::: SomaliTalk.com :::

Sheekh Shariif oo sheegay in Gobalka Sh/hoose uu yahay Gobol Gacan siiyey Maxkamadaha ee Dacaayada Raqiiska ah halaga daayo..

Maalintii shalay ahayd ayaa Guddoomiyaha Golaha Fulinta Maxaakiimta Islaamiga ah Shiikh Shariif Sheekh Aadan waxa uu xariga ka jiray tobanka Buundo ee deegaanka Tixsiile ee Gobalka Sh/hoose, kaddib markii Buundadaasi dayactir lagu sameeyay. Sheekh Shariif oo la hadlayey dadkii ka qaybgalay munaasabaddii lagu furayay buundadaasi ayaa waxa uu mahadceliyay maamulka gobalka Sh/hoose waxa uuna sheegay in mas’uuliyiinta gobalkaasi ay weyn u qabteen bulshada. ”Waa in gobalka laga daayaa dacaayadda raqiiska ah, waayo gobalka waxaa ka jira nabad buuxda, waana gobalkii gacnta siiyey Maxaakiimta Islaamiga ah, wixii qaladaad ah ee jirana waa la saxayaa” ayuu yiri Sheekh Shariif oo sheegay in dadweynaha ku nool Gobalka SH/hoose ay haystaan nabadgelyo buuxda, isagoo sheegay in gobalka aysan ka jirin wax dhibaato ah. Waxaa kaloo ka hadlay munaasabaddaasi guddoomiyaha Ammaanka Golaha Maxaakiimta Sheekh Max’ed Siyaad (Indha Cadde) oo yiri ”Dhismaha Buundadaani waxa ay ka tarjumeysaa sida uu maamulka Gobalka Sh/hoose ugu heelan lahan yahay in uu ka qaybqaato horumarinta gobalka” sidoo kale waxaa halkaasi warbixin ka soo jeediyay Guddoomiyaha nabadgelyada degmooyinka Afgooye, Wanlaweyn iyo Aw-Dhiigle, Xuseen Cali Weheliye (Cirfo) oo sheegay in dayactirka buunadadaani ay ka qayb-qaateen shirkadaha isgaarsiinta, Ganacsatada Soomaaliyeed, Maamulka Gobalka Sh/hoose, isagoo sheegay in Buundadaani ay muhiimad gaar ah ugu fadhiso dadweynaha gobalka, waxa uuna u mahadceliyay intii gacanta ka gaystay dhismaha buundadaasi oo dayactirkeedu socday mudo.

Cadde Muuse oo booqday halka ay ku sugan yihiin Ciidamada Ka horjeeda.

Maalintii shalay ahayd ayaa Madaxweynaha maamul Gobaleedka Puntland waxa uu booqday wajiga hore ee ay fadhiyaan ciidamada loo diyaariyey in ay ka hor tagaan Ciidamada Maxaakiimta Islaamiga ah ee ku sugan deegaanka Gelinsoor.

Madaxweynuhu waxa uu warbixin kaga dhageystay halka xarunta u ah Ciidamada ee Dagaari taliyaasha ciidamada, waxaana Madaxweynuhu sidoo kale halkaasi kula kulmay Cabdi Xasan Cawaale (Qaybdiid).

Madaxweyne Cadde Muuse ayaa waxa uu u soo jeediyay ciidamadaasi inay ka hor tagaan kooxaha doonaya in ay carqalad ku abuuraan maamul Gobaleedka Puntland, waxa uuna sheegay in uusan mar dambe ogolaan doonin in ciidamo ka socda Maxaakiimta Islaamiga ah ay soo gaaraan magaalada Gaalkacyo.

Waxaa halkaasi ku sugan ciidamo ka tirsan maamul Gobaleedka Puntland iyo kuwo uu horkacayo Cabdi Xasan Cawaale (Qaybdiid), iyadoo qarashka ku baxaya ciidamadaasi la sheegay in uu bixinayo Maamulka Puntland.

Magaalada Gaalkacyo oo lagu xirxiray dad taageersan Golaha Maxaakiimta..

