WARARKII:: JULY 26, 2006
-
Banaanbax looga soo horjeedo in Villa
Soomaaliya lagu wareejiyo Maxkamadah oo ka dhacay..
-
Francois Fall oo fara marnaan kala tegay
Magaalada Muqdisho..
-
Dowladda Itoobiya oo lagu cadaadinayo
in.Ciidamadeda kala baxdo Soomaaliya.
-
Magacyada Xubnihii golaha
Maxaakiimta uga qaybgaley Shirkii Suudaan..
-
Tikniko iyo Maleeshiyo lagu wareejiyay Golaha
Maxaakiimta...
-
Dadwayne badan oo dhawaan lagu xidhxidhay
Qabridaharre.
Banaanbax looga soo horjeedo in Villa
Soomaaliya lagu wareejiyo Maxkamadah oo ka dhacay..
Maalintii shalay
ahayd ayaa la filayay in Golaha Maxaakiimta Islaamiga ah lagu wareejiyo
Villa Somalia iyo Radiyihii Qaranka, hase yeeshee arrintaasi waxaa ku yimid
hakad, kaddib markii agagaarka Villa Somalia uu dhacay banaanbax looga soo
horjeedo in Golaha Maxaakiimta lagu wareejiyo Villa Somalia, waxayna dadkii
banaanbaxayay isugu jireen Haween, Dhallinyaro iyo Carruur, waxayna gubayeen
Taayiri iyo Qashin, iyagoo jidka ku gooyay dhagxaan.
Qaar waxay ku
dhawaaqayeen “Villa Somalia wareejinteeda lagalama tashan mas’uuliyiinta
sare ee Isbahaysiga SNA”, halka kuwa kalana ku dhawaaqayeen “Waxaa Golaha
Maxaakiimta heshiis la galay shaqsiyaad aan matalin Isbahaysiga SNA”.
Banaanbaxaasi oo socday mudo ayaa mar aan wareysanay qaar ka mid ah dadkii
banaanbaxayay ayaa wuxuu mid ka mid ah yiri “meeshaan dhiig badan ayaa ku
daatay ma ahan in si sahal la isaga wareejiyo”, waxaan daba dhigay su’aal
ahayd “Haddii la wareejiyo maxaad qabaneysaan?”, wuxuu ku jawaabay “Anagu
dagaal diyaar uma nihin laakiin waa in marka hore lala xiriira
mas’uuliyiintii Isbahaysiga SNA”.
Mas’uuliyiin kale
oo iyana ka tirsan Isbahaysiga ayaa waxaan weydiiyay in Xuseen Caydiid uu ka
warqabo in Maxaakiimta lagu wareejiyo Villa Somalia, waxayna yiraahdeen
“Xuseen Caydiid waan la xiriirnay, waxa inoo sheegay in uusan ka warqabin
heshiis dhex maray Golaha Maxaakiimta iyo Isbahaysiga SNA”. Villa Somalia
waa meesha keliya ee haatan u harsan Golaha Maxaakiimta, iyadoo dhamaan
goobihii kale ee ku yiilay Muqdisho lagu wareejiyay Maxaakiimta Islaamiga
ah, waxaana ka mid ah Dekaddii weyneyd ee Magaalada Muqdisho iyo waliba
Garoonkii Diyaaradaha, isku soo wada duuboo Maxaakiimta ayaa iyagu aad u
daneynaya in ay si dhaqsi leh ula wareegaan xarunta Madaxtoonyadii hore ee
Villa Somalia iyo waliba Raadiyihii Qaranka ee haatan lagu magacaabo Codka
Shacabka.
Francois Fall oo fara marnaan kala tegay Magaalada
Muqdisho..
Waxaa maalintii shalay
ahayd Magaalada Muqdisho soo gaaray Wakiilka Qaramada Midoobey ee Soomaaliya
Francois Fall, waxa uuna la kulmay Golaha Maxaakiimta Islaamiga ah.
