Wararkii ugu dambeeyay dagaalkii Muqdisho.
Cabdi Qaybdiid oo gebi ahaanba lagala wareegay
hubkii iyo goobihii uu ka talin jiray
Maalintii labaad ayaa dagaal waxa uu ka dhacay
deegaanada ay ka mid yihiin Jaamacaddii Ummadda, Agagaarka Isbitaalka
Banaadir, Sildhiga Mareykanka iyo Soona-key, gaar ahaan dhabarka dambe ee
Isbitaalka Dikfeer, waxaana dagaalkaan la isku adeegsaday hubka culus iyo
midka fudud, waxaana la sheegay in Maxaakiimta ay si aad ah ugu siqayaan
goobihii uu ka dagaalamayay Cabdi Qaybdiid.
Warar kala duwan ayaa ka soo baxay dagaalkaasi
oo ahaa kii ugu xumaa oo mudooyinkaan ka dhaca Magaalada Muqdisho, qaar
waxay sheegayaan in Cabdi Qaybdiid iyo Maleeshiyadiisii ay gebi ahaanba
joojiyeen dagaalkii, warar kale ayaa waxay sheegayaan in Odoyaal ka tirsan
Beesha uu ka soo jeedo Cabdi Qaybdii ay dhex dhexaadin ka wadaan dagaalka
saameynta ku yeeshay dadka rayidka ah ee ku nool Magaalada Muqdisho,.
Dagaalkaan ayaa waxaa
la xaqiijiyay in ay ku dhinteen dad kor u dhaafaya 50 qof ayna ku
dhaawacmeen 80 qof, kuwaas oo intooda badan la dhigay Isbitaalada Magaalada
Muqdisho.
Warar hadda na soo
gaaray waxay sheegayaan in maleeshiaydii iyo hubkii Cabdi Qaybdiid ay gebi
ahaan la sheegay in ay isku dhiibeen golaha Maxaakiimta, waxaana tan iyo
xalay socday sidii loo dhameystiri lahaa dagalkaasi oo labo maalmood si
xowli ah uga socday magaalada Muqdisho, ilaa iyo hadda lama oga halka uu ku
dambeeyay Korneel Cabdi Qaybdiid, hase yeeshee warar ayaa waxay sheegayan in
uu baxsaday, warar kalana waxay sheegayaan in uu ku jiro gurigiisa oo ay
waan waan socoto, kadib markii Midowga Maxaakiimta intii badneyd goobihii uu
ka talin jiray Cabdi Qaybdiid gacanta ku dhigeen.
(Cinwaanada warbaahinta caalamku ay ka qoreen
muqdisho maanta ayaa ahaa: "Abdi Hassan Awale Qeydiid, qabqablihii
'secular warlord' ee ugu dambeeyey Soomaaliya oo isu dhiibay maleysiyada
Maxaakiimta). [Kelmedda
"Secular" qaamuuska Soomaaligu waxa uu ku macnaynayaa sidan: Secular =
cilmaani (ee cilmi-adduun ku salaysan, oo diin iyo aakhiro toona aan ku lug
lahayn.)]
(Waa warkii habeenidii
Isniinta July 10, 2006 - xilliga Muqdisho).
W/D Amiin Yuusuf Khasaaro
E-Mail
amiinkhasaaro@hotmail.com
Muqdisho, Soomaaliya
Wararkii July 10, 2006
. Jaamacadda Muqdisho oo Seminar u furtay Macalimiin
. Warbixin: Maamul u samaynta Degmada
Badhaadhe
. Dowladda Federaalka oo aad uga
xumaatay kulankii safiirka Talyaaniga..
. Dowladda Federaalka oo sheegtay in
ay dib u eegeyso shirkii khartuum..
. Xuseen Caydiid oo sheegay in
Maxaakiimta..
. Baaqyo nabadeed oo soo gaaraya dhinacyda
dagaaalka u dhaxeeya...
. Qaramada Midoobey oo sheegtay in ay gacan siin
doonto Dowlada...
Jaamacadda Muqdisho oo Seminar u
furtay Macalimiin
Maalintii shalay ahayd
ayaa xarunta Jaamacadda Muqdisho waxaa shalay ka furmay seminar socon doona
mudo 10 maalmood ah oo ay ka qaybgalayaan 210 macalin oo hoos taga Dugsiyada
ku bahoobay Dalladda ASalaam waxaana iska kaashaday santuuqa gargaarka
Afrika iyo Jaamacadda Muqdisho qaybteeda Kulliyadda Waxbarashada, waxayna
macallimiintaas uu Seminaarku u furmay ka kala yimaadeen gobalada dalka,
iyadoo mudada ay joogaan halkaasi ku baran doonaan qaabka loo bixiyo
casharada.