Wararka naga soo gaaraya magaalada Gaalkacyo waxay sheegayaan in ciidanka Booliiska ee maamul Gobaleedkaasi ay shalay gacanta ku dhigeen 10 dhallinyaro ah oo la sheegay inay taageerayaal u ahaayeen Maxaakiimta Islaamiga ah.

Dhallinyaradaas oo haatan ku xiran saldhiga booliiska ee Magaalada Gaalkacyo ayaa halkaasi lagu weydiinayaa su’aalo la xiriira waxa ay ka soo dooneen gobalka Mudug, hase yeeshee warar aanu helnay ayaa waxay sheegayaan in dhallinyaradaasi ay isugu jireen dad halkaasi u tagay in ay ka tahriibaan iyo kuwo u tagay arrimo ganacsi.

Dhinaca kale wararka ka imaanaya magaalada Gaalkacyo waxay sheegayaan in Gaari Xamuul ah oo la sheegay in uu waday hub iyo raas lagu qabty duleedka Magaalada Gaalkacyo, waxaana la sheegay in gaarigaasi uu ka yimid Magaalada Gelinsoor.

Hubkaas iyo rasaastaas ayaa waxaa la sheegay in lagu wareejiyay taliya ciidanka daraawiishta ee Puntland C/llaahi Cali Mire (Careys).

Golaha Baarlamaanka oo maanta la hor keenayo xubnaha wasiirada..

Sirtii Qarsoonayd ee Quixtar oo La Fashiliyay

TV-ga NBC oo Dabagal Dheer Ku sameeyey Shirkada Quixtar

Iyadoo maalintii shalay ahayd uu Ra’isul Wasaare Geeddi uu ku dhawaaqay Xukuumaddiisa oo ka kooban 31 xubnood ayaa maanta la filayaa in lagu hor dhaariyo Golaha Baarlamaanka isla markaana kalsooni loo weydiiyo golaha.

Dhismaha Dowladdaan ayaa waxa uu khilaaf ka dhex dhaliyey mas’uuliyiinta ugu sareysa Dowladda Federaalka kaddib markii ay isku qabsadeen cidda loo magacaabayo xilalka wasiirada.

Bishii hore ayay ahayd markii Ra’isul Wasaare uu ka badbaaday in la rido dowladdiisa, hase yeeshee markay taasi Ra’isul Wasaare Geeddi lagu waayay ayaa qaar ka mid ah Wasiiradii Dowladda ay bilaabeen in ay is casilaan, kaddibna Ra’isul Wasaare Cali Max’ed Geeddi, waxa uu bilaabay in uu buuxiyo boosaskii ay baneeyeen wasiiradii is casilay, khilaafkaasi waxaa markii dambe soo kala dhex galay Wasiirka Arrimaha Dibadda ee Itoobiya oo isagu meel dhexe isugu keenay mas’uuliyiinta ugu sareysa dowladda, laguna heshiiyey in la dhiso dowlad yar oo ka kooban 31 wasiir.

Banaanbaxyo rabshado wata oo ka dhacay Magaalada Baydhabo..

Baanaanbaxyo rabshado wata ayaa shalay ka dhacay magaalada Baydhabo, waxaana ka qayb-qaatay dadweyne aad u fara badan kuwaas oo ku qaylinayey Dowladda Federaalka ha dhacdo, kaddib markii dadweynuhu dareemeen in Xabsiga Magaalada Baydhabo lagala bixi gaaray dad lagu tuhunsan yahay dilkii Xildhibaan Cabdala Deerow Isaaq.

Waxaa xirmay ganacsigii waxaa is taagay is socodkii gaadiika, iyadoo dadweynaha qaar ay burburinayeen tabeelayaasha ay ku qoran yihiin magaca Dowladda Federaalka, hase yeeshee Taliyaha xabsiga dhexe ayaa waxa uu si kulul u beeniyay in ragga lagu tuhunsanaa dilkii Cabdala Deerow Isaaq la doonayay in laga baxo xabsiga Magalada

