Wafdigii
ka socday ururka Midowga Afrika, jaamacadda Carabta, urur goboleedka
IGAD iyo Midowga Yurub oo maanta Muqdisho si weyn loogu soo
dhoweeyay...
Muqdisho: July 6,2006:
Wafdigii ka socday ururka Midowga
Afrika, ururka jaamacadda Carabta, urur goboleedka IGAD iyo Midowga
Yurub oo labadii maalmood ee ugu dambeysay ku sugnaa gudaha dalka
Soomaaliya ayaa maanta si weyn loogu soo dhoweeyay hotelka Ramadan
ee magaalada Muqdisho, iyagoo ka soo kicitimay magaalada Baydhabo oo
ay xalay marti u ahaayeen.
danjire afey iyo dr.cadde gaabow oo wadahadlaya.
Wafdigan oo uu horkacayey Danjiraha
dalka Kenya u qaabilsan Soomaaliya Ambassador Max'ed Cabdi Afey,
ayna weheliyeen, wakiilka jaamacadda Carabta u qaabilsan Somaaliya
Cabdalla Mubaarak iyo xubno kale ayaa saakay 7:30 kii subaxnimo
waxay ka soo dageen garoonka diyaaradaha Cisaley, waxaana halkaasi
ku soo dhoweeyay xubno ka kooban 15 xubnood oo ka kala socday
qeybaha kala duwan ee Reer Muqdisho, kuwaasoo ugu dambeyntii keenay
hotel Ramadan.
Xubnahan ka socday ururada kala duwan
ee beesha caalamka ayaa durbadiiba kulan la yeeshay maamulka gobolka
Banaadir ee uu hoggaamiyo Dr. Max'ud Xasan Cali Cadde (Gaabow),
Golaha deegaanka Gobolka Banaadir, xubno ka socday Midowga
maxkamadaha iyo kacdoonka, ganacsatada, duubabka dhaqanka ururrada
bulshada iyo qeybo kale oo ka socday guud ahaan bulshada
Soomaaliyeed.
danjire afey oo lahadlaya saxaafadda
Wafdigan oo ujeedadiisu aheyd xaqiiqo
raadin iyo sidii ay u ogaan lahaayeen is beddelkii dhinaca
siyaasadda ee ku yimid magaalo madaxda dalka Soomaaliya ee Muqdisho
isla markaana ay taasi u dheereyd xog uruurin iyo talooyin la
xiriira qaabka kacdoonka shacabka ee ka dhacay Muqdisha uu uga
tashan lahaa aayihiisa dambe iyo xoojinta wadahadalka dowladda
Federalka iyo kacdoonka shacabka.
Kulan albaabada u xiran yihiin oo ay
xubnahaasi kula yeesheen qeybaha bulshada ayey si weyn isula
gorfeeyeen isla markaana ay is tuseen sida loogu baahan yahay in
siyaasaddan cusub loogu duwo waddo toosan, isla markaana shacbiga ay
u helaan nolol ka wanaagsan noloshii horey ay ugu jireen muddada
16-ka sano aheyd.
Madaxa wafdiga Danjire Max'ed Cabdi
Afey oo saxaafadda la hadlay ayaa ka warramay ujeeddada socdaalkiisa,
oo uu ku micneeyay inay tahay sidii ay xog-gaal ugu noqon lahaayeen
arrimihii ugu dambeeyay ee ka jiray caasimadda dalka Soomaaliya,
sidoo kalena wuxuu sheegay in qeybahan kala duwan oo uu la kulmay ay
siiyeen talo wax ku ool ah, loona baahan yahay inay qaataan taladaas,
iyagun wixii la faray inay ilaa xad ka shaqeyn doonaan, isla
markaana lagu gaaro heshiis kama dambeys ah ee dhex mara dowladda
Federalka iyo kacdoonka shacbiga.