Ugu horeyntii waxaa halkaasi ka hadlay madaxa sanduuqa
gargaarka Afrika Max’ed Axmed Beeray oo sheegay in sababaha ay u qabteen
Seminaarkaan ay tahay sidii macallimiinta loo bari lahaa habka ugu fudud ee
casharada loo siin karo ardayda.
Mudane Beeray waxa uu sheegay in Dugsiyada Asalaam
macallimiintooda gaarayaan 520, Dugsiyaduna ay ka kooban yihiin 60 dugsi
kuwaas oo uu sheegay in ay ku kala yaalaan guud ahaan dalka.
Waxaa kaloo ka hadlay Guddoomiyaha Jaamacadda Muqdisho
Dr. Cali Sheekh Axmed Abuu-Bakar oo sheegay in waxbarashadu ay muhiimad gaar
ah ugu fadhido bulshada loona baahan yahay in macallimiintu ku dadaalaan
sidii ay Ardayda Soomaaliyeed wax u bari lahaayeen.
Waxaa kaloo ka hadlay Shariif C/llaahi Xuseen oo ah
madaxa Bisha-Cas ee Imaaraadka Carabta ee Soomaaliya, waxa uuna sheegay in
ay Hay’adooda ka qayb-qaadato sidii sare loogu qaadi lahaa waxbarashada.
Xubnihii kale ee halkaasi kahadlay waxaa ka mid ahaa
Axmed Abbaroone Amiin, C/qaadir Ibraahim Gacal Abkow iyo Bashiir Macallin
Yuusuf, waxayna dhamaantood sheegeen in mudadii ay dagaalada Sokeeye socdeen
ay Macallimiinta Soomaaliyeed u is taageen sidii ay carruuta Soomaaliyeed
wax u bari lahaayeen, waxayna si gaar ah ugu mahadceliyeen Jaamacadda
Muqdisho oo ay ku tilmaameen in ay qayb muhiim ah ka qaadatay waxbarashada
Soomaaliya.
W/D Amiin Yuusuf Khasaaro
E-Mail
amiinkhasaaro@hotmail.com
Warbixin: Maamul u samaynta Degmada Badhaadhe
Wasiir kuxigenka dowlada ee amniga qaranka C/ rashiid Maxamed Xidig iyo
odayasha dhaqanka besha Absame ayaa ku guulaysatay maamul usameynta degmada
Badhaadhe ee gobolka jubbada Hoose , wasiirka oo ay wehlinayeen waxgaradka
deegaanada Jooraha ee aaga Badhaadhe ayaa waxay isla garteen inloo dhiso
degmadaasi oo ay hoostimaado sideed tuulo maamul mideeya,
Wasiirku xigenka waxuu qeexay in ay dadka deegaankasi iskood isu
abaabuleen oo ay doorteen duqa magalada iyo xubno kale taaso ah tilaabo qaab
loo sameeyey maamul dhisidaasi , waxuna raaciyey in isaga oo katirsan
dowlada iyo masuuliyin kale ay la fufudeyeen dadka degaanka dhisida
maamulkaasi,
Mar aan wax ka weydiiayay in la soo qabtay eedeysanahii geystay dilkii
suldaanka ee deegaankaasi ayaa waxaa uu sheegay wasiir ku xigeenka in lagu
raad jooga danbiilahi geystay falkaasi wuxuuna intaasi ku daray in lagu jiro
qabanqaabadii lagu dooran lahaa hogaamiyahii dhaqanka ee la dilay booskiisa.
Hadaba ujeedada wasiir ku xigeenke ee maaalada Kismaayo ayaa waxaa uu ku
sheegay in ay tahay mid kormeer ah islamarkaana uu doonayo in uu kulamo la
yeesho maamulka dooxada jubba in kastoo uusan faahfaahin dheeri ah ka bixin
kulamada uu la yeelanayo maamulka Dooxada Jubba waxaa ay ku saabsanyahiin .
cabdi qadar nuur maxamed (filipiin)
cabdiqadar84@hotmail.com
kismaayo somaliya
Dowladda Federaalka oo aad uga
xumaatay kulankii safiirka Talyaaniga..