MAGACYADA WASIIRADA IYO BEELAHA AY KA SOO JEEDAAN

Magacaabista Wasiirada Xukuumadda Cali Max’ed Geeddi, waxaa ka maqnaa goobtii looga dhawaaqayey Madaxweyne C/llaahi Yuusuf Axmed iyo Guddoomiyaha Baarlamaanka Shariif Sheekh Aadan, waxaa kaloo ka maqnaa Ra’isul Wasaare Geeddi, waxaana akhriyey afhayeenka Xukuumadda C/raxmaan Nuur Max’ed (Dinaari)

Magaca	Xilka loo doortay
Sh. Aadan Maxamed Nuur (Madoobe)	wasiirka garsoorka. / Mirifle /Hadamo
Ismaaciil Hurre Buubaa	wasiirka arrimaha dibada iyo i. Caalamiga /Isaaq / Gerxajis
Xuseen Maxamed Ceydiid	wasiirka A/gudaha ahna R/Wasaare ku xigeen. /Sacad/Hab.
Barre Aadan Shire (Hiiraale)	Wasiirka Gaashaandhiga. /Mareexaan
C/lalahi Cabdi Garuun	wasiirka amniga Qaranka. /Mirifle /Geeladle
C/llaahi Sheekh Ismaaciil	Wasiirka D. iyo Federaalka ahna R. ku xigeen / Biyomal
Xuseen Ceelaabe Faahiye	wasiirka Qorsheynta iyo tirikoobka /Gedebiirse
Xasan Maxamed Nuur Shaatigaduud	Wasiirka Maaliyadda /Mirifle /Xariin
Fowsiyo Maxamed Sh Xasan	Wasiirka Horumarinta Iyo Arr. Qoyska. Mirifle /Eelaay
Saalim Caliyow Ibrow	wasiirka Xanaanada ahna R/Wasaare ku xigeen. /Digil/ Jiido
C/qaadir Nuur Caraale	Wasiirka Beeraha /Murusade
Xasan Abshir Faarax	wasiirka kaluumaysiga iyo kheyraadka badda /Majeerteen
C/llaahi Yuusuf Maxamed	wasiirka Betroolka iyo tamarta. /Owrtable
Maxamed M. Guuleed (Gacmadheere)	wasiirka hawlaha guud iyo guryeynta. / Suleymaan/Ha.
Maxamed Ibrahim Xaabsade	wasiirka Gaadiidka cirka iyo dhulka. /Mirifle /Liisaan
Cali Ismaaciil Cabdi (Giir)	wasiirka Dekada iyo gaadiidka badda. Leelkase
C/llaahi Axmed Afrax	Wasiirka Ganacsiga /Abgaal /Waceysle
Maxamud Salaad Nuur	wasiirka Macdanta iyo biyaha. /Cayr/ Habargidir
C/raxmaan Cabdi Waare	wasiirka waxbarashada. /Xawaadle
Mowlid Macaane Maxamed	Wasiirka Isboortiga /Jareer / Shiidle
Saalax Cali Faarax	wasiirka Shaqada iyo horumarinta shaqaalaha /Gaaljecel
Cabdi Maxamed Tarax	wasiirka Boostada iyo isgaarsiinta. / Ogaadeen
Maxamed C/llaahi Kaamil	Wasiirka Warshadaha / Ciise Madoobe
Sh Xasan Ismaaciil Bile	wasiirka Awqaafta iyo arrimaha diinta. / Isaaq /H.Awal
Cali Axmed Jaamac Jangeli	wasiirka Warfaafinta / Dhulbahante
Saciid Xasan Shire	wasiirka Dib u Dhiska iyo dib u dejinta. / Warsangeli
C/casiis Sheekh Yuusuf	wasiirka Caafimaadka. /Dir
Xuseen Maxamud Sh Xuseen	wasiirka Hidaha iyo tacliinta sare /Dabare
Cali Maxamed Maxamud (Xareed	Wassiirka Dalxiiska Iyo Duur Joogta /Carab Saalax
Maxamed Maxamud Xeyd	Wasiirka Deegaanka //Muuse Dheri
Maxamuud Cabdulaahi Jaamac ( Sifir )	Wasiirka Dib u Heshiisiinta iyo Jaaliyadaha /Isaaq /H.Jeclo

