::: SomaliTalk.com :::

Jimcadii, Sept 1, 2006, waxaa magaalada Minneapolis (Convention Center) ka bilowday mu'atamarkii 6aad ee Muslimiinta Woqooyiga AMeerika. Kulankan oo aad uga ballaarn kuwii hore ayaa socon doona saddex maalmood (Jimce, Sabti iyo Axad). Jadwalka ka daabaco Halkan... (pdf)

Mu'tamarkii 6aad ee Muslimiinta W/Ameerika... Jadwalka ka daabaco Halkan... (pdf)

Dowladda Federaalka iyo Golaha Maxaakiimta ayaa maanta magaalada Khatuum ee Dalka Suudaan ku yeelanayan waregii labaad ee wada hadaladii u dhexeeyay labadaasi qaybood.

Kulankaan oo ay dhex dhexaadineyso jaamacadda Carabta ayaa waxaa shalay iyo xalay socday is aragyo gooni gooni ah oo u dhexeeyay labada dhinac, kaasoo ay uga wada hadlayeen sida u noqon doono shirka maanta.

Jaamacadda Carabta ayaa iyadu kulamo gooni gooni ah la yeelatay wufuuda mataleysa labada dhianac, waxayna ka dhaadhicisay in shirku uu noqdo mid ay ka soo baxaan go’aano wax ku ool ah oo u tara ummadda Soomaaliyeed, hase yeeshee ragga u dhuun daloola arrimaha Siyaasadda Soomaaliya ayaa waxay sheegeen in shirkaasi uu yahay mid ay waxba ka soo bixi doonin, maadaama labada dhinac ay kala aaminsan yihiin labo fikradood oo kala duwan oo aan isu soo dhawaaneyn.

150-Milyan oo Doolar oo ay Jaamacadda Carabtu ugu tala gashey Haddii uu Miro dhalo ..

Jaamacadda Carabta oo iyadu qabanqaabineysa kulanka dhex maraya Maxaakiimta Islaamiga ah iyo Dowladda Federaalka, ayaa afhayeen uga hadlay Magaalada Qaahira Jaamacadda Carabta ayaa waxa uu sheegay in haddii uu najaxo shirka Khartuum ay Jaamacadda Carabta bixin doonto lacag deeq ah oo gaareysa 150-Milyan oo doolar.

Lacagtaan ayaa waxaa la sheegay in xoogeeda ay bixin doonaan wadamada ku jira Khaliijka, iyadoo ay lacagtaasi Jaamacadda Carabta ugu talagashay dib u soo nooleynta Hay’adihii Qaranka Soomaaliya, iyo waliba horumarinta Soomaaliya, waxaana lacagtii ugu badneyd ee Jaamacadda Carabtu ugu talagasho Soomaaliya.

Wararka naga soo gaaraya Dalka K/Afrika waxay sheegayan in habeen hore Magaalada Kapetown lagu dilay nin Soomaali ah oo lagu magacaabo Saalax Jaamac oo Ganacsade ahaa waxana dilkiisa loo adeegsaday Toorey, kaddib markii ay soo weerareen Afar nin isagoo xiligaas ku sugnaa goob ganacsi oo uu lahaa.

Waa qofkii 30-aad oo Soomaali ah oo bil gudaheed lagu dilo Dalka K/Afrika, waxaana labo todobaad ka hor dalkaasi lagu dilay Dhowr qof oo Soomaali ah, markii xarumahoodii ganacsiga lagu soo weerary, ilaa iyo haddana Dowladda Wadanka K/Afrika cidna uma qaban dhibaatooyinka loo gaysanayo dadka Soomaaliyeed, oo iyagu ganacsi furufuran ka bilaabay Wadanka K/Afrika.

Maalintii shalay ahayd ayaa Machadka Al-Cimra Branch-Labadhagax qaybihiisa Saxaafadda, Caafimaadka iyo Luuqadaha deeq baco ah gaarsiiyeen dadka soo barakacay ee ku jira xerada Qaxootiga ee Stadium Mogadishu. Machadka Al-Cimra ayaa deeqdaasi bacaha ah ugu talagalay in ay dadka soo barakacay ka dugaashadaan Qabowga iyo roobabaka maalmahan ka da’ayey Muqdisho, mana ahan markii ugu horeysay oo uu Machadku dadka soo barakacay gaarsiiyo deeq noocaan oo kale ah, Dhinaca kale maalintii shalay ahayd ayaa waxaa Machadkaasi ka dhacday xaflad qalinjabin ah oo arday dhameysatay saxaafadda loo sameeyay, waxaana shahaadooyinka ardaydaasi gudoonsiiyey madaxa Machadkaasi Max’ed Cusmaan Xuseen (New York).

