Wararkii July 24, 2006

• Sheekh Xasan Daahir Aweys “Qanyare waxa uu hoosta ka galay Cadddowgii uu u shaqeynayey…”

• Wafdi Liibiyaan ah oo marti u ah Maxaakiimta..

• Ciidamo Itoobiyaan ah oo hor leh oo shalay ka soo degey Magaalada..

• Maareeye “Wax ciidamo itoobiyaan ah oo ku sugan Soomaaaliya ma jiraan..”

• Muxuu ku dhamaaday kulankii C/llaah Yuusuf , Shariif iyo Geedii..

• Sheekh Shariif oo shacabka ugu baaqay in ay iska difaacaan..

  ---

Sheekh Xasan Daahir Aweys “Qanyare waxa uu hoosta ka galay Cadddowgii uu u shaqeynayey…”

Sheekh Xasan Daahir Aweys oo ah guddoomiyaha Golaha Shuurada ee Midowga Maxaakiimta Islaamiga ah ayaa waxa uu sheegay in shacabka Soomaaliyeed ay diyaar u yihiin in ay iska difaacaan Itoobiya oo uu sheegay in ay tahay caddowga Ummadda Soomaaliyeed. “Cidna daah kama saarna in Itoobiya ay soo gashay gudaha dalka Soomaaliya, waxaana Ciidamadaasi soo galiyey dad weligood u shaqeyn jiray Dowladda Itoobiya” ayuu yiri Sheekh Xaan Daahir Aweys oo sheegay in Maxaakiimta ay weli diyaar u yihiin in ay la hadlaan Dowladda Federaalka. “Iyadoo la dagaalamayo ayaa haddana la wada hadli karaa” ayuu yiri sheekh Xasan oo sheegay in Dowladda Federaalka meel kasta ay diyaar u yihiin in ay kula kulmaan.

Mar uu ka hadlayay Xaaladda Max’ed Qanyare Afrax waxa uu sheegay in Max’ed Qanyare uu ka baqday heshiis la doonayay in uu ku wareejiyo hubka, isagoo sheegay in uu baxsaday ama uu hoosta ka geliyay Coddowgii Ummadda Soomaaliyeed ee uu horey ugu shaeyn jiray. “Waa Illaah mahaddii haddii dhibkiisii uu kala tegay Gobalada Dhexe, balse waxaan u sheegeynaa in xubnaha isku uruursanaya Qurac Joome ee ka haray Isbahaysigii la dagaalanka Argagixisada aan halkaasi ugu tagi doono”. Sheekh Xasan Daahir Aweys waxa uu u mahadceliyay Allaah, kaddibna shacabkii gacanta ka gaystay in ay iska bixiyaan kooxihii dhibaatada ku hayay Shacabka Soomaaliyeed. Mar uu ka hadlayay in maamul loo sameynayo Gobalada Banaadir, waxa uu Sheekh Xasan Daahir yiri “waxaa socda la tashiyo aan la yeeleyneyo Odoyaasha, Waxgaradka, Culimada, Siyaasiyiinta iyo Dhallinyarada, si halkaasi looga helo fikrado kala duwan oo ku aadan qaabka ugu haboon ee maamul loogu sameyn karo Gobalka Banaadir.

Wafdi Liibiyaan ah oo marti u ah Maxaakiimta..

Waxaa maalintii shalay ahayd Garoonka Balli Doogle ka soo degay wafdi ka socday wadanka Liibiya oo uu hogaaminayay nin lagu magacaabo Dr. Ramadaan, waxaana wafdigaasi halkaasi ku soo dhaweeyay mas’uuliyiin ka tirsan Golaha Maxaakiimta Islaamiga ah.

Wafdigaani ayaa la filayaa in ay maanta kula la yeeshaan Golaha Maxaakiimta, waxaana la sheegay inay Muqdisho u yimaadeen sidii ay u indha-indheyn lahaayeen Xaaladda Magaalada Muqdisho iyo is bedelka cusub ee ku soo kordhay Magaalad Muqdisho, waxaana la filayaa in ay booqdaan goobo muhiim ah oo ku yaala Magaalada Muqdisho.

Wafdigaani ayaa la garaneyn in ay u dhaqaaqi doonaan dhinaca Magaalada Baydhabo oo ay degan tahay Dowladda Federaalka, waana wafdigii labaad oo ka socda Dal carbeed oo yimaada Magaalada Muqdisho, waxaana dhawaan yimid Muqadisho wafdi ka socday ururka Jaamacadda Carabta.

Ciidamo Itoobiyaan ah oo hor leh oo shalay ka soo degey Magaalada..

Wararka naga soo gaaraya Magaalada Baydhabo oo xarun ku meel gaar ah u ah Dowladda Federaalka waxay sheegayaan in maalintii shalay ahayd dhowr Diyaaradood oo ay leedahay Dowladda Itoobiya ay ka soo degeen Garoonka Diyaaradaha ee Magaalada Baydhabo, waxaana Tiradooda lagu qiyaasay ilaa iyo 300 oo Askari iyagoo ku biiray kuwo halkaasi horey u joogay.

