Daabaco Boggan | Print

Ra'iisul wasaaraha Ethiopian Meles Zenawi oo wajiga qabsaday markii uu khudbada jeedinayey Xoghayaha Guud ee Qaramada Midoobey Kofi Annan, khudbadaas oo ku saabsanayd arrimaha Afrikaanka, taas oo uu  July 1, 2006 ka jeediyey kulanka Midowga Afrika uga socda caasimada dalka Gambia ee Banjul. Kulankaas oo laba maalmood soconaya waxaa looga hadlay arrimaha Soomaaliya iyo gobolka Dafur ee dalka Suudaan. Sawirka REUTERS. Warbixinta Khudbadii Annan ka akhri halkan... [:: XABSIGA THAILAND oo lagu ilaawey saddex ka tirsan askarta daraawiishta DGPL::: 01 | 02 | 03 | 04 | 05 | 06 | 07 | 08 | 09 | 10 | 11 | 12 | 13 | 14 ]

Xaflad lagu maamuusayay furitaanka Dugsiga H/dhexe iyo sare ee Xasan Qariidi oo ka dhacday xarunta Dugsiga oo ku taalla Degmada H/wadaag.

Furitaanka xafladdaasi ayaa waxaa aayado Qur'aan ah ka akhriyay C/fitaax Max'ed, kaddib waxaa wacdi baraarujin ka soo jeediyay Sheekh Max'ud Taag, waxaa kaloo codka macallimiinta Dugsiga ku hadlay C/kariin Tuuryare, kaasoo ku dheeraaday faa'iidada ay leedahay waxbarashada.

Waxaa sidoo kale halkaasi ka hadlay wakiil ka socday midowga maxaakiimta islaamiga oo lagu magacaabo Cabdi Aadan Barrow, wuxuuna ka halay muhiimadda ay nabaddu u leedahay waxbarashada, isagoo xusay in nabad la'aanteed aysan waxbarasho suurto gal aheyn.

Xafladdaasi furitaanka dugsiga waxaa ka hadlay wakiil ka socday dalladda waxbarashada SAFE Sheekh Xuseen Calas.

Waxaa sidoo kale xafladda furitaanka  dugsiga ka hadlday maamulaha Dugsiga H/dhexe iyo sare ee Xasan Qariidi C/xaliim Max'ed Sheekh oo isna ka warramay muhiimadda ay waxbarashadu u leedahay bulshada Soomaaliyeed, isagoo xusay in macallimiinta iyo maamulkuba ay xoogga saari doonaan sidii ay ardayda aqoontooda kor ugu qaadi lahaayeen, wuxuuna ballan qaad buuxa ku bixiyay in intii karaankooda ah ay ku dadaali doonaan sidii ay aqoon ku filan u gaarsiin lahaayeen bulshada, wuxuuna ka codsaday waalidiinta ardayda iyo guddiga deegaanka inay gacan ka geystaan meel marinta hadafka laga leeyahay waxbarashada ardayda.

Xafladdaasi oo si heer sare loo soo qaban qaabiyay isla markaana uu xiriirinayay Macallin C/qaadir Sheekh Dheeroos ayaa gabagabadii waxaa warbixin ka jeediyay Guddoomiyaha mu'asada dugsiga dhistay Eng. Xasan Cabdulle, waxaana hadalladiisa ka mid ahaa:

Dugsigan waxaa dhisay oo maal geliyay hay'adda UNHCR oo ka mid ah internatinal Agencies  waxaana maal gelinta bixiyay ninka Xamar wakiilka uga ah hay'addaas, waxay bixiyeen qarash dhan 29454 doolar, waxaa lagu dayactiray oo shaqada qabtay oo dhaqan geliyay hay'adda SAHDO Somali Action For Humanitarian & Development Organization, waxaa guddoomiye ka ah Eng. Xasan Cabdulle Max'ud, shaqada dhismaha dugsiga waxay socotay afar bilood, wuxuuna ka kooban yahay 12 fasal, lix musqul iyo maqaayad iyo masaajid, sidaas darteed waxaa dhaqan geliyay howsha tan oo kaalin weyn ka geystay maadaama goobta dugsiga la dhisay ay ka mid tahay goobaha ugu xun ee dagaalku saameeyay Guddiga deegaanka oo uu guddoomiye ka yahay Axmed Siciid ku xigeenkiisana uu yahay Cumar Max'ed shariif.

Guddoomiyaha Mu'asada Dugsiga H/dhexe ee Xasan Qariidi Eng. Xasan Cabdulle Max'ed waxa uu u mahad celiyay guddiga deegaanka iyo dadka deegaanka kaalinta mugga leh oo ay ka qaateen dhismaha dugsiga, waxaa intaa dheer dhismaha dugsiga waa la dhameystiray, xafiiska dugsiga waa la qalabeeyay, kuraasta iyo miisadaha waa diyaarsan yihiin, dugsigana waa furan yahay saacaddan laga bilaabo.

Muuse Maxamuud Jiisow

Muqdisho Somalia

Somali39@hotmai.com

002521576666

Faafin: SomaliTalk.com | July 24, 2006