Wararkii: July 17, 2006

• Shariif Xasan oo lagu wado inuu si dhaqsi leh ku yimaado Muqidisho..

• C/llaahi Yuusuf “Haddii aan laga hortagin Kooxda Muqdisho waxay idiin ku imaan …”

• Midowga Yurub oo hakad geliyay dhaqaale la la siin lahaa Dowladda..

• Max’ed Dheere oo ku sii jeeda Gaalkacyo..

• Ciidamada Itoobiya ee soo galay deegaano ka tirsan.

  ---

Shariif Xasan oo lagu wado inuu si dhaqsi leh ku yimaado Muqidisho..

W/D Amiin Yuusuf Khasaaro
E-Mail: amiinkhasaaro@hotmail.com

Wararka ka imaanaya Magaalada Baydhabo waxay sheegayaan in Guddoomiyaha Baarlamaanka Shariif Xasan Sheekh Aadan uu si weyn u soo dhaweeyay heshiiskii khartuum, isla markaana uu sheegay in Golaha Baarlamaanku uu diyaar u yahay in la dhameystiro dib u heshiisiintaasi. Shariif Xasan iyo xubnaha Barlamaanka ayaa waxa ay heshiis ku gaareen in guddi loo saaro si ay ula xaajoodaa Golaha Maxaakiimta, hase yeeshee warar aanu helnay ayaa waxay sheegayaan in Guddoomiyaha Baarlamaanka lagu wado inuu soo gaaro Magaalada Muqadisho si uu wada xaajood ula furo Maxaakiimta Islaamiga. Shariif Xasan ayaa laga yabaa Magaalada Muqdisho haatan waa nabad, wax naga hor istaagi karana ma jiraan oo sheegay in Golaha Maxaakiimtu ay qabteen howl aad u muhiim ah, isagoo sheegay in haddii ay is kaashadaan Dowladda iyo Maxaakiimta uu si rasmi ah u istaagi doono qaranka Soomaaliyeed.

Qaar ka mid ah Xildhibaanada Baarlamaanka ayaa iyagu ku taageersan Guddoomiyaha Baarlamaanka in la dhameystiro heshiiskii Khartuum iyagoo kuwa diidanna ku tilmaamay kuwo aan dooneyn in Soomaaliya ay nabad hesho. Khilaafka soo kala dhex galay Golaha Baarlamaanka iyo Xukuumadda ayaa waxa la sheegay in uu keeni karo in Dowladdu u qaybsanto mar kale labo qaybood, iyadoo C/llaahi Yuusuf mar uu dhawaan khudbad u jeedinayay Golaha Baarlamaanka uu ku yiri “Ciddii ka qaybgasha shirkaasi cid ay mas’uul ka tahay ma jirto”. Arrintaan ayaa waxaa si aad ah uga carooday inta badan Xildhibaanada Baarlamaanka, waxayna hadalkaasi ku tilmaameen mid sii kala fogeynaya bulshada Soomaaliyeed, isla markaana ka hor imaaneysa dibuheshiisiinta Dowladda.

C/llaahi Yuusuf “Haddii aan laga hortagin Kooxda Muqdisho waxay idiin ku imaan …”

Madaxweyne C/llaahi Yuusuf Amxed oo maalintii shalay ahayd Magaalada Garoowe kulan kula yeeshay Odoyaal iyo Waxgarad iyo waliba siyaasiyiin ka tirsan maamul gobaleedka Puntlanad ayaa waxa uu uga waramay is bedelada cusub ee ka dhacay magaalada Muqdisho , isagoo arrintaasi ka hadlayana waxa uu yiri “waxaan idiin sheegayaa haddii aan kooxaha argagixisada ah ee ku sugan Magaalada Muqdisho laga hortagin, waxay idinku imaan doonaan Puntland, ee waxaad u tabaabusheysataan sidii aan uga hortagi lahayn kooxahaasi kuwaas oo doonaya in ay wadanka isku balaariyaan”, waxa uu intaas sii raaciyay “Waan ogahay kuwo anaga nala mid ah in ay u kuuxayaan is bedelada ka socda Magaalada Muqdisho, kuwaas waa in maamulku wax ka qabto”.

C/llaahi Yuusuf ayaa Garoowe u tagay sidii uu ciidam iyo hubba uga heli lahaa maamul gobaleedka Puntland.

Midowga Yurub oo hakad geliyay dhaqaale la la siin lahaa Dowladda..

Intii aysan dhicin dagaaladii dhex maray Midowga Maxaakiimta iyo Isbahaysigii la dagaalanka Argagixisada ayaa Midowga Yurub, waxa uu Dowladda Federaalka ugu soo waday lacag Malaayiin Doolar oo uu ugu talagalay dib u dhiska iyo dib u soo nooleynta hay’adihii dowladda, hase yeeshee lacagahaasi waxaa hakad la geliyay markii ay dhaceen dagaaladii u dhexeeyay Golaha Maxaakiimta iyo Isbahaysigii fashilmay ee la dagaalanka Argagixisada.

Lacagahaan ayaa qaar ka mid ah waxaa loogu talagalay in dib loogu tababaro ciidamada ku xareysan xerada Manaas, hase yeeshee ciidamadaasi weli ma aysan qaadan wax lacag ah, waxaana markasta loo sheegaa in lacagihii jidka ku soo jiraan.

