Taladaan
la Ruugin, Waa Lagu Rafaadaa
Marka
hore mahad idilkeed Allaah, ayaa iska leh, kadibna waxaan hambalyo iyo bogaadin
u durayaa Midowga maxaakimta oo runti, gaaray guul aad iyo aad u weyn, oona ah
guul ay dadka soomaalida ah ee wanaag doonka ah waayanhan ka sheekeyn doonaan.
Intaas
kadib waxaan aad iyo aad ula yaabay nimanki qab qablayaasha ahaa, oo lix iyo
toban sano ku kor soconayay ummadda soomaaliyeed, oo diiday wanaag, heshiis,
waan waan iyo wax walboo loola tagay, ku qanci waayay sad ayan xaq u laheyn oo
lagu qanciyay sida kii xildhibaanimada iyo wasiirnimada, oo maanta meel ay ka
galaan Soomaaliya aanan garaneyn.
Taariikhda
faa’idada kaliya ay leedahay waa in dib loo jaleeco waxa horey u dhacay, sida
howluhu u kala socdeen waagi hore iyo in dadku ay cashar u noqoto hadba waxa
dhacay. Immisaa nin is qaad qaaday oo la ogaa meeshuu ku danbeeyay, immisaa
dictator dunida soo martay oo maanta la ogyahay meeshay ku danbeeyeen. Waatuu
wax baddan quraanka nooga sheekeeyay qisooyinki Fircoon, Caad , thamuud iyo wixi
la mid ahaaba.
Qab qablow
waxaan ku oran lahaa dib u akhri taariikhda ay dunida soo martay ama baro
quraanka isagaa wax walba kuu sheegayee. Sidoo kale dadkaaga dhinac ka raac oo u
soo noqo Allaah, towbadu wey furan tahaye.
Intaas
kadib waxa in leys weydiiyo u baahan dhaqaaqan maxaa xiga? Waa su’aal muhiim ah
oo qof kasta oo Soomaaliyeed uu isweydiinayo, una baahan in la taxliiliyo.
Su’aashu labo dhinac ayey si toos ah u abaareysaa, dhinac waa Maxaakiimta
islaamiga. Dhinaca kalena waa dowladda Kumeel gaarka ah.
Aan ku
horeeyo Maxaakiimta Islaamiga ah, haddii Maxkamaduhu ay badiyaan la tashiga
aqoonyahanada, ahlu diinka, waxgaradka, dadka wanaaga u saaxiibka ah, oo
arimahoo dhan la gorfeeyo, oo tallaabo walboo la qaadayo laga fakaro wax baddan
baa qabsoomaya. Leyska joojiyo laab lakaca, ku fududaanshaha awaamiirta, I.W.M.
Waddanka waxa loosoo dhisay dowlad kumeel gaar ah, aragti ahaan waxa ila haboon
in Maxkamaduhu ay mar walba fiiriyaan aragtida ay dowladdu ka qabto, haddii ay
dowladu wanaag ula dhaqmeyso maxkamadaha, oo ay diyaar ula tahay inay la
shaqeyso waxaan oran lahaa gacmo furan halagu soo dhaweeyo, oo halala shaqeeyo.
Ogaada wax baddan baanu u il dareen dowlad la’aan waxba yaan la eegin kutiri
kuteen dowlad cid walba ayaa u baahan, oo mar walba hal wajaho qaabka ay
dowladdu u qaabisho Maxkamadaha.
Mida
Dowladda, waxaan oran lahaa ( enough is enough ) Soomaalidu maanta idinka ayey
idiin fiirinaysaa oo waxqabad baa leydinka doonayaa, qolyo been ah yeysan idiin
durbaan tumin. Soomaalidu waxey ku maahmaahdaa nimaan kuu furi doonin yuusan kuu
rarin. Dagaal waa laga daalay, oo waad ogeydeen xamar sidey 16 sano aheyd,
maanta waxa la joogaa waqtigi gacmaha leys qabsan lahaa oo meel qura loo abaari
lahaa, waxaan idiin leeyahay maxkamadaha dowladu ha siiso kalsooni buuxda oo
halala shaqeeyo.
Haddii kale meel fulaan argagixiso ayaa joogta iyo
faarax baa halkan jooga waqti baddan baa ku dhumaya ee Madaxweyne Cabdullaahi
Yuusuf waxaan oran lahaa waxaad joogtaa waqtigi aad ka dhabeyn laheyd ,
oday soomaaliyeed oo Soomaali aad baab cusub u furi laheyd. Ogow waxaad
madaxweyne u tahay soomaali oo dhan, ee laguma oran dadka qaar baan dadkaaga ka
tirsaneyn.
Mar kale
waxaan ku celinayaa Soomaaliyey wax tegay tiigsimaad ma leh, ee maanta aanu
fursandan qaaliga ah ka faa’ideysano. Gidigeen waanu isu baahan nahay Wadaad,
waranle, Siyaasi, aqoonyahan, Culumo iyo cid walba ee aanu meel uga soo jeesano
horumarka dalkeena, Allaahna talo saarano.
Mar kale
Guul Maxkamadaha, waxaana idiin leeyahay allaha idiin fududeeyo howshiina,
caqliga ha shaqeeyo, Latashigana badiya.
Ugu
danbeyn waxaan fursandan uga faa’ideysanay dhammaan Aqoonyahanada Soomaaliyeed,
meel walboo ay joogaan inay ka qeyb qaataan sidi ay dalkood wax ugu qaban
lahaayeen, oo ay fikirkooda iyo aqoontooda u geyn lahaayeen hadba tuuladi ay ka
yimaadeen ama magaalda,
Wabilaahi Towfiiq
Cabdixakiim jaamac Jooje.
saicentadv@yahoo.com
Afeef: Aragtida qoraalkan waxaa leh qoraaga ku
saxiixan
Faafin:
SomaliTalk.com | June 7, 2006
Maxkamadaha Islaamiga: Fari kama Qodna Faanoole..
C/risaaq Xaaji Xuseen Is kama
hadlin!! | 
Daabaco
Boggan | Print