Magacyadda Wasiiru-Dowlayaasha

Magaca	Xilka loo Magacaabey
Khadiijo Maxamed Diiriye	wasiiru dawlaha warfaafinta /Yibir
Sh Aadan Madeer	wasiiru dawlaha qorsheynta . /Mirifle /Luway
Cabdalla Boos Axmed	Wasiiru Dawlaha Kal. Iyo Kheyraadka Badda. /Isaaq
/kariim Axmed Cali	wasiiru dawlaha maaliyada. /Baadicadde
Maxmud Sayid Aadan	wasiiru dawlaha arrimaha gudaha. /Mareexaan

Wasiiro si aad ah looga yaqaanay Dowladdii hore ayaa waayey xilalkoodii waxaana ka mid ah Cusmaan Xasan Cali Caato, C/risaaq Cusmaan Jurile, Max’ed Cabdi Xayir Maareeye, Max’ed Cabdi Xaashi, C/llaahi Cosoble Siyaad iyo xubno kale, hase yeeshee su’aasha la is weydiinayo waxay tahay, Xubnaha Barlamaanka ma ansixiin doonaa wasiirada cusub ee uu shalay ku dhawaaqay Ra’isul Wasaare Cali Max’ed Geeddi, waxaa sidoo kale Dowladda Cali Max’ed Geeddi hor yaala sidii ay uga qayb-qaadan lahayd dib u heshiisiinta ummadda Soomaaliyeed, isla markaana ay wada hadal ula furi lahayd Golaha Maxaakiimta Islaamiga ah, iyadoo waxyaabihii ugu weynaa ee lagu eedeeyay Cali Max’ed Geeddi ay ka mid ahayd dhinaca dib u heshiisiinta, sidoo kale Madaxweynaha iyo Guddoomiyaha weli kama aysan hadlin wasiirada uu magacaabay Ra’isul Wasaare Geeedi.

W/D Amiin Yuusuf Khasaaro
E-Mail: amiinkhasaaro@hotmail.com

DEEGAANKA GELIN SOOR OO LALA GAAREY LABA BOOYADOOD OO SI JOOGTO AH U DHAANSADAAN

Dadka ku dhaqan tuulada gelin soor ee gobolka mudug ayaa loogu deeqay si ku meel gaar ah laba booyadood oo ay biyo ku dhaansadaan ka dib markii uu jabay ceelkii biyaha ee ay laheyd gelinsoor , Ka dib markii ay dadka degan tuulaa gelinsoor ee gobolaka galgaduud ay cabshooyin badani ka soo yeereen isla markana uu ceelkii biyaha uu ka halaabay ayaa waxaa jawaab ka bixiyey cabashadaas golaha samafalka iyo horumarinta somaliyeed sida uu ku waramay mukhtaar axmed shiikh Oo Sida uu sheegay madaxa gargaarka degdega ah ee golaha samafalka iyo horumarinta somaliyeed muqtaar axmed shiikh mar uu ka hadlayey waxyaabihii ay garsiiyen tuulada gelinsoor wuxuu yiri " golaha horumarinta iyo samafalka somaliyeed waxey ugu deeqeen tuulada gelinsoor oo ka tirsan gobolka galguduud laba booyadood oo biyoo u dhaamiya si ku meel gaara maadaama uu halaysan yahay ceelkii ay cabi jireen cabashooyin badane ay halkaasi naga soo gaareen ,

Manta ayeyna bilaabayaan booyaduhu in ay biyo dhaamiyaan inshaa alaahu hadii alle yiraahdo

Madaxa gargaarka degdeg ah ee golaha samafalka iyohorumarinta somaliyeed ayaa sidaa ku sheegay warsaxaadfadeed uu ku qabtey xafiiskiisa oo ku yaalo magaaladaan muqdisho muqtaar axmed shiikh

Dadka deeganka ayuu ugu baaqay in ay biyaha si cadaalad ah u qeybsadaan wuxuuna hadalkiisii ku soo gabagabeeyey in ay halkaa ka sii wadi doonaan howlaha safalka ah ee ay bulshada u hayaan

Muuse Maxamuud Jiisow
Somali39@hotmail.com
Muqdisho somaliya
002521576666/002521653623

Laascaanood: wafdigii uu hogaaminayay madaxweyne kuxigeenka puntland oo sheegay in ay gaareen guulo wax ku ool ah oo lagu xaliyaya khilaafkii ka taagnaa gobalka sool.

