Cali Maxamad Geeddi oo eedayn Kulul usoo Jeediyay Gudoomiyaha BFKMG.
Canab Mumtaz | SomaliTalk | Nairobi | Maarso 18, 2005
EMail: cmmumtaz@somalitalk.com ama canabmumtaz@yahoo.com
Wasiirka koowaad ee dowladda FKMG ah ee soomaaliya Cali Maxamad Geddi oo ku hadlayay
codka dowladda ayaa ku eedeeyay gudoomiyaha baarlamaanka in uu lumiyay xilkiisi kuna
tuntay sharcigii u yaalay baarlamaanka FKMG ah ee soomaaliya kadib markii uu sida uu
hadalka u dhigay wasiirka, shariifku ansaxiyay codayn aan jirin mar uu xalay shir ku
qabtay guriga Madaxweynaha.
Waxa uu intaas ku daray in uusan sinaba aqoonsanayn codadkaas iyo sida uu
gudoomiyuhu sheegay in la diiday ciidamadaas safka hore ka socda oo ay dowladda
dalbatay isagoo xusay in shacanku ay rabaan Nabad si loo helana ay ku xiran tahay
hub ka dhigis ay dowladdu la kaashato ciidamada IGAD oo dhan.
Wasiirku oo ay ka muuqatay carro xoogan waxa uu intaas ku daray in xilka ka qaadi
doono wasiiradda ku kacay fowdadan ee horseeday in ay qalqalgaliyaan doodd
xanibaadna ku sameeyay in dalka lagu sameeyo hub ka dhigis si ay dowaladdu u
shaqayso xilka ka qaadi doono dhawaan sharcigana la tiigsan doono.
Cali Maxmad Geddi maahan markii ugu horeysay ee uu u hanjabayo wasiiradda kaga
siyaasad duwan dhinaca ciidamadda ee horay ayuu u sheegay in siyaasad aysan aqoonin
ee la barayo mar uu ka hadlayay jowhar isagoo wareysi siinayay tifaftiraha BBC-da Afkasoomaaliga
Yuussuf Garaad 24-02-05 ee sanadkan.
Wasiirka ugu dambayn waxa uu sheegay intaas ku daray in uu gudoomiyah ka dalbaday in
uu la laabto barnaamijkiisa si hoosena ula hadlay laakiin sharifka ka diiday isagoo
ku adkaystay in uu fartaag ku ansaxiyo sidaasna ugu dhawaaqay.
Qaar ka mid ah xilidhibaanada ayaa dhankooda qaba in aysan dhicin wax codayn
ah,sidaas si la mid ah ayuu cali geddi usheegay in ay xiligii la bilaabayay codaynta
ay dhacday gacan ka hadalka.
Raysul Wasaaraha Soomaaliya: Waa maalin Madawo
waana Nasiib Daro in Gudoomiyaha Baarlamaanku Isagoo Shirka Gudoominaya
Dagaal dhaco..
axmeddheere65@hotmail.com Axmed Muuse
Cabdulle(Idaawaqaca) Kenya, Nairobi
Raysulwasaaraha Soomaaliya Prof
Cali Maxamed Geedi ayaa Habeenimadii Xalay Shir Jaraaid ku qabtay
Xarunta Madaxtooyada ku Meelgaarka ah ee Soomaalidu ku leedahay
Nairobi isaga oo Diirada ku Saaray go aankii Gudoomiyaha
Baarlamaanka Soomaaliya ee ku aadanaa Codayntii shalay.
Prof Cali Maxamed Geed waxa u qalinka
ku duugay in aysan wax Codayn ahi ka dhicin Kulanka Baarlamaanka
Sooomaaliya ee shalay ka dhacay Magaalada Nairobi isagoo intaa ku
daray in ay nasiib daro tahay in Markii Labaad Gudoomiyaha
Baarlamaanku Isagoo shirka Golaha Gudoominaya Dagaal dhaco,
Wasiirka Koowaad ee Soomaaliya Cali
Maxamed Geedi waxa uu sheegay in ay Shacabka Soomaaliyeed Doonayaan
Nabadgalyo iyo Wada noolaansho isagoo intaa raaciyay in ay
Xukuumadiisu Diirada Saari Doonto Soo celinta Sharciga iyo Nidaam
Xasilan.
Dhinaca kale Gudoomiyaha Baarlamaanka
Soomaaliya Sh Xasan Sh Adan ayaa ii Xaqiijiyay in kulanka
Baarlamaanku ku dhamaaday 156 Xidhibaan oo Diiday in aan Soomaaliya
la keenin Ciidamo ka socda Safka hore Balse ay Ogolyihiin Ciidamo ka
socda Caalamka intiisa kale.
isagoo dhinaca kalle sheegay in 55
Xidhibaan ogolaadeen in Soomaaliya la keeno Ciidamo ka Socda Dariska
iyo Caalamkaba, waxaa kaloo Jiray 6 Xidhibaan oo iyagu ka aamusay
Codbixinta.
Figrado kale gadisan ayeey ka
bixinayaan Xubnaha Baarlamaanku Amuurtaas iyadoo Qolana
Aaminsantahay in aysan wax Codbixin ahii ka dhicin Shalay dhinaca
kale waxaa Jira qolo iyago isla shalay Bilaabay Farxad iyo Fantasyo
iyago aaminsan in Ay Cod bixintu udhacday si Cadaalada.
Waa markii Labaad oo Fadhiga
Baarlamaanka uu ka dhaco Dagaal gacan ka hadal ah waxaana shalay
kulanka Baarlamaanka ku Daatay dhiig badan oo waxaa jiray Xubno
badan oo dhaawacyo soo Gaareen iyadoo la isku adeegsaday Kuraastii
lagu Fadhiyay iyo Bakoorado.
BAARLAMAANKA IYO XAALADDA SOOMAALIYA
Baarlamaanka FKMG ah oo Dagaal Dhiig ku Daatay ku Diiday Ciidamada
Safka Hore...Guji...
Daabaco
Boggan | Print