Sida ay shaacisay wasaarada waxbarashada puntland dhawaan waxaa la dhaqan galindoonaa manhaj cusub oo loosamayanayo waxbarashada asaasiga ah ee deegaanada puntland.

wasiirka waxbarashada puntland oo habeenkii xalay ahaa ka hadlayay xaflada ka dhacaysay magaalada Bosaso ayaa soo bandhigay qorshaha manhajka cusub oo uu sheegay in sanadkan uu dhaqan galidoono .

Manhajkan ayaa la filayaa in uu wax wayn ka badalidoono waxbarashada kala manhajka ah ee ka jirta deegaanada puntlandkuwaasi oo haysta manhajyo kala duwan oo la mid ah wadamada dariska la ah somalia wadamada manhajkoodu sida wayn looga dhigto gudaha dalka somalia ayaa waxaa ka mid ah Yemen, sucuudiga, Kenya, iyo masar waxaana manhajkani uu wax wayn ka badalidoonaa dhamaan manhajyadaas kal duwan oo uu noqon doono in dhamaan dugsiyada puntland ay qaadaan hal manhaj oo isku mud ah kaasi oo ah somali dhawaana ay dhaqan galin doonto wasaarada waxbarashada puntland.

Manhajkan ayaa ku soo beegmaya xili uu dhamaaday fasixii sanad dugsiyeedka sanadkan oo maalinta bari ah ee sabtida si toos ah loo furi doono dugsiyo badan oo ka jira deegaanada puntland.

si kastaba waa markii ugu horaysay ee wasaarada waxbarashada puntland ay soo bandhigto manhaj u fududeeya dugsiyada sidii ay u socon lahayaeen.

Dad aad u badan oo ka tirsan dadkii ku guryo beelay dabkii qabsaday xero ku taala magaalada Boosaaso dhawaan ayaa
maanta loo qaybiyey deeq isugu jirta raashin, gogal, iyo macaaunta wax lagu karsado.

Deeqdan ayaa waxaa dadkaasi u qaybiayay hay’adda Islamic Relief oo ka hawl gasha gobollada Puntland, waxana deeqdan maanta loo qaybiyey dad gaaraya 1,100 oo qof oo ah dad Soomaaliyeed oo ka soo bara kacay gudaha dalka somalia markii ay dagaalo ka dhaceen deegaanadii ay markii hore kunoolaayeen, gabaadna ay ka dhigteen deegaanada puntland oo ay ka jirto nabad la isku halayn karo.

Qaybinta deeqdaan ayaa waxaa goob joog ka ahaa duqa degmada Boosaaso Khadar Cabdi Xaaji Mire iyo ku xigeenkiisa Maxmed Saciid Xiito iyo masuuliyiin ka socotay hayada ku hawlan bixinta deeqdaan ee Islamic relief oo uu ka mid yahay Mahdi Cali Cismaan oo ah xiriiriyaha mashruuca deeqaha somalia.

Dhamaan dadkii loo qeybiyey raashinkaan maanta ayaa waxaa ka muuqday farxad ku aadan raashinkaan ay helleen in kastoo loogu tala galay in dadkani ay raashinkaas isticmaalaan muddo hal bil ah balse dadkani ma aysan shaacin in raashinkani ku filan yahay mudada loo qabtay iyo inkale waxayna sheegeen in ay aad ugu faraxsan yihin helitaanka rashinkaan oo ay tahay markii ugu horaysay ee ay helaan deeq tan iyo markii ay aqaladoodii ka gubteen dhamaadii bishii aynu soo dhaafnay.