Kulankaan oo ka dhacay
Hotel Ramadaan ayaa ujeedada uu yimid Wakiilku waxa ay ahayd sidii uu u eegi
lahaa xaalada Muqdisho iyo sidii uu Golaha Maxaakiimta uga dhaadhicin lahaa
in ay ka qaybgalaan shirka Khartuum, kaddib markii wafdigii Golaha
Maxaakiimta ay dib ugu soo laabteen Magaalada Muqdisho.
Wakiilka ayaa soo eegay
goobo ku yaala Magaalada Muqdisho gaar ahaan goobaha ay ka socdeen howlaha
Nadaafadda, waxa uuna sheegay in Muqdisho haatan ammaankeedu uu yahay mid la
isku halleyn karo.
Francois Fall ayaa
Maxaakiimta ka dhaadhicin waayay in ay ka qaybgalaan kulanka Khartuum,
waxayna shuruud uga dhigeen in marka hore Dowladda Itoobiya ay ciidamadeeda
kala baxdo Gudaha Dalka Soomaaliya.
Wakiilka ayaa intii
uusan soo gaarin Magaalada Muqdisho waxaa uu Baydhabo kula soo kulmay
Xubnaha Sare ee Dowladda Federaalka, waxayna u sheegeen in ay diyaariyeen
guddi Dowladda Federaalka uga qaybgala kulanka Khartuum, waxaana hogaaminaya
Shariif Xasan Sheekh Aadan.
Dowladda Itoobiya oo lagu cadaadinayo in.Ciidamadeda
kala baxdo Soomaaliya.
Dowladda Itoobiya ayaa
dhawaan qiratay in ciidamo ay leedahay qiratay in ay galeen Gudaha Dalka
Soomaaliya, iyadoo sheegtay in ay difaaci doonto Dowladda Federaalka ah ee
lagu dhisay dalka Kenya oo haatan fariisin u ah Magaalada Baydhabo.
Wadamada IGAD ayaa la
sheegay in Dowladda Itoobiya ay ku cadaadinayaa in ay Ciidamadeeda kala
baxdo Gudaha Dalka Soomaaliya, waxaana wadamadaasi ugu horeeya wadanka
Suudaan oo isagu martigelinaya kulanka dhex maraya Maxaakiimta iyo Dowadda
Federaalka kaddib markii ay Maxaakiimtu sheegeen in aysan ka qaybgali doonin
kulankaasi inta ay Ciidamo Itoobiyaan ah ku sugan yihiin Dalka.
Mucaaradda Dalka
Itoobiya ayaa la sheegay in Dowladda Itoobiya ay ku cadaadinayaan in
Ciidamadeeda kala baxdo Soomaaliya, iyadoo la sheegay in ay saameyn balaaran
ku yeelan karto wadanka Itoobiya oo ay degan yihiin Malaayiin Muslimiin ah.
Magacyada Xubnihii golaha Maxaakiimta uga qaybgaley Shirkii Suudaan..
Waxaa maalintii shalay
ahayd Magaalada Muqdisho dib ugu soo laabtay xubnihii Golaha Maxaakiimta uga
qaybgalay shirkii Khartuum kaasoo markii dambe baaqday kaddib markii ay
halkaasi ka soo xaadi wafdigii Dowladda Federaalka, iyadoo Dowladda
Federaalkuna ay shalay ogolaatay in ay ka qaybgasho kulankaasi.
Wafdiga waxaa
hogaaminayay Prof. Ibraahim Xasan Caddow, waxaana ku wehliyay Sheekh Axmed
Bile, Dr. Max’ed Cabdi, Dr. Daahir Maxamuud Geele, Axmed sheekh C/llaahi,
Axmed Cabdi Samad, Sheekh Cusmaan, Khaliif Warsame, C/raxmaan Max’ed Odawaa,
C/qaadir Macallin Max’ed, Max’ed Diirshe iyo Sheekh Cumar Axmed Weheliye iyo
xubno kale, waxaana soo qabanqaabiyay shirkaan Jaamacadda Carabta gaar ahaan
Dowladda Suudaan.
Shariif
Xasan oo Dowladda uga qaybgalaua shirka Khartuum...