Sidoo kale wuxuu xusay mar wax laga
waydiiyay talo soo jeedin ay soo hordhigeen xubnahan kala duwan ee
la kulmay wafdiga oo ku saabsaneyd inaan ciidamo shisheeye dalka la
keenin ayuu kaga jawaabay Ambassador in nabad gelyada guud ee dalka
uu xil ka saaran yahay kacdoonka shacabka Soomaaliyeed, haddii ay
xasiliyaanna looma baahna ayey ila tahay in la keeno ciidan
shisheeye, balse haddii shacabka Soomaaliyeed laga badbaadin waayo
waxa dhacaya inay caalamka gaar ahaan African union ay waajib ku
tahay inay caawiyaan, ciidamana u soo diraan, dhinaca kalena wuxuu
sheegay inaan loo baahnayn haddii heshiis buuxa la helo ciidamo
shisheeye oo beddelkeeda wadahadal iyo is faham uu dhaco, taasina
waxaa gaaray ayuu yiri madaxda Midowga Afrika madaxweynayaashooda
shirkii ugu dambeeyay ee ka dhacay Banjul, waxaana ay go'aansadeen
ayuu yiri 55 madaxweyne in dalka Soomaaliya ciidamo nabad ilaalineed
loo diro, waxaana rajeynaynaa in arrintaasi ka hadalkeeda uu sidaasu
ku dhamaaday.
Xubanaha waftiga
Mar wax laga weydiiyay safarka ay
Muqdisho ku yimaadeen haddii ay jiraan safarro kale oo ay ku
tagayaan gobollada kale oo dalka gudihiisa ah ayuu sheegay
Ambassador Afey inay u qorsheysan tahay ilaa iyo hadda gobollada J/dhexe
magaalo madaxda Kismaayo iyo gobolka Mudug iyo inta kale oo suurto
gal oo aanu fursad u heli karno.
Mar wax laga waydiiyay imaanshihiisa
Muqdisho Ambassador Afey iyo siday ula muuqato gaar ahaan is
beddelka ku dhacay dhinaca siyaasadda iyo nabadda ayuu ku jawaabay "Si
aad iyo aad ayey iila muuqataa inay wanaagsan tahay, waxaa cad in
wixii naloo sheegay ay muuqdaan kaasoo ahaa kacdoon shacbi, shacbiga
ayaana haatan arrintaasi gacanta ku qaatay, inta maanta talada
haysana waxaan leenahay shacabka ayaa ilaalineysa, haddii ay talada
ku dheelaan kuwii hore meeshii la mariyay ayay marayaan maxaa
yeelay arrinta haatan shacbiga ayaa la wareegay, wayna ku mahadsan
yihiin.
Waxaa kaloo la waydiiyay rajo intee la
eg ayaad ka qabtaan inay sii socdaan wadahadalladan ayuu yiri "Rajo
weyn ayaan ka qabnaa sii socoshada wada hadalladan labada dhinac ee
maxaakiimta iyo dowladda Federalka gaar ahaanna inta maanta halkan
isugu timid waxay inoo sheegeen inay ka go'an tahay in waddankan
xasilooni ku soo dabaalaan, loona heshiiyo si nabad ah, dhinaca
dowladda waxaa ka go'an sidaad ogtihiin dowladdu waa dowlad dib u
heshiisiineed in dalkan lagu dhameeyo xaaladdiisa dib u heshiisiin
Soomaaliyeed, waxaana rajo weyn ka qabnaa in arrintaasi lagu
guuleysto, shirkan Khartoum ee dhacaya 15-ka bishanna uu noqdo
shirkii lagu guuleysto ahna kii ugu dambeeyay. Dhinaca kale wafdigan
maanta soo gaaray magaalada Muqdisho ayaa labo xubnood oo ka mid
ahaa wafdiga kana socday dowladda Itoobiya waxay ku soo hareen
magaalada Baydhaba kaddib markii midowga maxaakiimta islaamiga la
sheegay inay ka digeen inay Muqdisho yimaadaan wafdi ka socda
dowladda Itoobiya oo ay ku eedeeyeen inay ciidamo ay leedahay ku
sugan yihiin qeybo ka tirsan dalka Soomaaliya, isla markaana
faragelin ku hayso arrimaha gudaha ee Soomaaliya gaar ahaana
maxkamadaha islaamiga oo qeybo ka mid ah Muqdisho gacanta ku haya,
iyadoo horayna dowladda Eritrea uga baaqsatay in xubno ka mid ah ay
soo raacaan wafdigan.
Wafdigan xaqiiqo raadinta ah ayaa
waxay horay ula kulmeen dowladda Federalka seddaxda xubnood ee ugu
sarreysa iyo qaar ka tirsan golaha wasiirrada magaalada Baydhabo
iyagoo ka wada hadlay arrimo badan oo la xiriira arrimaha Soomaaliya
gaar ahaanna sida loo dhaqan geli karo heshiiskii Khartoum.