Dhamaan dadkaas ayaa wali yaala banaanka meelihii ay ka gubteen aqaladoodii mana jirto cid wax buuran u qabatay marka laga reebo maanta oo la gaarsiiyay deeq u badan raashin walina waxay wajira ama indha hoodu u jeedaan dhanka dawlada puntland oo ay ka sugayaan in ay wax buuran dawladu u qabato.

EYL: Xoghayaha guud ee dawladda hoose ee degmada Eyl ayaa JImacdii la magacaabay.

Waxaa dhowaan laga hir geliyey degmada Eyl, golaha deegaanka degmadaas oo ka kooban 21 xubnood isla markaasna ay si wada jir ah u doorteen duqa degmada.

Wariiska dawladaha hoose ayaa maanta u magacaabay xooghayaha degmada Eyl, Cabdiraxmaan Cali Axmed ayaa loo magacaabay xilka xogyaha dawladda hoose ee degmada Eyl, waxana magacaabistaas uu wasiirku u cuskaday sharciga golayaasha deegaanka degmooyinka Puntland, isla markaasna uu tix geliyey baahida loo qabo sarkaal fuliya xilka xoghayaha dawladda hoose ee degmada Eyl.

Wasiirka dawladaha hoose iyo horumarinta reer miyiga, Cali Cabdi Awaare waxaa kale oo uu xil magacaabistan uu wada tashi kala sameeyey wasiir kuxigeenka wasaaraddaas, iyo talo soo jeedinta agaasimayaasha iyo isuduwayaasha dawladaha hoose ee gobolka Nugaal, sida ku cad digreetada lagu magacaabay mas’uulkan cusub.

Sikastaba wali fari gama qodna xaalada degmada EYl waxaana magaaladaas wali ka jira dhibaatooyin aan xataa mararka qaarkood dawladu ka istaagto hawlihii ay ka wadi lahayd iyadoon sidoo kalena dawladu xoog wayn iska saarin sidii loo hormarin lahaa degmadaasi Eyl oo ah degmada ay inta badan ku jiraan maraakiibta jariifka lacag xooganina ka soo gasho dawlada puntland iyo tan somalia oo aysan dib ugu noqon wax dhaqaale ah degmadaasi eyl oo ah degmo qadiimi ah islamarkaana ka mid ah degmooyinka leh xeebaha ugu dhaadheer somalia.

Nourollah Rezai Niaraki,oo ah gudoomiyaha uru wadani ah oo ka jira dalkasi Iran ayaa sheegay mar uu waraysi siinayay tvga dalkaasi in ay diyaaradu isku dayday in ay kacdo deedna ay dhulka ku soo noqotay kadibna uu ka kacay dab xoogan oo sababay brburka diyaarada.

Waxa uu intaas ku daray in 29 qof ay markiiba dhintee sida uu sheegay isaga oo yiri walina lama xaqiijinkarao in ay dhimashadu intaas ku egtahay oo kaliya mana cada in ay jiraan dhimasho kale.

Wasiirka duulimaadka Mohammad Rahmati ayaa sheegay in ay jiraan dadaal loogu gargarayo iyo wixii sababayba shilkaan diyaaradeed kasi oo iminka soconaya mana cada wali wax war ahna kama soo bixin xukuumada tehran.

Xaflad balaaran oo lagu furayey saldhigcusub oo ka dhacday xaafada wardhiiglay deegaanka xamar jadiid

Xaflad ay ka qeyb galeen mas.uuliyiin ka kala socotey qeybaha kala duwan ee bulshada sida maxkamadaha islaamiga ah , mas.uuliyiinta shirkadaha qaarood, gaanacsatada ,culumaau.idiinka , iyo marti sharaf kale oo lagu casuumay ayaa lagu qabtey xarunta cusub ee xaafada jamar jadiid dagmada wardhiigley ee magalada muqdisho ,

Xafladaan oo lau maamusayey furitaanka saldhiga cusub ee ay yeelato xaafada xamar jadiid oo ah mid aad u baaxad weyn ayaa qaban qaabo socotey mudo 35 maalmood ah waxaa la isla gertey in lafuro saldhigaan cusub oo la mid ah saldhigyada kale ee dagmada wardhiigleey ,

Saldhigaan ayaa waxaa madax ka ah afar 4 xubnood oo loo bixiyey garsoorka iyo 8 xubnood oo ah mar jac loo noqdo kuwaas oo laga soo ururiyey qaar ka mid ah masaajidada iyo xaafada waxaana sidoo kale maxkamaduhu ay u soo magacaabeen taliye ciidan oo hoos tagaya taliyaha labada saldhig sh: yuusuf sh: ciise kabo ku dukade .