Waxaa baryihii ina dhaafay booqasho ku joogay magaalada laascaanood wafdi balaaran oo uu hogaaminayay madaxweyne kuxigeenka puntland xasan daahir afqurac iyo xubno ka tirsan wasiirada puntland.

Wafdigan uu hogaaminayay madaxweyne kuxigeenka puntland xasan daahir afqurac ayaa maanta shaaca ka qaaday in ay siwayn uga gulgareen arimihii ay u tageen gobalka sool gaar ahaana magaalada xarunta u ah gobalka sool ee laascaanood.

Wafdigan ayaa intii ay joogeen magaalada laascaanod waxay si wayn ula kulmeen odayaasha dhaqanka, isimada gobalka, aqoon yahanaada, ciidamada amaanak ee gobalka sool, saraakiisha amaanka, booliiska, ciidamada kala duwan ee ku sugan gobalka sool, iyo dhamaan shacabka gobalka sool oo ay kala kulmeen waji farxad galiayay.

Sida uu maanta u sheegay warbaahinta gudaha wasiirka warfaafinta oo ka mid ahaa wafdiga madaxweyne ku xigeena ee maraya laascaanood ayaa shaaca ka qaaday in ay ka gudbeen caqabadihii ay u tageen gobalka kuwaasi oo uu sheegay in ay ugu waawaynaayen turxaan bixinta wixii lakala tabanayay oo la isku calool fiyoobaaday la islana qiray in ay jiraan habacsanaan dhanka maamulka ah ee ka jirta guud ahaan gobalada sool, sanaag, iyo cayn,waxna uu wasiirku sheegay in arimahaas oo dhan is afgarad laga gaaray.

Sidoo kale wasiirka warfaafinta waxa uu sheegay in ay ka jirtay gobalka sool gaarahaana magaalada laascaanood arimo la xiriita amaan xubo taasina uu sheegay in ay wax wayn ka qabanayan arimaha amaanka ee gobalka isaga oo sheegay in hada wixii ka danbeeyay ah niyad gaar ah la siinaya magaalda laascaaood maadaama ay tahay xarunta gobalka sool iyo hawdka taasina ay muujinayso in laascaanood ay guda wayntahay.

Sikastaba wafdigan ayaa sheegay in ay maalmaha fooda ina ku soo haya ay imaan doonaan caasimada puntland ee Garowe lagana arinsan doono wixii ay kala soo kulmeen gobalka.

Wafdigan ayaa u tagay magaalada laascaanood in ay kala hadlaan dadka deegaana arimaha amaanka, waxbarashda, casimaadka iyo dhamaanba waxyaabaha lakalatabanayo oo inta abdan sida uu xaqiijiyay wasiirka warfaafinta hidaha iyo dhaqanka,isgaarsiinta mudane Mr:bankax laga gudbay is afgardna laga gaaray arimahaas iyo kuwe kaleba ayuu yiri wasiirku.

Burundi: Booliska wadanka Burundi oo xabsiga dhigay madaxwaynihii hore ee dalkaasi Burundi..

Waxaa goordanbe oo Isniintii ah xabsiga loo xaabay madaxwaynihii hore ee dalkaasi burundi Mr:Domitien Ndayizeye kaasi oo lagu eedeeyay isku day afganbi oo ka dhan ah xukuumada hada jirta.

Mr: Domitien Ndayizeye ayaa ahaa madaxweynaha dalka burundi ilaa iyo 2003 ilaa august ee sanadkan ka dib markii looga adkaaday doorasho ka dhacday dalkaasi burunndi.

Mr: Domitien Ndayizeye ayaa ka mid ah tiro masuuliyiin ka ahaan jiray dalka burundi oo lagu eedeeyaya in ay ku luglahaayeen isku day afganbi sida uu sheegay chief Maj Gen Adolphe Nshimirimana oo ah madax amaanka boliska wadankaasi burundi.