Dhinaca kale ka hor wafdigaasi markii
ay yimaadeen Muqdisho ayay hor dhigeen qodobbadan, wuxuuna u qornaa
sidan:
Halkan ka akhri::: Statement by Sheik Sharif Sh.
Ahmed, Chairman, executive committee, IC
Waxaa
soo tebiyey:
MUUSE MAXAMUUD JISOW
somali39@hotmail.com
Saraakiisha ciidammada Itoobiya
oo ku shirsan Qabridaharre.
Shir ay Jaaliyadda Ogaadeenya ee
Holland qabatay.
Bayaan uu soo saaray guddiga
fulinta ee Isbahaysiga AFD.
Maxkamadaha oo qaabilay wafti
caalami ah ciidammo shisheeyana diiday
Bayaan Warfaafineed oo la xidhiidha
dagaalka Yoocaale.
Barnaamijkii Xog-Warran(
Guulaha jwxo sacabaha laguma qarin karo).
======================
Saraakiisha ciidammada gumaystada
Itoobiya ee ka hawlgala dalka Ogaadeenya ayaa la sheegayaa inay
kulan isugu yimaadeen magaalada Qabridaharre, iyagoo ka tashanaya
tallaabadii kale ee ay qaadi lahaayeen, ka dib markii ay si cad ugu
fashilmeen qorshayaashii uu gumaysigu dajiyay ee lagu doonayay in
lagu gumaado dadwaynaha reer Ogaadeenya.
Xukuumadda Itoobiya ayaa ku guul
darraysatay ololihi millatari ee ay ka billowday dalka Ogaadeenya
daba-yaaqadii bishii Abriil, kaasoo ay ku magacawday inuu yahay mid
dalka lagaga tirtirayo ciidammada xoreynta Ogaadeenya. Ololahaas
ayaa isugu jiray dagaallo lagu qaado ciidammada xoreynta Ogaadeenya
iyo cadaadis iyo xasuuq loo gaysto dadwaynaha reer Ogaadeenya.
Ciidammada gumaystada Itoobiya ayaa si cad ugu guul darraystay
dagaalladii ay ku qaadeen ciidammada xoreynta Ogaadeenya, waxaana la
baday jab iyo halaag aad u ba’an, hase yeeshee waxay dhibaatooyin
waawayn u gaysteen dadwyanaha rayadka ah.
Markii ay sidaas ugu fashilmeen
qorshihii ay ku talajireen, waxay saraakiisha ciidammada gumaysigu
kahamiistii isugu yimaadeen kulan ay kaga arrinsanayaan wixii la
yeeli lahaa. Kulankan ayaa ka dhacay magaalada Qabridaharre, wuxuuna
u ekaa kulan degdeg ah, iyadoo ay muuqatay in saraakiisha ciidammada
meelo kala duwan lagaga soo daad-gureeyay diyaarado helikobtara ah.
Shir ay Jaaliyadda Ogaadeenya ee
Holland qabatay.
Jaaliyadda Ogaadeenya ee dalka Holland
ayaa dhawaan isugu timid shir ballaadhan oo lagaga hadlay arrimaha
Ogaadeenya iyo halganka hubaysan ee ka socda dalka Ogaadeenya ee
JWXO hormuudka ka tahay, waxayna xubnaha Jaaliyaddu ballanqaadeen
inay dadaalkooda sii labanlaabi doonaan.
Kulankan, oo maalintii axadda ahayd ee
bisha Julay 02-da ahayd lagu qabtay magaalada Tilburug, waxaa ka soo
qayb galay xubno badan oo isugu jira odayaal, siyaasiyiin iyo
dhalinyaro dhammaantood ak tirsan Jaaliyadda Ogaadeenya ee dalka
Holland.
Kulankan waxaa khudbad dheer oo
dhinacyo badan taabanaysay ka soo jeediyay guddoomiyaha Hooggaanka
Arrimaha Dibada iyo Jaaliyadaha mudane C/raxmaan Sh Mahdi. Mudane
Mahdi ayaa dadwaynihii kulankaas isugu ymidi uga xog warramay
xaaladda ka taagan dalka Ogaadeenya iyo heerka uu marayo halganka
hubaysan ee JWXO kula jirto xukuumadda gumaysatada Itoobiya.