Sido kale xafladaan oo aheyd mid si weyn lo soo agaasimay ayaa waxaa la isla gartey in lagu wareejiyo ciidamadii madaniga ahaa ee horey uga dhisnaa xaafadaas xaafadaasi iyagii iyo qalabkoodii ciidanba maxaakiimta shareecada :

Sh: cabdulaahi maxamuud bacdow oo ku hadlayey magaca ganacsatada xaafada ayaa soo jeediyey dadka xaafadu in ay bishiiba bixiyan min hadoolar oo takuleyn ah waxaa kale oo uu shaca ka qaaday in ay mas.uuliyadoodu ay ku egtahay intii ay gaarsiisaneyd mas.uuliyadii saldhiga wardhiigleey ,

Sh: cabdulaahi cibaar afrax ayaa ka war bixiyey sida loo soo celin lahaa amniga faraha ka baxay bulshadu marka ay isu timaado ayna go.aan gaarto waxwalbo waa suurta galayaan halaan waxaa laga sameeyey xarun loogu shaqeeyo dadka islaamka ah isaga oo ka codsaday dadkii halkaa isugu yimid in ay la shaqeeyaan ,

“mahad waxaa iska leh ilaheygii jabiyey sagalkii murdadid ninbaa lahaa ahada anigu waa islaam dhihi ma karo laakiin aniga ayaa dhahaaya waa gaalo waa la didirnay waa baneysanay dhiigooda iyo maalkooda ilaaheyna uga raadsaneynay in uu jano nagu siiyo marka taa anaga ayaa leh waa murtadiin gaalo ayeyna ahaayeen ayuu yiri kabo ku dukade oo dhinaca kalana ilaahay uga mahadcelineyey huwantii uu jabiyey anagana kuwii isu bahaystey gaanimada ee ameericaanku soo dirsaday ilahaas guusha naga siiyey ee manta meeshii ay joogi jireen sida guryahoodii mudo ayaan seexanay waxaan seexanay guriga cabdiqeybdiid ,waxaan seexanay guriga muuse suudi yalaxow ,waxaan seexanay guriga maxamed dheere ,waxaan seexnay guriga sheydamankii oo dhan cawoba mid ayaan gurigiisa qabsanay oo aan seexanay fa lilaahi xamdu ,

guntii iyo gabagabdii shirka ayaa waxaa ka war bixiyey sababta shirka loo qabtey iyo wixii ka soo baxay gudoomyahay gudiga abaabulka saldhiga ciidanka amaanka ee wardhiigley cali cismaan jimcaale ( cali nootaayo ) wuxuuna ka warbixiyey

abaabulkii loo galay furitaanka saldhigaan iyo dhibaatada baaxada leh ee keentay in ay ka dhiidhiyeen waxgardka xaafada oo isku afgartey dadaaldheer ka dib in galabta daaha laga rogo xaruntaan cusub oo wax ka qaban doonta dhibaatada baaxada leh ee jirta dadweynuhuna ay kaga faaiidaysan doonan dhinac nabada waxuuna ka codsaday mas.uuliyiinta goloha maxaakiimta in ay gacan ka gaystaan waxgaradka iyo dadweynahane ay iska kaashadan .

ugu danbeytii saldhigaan cusub ee laga furay xaafada xamar jadiid ee magaalada muqdisha ayaa u muuqda mid bedelay maxkamadihii faraha badnaa ee saacadba saacada ka danbeysa loga dhawaaqi jiray magaalada muqdisho waxaana suurta gal ah in saldhigaani uu bilow u noqdo saldhigyo kale oo ku baaha dhaamnba daafaha magaalada

Muse Maxamud Jiisow
Somali39@hotmail.com
Muqdisho somaliya
002521576666/002521653623

Boosaaso: Haweeney 4 caruur ah oo mataano ah Agoosto 31 ku dhashay ispitalka guud ee bosaso.

