::: SomaliTalk.com :::

Machadka Somali Peace Institute (SPI) oo qabtay dood Cilmiyeed ku saaban xoojinta Nabadda!!?

Waxaa maalintii shalay ahayd Hotel Peace ee Magaalada Muqdisho lagu qabtay dood cilmiyeed ku saabsanayd (Sidee loo xoojin karaa nabadda haatan ka jirta Magaalada Muqdisho) waxaana soo Qaban-qaabiyey Machadka nabadda Soomaaliyaeed, Somali Peace Institute (SPI) waxaana ugu horeyntii warbixin ka soo jeedyey Gudoomiyaha Machadka C/llaahi Max’ed Xasan (Black) wuxuuna sheegay in 25-Bisha luulyo ee ku began tahay markii Machadka la furay oo ah sanadkii 2004 wuxuuna sheegay intii uu jiray uu gacan ka gaystay sidii Gayiga Soomaaliya nabad looga soo dabaali lahaa asagoo sheegay in uu qabtaySiminaaro la xiriira dhinaca Nabada,

Black & C/risaaq

Black iyo Gabayre

Cabdulaaahi Black

Mudane Black wuxuu sheegay in Machadka uu haatan diyaarinayo siminaaro la xiriira dhinaca Nabada gaar ahaan sidii loo xoojin lahaa nabadda ka soo cusboonaaday Magaalada Muqdisho sidoo kale waxa uu sheegay in Machadka uu soo saari doono Wargays inta badan ka hadli doono arrimaha Nabadda

Maxamuud C/kariin Gabayre oo ah Gudoomiyaha Midowga Ganacsada Soomaaliyeed oo isna halkaa ka hadlay ayaa waxaa uu sheegay in Ganacsada Soomaaliyeed ee qayb ka qaateen Nabadda iyo waliba hormarinta wadanka, wuxuu sheegay in Ganacsi Soomaaliyeed ku nool yihiin kumaan kun Soomaali ah laga soo bilaabo Dekadda ilaa Dukaanka ugu hooseeye sidoo kale wax uu sheegay in ganacsada ee ahaayeen kuwa markasta gacansiiya dadka dhibaateysan,

C/laahi Max’ed Shirwac oo ku hadlayey Magaca Bulshada Rayidka Soomaaliyeed ayaa waxa uu sheegay Bulshadda Rayidka ay haatan diyaar u yihiin xoojinta nabadgalyada ka jirta dalka gaar ahaan Magaalada Muqdisho sidoo kale waxa uu sheegay in ay gacan ka gaysan doonaan sidii lagu soo dhaweyn lahaa Dowladda Fedaraalka iyo Golaha Maxaakimta taasoo uu sheegay in lagu gaari karo nabad buuxda waxa uuna u soo jeediyey Dowladda Federaalka iyo Golaha Maxaakiimta in ay ka wada qayb galaan Shirka Kharduum,

C/naasir Axmed Cismaan oo ah Gudoomiyaha Hay’adda INXA wuxuuna isna ku dheeraaday Taariikhdii Bulshada Rayidka asagoo sheegay Bulshada Rayidka ee haayeen kuwii ugu horreeyey Hogaamiya kooxeedyada oo ayaga ahaa kuwa ka soo horjeestay Nabada iyo dib u heshiisiinta ummadda Soomaaliyeed ku hor Banaanbaxay , Bulashada Rayidka waxay ahaayeen kuwii dhiiri galiyey Xorriyada saxaafada iyo Xorriyatu-Qowlka, wuxuuna sheegay in maanta Bulshada Rayidku ee diyaar u yihiin xoojinta nabadda ka soo iftiintay Magaalada Muqdisho,

Raaliya Amiin

Aamino Caaji

Xidhibaan Axmed Diiriye

Walaayo CabdiNaasir

Maryan Xuseen Owreeye ayaa waxa ay sheegtay ayadoo ku hadlaysay Magaca Haweenka Soomaaliyeed waxayna sheegtey in Haweenka Soomaaliyeed ee ahaayeenh kuwa ka qayb qaadin jiray nabada iyo dib u heshiisiinta laga soo bilaabo waqtigii xorriyada ilaa maanta ayadoo sheegtey in dhibkii ka dhacay dalka uu xoogiisa ku dhacay Haweenka Soomaaliyeed ayadoo taasi jirto ayey hadana waxa ay weli u taagan yihiin adkaynta Nabadda,

Xildhibaan Axmed Diiriye oo ka hadlay dood cilmiyeedkaas wax uu sheegay in maanta Muqdisho ay ka muuqato astaan nabadeed “Markii la dhisay Dowlada oo aan ku soo laabanay waxaan damacnay in wax ka qabano Nabadgalyada iyo Uruurinta maleeshiyooyinka hase yeeshee taasi waa lo agaa halkii ay ku dambaysay, markii aan ka tagnay waxaan milicsanaynay Muqdisho oo wali ku jirta bur iyo nabadgalyo xumo balse halkii ayaan ka sii wadnay howshii Magaalada muqdisho lagu nabadeyn lahaa waa Ilaah Mahaddii maanta taase waa laga baxay rag baa u duubtay in Muqdisho nabad ku soo dabaalaan,” ayuu yiri Xildhbaan Axmed diiriye,

Waxaa kaloo halkaas ka hadlayey C/qaadir Maxamuud Walaayo wuxuuna asna ka hadlay doorka looga baahan yahay saxaafada gaar ahaan dhinac nabadda wuxuuna sheegay saxafiga markasta looga baahan yahay wadananimo waayo ayuu yiri wadankeena Maanta Gobollo ka tirsan waxaa haysta Cadowga ummadda Soomaaliyeed waxaan saxaafada laga doonayaa in ay ka qayb qaataan sidii looga hortigi la haa Cadowga ummada Soomaaliyeed isla markaana ay Bulshadda ku Buraarujiyaan sidii wadanka nabad loogu soo dabaali lahaa.

Waxaa kaloo halkaasi ka hadlay Mas’uul ka socday Golaha Maxaakiimta oo lagu magacaabo Sheekh Xuseen Jimcaale, waxa uuna sheegay in shacabka looga baahan yahay in ay ka faa’iideystaan nabadda, isla markaana Alle u toobad keenaan

C/risaaqa Aadan oo ah Aas-aasihii Machadka ayaa waxa uu sheegay in dadka soomaaliyeed ku nool dibadaha ay aad ugu farxeen isbedalka ka dhacay Magaalada Muqdisho asagoo sheegay in Machadka wixii haatan ka dambeeye howlihisa uu ku balaarin doono wadanka oo dhan si nabada loo loo xoojiyo wuxuuna u soo jeediyey Dowlada Fedaraalka iyo Maxkamadaha in la yimaadaan dabacsanaan iyo jawi wanaagsan oo lagu wada hadli karo wuxuuna u soo jeediyey Dowladda Itoobiya in Ciidamadeeda ay kala baxdo wadanka Soomaaliya arrimaha taagana loo daayo ayaga si ay u xalistaan.

W/D: Amiin Yuusuf Khasaaro

E-mail: amiinkhasaaro@hotmail.com