Warar aanu ka helnay Magaalada Baydhabo
ayaa waxay sheegayaan in Dowladda Federaalka ay aad uga xumaatay kulankii
dhex maray Guddoo-miyaha Golaha Shuurada ee Maxaakiimta Islaamiga ah Sheekh
Xasan Daahir Aweys iyo safiirka Talyaaniga kaasoo dhawaan ka dhacay
Magaalada Dhuusa-mareeb.
Dowladda Federaalka ayaa la sheegay in ay
kulankasi ku tilmaantay mid ay Dowladda Talyaanigu ku dooneyso in ay ku
qasto xaaladda soomaaliya, waxay kaloo Dowladdu sheegtay in Safiirka la
sugahay Magaalada Baydhabo, balse, waxay Dowladdu sheegtay in ay mar dambe
ogaadeen in uu ka degay Magaalada Dhuusamareeb, waxayna Dowladda Talyaaniga
u so jeediysay in ay ka shaqeyso sidii ay ka shaqeyn lahayd bulshada
Soomaaliyeed una heshiisiin lahayd.
Dowladda Federaalka oo sheegtay in ay
dib u eegeyso shirkii khartuum..
Afhayeen u hadlay Dowladda Federaalka ee
fadhigeedu yahay Magaalada Baydhabo ayaa waxa uu sheegay inay dib u eegi
doonaan ama ay ka fiirsan doonaan ka qaybgalka kulanka la qorsheeyay in
15-ka bishan ka dhaco dalka Suudaan oo ay isugu imaanayaan Midowga
Maxaakiimta Islaamiga ah iyo Dowladda Federaalka, kaasoo lagu dhameystirayo
shirkii kal hore halkaasi ku dhex maray labada dhinac.
Afhayeenku waxa uu sheegay in Maxaakiimta
Islaamiga ah ay ku xadgudubeen qaar ka mid ah qodobadii horey loogu
heshiiyay oo aha in labada dhinac ay iska ilaaliyaan dagaal, iyagoo ku
eedeeyay Maxaakiimtu in ay dagaalo ka huriyeen Magaalada Muqdisho, isla
markaana ay weerareen gobo iska nabdoonaa.
Madixii Midowga Maxaa-kiimta Islaamiga ah
Dr. Max’ed Cali Ibraahim ayaa waxa uu horey u sheegay in Maxaakiimta
Islaamiga ah aysan marnaba ku xadgudbin heshiiskii, isla markaana ay weli
diyaar u yihiin in la dhameystiro heshiiskaasi.
Halkan ka dhegeyso Hadalkii Xuseen Caydiid uu k ajeediyey shirrka Jaraa'id
Xuseen Caydiid oo sheegay in
Maxaakiimta..
Xuseen Max’ed Faarax Caydiid oo Ra’isul
ku xigeen ka ah Dowladda Federaalka ahna wasiirka arrimaha gudaha oo shalay
shir jaraa’id ku qabtay magaalada Baydhabo ayaa waxa uu sheegay in
maleeshiyo ka tirsan Maxaakiimta Islaamiga ah ay soo weerareen fariisimo ay
ku sugnaayeen maleeshiayadiisa kuwaas oo uu sheegay intay ku yiileen
deegaanka Xoosh.
Xuseen Caydiid waxa uu sheegay in ay mar
kasta ka soo horjeedaan wax la yiraahdo dagaal, balse Maleeshiyadiisa ay is
difaaci doonaan, isagoo sheegay in Maxaakiimta Islaamiga ah ay ku
xadgudubeen heshiiskii Khartuum oo dhigayay in inta uu dhacayo shirka dambe
wax dagaal ah la qaban-qaabin, isagoo sheegay in dhinaca kale Dowladda
Federaalka ay diyaar u tahay in ay fuliso heshiiskii Khartuum.
Baaqyo nabadeed oo soo gaaraya dhinacyda dagaaalka u
dhaxeeya...
Baaqyo nabadeed oo aad u fara badan ayaa
soo gaaraya kooxaha ku dagaalamaya Magaalada Muqdisho ee Golaha Maxaakiimta
iyo Maleeshiyo daacad u ah Cabdi qaybdiid.