Fardowso shiikh siciid oo ah hooyada dhashay 4caruurah kuna dhashay ispitaalka guud ee magaalda bosaso ayaa la sheegay in caafimaadkeedu uu aad u sareeyo kadib markii ay soo martay marxalad khadar galisay nafteed.

4 caruurta ah ee mataanaha ah ayay fardowso 2 kamid ah ku dhashay magaalada qardho ee xarunta gobalka karkaar 2 kalena ay fardawso ku dhashay isbitaalka guud ee magaalada bosaso.

Dr: ciise cade oo ah agaasime ku xigeenka isbitaalka guud ee magaalada bosaso ayaa xaqiijiyay in dhamaan caruurta mataanaah iyo hooyadoodba ay aad u caafimaad qabaan dakhtarku waxa uu sheegay in miisaanka caruurtaasi 2 kamid ah ay aad u miisaan fiican yihiin halka 2 kalena uu miisaankoodu hooseeyo.

2 miisaankoodu hooseeyo ayuu ku sheegay in ay yihiin 2dii ku dhashay isbitaalka magaalada bosaso waxana uu yiri midi waa halkiilo iyo bar kan kalena waa laba kiilo oo buuxa.

Carruurtaas oo uu dhammaantood caafimaadkoodu wanaagsan yahay ayaa saddex kamid ah ay yihiin wiilal, waxana wehelisa hal gabar.

Sikastaba ma ahana markii ugu horaysey ee haweenka somaliyeed ay sidan oo kale afar caruur ah mar qura wada dhalaan in kasta oo hoada dhashay afartan caruura ay ka martay dhib badan oo ay kukala dhashay caruurtan magaalooyinka bosaso iyo qardho hadan caafimaadkeeda ayaa ah mid sare.

Boosaaso: Tababar August 31 u soo xirmay barayaasha dugsiyada hoose, dhexe ee deegaanada puntland.

Xaflad si wayn loo soo agaasimay ayaa maanta lagu soo afjaray tababar mudo 2 bilood ah uga soconayay macalimiinta puntland jaamacada bariga afrika ee magaalada Bosaso ee xarunta gobalka bari.

Gabagabadii tababarkaan oo ay ka soo qayb galeen mas'uuliyiin sar sar oo ka tirsan xukuumada puntland iyo marti sharaf kaleba ayaa la sheegay in ay ku dhamaatay si dii loogu tala galay.

400 oo ka mid ah macalimiinta dugsiyada hoose dhexe deegaanada puntland oo mudadaas 2bilod ah tabarku uga socday magaalada bosaso ayaa xafladii lagu soo xiraya waxaa hadalo ka jeediyay wasiirka waxbarashada puntland axmed siciid awnuur kaasi oo sheegay in tabararad caynkaan oo kale ah ay ahmiyad u leeyihiin maclimiinta kaasi oo sare loogu qaadayo tayada waxbarasho ee macalinku uu u leeyahay in uu sii wato hawlihiisa shaqo ee xaga barista ardayda.

wasiirka waxbarashada puntland ayaa intaas ku daray in ay tababaro kale islmaanta u xirmayaan macalimin kale oo iyan la donayo in sare loogu qaado hawlahooda waxbarasho kuwaasi oo gaaraya ku dhawaad 350 maclin oo uu tababar uga socday magaalada garowe.

hawlaha tababarada maclimiinta ayaa waxay ay qayb ka yihiin barnaamij ay wadato wasaarada waxbarashada puntland kaasi oo la doonayo in macalimiinta ka soo baxday tababarka isla markaana ka gudubta imtixaan laga qaado ay ka helidoonaan wasaarada waxbarashada puntland mushahaar kaasi oo uu wasirku shaaciyaya furitaankii tababarka macalimiinta maanta u soo xirmay.

guud ahaan maclimiinta wax ka bara deeganada puntland ayaan lahayn tirada dhabta ah balse lagu qiyaasaa in ka badan 5000 oo macalin in ay wax kabaraan guud ahaan puntland min tuulo ilaa degmo.

Dhamaan maclimintan intooda badan ayaa ah kuwo iyagu abaabushay in ay waxbaraan ardayda aan fursada u helin waxbarashada kuwaasi oo hadii aysan helin macliminta ay ahaan lahaayeen kuwo aan waxna qorin waxna akhri.