Mr Ndayizeye ayaa ahaa hogaamiyii lagalay awood qaybsiga hutuga wadankaasi ee laga tirada badan yahay iyo tutsiga dalkasi ku badan si uu u baaiyo dagaalkii ka u dhexeeyay labadaasi qabiil ka dib markii uu gacanta ku dhigay hogaaminta dalka burundi.

Hargaysa:Daahir Riyaale Kaahin ayaa todobaadkii hore soo saaray digreeto uu ku mamnuucayo mashaariicada gobalka sool.

Daahir Riyaale Kaahin Madaxwaynaha maamulgobaleedka somaliland Ayaa Axadii todobaadkii hore wuxuu soo saaray xeer uu ku joojinayo In Gobolka Sool aan laga hawlgalin wax Mashaariic ah, oo ay Hay'addaha Samafalku Ugu talo Galeen Aaney Codsan KARin Mas'uuliyinta wasaaradaha Iyo Agaasimeyaasha Toona sida ku cad amar qoraala ah oo uu Riyaale soo saaray 13 bishan aynu ku jirno.

Amarkan k asoobaxay xafiiska daahir riyaale keehin ayaa ah in dhamaan wasiirada wasaaradaha iyo madaxa hay’adaha, Aaney ISKu Taaban Karin Oo Ay San codsan Karin wax mashaarica oo ay ku doonayaan magaca Gobolka Sool in ay ka fuliyaan.

Si kastaba amarkan ka soobaxay daahiri riyaali kaahin asbuucii hore laguma xusin sababta looga joojinayo in ay ka fulaan mashaariicda gobalka sool dhanka maamulkisa oo aan kaba talin guud ahaan gobalada sool, sanag, iyo cayn.

Daahir riyaale ayaa hada socdaal ku maryaa england waxaana la is waydiinaya wax uu soo kordhin karo socdaalkiisaan uu hada ku maryo qaar ka mid ah dalalka yurub isaga oo asbuucii hore mamnuucay in aan wax mashaariic ah laga fulin gobalka sool taasi oo dadbadan oo u dhashay gobalada sool, sanaag, iyo cayn ay aad uga xunyihiin mashariicda aan wax ku oolka ahayn ee gobaladaasi uga yimaada dhanak hargays oo uu hada mamnuucay sabab'la'aan.

Sikastaba waxaa lalawada socdaa in gobalada sool,sanag,iyo cayn ay si wayn u maamusho DGPL kaasi oo intii uu la wareegay gacan ku haynta gobaladaas wax wayn ka qabta dhanka mashaariicda gaar ahaana arimaha bulshada.

Laascaanood malahayn dugsiga sare ee magaaladaasi kahore maamulka puntland markii ay puntland si wayn gacanta ugu dhigtay magaalada laascaanood waxyaabaha markiiba ay puntland ka fulisay laascanood ayaa waxaa ka mid ahaa dhisida dugsiga sare ee laascaanood, dugsiyada hoose,dhexe, iyo mashaariic kale oo ay ugu wayntahay iyada oo ahda ay magaalada laascaaoond ka jirto jaamacad si wayn u shaqaysa laguna magacaabo Nugaal university.

Si kastaba magalada laascaanood ayaa ka mid ah magaalooyinka ugu waawayn gobalada puntland waxaana ka jira laascaanood amaan si wayn la isugu halaynkaro iyo hor mar dhan walba ah waxaana siwayn hormarka ka uga qaybqaata jaaliyada dibeda gobalada sool,sanaag,iyo cayn.

Waradan riyaale ayaa ku soo beegmaysa xili uu kormeer turxaan bixin ah ku maryo magaaladaasi laascaadoon madaxweyne kuxigeenka puntland xasandaahir afqurac oo shaaca ka qaaday in dhamaan intii badnayd la xaliyaya khilaafkii ka taagnaad gobalka sool hadan maamulku uu u hawlgalayo sidii loo soo dhisi lahaaa golaha degaanak magaalada laascaanood oo hada maraya meel gaba gabo ah.

hada waxaa sida la shaacinayo magaalada laascaanood ku sii jeeda wasiirka dawladada hoose iyo horumarinta reer miyiga mr: cali cabdi awaare kaasi oo siwayn uga qaybqaadanaya xalinta arimaha deegaanka iyo turxaan bixintooda.