Maalintii shalay ahayd ayaa Dowladda
Federaalka waxay magacowday guddi ka kooban 15-xubnood oo wada xaajood la
gali doona Maxaakiimta Islaamiga ah, waxa uuna guddigaasi hogaamin doona
Guddoomiyaha Baarlamaanka Shariif Xasan Sheekh Aadan, waxaa la filayaa wada
hadalkku in uu dhaco 2-da Bisha Augusta ee foodda nagu soo haysa.
Magacaabista Guddigaani waxay ku soo
began tahay xili Magaalada Muqdisho shalay ay ku soo baalteen xubnihii
Golaha Maxaakiimta ee la filayay inay wada hadal la galaan Dowladda
Federaalka kaddib markii uu guddigaasi u yeeray Guddoomi-yaha Golaha
Maxaakiimta Sheekh Shariif Sheekh Axmed.
Shalay ayaa Golaha maxaakiimta waxay
sheegeen in aysan marnaba wada hadal la yeelan doonin Dowladda Federaalka
inta wadanka ay ku soo hogaamineyso ama ay joogaan Ciidamada Itoobiya.
“Waxaan wada
hadal la yeelan karaan marka ciidamada Itoobiya ay ka baxaan dhamaan gayiga
Soomaaliyeed” ayay yiraahdeen Golaha Maxaakiimta oo sheegay in ay markasta
diyaar u ahaayeen in ay wada hadal la galaan Dowladda Federaalka si loo
dhameeyo khilaafka u dhexeeya iyaga iyo Xukuumadda.
Tikniko iyo Maleeshiyo lagu wareejiyay Golaha
Maxaakiimta...
Waxaa maalintii shalay
ahayd Golaha Maxaakiimta Islaamiga ah lagu wareejiyay Tikniko iyo Maleeshiyo
ku sugan deegaanka Sii-Sii, halkaas oo ahayd halkii ay Maxaakiimtu ku galeen
dagaal socday mudo dhowr maalmood, kaasoo dhaliyay khasaaro naf iyo maalba
leh.
Tiknikada lagu
wareejiyay Golaha Maxaakiimta oo gaareysay labo Gaari iyo 120 maleeshiyo
ayaa waxaa la filayaa in wixii haatan ka dambeeya ay ka mid noqdaan Golaha
Maxaakiimta, waxaa wareejintaasi ka hadlay mas’uuliyiin ka socotay Golaha
Maxaakiimta oo u mahadceliyay intii ka soo shaqeysay howshaasi.
Waxaa maalmihii
la soo dhaafay socday wareejin hub iyo maleeshiyooyin lag u wareejinayo
Maxaakiimta Islaamiga ah, waxaana ugu dambeeyay Maleeshiyo iyo hubkoodii oo
lagu wareejiyay Golaha Maxaakiimta kuwaas oo fadhigoodu ahaa Wadada Maka Al-Mukurama,
waxaana la filayaa in maalmaha soo socda lagu wareejiyo Maxaakiimta hub iyo
maleeshiyooyin ku sugan magaalada Muqdisho.
oo qabtay dood Cilmiyeed ku saaban
xoojinta Nabadda
Akhri
Wararkii Puntland ee
July 25, 2006.... AKHRI...
- 120 Soomali ah oo Laga Soo
Tarxiilay Dalka Cumaan Xilli ay ku Jireen Shaqadooda...
- Guddoomiyaha Rugta Ganacsiga
Puntland oo Garoowe Lagu doortay.
- Siciid-Suujino oo loo magacabay
Wakiilka Isboortiga Puntland u fadhiya Scandanevian-ka.
- Axmed Cigaal Cawaale oo loo
doortay Guddoomiyaha Olimbigada Puntland.
- C/risaaq Sheekh Adduun ayaa loo
doortay in uu Noqdo Guddoomiyaha Golaha Sare ee NUSOJ..
-
Wararka oo dhan
akhri....
Faafin:
SomaliTalk.com |July 26, 2006
Barnaamijkii Radio Xoriyo
25 July 2006
-
Dadwayne badan oo dhawaan lagu xidhxidhay Qabridaharre.
-
Kulan
wayne ay Jaaliyadda Kanada qabatay.