Sikastaba waxaa looga fadhiyaa hawlaha waxbarasho ee ardayda puntland in ay sare u qaado wasaarada hada shaqada ku leh.

A/rizak koronto
Garowe puntland

Barnaamijkii Radio Xoriyo

01 September 2006

Ciidammada gumaysiga ee Ogaadeenya jooga shan arrimood xoogga saaraya.
Dagaallo badan oo cadowga lagu naafeeyay oo melo kala duwan ka dhacay.
Dhibaatooyin kala duwan oo gumaysigu u gaystay dadwaynaha.
Ciidammo ka soo goostay Itoobiya oo JWXO isu soo dhiibay.
Waraysi meelo badan taabanaya oo aan la yeelanay Siyaasiga Faarax Daahir Afeey(Maqal).

======================

Ciidammada gumaysatada Itoobiya ee dulmiga u jooga dalka Ogaadeenya ayaa xilligan la jooga shan arrimood xoogga saaraya, kuwaasoo ay u adeegsanayaan cadadaaiska iyo cabudhinta ay ku hayaan dadwaynaha Ogaadeenya. Shantan arrimood waxay kala yihiin;

1- Waxay isku dayayaan inay abaabulaan ardayda iyo macalimiinta, iyagoo doonaya inay ka dhex samaystaan kooxo la shaqeeya oo si qarsoodi ah iyo cadba ula hawlgala. Arrintan ayaa la aaminsan yahay inay ciidammada gumaysatada ku qasabtay cabsida ay ka qabaan inuu kacdoon dadwayn oo xooggan ka billowdo gobollada dalka Ogaadeenya, isla markaasna ay ardayda iyo macalimiintu hormuud ka noqdaan, sida ka dhacday gobollada Oromada.

2- Waxay ciidammada gumaysatada Itoobiya xoojiyaan oo si nidaamsan ugu kacaan kufsiga ay u gaystaan dumarka, ragga iyo wiilasha da’yarta ah, arrintaasoo aad ugu oo badatay dalka Ogaadeenya, isla markaana ay muuqato inay qayb ka tahay qorshayaasha ay ciidammada gumaysatada Itoobiya ku cadadaadinayaan dadwaynaha rayadka ah. Waxay kaloo ciidammada gumaysatada Itoobiya billaabeen inay xoolaha u tagaan, iyadoo ilaa iyo hadda ay jiraan xoolo badan oo la gawracay, ka dibna haadda loo wadhay markii ay ciidammada gumaysigu falalkaas u gaysteen. Arrintaasi waxay dadwaynaha ku keentay argagax iyo cabsi intii hore ka badan.

3- Arrimaha kale ciidammada gumaysatadu xoogga saarayaan waxaa ka mid ah dilka mirrijinta ah, iyagoo mirrijin ku dila dadka ay kufsadaan iyo dadka socotada ah ee ay cidlada ka helaan.

4- Waxay kaloo xoogga saarayaan inay raashiinka deeqda ah ee meelaha qaarkood la keeno dadka ku dullaystaan, iyagoo wax yaroo raashiin ah siiya qofka ama qoyska ballanqaada inuu hubka u qaadayo ama kuwa Dabaqoodhiga noqda ee horay hubka ugu qaaday.

5- Waxay kaloo ku dadaalayaan inay dadwaynaha iska horkeenaan, si ay dadku isugu mashquulaan, isla markaana nacayb iyo colaado uga dhex abuurmaan. Arrimaha ay qorshahan u adeegsadaan waxaa ka mid ah iyagoo magic-dhaba qofka u soo sheegay cidday dilaan ama xidhaan.

Dagaallo badan oo cadowga lagu naafeeyay oo melo kala duwan ka dhacay.

Wariyaha RX uga soo warrama dalka Ogadeenay ayaa noo soo sheegay dagaallo badan oo ciidammada cadowga si wayn loogu naafeyay, kuwaasoo muddooyinkii denbe ka dhacay meelo kala duwan oo gobollada Ogaadeenya ka mid ah. Dagaalladaasi waxay u dhaceen sidatan;

27/08/06 ciidammada xoreynta Ogaadeenya ayaa waddada u galay ciidammo gumaysigu leeyahay oo marayay Dharkanley, oo Dhagaxbuur ka tirsan, waxayna halwgalkaas ciidammada cadowga kaga dileen 6 askari, 9 kalana way kaga dhaawacen.