Mudane C/raxmaan Sh Mahdi ayaa
dadwaynihii halkaas isugu ymid ku guubaabiyay inay dadaalkooda sii
labanlaabaan, si guusha kama danabaysta ah loo soo dadajiyo oo
gumaysiga nacabka ah la isaga dul-qaado.
Bayaan uu soo saaray guddiga
fulinta ee Isbahaysiga AFD.
Guddiga fulinta ee Isbahaysiga
Xorriyada iyo Dimuqraadiyada ee AFD ayaa kulankiisii ugu horreeyay
yeeshay intii u dhaxaysay 29 Juun – 01 Julay 2006. Guddiga fulinta
ee AFD ayaa kulankiisan kaga hadlay arrimo badan oo isugu jira
dhismihiisa, himiladiisa siyaasadeed iyo doorka uu ka qaadan karo
siyaasada Itoobiya ee mustaqbalka.
Guddiga fulinta ee Isbahaysiga AFD
ayaa bayaan uu ka soo saaray gabagabadii kulankan, wuxuu ku sheegay
in Isbahaysigu uu go’aan ku gaadhay in awooddiisa, codkiisa iyo
tallaabooyiinkiisaba mideeyaan, si loo soo dadajiyo isbaddal ka
dhacay Itoobiya oo lagu xaqiijiyo xorriyad iyo dimuqraadiyad.
Isbahaysiga AFD wuxuu taliska EPRDF ugu baaqay inuu si degdeg ah u
joojiyo hawlgalka millatari ee uu ka wado dalka Ogaadeenya, inuu sii
daayo dhammaanba siyaasiyiintii iyo madaxdii mucaaradka ee la
xidhxidhay intii ka danbaysay doorashadii May 2005. Wuxuu kaloo
Isbahaysigu taliska EPRDF ugu baaqay inuu joojiyo cadaadiska uu ku
hayo qawmiyadaha Oromo, Sidaamo, Gambella iyo Amxaarada.
Isbahaysiga AFD wuxuu beesha caalamka
ugu baaqay inay taageerto qorshaha Isbhaysiga, isla markaana ay
taliska EPRDF ku cadaadiso inay oggolaato sidii xal wadajir ah loo
gaadhi lahaa.
Maxkamadaha oo qaabilay wafti
caalami ah ciidammo shisheeyana diiday
Maxkamadaha Islaamiga ah ee Soomaaliya
iyo Bulshada Rayadka ah ee magaalada Muqdisho ayaa khamiistii
magaalada Muqdisho ku qaabilay wafti caalami ah oo isugu jira
ururrada Midowga Afrika, IGAD iyo Jaamacadda Carabta, waxayna u
gudbiyeen qoraal dheer oo ka turjumaya siyaasadooda la xidhiidha
arrimaha keenista ciidammo shisheeye ah iyo wadahadallada dhawaan
Kharduum ka dhici doona.
Maxkamadaha Islaamiga ah iyo bulshada
rayadka ah ee Muqdisho ayaa si wadajir ah walaac uga muujiyay in
ciidammo shisheeye ah la keeno dalka Soomaaliya, iyagoo waftiga u
caddeeyay inaan ciidamo shisheeye ah Soomaaliya looga baahnayn,
balse looga baahan yahay soomaalida inay iyagu ka tashadaan
nabadgelyada dalkooda.
Maxkamadaha Islaamiga ah ee ayaa sidoo
kale waftigan u gudbiyay qoraal ay ku sharxayaan sida ay u jecel
yihiin in guul laga gaadho wadahadallada iyaga iyo dawlada ku
meelgaadhka ah dhawaan ku dhex mari doona magaalada Kharaduum ee
dalka Suudaan.
Xubnaha waftigan caalamiga ah oo ka
soo dagay garoonka dayuuradaha ee Ciisaley ayaa sheegay inay aad ugu
riyaaqeen isbaddalka la taaban karo ee ka dhacay magaalada Muqdisho,
iyagoo tilmaamay inay wax wayn iska baddaleen nabadgelyada magaalada
Muqdisho.
Waftigani wuxuu ku soo horreeyay
magaalada Baydhabo ee xarunat u ah dawlada ku meelgaadhka ah ee
Soomaaliya, wuxuuna wadaxaajoodyo la yeeshay masuuliyiinta sarsare
ee dawlada ku meelgaadhka ah.