-
Ciidammo kale oo Itobiyan ah oo Baydhabo yimid.
-
Bannaanbax Itoobiya ka dhan ah oo ka dhacay magaalada Muqdisho.
-
================================
Ciidammada
gumaysiga Itoobiya ayaa dhawaan Magaalada Qabridaharre ku soo xidhxidhay
dadwayne rayad ah oo aad u fara badan, kuwaasoo la sheegay in laga soo
qaqabtay magaalooyinka Dhanaan, Dalaad iyo Laas-dhankayrre.
Dadkan waxay ciidammada
nacabka ah ee gumaysatada Itoobiya soo xidhxidheen intii ka denbaysay
markii ay ciidammada xoreynta Ogaadeenya diyaarada ka soo rideen wadday
saraakiil ku jiray hawlgal millatari, kuwaasoo dhammaantood ku dhintay
diyaaraddaas.
Dhinaca kale daba-yaaqadii
toddobaadkii hore ayaa la sheegayaa in maydka gabadh shacab ah laga
helay meel aan ka fogayn xeryaha millatariga ee gumaysiga Itoobiya ku
leeyahay magaalada qabridaharre. Gabadhan, oo aanaan wali helin
magaceeda, waxaa la sheegay inay ka mid ahayd maxaabiistada faraha badan
eek u xakamaysan xeryaha gumaysiga ee magaalada qabridaharre.
Warar kale ayaa jira oo
iyaguna sheegaya in meesha lagu magacabo Qolqolow ay ciidammada
gumaysiga Itoobiya ku dileen labo nin oo shacab ah daba-yaaqadii
toddobaadkii hore. Labadan nin ee la dilay wali nooma suuragalin inaan
magacyadooda helno.
Kulan wayne ay
Jaaliyadda Kanada qabatay.
Maalintii sabtida ahayd
ee bisha Juulaay 22-ka ahayd waxaa magaalada Toronto ee dalak Kanada
lagu qabtay kulan wayn oo dad aad u fara badani ka soo qayb galeen,
kaasoo uu soo qabanqaabiyay Ururka Jaaliyadda Soomaalida Ogaadeenya ee
Ontario. Kulankan waxaa dadka ka soo qayb galay ka mid ahaa wasiirkii
hore ee socdaalka ee dalka Kanada Judy Sgro, oo haatana ah xildhibaan ka
tirsan Baarlamaanka kanada.
Kulankan, oo ah mid uu
Ururku sannadkiiba hal mar qabto, waxaa lagaga hadlay arrimo badan oo la
xidhiidha halganka Ogaadeenya iyo sidii loo sii xoojin lahaa taageerada
loo hayo halganka Ogaadeenya.
Kulankaas waxaa warbixin
waafi ah ka soo jeediyay maamulka Jaaliyadda Ogaadeenya ee dalka Kanada,
kuwaasoo ka xogwarramay waxqabadka Jaaliyadda iyo heerka uu marayo
halganka Ogaadeenya ee JWXO hormuudka ka tahay.
Waxaa kulankaas hadal
dheer ka jeedisay wasiirkii hore ee socdaalka ee dalka Kanada Judy Sgro,
oo sheegtay inay toddobadii sano ee u denbeeyay ay xidhiidh wanaagsan oo
wadashaqayneed la lahayd Jaaliyadda Ogaadeenya, waxayna ballanqaaday
inay sii laban-laabi doonto xidhiidhka iyo war-haynta ay la leedahay
xafiiska Jaaliyadda Ogaadeenya.
Ciidammo kale oo
Baydhabo yimid.
Wararka naga soo
gaadhaya dhinaca Soomaaliya ayaa sheegaya inay jimcihii soo gaadheen
magaalada Baydhao ee xarunta u ah dawlada ku meelgaadhka ah ee
Soomaaliya saraakiil ka socota dalka Uganda iyo ciidammo 30 gaadhaya oo
saraakiishan la socday. Saraakiishan iyo ciidammada Uganda ka socda ayaa
la sheegaya inay hordhac u yihiin ciidammo dhawr boqol gaadhaya oo
toddobaadkan la filayo inay soo yimaadaan magaalada Baydhabo, oo horay u
sii joogeen ciidammo aad u fara badan oo toddobaadyadii u denbeeyay ay
xukuumadda Itoobiya ku soo daabushay dalka Soomaaliya.