26/08/06 dagaal ka dhacay Sangaal, oo ka tirsan degmada Sagag, waxaa ciidammada cadowga lagaga dilay 9 askari, 11 kalana waa lagaga dhaawacay.

25/08/06 kolonyo ciidammada cadowga ah oo marayay Laas-dhankayre ayay ciidammada xoreynta Ogaadeenya waddada u galeen, waxayna halkaas kaga dileen 17 askari, 21 kalana way kaga dhaawaceen.

25/08/06 dagaal wayn oo ka dhacay Dalaad, oo Qorraxey ka tirsan, waxaa ciidammada cadowga loogu gaystay khasaare ba’an oon faahfaahintiisa la haynin.

24/08/06 dagaal mir ah oo ciidammada dagaalyahamiinta ah ee xoreynta Ogadeenya ku qaaden ciidammada gumaysiga ee fadhiya tuulada Dig waxay ugu gaysteen khasaare ballaadhan.

20/08/06 dagaal ciidamada xoreynta Ogadeenya iyo kuwa maxaysatada Itoobiya ku dhex maray La-helow, oo ka tirsan gobolka Nogob, waxaa maxaysatada Itoobiya lagaga dilay 3 askari, 5 kalana waa lagaga dhaawacay.

20/08/06 dagaal ka dhacay Laanta-dheer, oo degmada Garbo ka tirsan, waxaa ciidammada cadowga lagaga dilay 2 askari, 3 kalana waa lagaga dhaawacay.

Waxaan hadda ka hor idin soo gudbinay dagaal ka dhacay tuulada Caado, oo ka tirsan gobolka Doollo markii ay taariikhdu ahayd 18/08/06. Dagaalkaas, oo ahaa mid aad u adag, waxaa ciidammada gumaystada Itoobiya lagaga dilay 68 askari, waxaa sidoo kale lagaga dhaawacay 120 askari. Ciidammada gumaysatadu waxay dagaalkaas ku dileen 3 qof oo shacab ah.

15/08/06 dagaal ka dhacay Gumarrey, oo u dhaxaysa Qabridaharre iyo Gabagabo, waxaa cidammada cadowga lagaga dilay 10 askari, 15 kalana waa lagaga dhaawacay.

14/08/06 dagaal sidoo kale ka dhacay Xero-uus, oo degmada Fiiq ka tirsan, waxaa ciidammada cadowga lagaga dilay 4 askari, 5 kalana waa lagaga dhaawacay.

13/08/06 dagaal ka dhacay meesha lagu magacaabo Cadaadley, oo degmada Dhagaxbuur ka tirsana, waxaa ciidammada cadowga lagaga dilay 2 askari, 2 kalana waa lagaga dhaawacay.

12/08/06 waxay ciidammada xoreynta Ogadeenya waddada u galeen ciidammo kolonyo ah oo gumaysiga ka mid ah oo marayay Maygaaga, oo Dhagaxabuur ka tirsan, waxayna halkaas kaga dileen 2 askari, 2 kalana way kaga dhaawacen.

10/08/06 waxay sidoo kale ciidammada xoreynta Ogaadeenya jidka u galeen kolonyo baabuur ah oo ciidammada gumaysiga ka mid ah, kuwaasoo marayay Laas-galool, waxay halkaas kaga dileen 1 askari, 2 kalana way kaga dhaawaceen.

09/08/06 dagaal ka dhacay Baarta, oo ka tirsan degmada Dhagaxbuur, waxaa ciidammada cadowga lagaga dilay 1 askari, waxaa sidoo kale lagaga dhaawacay 1 askari.

06/08/06 kolonyo baabuur ah oo ciidammada gumaysigu lahaayeen oo marayay Fooljeex ayay ciidammada xoreynta Ogaadeenya jidka u galeen, waxayna halkaas kaga dileen 5 askari, 6 kalana way kaga dhaawaceen.