Baaqyadii ugu dambeeyay waxay naga soo
gaareen xarunta Dr. Ismaaciil Jimcaale oo labada dhinac u soo jeedisay in
dagaalka si shuruud la’aan ah ku joojiyaan, kaasoo xadgudub ku ah
shareecadda Islaamka, heerarka soo jireenka ah ee dhaqanak Soomaalida iyo
baaqa caalamaiga ah ee xaquuqda Aadanaha, qodobkiisa 3-aad oo leh qof waliba
waxa uu xaq u leeyahay in uu ku noolaado nabadgelyo iyo xoriyo.
Waxaa kaloo baaq naga soo gaaray Ra’isul
Wasaare ku xigeenka ahna Wasiirka arrimaha gudaha Xuseen Caydiid oo u soo
jeediyay dhinacyada ku dagaalamaya magaalada Muqdisho ay u turaan shacabka
khilaafkoodna ku xaliyaan wada hadal iyo is afgarad.
Dhaqdhaqaaqa Bulshada Rayidka ah ayaa
dhinacooda ku biiriyay in la joojiyo dagaalka, maadaama uu dhibaato ku yahay
Bulshada Soomaaliyeed oo iyagu mudo 16 sano ah ku soo gubtay dagaalo iyo
dhibaatooyin kale.
Sidoo kale Hay’adaha xaquuqda Aadanaha ee
Khaliif Huudow iyo Wanla-Weyn Human Rights ayaa labada dhinac waxay ugu
baaqeen in ay si shuruud la’aan ah ku joojiyaan dagaalka, isla markaana
wixii khilaaf ah ku xaliyaan wada hadal iyo is afgarad.
Qaramada Midoobey oo sheegtay in ay gacan siin
doonto Dowlada...
Xoghayaha guud ee Qaramada Midoobey Koffi
Annan ayaa waxa uu sheegay in Qaramada Midoobey ay gacan siineyso Dowladda
tababarta yare e ku sugan magaalada Baydhabo si ay cagaheeda isugu taagto
isla markaana dib ugu soo celiso amarkii yo kala dambeyntiui.
Koffi Annan waxa uu sheegay in Soomaaliya
aysan wax dowlad ah helin tan iyo markii la eryay Dowladdii Max’ed Siyaad
Barre, isagoo sheegay in dalku galay burbur iyo dagaal sokeeye, waxa uuna u
soo jeediyay Dowladda Federaalka iyo Golaha Maxaakiimta in ay wada
hadaladooda ka miro dhaliyaan.
Koffi Annan waxa uu sheegay in Qaramada
Midoobey ay ka soo horjeedo in Soomaaliya ay gabaad ka dhigtaan kooxaha
Argagixisada, isagoo sheegay in kooxahaasi lagula jiro dagaal heer caalami
ah. Koffi Annan ma caddeynin nooca taageerada ay siin doonaan Dowladda
Federaalka oo iyadu dhawaan dalbatay in dalka la keeno ciidamo shisheeye.
W/D Amiin Yuusuf Khasaaro
E-Mail
amiinkhasaaro@hotmail.com
Faafin: July 10,
2006
Xisbiga Ramaas oo Bayaan ka soo saaray
Garoowe:::Bayaan uu maanta
(July 9,2006) soo saaray xisbiga mucaaradka ah ee Ramas political party
ayaa si wayn loogu canbaareeyay ku tagrifalka madaxwaynaha puntland
hantida ummadda iyo wali musuqmaasuq baahsan oo ka jira gudaha puntland
kaasi oo xisbigu maanta ka soosaaaray bayaankan hoos ku qoran.
puntland somalia
Ramaas political party
RPP/27/06
Date:09/07/006
Ku: Golaha wakiilada shacabka DGPL
Ku: saxaafada madaxbanaan somali
Ogaysiin: madaxwaynaha DGPL
Ogaysiin shacab waynaha puntland
Ujeedo: madaxwaynaha puntland oo
ku guul daraystay cadalada, nabadgalyada iyo ku dhaqanka miisaaniyada.
Mudanayaal waxaa hawlwadeenada xisbigu
idin ku salaamayaan salaanta islaamka Aslaamu caleykum..
salaan kadib sida aad la socotaan waxaa
maamulka madaxwaynuhu ku guul daraystay xaalado adag oo dalka soo
wajahay oo ay ka mid yihiin.