Inkastoo Dowladda Federaalka ay dafirtay in wax ciidamo Itoobiyaan ah ay soo galeen Gudaha Dalka Soomaaliya, hadda Dadka ayaa waxay xaqiijiyeen in Ciidamada Itoobiya ay ku sugan yihiin dhowr gooood oo ka tirsan Goablada Dalka Soomaaliya, kuwaas oo ay sheegeen in ay wataan hub aad u fara badan.

Sidoo kale Maalintii shalay ahayd ayaa Garoonka Diyaaradaha ee gobalada Bakool waxaa iyana ka soo degay labo diyaaradood oo kuwa Milatariga ah oo ay leeyihiin Ciidamada Itoobiya, waxayna sideen hub iyo sahay kala duwan oo la sheegay in loogu talagalay Ciidamada.

Maareeye “Wax ciidamo itoobiyaan ah oo ku sugan Soomaaaliya ma jiraan..”

Max’ed Cabdi Xayir Maareeye oo ah wasiirka War-Faafinta Dowladda Federaalka ayaa shalay shir jaraa’id ku qabtay Magaalada ayaa waxa uu si kulul u beeniyay wararka sheegaya in ciidamo Itoobiyaan ah ay ku sugan yihiin gudaha dalka Soomaaliya.

“Wax ciidamo Itoobiyaan ah oo ku sugan Gudaha wadanka Soomaaliya, Dowladdu kama war qabto” ayuu yiri Maareeye oo sheegay in ay diyaar u yihiin in ay saxaafadda ku martiqaadayaan in ay soo eegaan Goobaha lagu tuhmi karo in ay ku sugan yihiin Ciidamada Itoobiya.

“Waxa ay dadku arkeen waa ciidamadii laga keenay Gobalada Gedo ee tababarka loo keenay Magaalada Baydhabo, waxayna ciidamadaani qayb ka yihiin ciidamo Soomaali ah oo laga soo uruurinayo dhamaan gobalada Soomaaliya’ ayuu yiri Maareeye oo saxaafadda u soo jeediyay in ay qoraan warar xaqiiqda ku dhow, hase yeeshee dhamaan shacabka Soomaaliyeed waxay ka wada dheregsan yihiin in Ciidamo Itoobiyaan ah ay ku sugan yihiin gudaha Soomaaliya

Muxuu ku dhamaaday kulankii C/llaah Yuusuf , Shariif iyo Geedii..

Waxaa kulan saacado qaatay Magaalada Baydhabo ku yeeshay Madaxweynaha Dowladda Federaalka C/llaahi Yuusuf, Guddoomiyaha Barlamaanka Shariif Xasan Sheekh Aadan iyo Ra’isul Wasaare, waxaana kulankaasi la iskula soo qaaday arrimo la xiriira Shirkii Khartuum ee Dowladda Federaalku ka baaqatay, iyo sidii la isaga difaaci lahaa Golaha Maxaakiimta iyo qodobo kale oo la xiriira keenista Ciidamo Shisheeye.

Sheekh Shariif ayaa isagu si weyn uga soo horjeestay in laga baaqdo kulanka Khartuum, isagoo sheegay in Dowladda Federaalku ay tahay dowlad dibuheshiisiineed, sidoo kale waxa uu dhaliilay qaabka ciidamada shisheeye loo keenayo Soomaaliya.

C/llaahi Yuusuf iyo Cali Max’ed Geeddi oo iyagu isku dhinac ah ayaa Guddoomiyaha u sheegay in sababaha ay Dowladdu ugu baaqsaday kulankaasi ay tahay kaddib markii Maxaakiimtu ay ka baxeen qodobo horey loogu heshiiyay, maanta ayaa la filayaa in mar kale ay isugu yimaadaan, waxayna dadka qaar ay sheegeen in ay muuqato saan saan kala qaybsanaan u dhexeysa mas’uuliyiinta sarsare ee Dowladda.

Sheekh Shariif oo shacabka ugu baaqay in ay iska difaacaan..

Guddoomiyaha Golaha Maxaakiimta Sheekh Shariif Sheekh Axmed ayaa mar kale shacabka Soomaaliyeed ugu baaqay sidii ay dalkooda uga difaaci lahaayeen caddowga Ummadda Soomaaliyeed oo uu sheegay in uu yahay Dalka Itoobiya.

W/D Amiin Yuusuf Khasaaro
E-Mail: amiinkhasaaro@hotmail.com

Faafin: SomaliTalk.com | July 24, 2006

Guddoomiyaha Gobolka Banaadir...
ayaa kormeer u kuur galid ah ku tagay garoonka diyaarada qeybta Afisyooni ee magaalada Muqdisho.... AKHRI... July 23

Sheekh Shariif oo la sheegay in uu dib ugu yeeranayo xubnihii ka joogey Khartuum
»Maxaakiimta iyo Isbahaysiga SNA oo uu socdo wadahadal..
»Dowladda Itoobiya oo ku faraxsan tahay in ay gasho wadan
»DFKMG oo ku kala qaybsantay Ciidamada Itoobiya..
»Warar ku saabsan Ciidamada Itoobiya ee soo galey dalka
»Dowladda FKMG oo Ciidamada Itoobiya kula talisay in…
Wararka oo dhan ka akhri halkan... Guji... July 22