06/08/06 ciidammada xoreynta Ogaadeenya ayaa sidoo kale waddada ku galay kolonyo babuur ah oo ay wateen ciidammada gumaysatada Itoobiya, kuwaasoo marayay Tayin, oo ka tirsan gobolka Qorraxey, waxayna halkaas kaga dileen 22 askari, waxay sidoo kale kaga dhaawaceen 28 askari.

01/08/06 dagaal mir ah oo ciidammada xoreynta Ogaadeenya ku qaadeen ciidammada gumaysiga ee fadhigoodu yahay magaalada Awaare, waxay ugu gaysteen khasaare ba’an oon faahfaahintiisa la helin.

Dhibaatooyin kala duwan oo gumaysigu u gaystay dadwaynaha.

Ciidammada gumaysiga Itoobiya waxay markii taariikhdu ahayd 19/08/06 tuulada Heela-dheere, oo Garbo ka tirsan ku dileen Sh Dayib Sh Axmed. Waxay isagana la tageen oon ilaa iyo hadda war laga haynin Axmed Baddal Sheekh.

13/08/06 waxay ciidammada gumaysigu Madax-maroodi, oo Qabridaharre ka tirsan, ku kufsadeen gabadh da'yar oo lagu magacaabo Fatxi Xuseen Magan.

Tuulada Garawo, oo Dhagaxbuur ka tirsan, waxay ciidammada gumaysiuga Itoobiy ku xidhxidheen dadka kala ah;

1- C/wahaab Aw Aaden

2- Cali-cadde Aw Mahdi iyo

3- C/llaahi Aw Aaden.

13/08/06 waxay ciidammada gumaysigu tuulada Baarta ku dhaawaceen nin lagu magacaabo Jaamac Adhiile, kaasoo ay gacmaha ka jajabiyeen.

Jidka u dhexeeya magaalooyinka Godey iyo Qabridaharre waxay ciidammada badhtamihii toddobaadkan ka qaqabteen dadwayne rayad ah oo aanaan tiradooda haynin, ilaa iyo haddana lama garanayo meelaha ay dadkaasi ku denbeeyeen.

Ciidammo ka soo goostay Itoobiya oo JWXO isu soo dhiibay

Markii ay taariikhdu ahayd 28/08/06 waxaa ciidammada gumaysiga Itoobiya ee fadhigoodu yahay degmada Fiiq ka soo goostay labo askari oo ka tirsanaa ciidammada Wayaanaha ee halkaas ku sugan.

Labadan askari oo u dhashay qowmiyada Oromada, midkood waxay darajadiisu ahayd Alifle, midka kalana wuxuu ahaa Dable.

Labadan askari ayaa ka warramay sida ay ciidammada gumaysiga Itoobiya ula dhaqmaan dadwaynaha Ogaadeenya, iyagoo sheegay in ciidammadaasi ay dadwaynaha sabab la'aan iska laayaan, isla markaana u gaystaan xadgudubyo kale oo fara badan oo ay ka mid yihiin kufsiga, jidhdilka iyo dhaca hantida.

Waxayna sheegeen inay raalli ka noqon waayeen cadaadisyada kala duwan ee loo gaysanayo dadwaynaha Ogaadeenya, oo ay ky tilmaameen inay yihiin dad ay walaalo yihiin.

Labadan nin ayaa saaxiibadoodii kale ee wali ku sii jira ciidammada Itoobiya ugu baaqay inay iskaga soo baxaan xeryaha cadowga oo ay isu soo dhiibaan ciidammada xoreynta Ogaadeenya.

Labadan askari ayaa loo ballanqaaday in nabadgelyadooda la sugi doono, isla markaana loo gudbin doono meelaha ay codsadaan. Labadan askari ee hadda isa soo dhiibay waxaa ka sii horreeyay askari kale oo u dhashay qowmiyada Gambella, kaasoo isu soo dhiibay ciidammada xoreynta Ogaadeenya.

01 September 2006.

Axmed Gaal-Eri

Info@radioxoriyo.com
raadioxoriyo@yahoo.com

Radio Xoriyo waxaad ka dhegaysan kartaa Mawjadda 25 MB ee dhererkeedu yahay 11865 KHZ,iyo internetka Radioxoriyo.com,Ogaden.com Maalmaha Talaadada iyo Jimcaha 7: 30PM waqtiga Afrikada Bari