maanta shir jaraa'id ku qabtay Magaalada Nairobi ayaa ka warbixiyay mas'uuliyadda labada gole ka saaran in ay ku laabtaan dalka.

Muuse suudi waxa uu xusay in qarash badan uu ku baxo bil walba xildhibaanada baarlamaanka mid walba oo ka mid ahna ay bishii ku baxdo ($500.000 dolar) waxa uuna ku tilmaamay in qarashkan hadii dalkooda lagu siin lahaa uu wax badan ka tari lahaa xaaladaha jira oo ay ugu wayn tahay dhinaca amaanka.

Wasiirka waxaa kale uu war saxaafadedkiisa ku sheegay in dalka soomaaliya uusan u baahnayn ciidamo ka socda safka hore,hadii ay taas dhacdana ay dhibaato imaan karto ka daran mida hadda ka jirta dalka soomaaliya guud ahaan,mar uu ka hadlayay caasimadda soomaaliya waxa uu xusay in caasimaddu tahay mid sharci ah in ay dowladu ka howlgasho si walba,xaalad walba oo ka jirta mogadishona waa mid u taala iyaga sidii ay u xalin lahaayeen.

Wasiirku waxa uu ka dalbaday bulshada caalamka ee dhaqaalaha ku bixiya shirka soomaalida ina ay caawiyaan labada golle ee dowladda iyo baarlamaanka sidii ay caasimada u tagi lahaayeen iyagoo gudanaya waajibaadka saaran.

Axadii ayay baaqdeen xubno ka mid ahaa labada Gole oo ambabixi lahaa magaalada Mogadisho,waxaana baaqashooda ka dambeeyay ka dib markii ay beesha caalamka ka dalbadeen in baajiyaan safarkooda ilaa inta ay ka imaanayaan madaxda dowlada ee ku maqan dalka liibiya,waxaana loo qabtay in ay sugaan ilaa maalinta arbacada ah ee todobaadkan.

Canab Mumtaz | SomaliTalk | naiorbi
cmmumtaz@somalitalk.com

 

Gaari Aagga Kismaayo oo Ku Gedoomay markii Saddexaad::

 

  • cabdi qadar nuur maxamed (filipiin) | kismaayo soomaaliya | SomaliTalk
    cabdiqadar@somalitalk.com ama     cabdiqadar84@hotmail.com

Hal qof ayaa dhintay in kabadan todobo qofna way dhaawacmeen shalay kadib markii uu ku gadoomay gaari xamuul ah tuulada dhalajo oo koonful galbeed kaga began magaalada kismaayo

 

Hal qof ayaa dhintay todobo kalana waa ay dhaawacmeen labo iyo tobankii maqribmino ee shalay kadib markii uu gaari  xamuul ah oo ka shiraacday magaalada kismaayo kuna sii jeeday xerada qaxootiga ee xagar dheer uu ku gadoomay tuulada dhalajo oo lixdan KM kagabeegan koonfur galbeed magaalada kismaayo.

 

Dhaawaca dadka ku wax yeloobay gadoonka gaarigaasi ayaa la soo dhigay xaafado ku yaala magaalada kismaayo halka in tooda garaabatada ahna la geeyey isbitaalka degmada kismaayo.

 

Raxmo maxamed oo iyadu kamid ahayd dadkii soo badbaday ayaan kula kulmay gurigeeda waxa ayna ii xaqiijisay in haatan uu gaarigaasi ku jiifo dad aan wali laga soo saarin sidii u gadoomay, waa sida ay hadalk u dhigtay'e.

 

Baabuurka gadoomay ayaa waxaa ku rarnaa sida la ii xawqiijiyay  fuustooyin saliid ah kuwaasoo sida badan dadka u gaysanayey dhaawacyada ugu daran .

 

Hadaba  baabuurkaan shalay gadoomay  ayaa mudo seddex jeer ah ku gadoomay aagaas isagoo raran ayadoo bilowgii sanadkii tagayna ay ku geeriyoodeen in ka badan Toban iyo todobo qofood oo iyagu safar u ahaa xeryaha qaxootiga ee kuyaala dalka kenya. 

 

Majiraan ilaa iyo haatan cid gacan ka geysatay soo daadgureynta dadka ku wax yeeloobay baabuurkaasi marka laga reebo ehelada iyo qaraabada ay ka soo jeedaan dadkii ay dhibaatad soo gaartay .

 

Dadka haatan kusugan baabuurka hoostiisa ayaan laga war qabin sida ay ku dambayso xaaladoo ,ayadoo ay jiraan warar is qilaafsan oo sheegaayo in ay ku hoos jiraan dad tiradoodu ay dhantahay seddex qofood, walina waxaa soconaayo baadi goobka ay wadaan eheladii ay ka maqnaayeen dadkaasi.

 

Hadaba dhaawaca dadkan ayaa waxa uu ku soo beegmaya xili isbitaalka guud ee degmada uusan lahayn kaalmadii caafimaad ee ay bulshada uga baahneed taas oo loo aanaynayo ka guuritaanki ay ka guurtay ha,yadii samafalka ahayd ee M.S.F. sanadku markuu ahaa labada kun iyo kowda bilowgeedii... 

 

cabdi qadar nuur maxamed (filipiin)
kismaayo soomaaliya
cabdiqadar@somalitalk.com ama cabdiqadar84@hotmail.com

Ethiopia oo Hub & Saanad Soo Gaarsiisey Maamulka G/Hiiraan
»Wadada isku xirta G/banaadir & Sh/hoose oo dib u furantay
»Shirkii lagu Taageerayay Go'aankii DFKMG oo La soo Celinayo
»USA oo taageertay go'aamadii W/Arrimaha dibada ee IGAD
 »Wadamo islaam ah oo ka hadlay geerida Pope-ka labaad
 Wararka oo dhan... Guji...

Faafin: SomaliTalk.com |  April 5, 2005

Kulaabo bogga  www.SomaliTalk.com 

© www.SomaliTalk.com

SEARCH

 



HTML CD