Saraakiisha reer Uganda
ayaa la sheegayaa inay kulanno la yeesheen madaxda dawlada ku
meelgaadhka ah ee Soomaaliya. Madaxwaynaha dawlada ku meelgaadhka aha ee
Soomaaliya ayaa mar aan fogayn madaxwaynaha Uganda ka codsaday inuu la
soo gaadho ciidammo gurmad ah oo ilaaliya xarunta dawlada ku meelgaadhka
ah ee Baydhabo.
Warar kale oo laga helay
madaxda dawlada ku meelgaadhka ah ee Soomaaliya ayaa sheegaya in dalka
Kenya uu isaguna Baydhabo u soo diri doono ciidammo gurmad ah oo dawlada
ku meelgaadhka ah ka ilaalin doona weerarro kaga yimaada Golaha
maxkamadaha Islaamiga Soomaaliya ee haysta magaalada Muqdisho iyo
nawaaxigeeda.
Ciidammo Itoobiyaan ah
ayaa in dhawaalaba lagu soo daabulayay meelo ka mid ah gobollada Gedo,
Bakool iyo Bay, iyadoo cutubyo ciidammada Itoobiya ka mid ah oo aad u
hubaysani ay toddobaadkii hore galeen magaalada Baydhabo, isla markaana
la wareegeen gacan haynta meelaha muhiimka ah ee magaalada Baydhabo.
Ciidammada Itoobiya ayaa
sidoo kale la wareegay gacan ku haynta garoonka diyuuradaha ee magaalada
Waajid, halkaasoo ay iyagu maamulayaan howlaha duullimaadka garoonka.
Ciidammadan Itoobiyaanka ah ee la wareegay garoonka waajid ayaa la
sheegayaa inay yihiin ciidammo hal Guuto dhan oo aad u hubaysan.
Intii ay ciidammadan
Itoobiya qabsadeen garoonka dayuuradaha ee magaalada Waajid waxaa
garoonka ku soo dagay diyaarado millatari oo waday hub iyo ciidan
Itoobiyaan ah.
Ciidammada Itoobiyanka
ah ee waajid qabsaday waxay cabsi iyo khalkhal aad u badan ku abuureen
dadwaynihii ku dhaqnaa magaalada Waajid, waxayna iyagoo kooxo-kooxo ah
wareegayaan oo dusha ka ilaashanayaan suuqyada magaalada, iyagoo si
gooni ah ugu dhabba-galaya dukaamada iyo meelaha laga cunteeyo.
Ciidammadii Itoobiyaanka
ahaa ee horay u fadhgiyay magaalada Baydhabo waxaa ku soo biiray
ciidammo badan oo wata ilaa iyo 64 gaadiidka dagaalka ah oo isugu jira
gawaadhi madaafiic jiidaysa iyo Booyadaha shidaalka.
Ciidammada Itoobiya ayaa
la sheegayaa inay fadhiisino ka samaysteen afar meelood oo magaalada
Baydho ka xiga dhinaca magaalada Muqdisho.
Dhinaca kale
guddoomiyaha guddiga fulinta ee Golaha Maxakamadaha Islaamiga ayaa
dadwaynaha soomaaliyeed ugu baaqay inay u diyaar garoobaan sidii ay
isaga difaaci lahaayeen ciidammada duullaanka ah ee Itoobiya oo ay
dalkooda iyo diintoodaba ugu difaaci lahaayeen.
Bannaanbax Itoobiya
ka dhan ah oo ka dhacay magaalada Muqdisho.
Bannaanbax ballaadhan oo
lagaga soo horjeedo faragalinta qaawan ee xukuumadda Itoobiya ku hayso
arrimaha dalka Soomaaliya ayaa isniintii lagu qabtay garoonka Ciyaaraha
ee magaalada Muqdisho.