1-waxaa madaxwaynuhu ku guul daraystay
cadaalad u samayntii wadanka
a) waxaa madaxwaynuhu baa bi'iyay
maxkamadii tastuuriga ahayd si aan loo helin marjac tastuuri ah oo la
isula noqdo maxkamadaas oo uu dhisay madaxwaynihii hore Maxamed Cabdi
Xaashi waxaana gudoomiye ka ahaa maxkamadaas tastuuriga ah maxamed
buraale ismaaciil.
b) waxaa dhamaan madaxwaynuhu lumiyay
awoodii iyo madaxbanaanidii golaha garsoorka oo wuxuu hoosgeeyay
golihiisa xukuumada taas oo gaf ku ah tastuurka DGPL oo uu jabiyay qaybo
ka mid ah qodabadiisa oo aan hada ka hor idiinku sheegnay madaxbanaanida
golaha garsoorka.
c) waxaa madaxwaynuhu lumiyay awoodii
baahsanyd ee dalka wuxuuna awoodii ku uruuriyay beeshiisa sida booliska
oo uu taliyo uga dhigay ina adeerkiis iyo maxkamada sare oo uu gudoomiye
uga dhigay ina adeerkiis sida lawada ogsoon yahay.
2- waxaa gacanta ka baxay nabadgalyadii oo
booliskii ayaa noqday fadhiid aan awoodoodu muuqan, waxaa ka dhaca
magaalooyinka dhamaantood dilal iska daa qabasho cidii dilka gaysataye
waxaa boolisku kariwaayay cadayntii dhibaatooyinkaas dilalka ah tayo
xumo boolis awgeed meelaha ay ka imaanayaan iyo cida ka danbaysa toona.
3-sida uu ka dhexsheegay golaha
baarlamaanka wasiirka maaliyadu markii uu soo bandhigayay shaxdii
miisaaniyada wuxuu cadeeyay inaysan ku dhaqmi karin miisaaniyadaan
sababtoo ah codsiyo kakala yimaada xubno ka mid ah golaha wakiilada oo
doonaya wax kabaxsan miisaaniyada iyo codsiyo kale oo ka yimaada
madaxwaynaha iyo madaxwayne ku xigeenka oo dhamaantood wada fadlan ah
ana aan tixgaliyo codsiyadaas.
Hadaba mudanayaal waxaa xisbigu idiin soo
jeedinayaa in aad xaaladaa dalka oo khatar maraya aad wax ka qabataan
oo aad kaga faa'iidaysataan kalfadhigiinaan tastuuriga ah oo ay idiin
hor taal hawlo adag, waxaan idin ka codsanaynaa in aydan ku kala tagin
kalfadhigaan ilaa aad wax qabad dhab ah u muujisaan shacabkii idin soo
doortay oo hamuun u qaba wax qabadkiina.
mobile: 747090
Waxaa soo tebiyey:
c/rizak koronto
Warbixin: Dagaal
Xoggan oo dhexmarey Golaha Maxaakiimta iyo Qaybdiid
Muqdisho:
Goobo Muhiim ah oo ay la wareegeen Maxkamadaha....
War-Degdeg ah...
Akhri...
Sweden:
Haweeney
lagu sheegay iney Soomaali tahay oo dad qaadsiisay cudurka AIDS-ka
Barre Hiiraale
iyo Itoobiya oo si aad ah isugu soo dhawaanaya
»Kismaayo: Warbixin
waftigii ka socdey beesha caalamka...
»Xubnihii
Isbahaysiga oo maanta kulan la yeelan doona...
»Hay’ad camabareysay
falal dil ah oo ay gaysteen...
»Sheekh Aweys oo
Dhuusamareeb kula kulamy Safiirka..
»Warar ku saabsan
xaaladda Magaalada Baydhabo..
Wararka oo dhan ka akhri halkan... Guji....
July 9
 Dood-Cilmiyeed:
Isbedelka Cusub ee Soomaaliya
Aqoonyahanno ku sugan dalka Canada ayaa ka hadlay kacdoonka Soomaaliya iyo
raadka uu... Dhegeysi...
Wafdigii ka socday ururka Midowga Afrika,
jaamacadda Carabta, urur goboleedka IGAD
iyo Midowga Yurub oo Muqdisho si weyn loogu
soo dhoweeyay... Warbixin.... | 
Daabaco
Boggan | Print
Haddii Banaanka laga helay, miyuusan u baahneyn
gacan bini’aadannimo iyo Gargaar...