A/rizak koronto
Garowe puntland

Ra'iisul wasaare Geedi oo ku Dhawaaqay Golaha Wasiirada ee Xukuumada Cusub...
»Maxaakiimta oo sheegay in ay dhamaatay xiligii 4.5..
»Minneapolis: Munaasabad Loo Qabtay Jaamacad Kismaanyo
»Sheekh Aweys oo Muqdisho u yimid arrimo la xiriira..
»Max’ed Cabdi Yuusuf oo ka dabcay mowqifkiisii ahaa in..
»Ciidamo Itoobiyaan ah oo la wareegay Garoonka ..
»Goob lagu tumi jiray Mingiska iyo Booranaha oo..
»Wasiiro kasocda Puntland ee ku sugan Maraykanka oo..
»Garowe: Macalimiin mudaharaadka Ka hordhigay wasaarada
»Garowe: Imtixaankii sanad dugsiyeedka sanadka oo..
Wararka oo dhan ka akhri halkan... Guji... Aug 21

DHEGEYSO: "Cali Maxamed Geeddi 7 cisho haku soo dhiso xukuumad cusub" C/Laahi Yuusuf (Aug 7, 2006)

Minneapolis: Munaasabad Loo Qabtay Jaamacad laga hirgalinayo Kismaanyo

Galabnimadii Axada (Agoosto 20) waxaa magaalada Minneapolis, gaar ahaan xaafada Cedar ee Soomaalidu u badan yihiin, lagu qabtay shir looga gol lahaa hirgalinta Jaamacada Kismaayo (Jubba University). Waxaana shirkaas marti u ahaa Daud Zwink oo ah Madaxa Hay'ada Somali Relief Fund oo ah Hay'ad gargaar oo ka hawl gasha wadanka Soomaaliya.

Daud Zwink waa Muslim u dhashay Maraykan, waxana uu muddo dheer joogey Soomaaliya halkaas oo uu horraantii 70-naadkii ku islaamay. Waxana uu si xeeldheer uga hadlay muhiimada ay leedahay hirgelinta Jaamacadaha Soomaaliya, gaar ahaan jaamacada xaflada loo qabtay ee Kismaayo laga hirgelinayo ee Jubba University of Kismayo.

Waxaa kale oo munaasabadaas ka hadlay Keith Ellison oo ah nin Muslim ah isla mar ahaantaasna u tartamaya aqalka Odayaasha Maraykanka (U.S. Congress) kuna jira musharaxiintii xisbiga dimoqraadiga ee doorashada koowaad ee dhici doonto September 12, 2006. Sidoo kale waxaa halkaas erayo dhiiri gelin ah ka soo jeediyey Maxamuud Wardheere oo dadka ku guubaabiyey wanaag ay leedahay hirgelinta Jaamacada. Waxaa kale oo ka hadlay waxgarad kale oo dhammaantood muujiyey baahida ay Soomaalidu u qabaan in la hir geliyo goobo wax barasho si dadka jahliga looga saaro. "QORIGA DHIGA, QALINKA QAATA".

Bidix: Keith Ellison | Midig: Daud Zwink

Wardheere iyo akhyaar kale oo ka hadlaya xafladda

Dad ka mid ah kasoo qaybgalayaashii munaasabada ayaa goobtii shirka waxa ay ku bixiyeen (Ballan qaadeen) lacag dhan shan-kun ($5,000) oo doolar oo loogu deeqay Jaamacada Kismaayo.

Reer Minnesota intii ka maqnayd xafladii waxa ay deeqda Jaamacada Kismaayo ku hagaajin karaan ama kala xiriiri karaan Maxamed Ciise: Email: hajiissa@gmail.com ama 612-310-3833.

DHEGEYSO: "Cali Maxamed Geeddi 7 cisho haku soo dhiso xukuumad cusub" C/Laahi Yuusuf (Aug 7, 2006)

DHEGEYSO: Hadalkii uu Jeediyey Geeddi Codbixintii Baarlamaanka Kaddib.... (July 30, 2006)

DHEGEYSO: Doodii Baarlamaanka ee Kalsoonida Ra'iisul wasaaraha ee July 30, 2006