Bannaanbaxan waxaa ka
qaybgalay dad kumannaan qof gaadhaya oo ka kooban dhammaanba bulshada
qaybaheeda kala duwan, dadkaasoo bannaanbaxan ku muujinayay sida ay uga
soo horjeedaan ciidammada Itoobiya ee soo galay meelo ka mid ah dalka
Soomaaliya.
Guddoomiyaha guddiga
fulinta ee Golaha Maxkamadaha Islaamiga Sh Shariif Sh Axmed oo ka
hadlayey banaanbaxaas ayaa sheegay in qabiilka Tigreega ee hadda u
taliya Itoobiya uu yahay midka horkacaya dhibaatada had iyo goore loo
maleego bulshada soomaaliyeed. Wuxuu kaloo sheekhu sheegay in Golaha
Maxkamadaha islaamigu uu diyaariyay ciidammo loogu talagalay inay dalka
ka difaacaan cadowga Itoobiya.
Dadkii bannaanbaxan ka
soo qayb galay ayaa gabagabadii bannaanbaxa waxay garoonka badhtamihiisa
ku gubeen calanka gumaysatada Itoobiya.
25 July
2006.
Axmed
Gaal-Eri
Info@radioxoriyo.com
raadioxoriyo@yahoo.com
Radio Xoriyo
waxaad ka dhegaysan kartaa Mawjadda 25 MB ee dhererkeedu yahay 11865
KHZ,iyo internetka Radioxoriyo.com,Ogaden.com Maalmaha Talaadada iyo
Jimcaha 7: 30PM waqtiga Afrikada Bari
Dowladaha IGAD oo
ku kala Qaybsamay Ciidamada Itoobiya ee ku sugan Soomaaliya..
»C/llaahi Yuusuf “Imisa ayaan Qanyarow ku lahaa
la shaqeey
»Iska hor imaad shalay ka dhacay agagaarka Siinaay..
»Sheekh Shariif oo sheegay in ay u Diyaargaroobeen iska..
Wararkii oo dhan
ka akhri halkan... GUJI... July 25
Xagaabixii 2aad
ee Qoysaska Soomaaliyeed ee Sweden
Xagaabax la yaab leh, xagaabax lama illaawaan
ah iyo horumar cusub oo ay soomaalida qurbuhu...
Akhri...
July 25
MAGACYADA DADKA RAYIDKA AH EE LA DILAY MUDDADII U DHAXAYSAY
22KA JULY 2005 – 20KA JULY 2006
Bannaanbax
Ballaaran oo Ka Dhacay Muqdisho
Banaan bax ballaaran oo looga soo
horjeedo fara gelinta dowladda Itoobiya oo ka dhacay Garoonka K/cagta
Stadium Banadir...
Akhri...
Wafdi Liibiyaan
ah oo marti u ah Maxaakiimta..
»Sheekh Aweys “Qanyare
waxa uu hoos galay Cadddowgii..
»Ciidamo Itoobiyaan ah
oo hor leh oo shalay ka soo degey..
»Maareeye “ciidamo
itoobiyaan ah oo kuma sugana dalka...
»Muxuu ku dhamaaday
kulankii C/llaahi, Shariif iyo Geedii..
»Sheekh Shariif oo
shacabka ugu baaqay iska difaacid..
Wararka oo dhan
ka akhri halkan... Guji.... July 24
Kalfadhigii Golaha
Wakiilada Puntland oo Lagu soo Qaaday meel marinta Sharciga Caasimada
Garoowe
Sharciga
Caasimada Puntland ee Garoowe Yuu Gacanta ugu Jiraa
AKHRI
Muqdisho:
Xaflad lagu
maamuusayay furitaanka Dugsiga H/dhexe iyo sare ee Xasan Qariidi ... AKhri...
Saddaam Xuseen oo
cisbitaal loola cararay
Dood-Cilmiyeed:
Isbedelka Cusub ee Soomaaliya
Aqoonyahanno ku sugan dalka Canada ayaa ka hadlay kacdoonka Soomaaliya iyo
raadka uu... Dhegeysi...
Daabaco
Boggan | Print