Xubnihii wafitaga ula socday
xukuumadda gumaystada Itoobiya ayaa waftiga ka hadhay markii uu
waftigu u jihaystay dhinaca magaalada Muqdisho, iyagoo wajiga soo
siin waayay dadwyanaha magaalada Muqdisho oo in badan ka dhiidhiyay
faragalinta qaawan ee gumaysatada Itoobiya ku hayso arrimaha
Soomaaliya.
Bayaan
warfaafineed oo la xidhiidha dagaalka Yoocaale
Jabhadda
Waddaniga Xoreynta Ogaadeenya JWXO waxay Caddanaysaa inayna lug ku
lahayn dagaal-beeleedka ka dhacay shalay aagga Yoocaale iyo isku
dhacyadii yaryaraa ee ka horreeyay ee u dhexeeya labada beelood ee
deegaannadaas ku dagaallamay, isla markaana waxay si cad u
beeninaysaa warka wariyaha BBC-da Hargaysa uu ka soo tabiyay isagoo
ka soo xigtay dad uu ku sheegay inay Suldaano iyo Odayaal yihiin.
Warkaasi wuxuu si aad ah uga fog yahay xaqiiqada, mana dhicin
tariikhda, kamana mid ah mabaadii’ada, dhaqanka iyo anshaxa JWXO
inay dhinac ka noqoto dagaal qabiileed.
JWXO waxay
qabtaa in dagaalladan uu ka dambeeyo Taliska gumaysiga Itoobiya,
lagana huriyo colaadda walalaaha soomaaliyeed Addis Ababa iyo
Hargayasa oo ku faraxaya dhiigga shacbiga soomaliyeed ee daata, meel
kasta oo Gobolka Geeska Afrika ah ha ku daatee. JWXO iyo ummada
Soomaliyeed midan dani uguma jirto dhiigga walaalaha iyo khasaaraha
dad iyo maal leh ee ka dhasha dagaallada sokeeya, umana
faa’iidaynayaan cid aan ahayn cadawga Soomaaliyeed.
Haddaba
JWXO waxay ugu baaqaysaa labada beelood ee dagaalku dhex-maray inay
si degdeg ah u joojiyaan dagaalka sokeeye, kuna xallistaan
khilaafaadkooda habka nabadgalyo iyo hannaanka dhaqan ee soo
jireenka ah. Sidoo kale waxay JWXO u digaysaa dhinacyada sii
hurinaya colaadda sokeeye ee abaabulka ka wada Hargaysa ee
faragalinta dheeraadka ku haya dagaalkan u dhexeeya labada beelood.
Dhanka kale
waxay JWXO ku baraarujinaysaa saxaafada sida taban ee lidka ah uga
qayb qadanaysa dhacdadan, inay ka fiirasadaan kaalinta ay ka
qadanayaan iyo raadka ay ku yeelan karto dagaalkan labada beelood u
dhexeeya.
Ugu dambayn
waxaan u rajeynaynaa wax-garadka labada dhinac inay ku guulystaan
qaboojinta xiisadan ayna baajiyaan dhiig dambe oo daata.
MIDNIMO
MINTID ISKUTASHI GUUL
HOGGAANKA
WARFAFINTA JWXO
Axmed
Sheekh Cabdi
07
July
2006.
Axmed Gaal-Eri
Info@radioxoriyo.com
raadioxoriyo@yahoo.com
Radio Xoriyo waxaad ka dhegaysan kartaa Mawjadda 25 MB ee
dhererkeedu yahay 11865 KHZ,iyo internetka
Radioxoriyo.com,Ogaden.com Maalmaha Talaadada iyo Jimcaha 7: 30PM
waqtiga Afrikada Bari
Warar GooGoos
ah::July 6
»Dowladda
Masar oo taageertay in soomaaaliya la keeno..
»Iska hor
imaad ka dhacay deegaanka Dhooblay..
»Ibraahim
Shookaali “Waxaan aad uga Walwalsanahay...
»Wafdigii
xaqiiqo raadiska oo kulan la yeeshay Dowlada..
»Maleeshiyooyinka
Maxaakiimta oo mar walba jabiya amarka..
»Xasan Hilowle
“waa dhamaatay xiligii. looma dhama.” ..
Wararka oo dhan ka akhri halkan... Guji...
July 6
| 
Daabaco
Boggan | Print
Haddii Banaanka laga helay, miyuusan u baahneyn
gacan bini’aadannimo iyo Gargaar...