Xubnaha Baarlamaanka ayaa iyagana Bishii May iyo Juun qaadan wax lacag ah, kadib markii Hay’addii bixin jirtay lacagtaasi uu qandaraaskeedu ku ekaa Bishii April.

Max’ed Dheere oo ku sii jeeda Gaalkacyo..

Max’ed Dheere oo dhawaan soo gaaray magaalada Baydhabo ka mid ah Xubnihii looga adkaaday dagaalkii Muqdisho, haatanna ku sugan Degmada Godey ee Soonka Shanaad ee Soomaaliyda Itoobiya ayaa warar aanu ka helnay Magaalada Gaalkacyo waxay sheegayaan in Max’ed Dheere beri la filayo in uu soo gaaro Magaalada Gaalkacyo oo ay ku jiraan xubno ay kuwada jireen Isbahaysigii burburay ee la dagaalanka Argagixisada oo uu ka mid yahay Cabdi Qaybdiid oo la sheegay in uu taageero ka raadinayo beeshiisa ku sugan Gobalka Mudug.

Max’ed Dheere ayaa waxa uu wadaa qorshayaal uu ku doonayo in uu dib ugu soo laabto Magaalada Jowhar oo looga qabsaday dagaalk aad u xoogan oo dhex maray maleeshiyadiisa iyo kuwa Maxaakiimta.

Max’ed Dheere oo dhowr meelood tagay ayaa ilaa iyo haatan hayn taageero rasmi ah, inkastoo Dowladda Itoobiya ay u sheegtay in ay ka kaalmeyn doonto dhinaca hubka iyo saanadda, warar kale ayaa waxay sheegayaan in xubno kale oo ka tirsan Isbahaysigii la dagaalanka Argagixisada ay iyanga gaari doonaan Magaalada Gaalkacyo, waxaana lagu wadaa in hakaasi ku yeelan doonaan kulan kale oo ay isku arki doonaan.

Ciidamada Itoobiya ee soo galay deegaano ka tirsan.

Wararka ka imaanaya Magaalada Baladweyne waxay sheegayan in Ciidamo Itoobiyaan ah oo soo galay deegaano ka tirsan gobalkaasi, ay mar kale dib u laabteen kaddib markii ay baaritaan ku sameeyay halka lagu magacaabo Kala-Bareyka.

Ciidamada Itoobiya ayaa dad goob joog ah waxay noo sheegeen in ay ka muuqato cabsi iyo walwal ay ka qabaan is bedelka cusub ee ku soo kordhay Soomaaliya, waxaana la sheegay in Gawaarida u socota Kililka Shanaad si aad ah loo baaro, iyadoo Gawaarida markii ay cabaar socdaanba uu la kulmayo baaritaan kale oo cusub, waxaana dadka la weydiiyay bal in ay soo arkeen wax Maxaakiim Islaami ah oo ku soo dhow xuduuda Soomaaliya iyo Itoobiya.

Wararka ka imaanaya gobalka Gedo ayaa iyana waxay sheegayaan in Saraakiil Itoobiyaan ah ay kulamo la yeesheen waxgaradka deegaanka Buula-Xaawo, waxayna ka wada hadleen arrimaha amniga.

W/D Amiin Yuusuf Khasaaro
E-Mail: amiinkhasaaro@hotmail.com

Safarka Cabdullaahi Yuusuf ee Galkacyo, Garoowe, Boosaaso iyo Yemen.. AKHRI..

[:: XABSIGA THAILAND::: 01 | 02 | 03 | 04 | 05 | 06 | 07 | 08 | 09 | 10 | 11 | 12 | 13 | 14 ]

Ardayda Puntland oo si Kulul uga Horyimid Hadalkii Wasiirka Maaliyadda
iyo Murankii miisaaniyadda oo Go'aan uu ka Qaatay Cadde Muuse.... AKHRI... July 16

C/laahi Yuusuf oo ka soo degey Garoonka Conoco ee Garoowe
Safarkan oo la xiriira sidii shirkadda Range Resources ay u heli lahayd Saxiixa Madaxweyne C/laahi Yuusuf.... AKHRI... July 16

Khilaafkii u Dhexeeyay Dowladda FKMG oo sii xoogeystay..
Guddoomiyha Baarlamaanka DFKMG Shariif Xasan oo Si kulul uga Horyimid Hadalkii madaxweyne C/laahi.... AKHRI.. Jul 16

Sweden: Soomaalida loo xiray arrimo la xiriira gudniinka Fircooniga ee ay.....

Madaxweynaha DFKMG oo hadal Dheeg Ka Jeediyey Arimo La Xiriira Heshiiskii Khartuum
»Warftigii Maxaakiimta Islaamiga oo u Dhoofay Khartuum
»Beesha Cumar Cali Saleebaan oo Dooratay Suldaan....
»Dagaalo lagu jabiyey ciidamada cadowga Itoobiya...
»Garoonkii Diyaaradaha Muqdisho oo la furay...
Wararka oo dhan ka akhri halkan... Guji... July 15

Dood-Cilmiyeed: Isbedelka Cusub ee Soomaaliya
Aqoonyahanno ku sugan dalka Canada ayaa ka hadlay kacdoonka Soomaaliya iyo raadka uu... Dhegeysi...